Bigg Boss Kannada 8: ಪ್ರಶಾಂತ್​ ಸಂಬರಗಿ-ದಿವ್ಯಾ ನಡುವೆ ನಡೆಯುತ್ತಿರುವುದು ಏನು: ಏನಂತಿದ್ದಾರೆ ನೆಟ್ಟಿಗರು..!

ಕನ್ನಡದ ರಿಯಾಲಿಟಿ ಶೋ ಬಿಗ್​ ಬಾಸ್ ಸೀಸನ್​ 8 ಫೆ. 28ರಿಂದ ಆರಂಭವಾಗಿದೆ. 17 ಮಂದಿ ಸ್ಪರ್ಧಿಗಳು ಈಗಾಗಲೇ ಬಿಗ್​ ಬಾಸ್​ ಮನೆಯಲ್ಲಿ ಎರಡು ದಿನ ಕಳೆದಿದ್ದಾರೆ. ಅದಾಗಲೇ ಮನೆಯಲ್ಲಿ ಮೊಲದ ಕ್ಯಾಪ್ಟನ್ಸಿಗಾಗಿ ಒಂದು ಟಾಕ್ಸ್​ನಲ್ಲೂ ಭಾಗಿಯಾಗಿದ್ದಾರೆ. ಬ್ರೋ ಗೌಡ ಟಾಸ್ಕ್​ನಲ್ಲಿ ವಿಜೇತರಾಗಿ ಬಿಗ್​ ಬಾಸ್​ 8ರ ಮೊದಲ ಕ್ಯಾಪ್ಟನ್​ ಆಗಿದ್ದಾರೆ. ಇನ್ನು ಇದೇ ಮನೆಯಲ್ಲಿ ವಿವಾದಗಳಿಂದ ಹೆಸರು ಮಾಡಿರುವ ಪ್ರಶಾಂತ್​ ಸಂಬರಗಿ ಸಹ ಸ್ಪರ್ಧಿಯಾಗಿದ್ದಾರೆ. ಸ್ಯಾಂಡಲ್​ವುಡ್​ ಡ್ರಗ್ಸ್​ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಟ್ವೀಟ್​ ಮಾಡುವ ಮೂಲಕ ಸುದ್ದಿಯಲ್ಲಿದ್ದ ಪ್ರಶಾಂತ್ ಸಂಬರಗಿ ಮೊದಲ ದಿನದಿಂದಲೇ ಬಿಗ್​ ಬಾಸ್​ ಮನೆಯಲ್ಲಿ ಸದ್ದು ಮಾಡೋಕೆ ಶುರು ಮಾಡಿದ್ದಾರೆ. ಪ್ರಶಾಂತ್​ ಸಂಬರಗಿ ಮಾಡಿದ ಕೆಲಸದಿಂದಾಗಿ ಸಾಮಾಜಿಕ ಜಾಲತಾಣದಲ್ಲಿ ಮತ್ತೆ ಟ್ರೋಲ್​ ಆಗುತ್ತಿದ್ದಾರೆ. ​ 

ಕಾರ್ಪೊರೇಟ್​ ಕಂಪನಿಯಲ್ಲಿ ಕೆಲಸ ಮಾಡಿರುವ ಹಿನ್ನೆಲೆಯುಳ್ಳ ಪ್ರಶಾಂತ್​ ಸಂಬರಗಿ ಸ್ವಂತ ಉದ್ಯಮ ನಡೆಸಿಕೊಂಡು ಹೋಗುತ್ತಿದ್ದಾರೆ. ಆದರೆ, ಈಗ ಬಿಗ್ ಬಾಸ್​ ಮನೆ ಸೇರಿಕೊಂಡಿದ್ದಾರೆ. ಬಿಗ್​ ಬಾಸ್​ ಮನೆಯಲ್ಲಿ ಸ್ಪರ್ಧಿಗಳ ನಡುವೆ ಆತ್ಮೀಯತೆ ಹಾಗೂ ಬಾಂಧವ್ಯ ಬೆಳೆಯೋದು ಸಹಜ. ಅಂತೆಯೇ  ಕೋಪ-ಜಗಳವೂ ಈ ಬಿಗ್ ಬಾಸ್​ ಮನೆಯಲ್ಲಿ ಪ್ರತಿ ಸೀಸನ್​ನಲ್ಲೂ ಕಾಮನ್​.



ಈಗ ಸಾಮಾಜಿಕ ಕಾರ್ಯಕರ್ತ ಪ್ರಶಾಂತ್ ಸಂಬರಗಿ ಇಂತಹದ್ದೇ ಒಂದು ವಿಷಯದಿಂದಾಗಿ ಸುದ್ದಿಯಲ್ಲಿದ್ದಾರೆ. ಹೌದು, ದಿವ್ಯಾ ಉರುಡುಗ ಹಾಗೂ ಪ್ರಶಾಂತ್​ ಸಂಬರಗಿ ಅವರ ನಡುವಿನ ಸಲುಗೆ ಹಾಗೂ ಕ್ಲೋಸ್​ನೆಸ್​ ನೋಡಿದ ನೆಟ್ಟಿಗರು ನಾನಾ ರೀತಿ ಚರ್ಚೆ ಮಾಡಲಾರಂಭಿಸಿದ್ದಾರೆ.

View this post on Instagram

A post shared by troll_trending_guru (@troll_trending_guru)

ಬಿಗ್ ಬಾಸ್​ ಮನೆಗೆ ಎಂಟ್ರಿ ಕೊಟ್ಟ ಎರಡೇ ದಿನದಲ್ಲಿ ಸಂಬರಗಿ ಹಾಗೂ ದಿವ್ಯಾ ಅವರ ನಡುವೆ ಇಷ್ಟು ಆತ್ಮೀಯತೆ ಬೆಳೆಯಲು ಹೇಗೆ ಸಾಧ್ಯ, ಸಂಬರಗಿ ಸದಾ ದಿವ್ಯಾ ಹಿಂದೆ ಸುತ್ತುತ್ತಿರುತ್ತಾರೆ... ಬಿಗ್ ಬಾಸ್​ನಲ್ಲಿ ಪ್ರೇಮ್ ಕಹಾನಿ ಎಂದೆಲ್ಲ ನೆಟ್ಟಿಗರು ಈಗ ಈ ಜೋಡಿಯನ್ನು ಟ್ರೋಲ್​ ಮಾಡುತ್ತಿದ್ದಾರೆ.

View this post on Instagram

A post shared by Colors Kannada Official (@colorskannadaofficial)

ಇನ್ನು ಬಿಗ್​ ಬಾಸ್​ ಕಾರ್ಯಕ್ರಮದಲ್ಲಿ ಟಾಸ್ಕ್​ ಮುಗಿಸಿದ ನಂತರ ಪ್ರಶಾಂತ್​ ಸಂಬರಗಿ ದಿವ್ಯಾ ಉಡುಗುರ ಅವರನ್ನು ಎತ್ತಿಕೊಂಡು ಬಂದು ಪಕ್ಕದಲ್ಲಿ ಕೂರಿಸುತ್ತಾರೆ. ಸಾಲದಕ್ಕೆ ದಿವ್ಯಾ ಅವರೊಂದಿಗೆ ಕುಳಿತು ಕಾಲ ಕಳೆಯುತ್ತಾ ಅವರ ಕೈ ಹಿಡಿದು ಭವಿಷ್ಯ ಹೇಳುವ ಪ್ರಯತ್ನ ಸಹ ಮಾಡಿದ್ದಾರೆ. ಇವೆಲ್ಲವೂ ಟ್ರೋಲ್​ ಮಾಡಲು ಟ್ರೋಲಿಗರಿಗೆ ಅನುವು ಮಾಡಿಕೊಟ್ಟಿದೆ.

ಇದನ್ನೂ ಓದಿ: Shubha Poonja: ಬಿಗ್​ ಬಾಸ್​ ಮನೆಯಲ್ಲಿ ಕಣ್ಣೀರಿಟ್ಟು ತನ್ನನ್ನು ಜೋಕರ್​ಗೆ ಹೋಲಿಸಿಕೊಂಡ ಶುಭಾ ಪೂಂಜಾ..!

ಬಿಗ್​ ಬಾಸ್​ ಆರಂಭವಾಗಿ ಎರಡು ದಿನಗಳು ಕಳೆಯುತ್ತಿದ್ದಂತೆಯೇ ಮನೆಯಲ್ಲಿ ಟಾಸ್ಕ್​, ನಾಮಿನೇಷನ್​ ಜೊತೆಗೆ ಕೋಪ-ಪುಟ್ಟದಾದ ಮನಸ್ತಾಪ ಎಲ್ಲವೂ ಆರಂಭವಾಗಿದೆ. ಇನ್ನು ವಾರಾಂತ್ಯದಲ್ಲಿ ಯಾರು ಮನೆಯಿಂದ ಹೊರ ಹೋಗುತ್ತಾರೆ. ಯಾರು ಪ್ರೇಕ್ಷಕರನ್ನು ರಂಜಿಸಿ, ಮನೆಯಲ್ಲೇ ಉಳಿದುಕೊಳ್ಳುತ್ತಾರೆ ಅನ್ನೋದು ಮುಂದಿನ ದಿನಗಳಲ್ಲಿ ತಿಳಿಯಲಿದೆ. ಇನ್ನು ಈ ಸಲ ವೂಟ್​ ಆ್ಯಪ್​ನಲ್ಲಿ ಬಿಗ್​ ಬಾಸ್​ ಕಾರ್ಯಕ್ರಮವನ್ನು 24 ಗಂಟಗಳು ವೀಕ್ಷಿಸಬಹುದಾಗಿದೆ. ಅನ್​ಕಟ್ ಸೀನ್​ಗಳ ಜೊತೆಗೆ ರಾತ್ರಿ ಸಂಚಿಕೆಯಲ್ಲಿ ಪ್ರಸಾರವಾಗಲಿರುವ ವಿಷಯವನ್ನೂ ಮೊದಲೇ ನೋಡಬಹುದಾಗಿದೆ.