​Bigg Boss Kannada: ಬಿಗ್​ಬಾಸ್ ಕನ್ನಡ ಸದ್ಯದಲ್ಲೇ ಪ್ರಾರಂಭ;​ ಯಾವಾಗ? ಯಾರೆಲ್ಲಾ ಸ್ಪರ್ಧಿಗಳು? ಇಲ್ಲಿದೆ ಮಾಹಿತಿ.

ಕನ್ನಡದ ಬಿಗ್ ರಿಯಾಲಿಟಿ ಶೋ ಬಿಗ್ ​ಬಾಸ್​ ಈ ಬಾರಿ ನಡೆಯುತ್ತೋ ಇಲ್ಲವೋ ಎಂಬ ಗೊಂದಲದಲ್ಲಿತ್ತು. ಮಹಾಮಾರಿ ಕೊರೋನಾ ಆ ರೀತಿ ಸ್ಥಿತಿಯನ್ನು ನಿರ್ಮಾಣ ಮಾಡಿತ್ತು. ಪ್ರೇಕ್ಷರಲ್ಲೂ ಇಂತಹ ಪ್ರಶ್ನೆ ಮನೆ ಮಾಡಿತ್ತು. ಆದರೀಗ ಅವರೆಲ್ಲರ ಪ್ರಶ್ನೆಗೆ ಉತ್ತರ ಸಿಕ್ಕಿದೆ. ಬಿಗ್ ​ಬಾಸ್ ಸೀಸನ್​ 8​ ತಯಾರಿ ಪ್ರಗತಿಯಲ್ಲಿದೆ. ಹೌದು. ಕಲರ್ಸ್​ ಕನ್ನಡದ ಬಿಸಿನೆಸ್​ ಹೆಡ್​​ ಪರಮೇಶ್ವರ್​ ಗುಂಡ್ಕಲ್​ ತಮ್ಮ ಫೇಸ್​ಬುಕ್​ ಖಾತೆಯಲ್ಲಿ ಕಿಚ್ಚ ಸುದೀಪ್​ ಜೊತೆಗೆ ಮಾತನಾಡುತ್ತಿರುವ ಫೋಟೋವನ್ನು ಹಂಚಿಕೊಂಡಿದ್ದು, ಬಿಗ್ ​ಬಾಸ್​ ಹೊಸ ಸೀಸನ್​ ಪ್ರಾರಂಭ ಹಂತದಲ್ಲಿದೆ ಎಂದು ಬರೆದುಕೊಂಡಿದ್ದಾರೆ. ಆ ಮೂಲಕ ಪ್ರೇಕ್ಷಕರಿಗೆ ಕಿಚ್ಚ ನಿರೂಪಣೆಯ ಬಿಗ್​ಬಾಸ್​ ಸೀಸನ್​ 8 ನಡೆಯಲಿದೆ ಎಂಬುದನ್ನು ಮನದಟ್ಟು ಮಾಡಿದ್ದಾರೆ.

ತೆಲುಗು, ತಮಿಳು, ಹಿಂದಿ ಬಿಗ್​ಬಾಸ್​​ ಶೋಗಳು ಆರಂಭಗೊಂಡಿದ್ದು, ಪ್ರೇಕ್ಷಕರನ್ನು ಮನರಂಜಿಸುತ್ತಿದೆ. ಕೊರೋನಾ ಮಧ್ಯೆ ಸರಿಯಾದ ಕ್ರಮಗಳನ್ನು ಕೈಗೊಂಡು ಮತ್ತು ಸುರಕ್ಷಿತವಾಗಿ ಕಾರ್ಯಕ್ರಮಗಳನ್ನು ನಡೆಸುತ್ತಿದ್ದಾರೆ. ಸದ್ಯದಲ್ಲಿ ಕನ್ನಡದಲ್ಲೂ ಬಿಗ್​ಬಾಸ್​ ಶೋ ಆರಂಭವಾಗಲಿದೆ. ಆದರೆ ಯಾವಾಗ ಎಂಬುದರ ಬಗ್ಗೆ ತಿಳಿದುಬರಬೇಕಷ್ಟೆ.

ಕಳೆದ ಬಿಗ್​ ಬಾಸ್​ ಸೀಸನ್​- 7ನಲ್ಲಿ ಶೈನ್​ ಶೆಟ್ಟಿ, ಪತ್ರಕರ್ತ ರವಿ ಬೆಳಗೆರೆ, ಭೂಮಿ ಶೆಟ್ಟಿ, ದೀಪಿಕಾ ದಾಸ್​, ಕಿಶನ್​, ಕುರಿ ಪ್ರತಾಪ್​, ವಾಸುಕಿ ವೈಭವ್​, ಹರೀಶ್​ ರಾಜ್​, ಪ್ರಿಯಾಂಕ ಚಂದ್ರಿಕಾ, ಚಂದನ್​ ಆಚಾರ್​, ಚಂದನಾ ಅನಂತಕೃಷ್ಣ, ಚೈತ್ರಾ ಕೊಟ್ಟೂರು, ರಾಜು ತಾಳಿಕೋಟೆ,ರಕ್ಷಾ ಸೋಮಶೇಖರ್​, ರಾಜು ತಾಳಿಕೋಟೆ, ಪೃಥ್ವಿ, ಜೈ ಜಗದೀಶ್​, ದುನಿಯಾ ರಶ್ಮಿ, ಚೈತ್ರಾ ವಾಸುದೇವ್​, ಗುರುಲಿಂಗ ಸ್ವಾಮಿ ಮನೆಯೋಕ್ಕೆ ಹೋಗಿದ್ದರು.
ಅದರಲ್ಲಿ ಶೈನ್​ ಶೆಟ್ಟಿ ವಿಜೇತರಾಗಿ ಹೊರಹೊಮ್ಮಿದರೆ, ಕುರಿ ಪ್ರತಾಪ್​ ರನ್ನಪ್​ ಅಪ್​ ಆದರು. ಆದರೆ ಈ ಮುಂಬರುವ ಸೀಸನ್​ 8ರಲ್ಲಿ ಯಾರು ಮನೆಯೊಳಕ್ಕೆ ಹೋಗಲಿದ್ದಾರೆ ಎಂದು ಕಾದುನೋಡಬೇಕಿದೆ.