Sanya Iyer: ಪುತ್ತೂರಿನ ಸ್ಪೆಷಲ್ ವಿಡಿಯೋ ಶೇರ್ ಮಾಡಿದ ಸಾನ್ಯಾ ಐಯ್ಯರ್! ಕಂಬಳದ ಬಗ್ಗೆ ಏನಂದ್ರು?

ಕನ್ನಡ ಕಿರುತೆರೆ ನಟಿ (Actress) ಸಾನ್ಯಾ ಐಯ್ಯರ್ (Sanya Iyer) ಅವರು ಬಿಗ್​ಬಾಸ್ (Bigg Boss) ಕನ್ನಡ ಸೀಸನ್ 9ಕ್ಕೆ ಬಂದು ಫೇಮಸ್ ಆಗಿದ್ದಾರೆ. ಕನ್ನಡ ಬಿಗ್​ಬಾಸ್ ಒಟಿಟಿ ಸೀಸನ್​ನಲ್ಲಿ ಸ್ಪರ್ಧಿಸಿದ ನಟಿ ಆಮೇಲೆ ಬಿಗ್​ಬಾಸ್ ಸೀಸನ್ 9ಕ್ಕೂ ಎಂಟ್ರಿ ಕೊಟ್ಟು ಎಲ್ಲರ ಮನಸು ಗೆದ್ದಿದ್ದಾರೆ. ನಟಿ ಸಾನ್ಯಾ ಐಯ್ಯರ್ ಅವರು ಪುಟ್ಟಗೌರಿ ಮದುವೆ ಧಾರಾವಾಹಿಯಲ್ಲಿ ಪುಟ್ಟಗೌರಿಯ ಬಾಲ್ಯದ ಪಾತ್ರವನ್ನು ಮಾಡಿ ಕನ್ನಡ ಕಿರುತೆರೆ ಪ್ರೇಕ್ಷಕರ ಮನಸು ಗೆದ್ದಿದ್ದರು. ಇದೀಗ ನಟಿ ರಿಯಾಲಿಟಿ ಶೋ (Reality show) ಮೂಲಕ ಮನೆ ಮಾತಾಗಿದ್ದಾರೆ.

ಪುತ್ತೂರು ಕಂಬಳದಲ್ಲಿ ಸಾನ್ಯಾ ಐಯ್ಯರ್

ಸಾನ್ಯಾ ಐಯ್ಯರ್ ಪುತ್ತೂರು ಕಂಬಳದಲ್ಲಿ ಭಾಗವಹಿಸಿದ್ದಾರೆ. ಈ ಕಾರ್ಯಕ್ರಮದಲ್ಲಿ ನಟಿ ಭಾಗವಹಿಸಿ ಕಂಬಳವನ್ನು ನೋಡಿ ಸಭಿಕರನ್ನು ಉದ್ದೇಶಿಸಿ ಮಾತನಾಡಿದ್ದಾರೆ. ಅವರ ಅಭಿಮಾನಿಗಳ ಸೆಲ್ಫಿಗೂ ಪೋಸ್ ಕೊಟ್ಟಿದ್ದಾರೆ.

ಶಾರ್ಟ್ ವಿಡಿಯೋ

ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಸಾನ್ಯಾ ಅವರು ಈಗ ಕಂಬಳದ ಒಂದು ವಿಡಿಯೋವನ್ನು ಇನ್​ಸ್ಟಾಗ್ರಾಮ್​ನಲ್ಲಿ ಶೇರ್ ಮಾಡಿದ್ದಾರೆ. ಇದರಲ್ಲಿ ನಟಿ ಪುತ್ತೂರಿಗೆ ಬಂದು ಇಳಿಯುವಲ್ಲಿಂದ ಕಾರ್ಯಕ್ರಮದ ಕಿರು ನೋಟ, ಅಲ್ಲಿಂದ ತೆರಳುವ ತನಕ ಎಲ್ಲವನ್ನೂ ಶಾರ್ಟ್ ಆಗಿ ತೋರಿಸಲಾಗಿದೆ.

View this post on Instagram

A post shared by _gusgrace_ / ಸಾನ್ಯ ಅಯ್ಯರ್ (@saanyaiyer__official)

Thank you ಪುತ್ತೂರು ನಿಮ್ಮ ಸಾಗರದಷ್ಟು ಪ್ರೀತಿಗೆ .
ಕಂಬಳದ ಒಂದು ಕೋಣ ಕಾಲವಾದರೆ ಇನ್ನೊಂದು ನಮ್ಮ ಶ್ರಮವಾಗಿರುತ್ತದೆ ಎರಡರ ಮಧ್ಯೆ ನಾವು ಜೀವನವೆಂಬ ಕೆಸರು ಗದ್ದೆಯಲ್ಲಿ ಮುಂದಕ್ಕೆ ಬಿಡದೆ ಸಾಗಬೇಕು ಎನ್ನುವುದು ನನ್ನ ದೃಷ್ಟಿ !
ನಮ್ಮ ಪ್ರತಿಯೊಂದು ಸಾಂಸ್ಕೃತಿಕ ಕಲೆಯ ಹಿಂದೆ ಇರುವ ಜೀವನ ಪಾಠವನ್ನು ಅರಿಯೋಣ ಬೆಳೆಯೋಣ ಎಂದು ನಟಿ ವಿಡಿಯೋ ಶೇರ್ ಮಾಡುವಾಗ ಕ್ಯಾಪ್ಶನ್ ಬರೆದಿದ್ದಾರೆ.

ನೀಲಿ ಬಣ್ಣದ ಸೀರೆ ಉಟ್ಟಿದ್ದ ಸಾನ್ಯಾ

ಸಿಲ್ವರ್ ಕಲರ್ ಬಾರ್ಡರ್​ನ ನೀಲಿ ಸೀರೆ ಉಟ್ಟಿದ್ದರು ಸಾನ್ಯಾ. ಇದಕ್ಕೆ ಸಿಲ್ವರ್ ಕಲರ್ ಬ್ಲೌಸ್ ಧರಿಸಿದ್ದರು. ಕೂದಲು ಫ್ರಿಯಾಗಿ ಬಿಟ್ಟು ಸ್ಟೈಲಿಷ್ ಆಗಿ ಕಾಣಿಸಿದ್ದಾರೆ. ನಟಿ ಬಿಗ್​ಬಾಸ್ ಮೂಲಕ ಅಪಾರ ಅಭಿಮಾನಿಗಳನ್ನು ಗಳಿಸಿದ್ದು ಬಹಳಷ್ಟು ಸೆಲ್ಫಿಗೆ ಮುಗಿಬೀಳುತ್ತ ಇದ್ದದ್ದು ಕಂಡುಬಂತು.

ನಟಿಯ ವಿಡಿಯೋಗೆ 9 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಬಂದಿದೆ. 230ಕ್ಕೂ ಹೆಚ್ಚು ಜನರು ವಿಡಿಯೋವನ್ನು ನೋಡಿ ಕಮೆಂಟ್  ಮಾಡಿದ್ದಾರೆ.

ಇದನ್ನೂ ಓದಿ: Sanya Iyer: ಕಂಬಳ ನೋಡಲು ಬಂದ ಸಾನ್ಯಾ ಐಯ್ಯರ್ ಕೈ ಹಿಡಿದೆಳೆದ ಅಭಿಮಾನಿ!

ಅಭಿಮಾನಿಯಿಂದ ಕಿರಿಕ್

ಕರಾವಳಿಯ ಪುತ್ತೂರಿನಲ್ಲಿ ನಡೆಯುತ್ತಿರುವ ಕಂಬಳದಲ್ಲಿ ಬಿಗ್​ಬಾಸ್ ಖ್ಯಾತಿಯ ನಟಿ ಸಾನ್ಯಾ ಐಯ್ಯರ್ ಅವರ ಕೈ ಹಿಡಿದು ಎಳೆದ ಘಟನೆ ನಡೆದಿದೆ. ಪುತ್ತೂರು ಕಂಬಳದಲ್ಲಿ ಕಿರುತೆರೆ ನಟಿಗೆ ಅಭಿಮಾನಿಯ ಕಿರಿಕ್ ಈಗ ವೈರಲ್ ಆಗಿದೆ. ಸೆಲ್ಫಿ ತೆಗೆದುಕೊಳ್ಳುವ ನೆಪದಲ್ಲಿ ಕಿರುತೆರೆ ನಟಿಯ ಕೈಯನ್ನು ಬಂದು ಹಿಡಿದುಕೊಂಡಿದ್ದಾನೆ ಅಭಿಮಾನಿ. ಪುತ್ತೂರು ಕೋಟಿ-ಚೆನ್ನಯ ಕಂಬಳಕ್ಕೆ ಅತಿಥಿಯಾಗಿ ಆಗಮಿಸಿದ್ದ ಸಾನ್ಯಾ ಐಯ್ಯರ್ ಚೆನ್ನಾಗಿ ಭಾಷಣವನ್ನೂ ಮಾಡಿದ್ದರು. ಅವರನ್ನು ನೋಡಲು ಹೆಚ್ಚಿನ ಸಂಖ್ಯೆಯಲ್ಲಿ ಅಭಿಮಾನಿಗಳು ಆಗಮಿಸಿದ್ದರು.

ಕೈ ಹಿಡಿದು ಎಳೆದ ಅಭಿಮಾನಿ

ನಟಿ ಭಾಷಣ ಮಾಡುತ್ತಿದ್ದ ಸಮಯದಲ್ಲಿ ಐ ಲವ್ ಯೂ ಎಂದು ಹೇಳಿ ಕಿರುಚುತ್ತಿದ್ದ ಅಭಿಮಾನಿ ಬಳಿಕ ವೇದಿಕೆಯಿಂದ ಇಳಿದ ನಟಿಯ ಕೈ ಹಿಡಿದಿದ್ದಾನೆ. ಈ ದಿಢೀರ್ ಘಟನೆಯಿಂದ ನಟಿ ಮುಜುಗರಕ್ಕೊಳಗಾಗಿದ್ದಾರೆ.