Bigg Boss: ಆಗಸ್ಟ್​ನಲ್ಲಿ ಸ್ಟಾರ್ಟ್​ ಆಗುತ್ತಂತೆ ಬಿಗ್​ಬಾಸ್​ ಓಟಿಟಿ, ಈ ಬಗ್ಗೆ ಕಿಚ್ಚ ಹೇಳಿದ್ದೇನು?

ಕಲರ್ಸ್ ಕನ್ನಡ (colors Kannada) ವಾಹಿನಿ ವಿಭಿನ್ನ ಧಾರಾವಾಹಿಗಳ (serial) ಮೂಲಕ ಜನರ ಮನಗೆದ್ದಿದೆ. ಕೇವಲ ಧಾರಾವಾಹಿ ಮಾತ್ರವಲ್ಲದೆ, ರಿಯಾಲಿಟಿ ಶೋಗಳು ಸಹ ಜನರಿಗೆ ಬಹಳ ಇಷ್ಟವಾಗಿದೆ. ರಾಜ – ರಾಣಿ, ಗಿಚ್ಚ ಗಿಲಿಗಿಲಿ, ನಮ್ಮಮ್ಮ ಸೂಪರ್ ಸ್ಟಾರ್ ಹೀಗೆ ವಿಭಿನ್ನ ಕಾರ್ಯಕ್ರಮಗಳನ್ನು ಜನರಿಗೆ ನೀಡಿದೆ. ಆದರೆ ಮತ್ತೊಂದು ವಿಶೇಷ ಕಾರ್ಯಕ್ರಮ ಬಿಗ್​ಬಾಸ್, ಈ ಬಾರಿ ಎರಡೆರಡು ಬಿಗ್​ಬಾಸ್ ಇರುತ್ತದೆ ಎನ್ನುವ ವಿಚಾರ ಈಗ ಎಲ್ಲರಿಗೂ ತಿಳಿಸಿದೆ. ಆದರೆ ಯಾವಾಗ ಈ ಸೀಸನ್​ ಆರಂಭವಾಗುತ್ತದೆ ಎಂದು ಅಭಿಮಾನಿಗಳು ಕೇಳುತ್ತಿದ್ದು, ಈ ಬಗ್ಗೆ ಹೊಸ ಅಪ್​ಡೇಟ್​ ಬಂದಿದೆ.  

ಆಗಸ್ಟ್​ನಲ್ಲಿ ಓಟಿಟಿ ಬಿಗ್​ಬಾಸ್​ 

ಮೂಲಗಳ ಪ್ರಕಾರ ಬಿಗ್​ಬಾಸ್​ ಓಟಿಟಿ ಇದೇ ಆಗಸ್ಟ್​ನಲ್ಲಿ ಆರಂಭವಾಗಲಿದೆ. ಈ ಬಾರಿ ಇದು ಬಹಳ ವಿಶೇಷವಾಗಿರುವುದರಿಂದ ಅಭಿಮಾನಿಗಳು ಬಹಳ ಕಾತುರದಿಂದ ಕಾಯುತ್ತಿದ್ದಾರೆ. ಈ ಬಗ್ಗೆ ಮಾಹಿತಿ ಹಂಚಿಕೊಂಡಿರುವ ಕಿಚ್ಚ ಸುದೀಪ್​, 8 ಅದ್ಭುತ ಸೀಸನ್​ಗಳ ನಂತರ ಬಿಗ್​ಬಾಸ್​ 9 ನೇ ಸೀಸನ್​ ಮತ್ತೆ ಆರಂಭವಾಗುತ್ತಿದೆ. ಈ ಶೋ ನನ್ನ ಮನಸ್ಸಿನಲ್ಲಿ ವಿಶೇಷ ಸ್ಥಾನವನ್ನು ಹೊಂದಿದೆ. ಈ ಬಾರಿ ಮೊದಲ ಓಟಿಟಿ ಸೀಸನ್​ ಆರಂಭವಾಗುತ್ತಿದೆ. ಈ ಮೂಲಕ ಜನರಿಗೆ ಮನರಂಜನೆ ನೀಡಲು ಸಜ್ಜಾಗಿದ್ದೇವೆ. ವೂಟ್‍ನಲ್ಲಿ ಈ ಶೋ ಆರಂಭಿಸಲು ಎಲ್ಲಾ ತಯಾರಿಯಾಗಿದ್ದು, ನಾನು ವೀಕ್ಷಕರಿಗೆ 24/7 ಲೈವ್ , ಕುತೂಹಲಕಾರಿ ವಿಚಾರಗಳನ್ನು ತೋರಿಸಲು ಸಂತೋಷವಾಗುತ್ತದೆ. ಇದು ವೀಕ್ಷಕರಿಗೆ ಬಹಳ ಇಷ್ಟವಾಗುತ್ತದೆ ಎಂಬ ಭರವಸೆ ಇದೆ ಎಂದಿದ್ದಾರೆ.

ಅಲ್ಲದೇ ಈ ಮೊದಲು ಕಲರ್ಸ್ ಕನ್ನಡ ಬ್ಯುಸಿನೆಸ್ ಹೆಡ್ ಪರಮೇಶ್ವರ್ ಗುಂಡ್ಕಲ್ ಕೆಲ ದಿನಗಳ ಹಿಂದೆ ಕನ್ನಡ ಬಿಗ್ ಬಾಸ್ 9ನೇ ಸೀಸನ್​ ನ ಬಿಗ್​ ಬಾಸ್​ ಮನೆಯ ಸಿದ್ಧತೆಗಳು ನಡೆಯುತ್ತಿದೆ ಎಂದು ತಿಳಿಸಿದ್ದರು. ಪ್ರತಿ ವರ್ಷದಂತೆ ಈ ಬಾರಿಯೂ ಬಾರಿ ನಿರೀಕ್ಷೆಯನ್ನು ಮೂಡಿಸಿದೆ. ವೀಕ್ಷಕರಲ್ಲಂತೂ ಬಿಗ್​ಬಾಸ್​ ಸೀಸನ್​ 9 ಬಗ್ಗೆ ಕುತೂಹಲ ಮನೆಮಾಡಿದ್ದು, ಯಾರೆಲ್ಲಾ ಮನೆಯೊಳಕ್ಕೆ ಕಾಲಿಡಲಿದ್ದಾರೆ ಎಂಬ ಪ್ರಶ್ನೆ ಕಾಡತೊಡಗಿದೆ. ಮಾತ್ರವಲ್ಲದೆ, ಈ ಬಾರಿಯ ಬಿಗ್​ಬಾಸ್​ ಹೇಗಿರಲಿದೆ? ಸ್ಪರ್ಧಿಗಳೆಷ್ಟು? ಮುಂತಾದ ಪ್ರಶ್ನೆಗಳಿಗೆ ಉತ್ತರ ಕಂಡುಕೊಳ್ಳಲು ಕಾಯುತ್ತಿದ್ದಾರೆ.

Exciting promo shoot for the new #BigBossKannada.
Thanks to the entire team for all ua efforts,, and also to all those lovely people who participated in the shoot.
You all,,look forward to the promo soon ,,, its a supaa announcement .
🥂🤜🏽🤜🏽@ColorsKannada

— Kichcha Sudeepa (@KicchaSudeep) July 13, 2022

ಮೊದಲ ಬಾರಿಗೆ ಬಿಗ್​ಬಾಸ್​ ಓಟಿಟಿ

ಕನ್ನಡದಲ್ಲಿ ಮೊದಲ ಬಾರಿ ಓಟಿಟಿ ಬಿಗ್​ಬಾಸ್​ ಸೀಸನ್​ ಆರಂಭವಾಗುತ್ತಿದೆ. ಈಗಾಗಲೇ ಹಿಂದಿಯಲ್ಲಿ ಬಿಗ್​ಬಾಸ್​ ಓಟಿಟಿ ಸೀಸನ್ 1 ಬಹಳ ಪ್ರಸಿದ್ದಿ ಪಡೆದಿದೆ. ಬಾಲಿವುಡ್​ ನಿರ್ದೇಶಕ ಹಾಗೂ ನಿರ್ಮಾಪಕ ಕರಣ್ ಜೋಹರ್ ನಡೆಸಿಕೊಟ್ಟಿದ್ದ ಈ ಶೋ ಜನರಿಗೆ ಇಷ್ಟವಾಗಿತ್ತು. ಅದೇ ರೀತಿ ಈ ಬಾರಿ ಕನ್ನಡದಲ್ಲಿ ಸಹ ಮಾಡುವ ಆಲೋಚನೆಯಲ್ಲಿ ವಾಹಿನಿ ಇದೆ. ಇನ್ನು ಹಿಂದಿ ಬಿಗ್​ಬಾಸ್​ನಲ್ಲಿ ಓಟಿಟಿಯಲ್ಲಿ ಭಾಗವಹಿಸಿದ್ದ ಸಲ್ಮಾನ್​ ಖಾನ್​ ನಡೆಸಿಕೊಡುವ ಬಿಗ್​ಬಾಸ್​ ಶೋಗೆ ಹೋಗಲು ಅವಕಾಶ ನೀಡಲಾಗಿತ್ತು. ಹಾಗೆಯೇ ಇಲ್ಲಿ ಸಹ ಇಬ್ಬರಿಗೆ ರೆಗ್ಯುಲರ್ ಬಿಗ್​​ಬಾಸ್​ಗೆ ಹೋಗಲು ಅವಕಾಶ ನೀಡಲಾಗುತ್ತದೆ.

ಇದನ್ನೂ ಓದಿ:ನಾನು ಬೆಂಗಳೂರಲ್ಲೇ ಸೆಟಲ್ ಆಗ್ಬೇಕಿತ್ತು, ಆದ್ರೆ ಬೇರೆ ಏನೋ ಆಗಿ ಎಲ್ಲಾ ಬದಲಾಯ್ತು- ಹೇಮಮಾಲಿನಿ ಲೈಫ್ ಪ್ಲಾನ್

ಕಿಚ್ಚ ಸುದೀಪ್ ಈ ಎರಡು ಬಿಗ್​ಬಾಸ್​ ಕಾರ್ಯಕ್ರಮದ ನಿರೂಪಣೆ ಮಾಡಲಿದ್ದಾರೆ.  ಈಗಾಗಲೇ ಬಿಗ್​ಬಾಸ್​ಗೆ ಸ್ಪರ್ಧಿಗಳ ಹುಡುಕಾಟ ಆರಂಭವಾಗಿದ್ದು, ಮಿನಿ ಬಿಗ್​ಬಾಸ್​ಗೆ ಬಹಳ ವಿಶೇಷ ಅತಿಥಿಗಳು ಇರುತ್ತಾರೆ ಎನ್ನಲಾಗುತ್ತಿದೆ. ಆದರೆ ಈ ಬಗ್ಗೆ ವಾಹಿನಿ ಇನ್ನೂ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲ. ಕಳೆದ ಬಾರಿ ಬಿಗ್​ಬಾಸ್ 8 ಕೊರೊನಾ ಕಾರಣದಿಂದ ಅರ್ಧಕ್ಕೆ ನಿಂತು ಮತ್ತೆ ಆರಂಭವಾಗಿತ್ತು.