• Home
  • »
  • News
  • »
  • entertainment
  • »
  • ದರ್ಶನ್​ರ ಮದಕರಿ ನಾಯಕನಿಗೆ ಮುನ್ನ ತೆರೆಗೆ ಅಪ್ಪಳಿಸಲಿದೆ ಶಿಷ್ಯನ ಆರ್ಭಟದ ಕಥೆ

ದರ್ಶನ್​ರ ಮದಕರಿ ನಾಯಕನಿಗೆ ಮುನ್ನ ತೆರೆಗೆ ಅಪ್ಪಳಿಸಲಿದೆ ಶಿಷ್ಯನ ಆರ್ಭಟದ ಕಥೆ

ಚಾಲೆಂಜಿಂಗ್ ಸ್ಟಾರ್ ದರ್ಶನ್

ಚಾಲೆಂಜಿಂಗ್ ಸ್ಟಾರ್ ದರ್ಶನ್

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ರಾಜವೀರ ಮದಕರಿ ನಾಯಕ ಅವತಾರ ತಾಳಲು ಸಜ್ಜಾಗಿದ್ದಾರೆ. ಅದಕ್ಕೂ ಮುನ್ನ ಅವರ ಶಿಷ್ಯ ದುರ್ಗದ ಕೋಟೆಯಲ್ಲಿ ನಿಂತು ಅಬ್ಬರಿಸಿದ ಕಥೆ ತೆರೆಯ ಮೇಲೆ ಏರಲು ಸಿದ್ಧವಾಗಿದೆ. ಅದುವೇ ಬಿಚ್ಚುಗತ್ತಿ...

  • News18
  • Last Updated :
  • Share this:

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಮದಕರಿಯ ಅವತಾರ ತಾಳಲಿದ್ದಾರೆ. ದುರ್ಗದ ಹುಲಿಯಾಗಿ ಅಬ್ಬರಿಸೋಕೆ ಸಜ್ಜಾಗಿದ್ದಾರೆ. ಅದಕ್ಕಾಗಿ ಸಾಕಷ್ಟು ತಯಾರಿ ಕೂಡ ನಡೆದಿದೆ.. ಕಳೆದ ಡಿಸೆಂಬರ್‌ನಲ್ಲಿಯೇ 'ರಾಜವೀರ ಮದಕರಿ ನಾಯಕ' ಎಂಬ ಶೀರ್ಷಿಕೆಯಲ್ಲಿ ಈ ಸಿನಿಮಾ ಮುಹೂರ್ತ ಕಂಡಿದೆ. ಅಂದಹಾಗೆ ಈ ಸಿನಿಮಾ ಇನ್ನಷ್ಟೇ ಶೂಟಿಂಗ್ ಸ್ಟಾರ್ಟ್ ಮಾಡಬೇಕಿದೆ. ರಾಕ್​ಲೈನ್ ವೆಂಕಟೇಶ್ ನಿರ್ಮಾಣದಲ್ಲಿ 100 ಕೋಟಿ ರೂ ಬಜೆಟ್​ನಲ್ಲಿ ರಾಜವೀರ ಮದಕರಿ ನಾಯಕ ಸಿನಿಮಾ ಮೂಡಿ ಬರಲಿದೆ. ಖ್ಯಾತ ನಿರ್ದೇಶಕ ಎಸ್.ವಿ. ರಾಜೇಂದ್ರ ಸಿಂಗ್ ಬಾಬು ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಲಿದ್ದಾರೆ. ಎಲ್ಲವೂ ಅಂದುಕೊಂಡಂತೆ ಆದರೆ ಈ ವರ್ಷದ ಡಿಸೆಂಬರ್‌ನಲ್ಲಿ ಮದಕರಿಯ ಗತ್ತು ಗೈರತ್ತು ಬೆಳ್ಳಿ ಪರದೆ ಮೇಲೆ ವಿಜೃಂಬಿಸಲಿದೆ. ಮದಕರಿಗೂ ಮುನ್ನವೇ ಸೇಮ್ ಟು ಸೇಮ್ ದುರ್ಗದ ಕಥೆಯನ್ನೇ ಆಧರಿಸಿ ಕನ್ನಡದಲ್ಲೊಂದು ಸಿನಿಮಾ ದೃಶ್ಯರೂಪ ಪಡೆದುಕೊಂಡಿದೆ.. ಇನ್ನು ಕೆಲವೇ ವಾರಗಳಲ್ಲಿ ಥಿಯೇಟರ್‌ಗೆ ಎಂಟ್ರಿಕೊಡಲು ಸಜ್ಜಾಗಿದೆ. ಅದುವೇ ಬಿಚ್ಚುಗತ್ತಿ.


ದುರ್ಗವನ್ನ ಆಳಿದ, ಅದ್ಭುತ ಪರಾಕ್ರಮದ ಮೂಲಕ ರಾಜ್ಯದ ವಿಸ್ತಾರವನ್ನ ಹೆಚ್ಚಿಸಿದ ಅಪ್ರತಿಮ ಹೋರಾಟಗಾರ, ಕೆಚ್ಚೆದೆಯ ವೀರ, ಗಂಡು ಮೆಟ್ಟಿದ ನಾಡಿನ ಕಲಿ ಭರಮಣ್ಣ ನಾಯಕ... ಈಗ ಇದೇ ಕಥೆಯನ್ನ ಆಧರಿಸಿ ಬಿಚ್ಚುಗತ್ತಿ ಎಂಬ ಸಿನಿಮಾವನ್ನ ಹರಿಸಂತೋಷ್ ತೆರೆಗೆ ತರ್ತಿದ್ದಾರೆ. ಶೂರ-ವೀರ-ದೀರನಾಗಿ ರಾಜವರ್ಧನ್ ಎಂಬ ಸ್ಪುರದ್ರೂಪಿ ನಟ ಕಾಣಿಸಿಕೊಂಡಿದ್ದಾರೆ.


ಇದನ್ನೂ ಓದಿ: ಐಫೋನ್​ನಲ್ಲೇ ಚಿತ್ರೀಕರಿಸಿದ ಮೊದಲ ಕನ್ನಡ ಸಿನಿಮಾ: ಹೇಗಿದೆ ಗೊತ್ತಾ ಡಿಂಗನ ಕ್ವಾಲಿಟಿ


Rajavardhan in Bichugatti movie
ಬಿಚ್ಚುಗತ್ತಿ ಸಿನಿಮಾದಲ್ಲಿ ರಾಜವರ್ಧನ್


ಅಂದಹಾಗೆ ರಾಜವರ್ಧನ್, ಹಿರಿಯ ಹಾಸ್ಯನಟ ಡಿಂಗ್ರಿ ನಾಗರಾಜ್ ಪುತ್ರ. ಆರಡಿ ಹೈಟು. ಹೀರೋಗೆ ಬೇಕಾದ ಪರ್ಸನಾಲಿಟಿ ಇರೋ ರಾಜವರ್ಧನ್‌ಗೆ ಸ್ವತಃ ಡಿ-ಬಾಸ್ ಬೆಂಬಲ ಕೂಡ ಇದೆ. ಬಿಚ್ಚುಗತ್ತಿ ಚಿತ್ರದ ಮುಹೂರ್ತಕ್ಕೆ ಚಾಲೆಂಜಿಂಗ್ ಸ್ಟಾರ್ ಆಗಮಿಸಿ ಶುಭ ಕೋರಿದರು. ಸದ್ಯ ಈ ಸಿನಿಮಾ ಟೀಸರ್ ರಿಲೀಸಾಗಿದೆ. ಬಹಳ ಅದ್ಧೂರಿಯಾಗಿ ಮೂಡಿಬಂದಿದೆ. ಈ ಐತಿಹಾಸಿಕ ಚಿತ್ರಕ್ಕೆ ಹಂಸಲೇಖ ಸಾಹಿತ್ಯ ಸಂಗೀತ ಒದಗಿಸಿದ್ದಾರೆ. ರಾಜವೀರ ಮದಕರಿನಾಯಕನಿಗೆ ಕಥೆ ಚಿತ್ರಕಥೆ ಬರೆದಿರೋ ಬಿ.ಎಲ್. ವೇಣು ಅವರೇ ಈ ಚಿತ್ರದ ಬರವಣಿಗೆಗೂ ಬೆನ್ನೆಲುಬಾಗಿ ನಿಂತಿದ್ದಾರೆ. ಒಟ್ಟಾರೆ ಟೀಸರ್ ಝಲಕ್‌ನ ಮೂಲಕವೇ ಒಂದು ಮಟ್ಟಕ್ಕೆ ನಿರೀಕ್ಷೆ ಹುಟ್ಟಿಸಿರೋ ಈ ಸಿನಿಮಾ ಗೆಲುವಿನ ಕಹಳೆ ಊದಲಿದೆಯಾ? ರಾಜವರ್ಧನ್​ಗೆ ದೊಡ್ಡ ಬ್ರೇಕ್ ಕೊಡುತ್ತಾ ಎಂದು ಕಾದು ನೋಡಬೇಕು.


ಕ್ಷಣಕ್ಷಣದ ಬ್ರೇಕಿಂಗ್ ನ್ಯೂಸ್ ಅಲರ್ಟ್​ಗಾಗಿ ನಿಮ್ಮ ನ್ಯೂಸ್18 ಕನ್ನಡವನ್ನು ಫೇಸ್​ಬುಕ್ ಮೆಸೆಂಜರ್​ನಲ್ಲಿ ಸಬ್ಸ್​ಕ್ರೈಬ್ ಮಾಡಿ.


Published by:Vijayasarthy SN
First published:

ಸುದ್ದಿ 18ಕನ್ನಡ ಟ್ರೆಂಡಿಂಗ್

ಮತ್ತಷ್ಟು ಓದು