Bhool Bhulaiyaa 2: 100 ಕೋಟಿ ಸನಿಹದಲ್ಲಿ ಭೂಲ್​ ಬುಲಯ್ಯ 2, ಕಾರ್ತಿಕ್ ಆರ್ಯನ್ ಚಿತ್ರಕ್ಕೆ ಭರ್ಜರಿ ರೆಸ್ಪಾನ್ಸ್​

Bollywood News: ಹೌದು, ಮೊದಲನೇ ದಿನ ಈನ ಚಿತ್ರ ಬರೋಬ್ಬರಿ 14.11 ಕೋಟಿ ಗಳಿಕೆ ಮಾಡಿದೆ ಎಂದು ಬಾಕ್ಸ್​ ಆಫೀಸ್​ ಮಾಹಿತಿ ನೀಡಿದ್ದು, ಎರಡನೇ ದಿನ 18.34 ಕೋಟಿ ಕಲೆಕ್ಷನ್ ಮಾಡಿದ್ದು, ಮೂರನೇ ದಿನ ಎರಡದು ದಿನಕ್ಕಿಂತ ಹೆಚ್ಚು 23 ಕೋಟಿ ಬಾಚಿಕೊಂಡಿದೆ.  

ಭೂಲ್​ ಬುಲಯ್ಯ 2

ಭೂಲ್​ ಬುಲಯ್ಯ 2

  • Share this:
ಬಾಲಿವುಡ್​ನಲ್ಲಿ (Bollywood) ಎಲ್ಲವೂ ಮೊದಲಿನಂತಿಲ್ಲ. ಸ್ಟಾರ್​ ನಟರ ಚಿತ್ರಗಳು ಸೋತು ಸುಣ್ಣವಾಗುತ್ತಿದೆ. ಒಂದೆಡೆ ಕಂಗನಾ ರಾಣವತ್​ ಅಭಿನಯದ ಧಾಕಡ್​ ಮಕಾಡೆ ಮಲಗಿದೆ. ಇನ್ನೊಂದೆಡೆ ರಣವೀರ್ ಸಿಂಗ್ ಅಭಿನಯದ ಚಿತ್ರ ಕೂಡ ಬಾಕ್ಸ್​ ಆಫೀಸ್​ನಲ್ಲಿ ನೆಲ ಕಚ್ಚಿದೆ. ಎಲ್ಲೆಡೆ ದಕ್ಷಿಣ ಭಾರತದ ಚಿತ್ರಗಳ ಹವಾ ಹೆಚ್ಚಾಗಿದೆ. ಪುಷ್ಪಾ, ಆರ್​ಆರ್​ ಆರ್​ (RRR) ಹಾಗೂ ಕೆಜಿಎಫ್​ 2 (KGF 2) ನಂತರ ಚಿತ್ರ ದುನಿಯಾ ಸಂಪೂರ್ಣವಾಗಿ ಬದಲಾಗಿದೆ. ಜನರಿಗೆ ಬಾಲಿವುಡ್​ ಚಿತ್ರಗಳ ಮೇಲೆ ನಿರೀಕ್ಷೆ ಹೊರಟು ಹೋಗಿದೆ ಎನ್ನುವ ರೀತಿ ಆಗಿದೆ. 2022ರಲ್ಲಿ ಯಾವುದೇ ಹಿಟ್​ ಚಿತ್ರ ಕೊಡದೆ ಬಾಲಿವುಡ್​ ಬೇಸರದಲ್ಲಿತ್ತು. ಆದರೆ ಬಹಳ ದಿನಗಳ ನಂತರ ಪ್ರೇಕ್ಷಕ ಪ್ರಭು ಬಾಲಿವುಡ್ ಕೈ ಹಿಡಿದಿದ್ದು, ಕಾರ್ತಿಕ್ ಆರ್ಯನ್ (Kartik Aaryan) ನಟನೆಯ ಭೂಲ್ ಬುಲಯ್ಯ 2 (Bhool Bhulaiyaa 2) ದಾಖಲೆಯ ಗಳಿಕೆ ಮಾಡಿದೆ.

ಕಳೆದ ಶುಕ್ರವಾದ (Friday) ಬಿಡುಗಡೆಯಾದ ಈ ಚಿತ್ರ ಮೊದಲ ದಿನವೇ ನಿರೀಕ್ಷೆಗೂ ಮೀರಿದ ಕಲೆಕ್ಷನ್ ಮಾಡಿದ್ದು, ಬಾಲಿವುಡ್ (Bollywood) ಮಂದಿಯ ಮುಖದಲ್ಲಿ ಮಂದಹಾಸ ಮೂಡಿಸಿದೆ ಎಂದರೆ ತಪ್ಪಾಗಲಾರದು.  ಹೌದು, ಮೊದಲನೇ ದಿನ ಈನ ಚಿತ್ರ ಬರೋಬ್ಬರಿ 14.11 ಕೋಟಿ ಗಳಿಕೆ ಮಾಡಿದೆ ಎಂದು ಬಾಕ್ಸ್​ ಆಫೀಸ್​ ಮಾಹಿತಿ ನೀಡಿದ್ದು, ಎರಡನೇ ದಿನ 18.34 ಕೋಟಿ ಕಲೆಕ್ಷನ್ ಮಾಡಿದ್ದು, ಮೂರನೇ ದಿನ ಎರಡದು ದಿನಕ್ಕಿಂತ ಹೆಚ್ಚು 23 ಕೋಟಿ ಬಾಚಿಕೊಂಡಿದೆ.

100 ಕೋಟಿ ಕ್ಲಬ್​ ಸನಿಹದಲ್ಲಿ ಚಿತ್ರ

ಇನ್ನು ನಾಲಕ್ಕನೇ ದಿನ 10.75 ಕೋಟಿ ಹಾಗೂ 5 ನೇ ದಿನ 9.56 ಕೋಟಿ ಕಲೆಕ್ಷನ್ ಮಾಡಿದ್ದರೆ, ಆರನೇ ದಿನ 8.71 ಹಾಗೂ ಏಳನೇ ದಿನ 7,27 ಕೋಟಿ ಗಳಿಕೆ ಮಾಡಿದ್ದು, ಕೇವಲ ಒಂದು ವಾರದಲ್ಲಿ  92.04 ಕೋಟಿ ರೂ ಗಳಿಕೆ ನೂರು ಕೋಟಿ ಗಳಿಕೆ ಮಾಡಿರುವ ಸಿನಿಮಾಗಳ ಕ್ಲಬ್​ ಸೇರುವ ಸನಿಹದಲ್ಲಿದೆ.

ಇನ್ನೂ ಸಹ ಚಿತ್ರದ ಗಳಿಗೆ ಹೆಚ್ಚಾಗುತ್ತಿದ್ದು, ಜನರು ಚಿತ್ರ ವಿಕ್ಷಿಸಲು ಆಸಕ್ತಿ ತೋರುತತಿರುವುದಲ್ಲದೇ, ಸಿನಿಮಾವನ್ನು ಬಹಳ ಮೆಚ್ಚಿಕೊಂಡಿದ್ದಾರೆ ಎನ್ನಲಾಗುತ್ತಿದೆ.   ಬಾಲಿವುಡ್ ಈ ವರ್ಷ ಒಳ್ಳೆಯ ಪ್ರತಿಕ್ರಿಯೆ ಪಡೆದಿರಲಿಲ್ಲ. ರಿಲೀಸ್ ಆಗಿದ್ದ ಹಲವು ಚಿತ್ರಗಳು ಬಾಕ್ಸ್ ಆಫೀಸ್ನಲ್ಲಿ ಕಲೆಕ್ಷನ್ ಮಾಡುವುದರಲ್ಲಿ ಸೋತಿತ್ತು. ಆದರೆ ಇದೀಗ ಭೂಲ್ ಬುಲಯ್ಯ 2 ಕಲೆಕ್ಷನ್ ಬಾಲಿವುಡ್ ಚೇತರಿಸಿಕೊಳ್ಳಲು ಸಹಾಯ ಮಾಡಿದಂತೆ ಆಗುತ್ತದೆ. ಕಳೆದ 5 ತಿಂಗಳಿನಿಂದ ಮಂಕು ಬಡಿದಿದ್ದ ಬಾಲಿವುಡ್​ಗೆ ಇದೊಂದು ಆಸರೆ ಎಂದರೆ ತಪ್ಪಾಗಲಾರದು.

ಬಾಲಿವುಡ್​ಗೆ ಆಸರೆ

ಅಲ್ಲದೇ ಕಾರ್ತಿಕ್ ಆಯರ್ನ್ ನಟನೆಯ ಚಿತ್ರಗಳಲ್ಲಿ ಅತಿ ಹೆಚ್ಚು ಗಳಿಗೆ ಮಾಡಿದ ಚಿತ್ರ ಎಂದು ಸಹ ಹೇಳಲಾಗುತ್ತಿದ್ದು, ಒಟ್ಟಾರೆಯಾಗಿ ಮುಳುಗುತ್ತಿದ್ದ ಬಾಲಿವುಡ್​ ಎಂಬ ದೋಣಿಗೆ ಕೋಲು ಸಿಕ್ಕಂತಾಗಿದೆ ಎನ್ನಬಹುದು.

ಇದನ್ನೂ ಓದಿ: ತೆಲುಗಿನಲ್ಲಿ ಯಶ್​ ಅಭಿನಯದ ಲಕ್ಕಿ ಚಿತ್ರ - ಬರೋಬ್ಬರಿ 10 ವರ್ಷದ ನಂತರ ಡಬ್​ ಆಯ್ತು ಸಿನಿಮಾ

ಇನ್ನು ಭೂಲ್ ಬುಲಯ್ಯ 2 ಚಿತ್ರವೂ 2007ರಲ್ಲಿ ಪ್ರಿಯದರ್ಶನ್ ನಿರ್ದೇಶಿಸಿದ್ದ, ಅಕ್ಷಯ್ ಕುಮಾರ್ ನಟನೆಯ ಭೂಲ್ ಬುಲಯ್ಯದ ಸೀಕ್ವೆಲ್ ಆಗಿದ್ದು, ಈ ಚಿತ್ರವನ್ನು ಅನೀಸ್ ಬಜ್ಜಿ ನಿರ್ದೇಶಿಸಿದ್ದಾರೆ. ಅಲ್ಲದೇ ಟಿ ಸಿರೀಸ್​ ಹಾಗೂ ಸಿನೆ 1 ನಿರ್ಮಾಣ ಸಂಸ್ಥೆ ನಿರ್ಮಾಣ ಮಾಡಿದ್ದು, ಹಾರರ್​ ಕಾಮಿಡಿ ಚಿತ್ರ ಜನರಿಗೆ ಬಹಳ ಇಷ್ಟವಾಗಿದೆ.

2021ರ ನವೆಂಬರ್​ನಲ್ಲಿ ತೆರೆ ಕಂಡಿದ್ದ ಅಕ್ಷಯ್ ಕುಮಾರ್ ಅಭಿನಯದ ಕಮರ್ಷಿಯಲ್ ಚಿತ್ರ ಸೂರ್ಯವಂಶಿ ಉತ್ತಮ ಗಳಿಕೆ ಮಾಡಿತ್ತು. ಅದರ ನಂತರ ಬಾಲಿವುಡ್​ನಲ್ಲಿ ಇದುವರೆಗೂ ಯಾವುದೇ ಕಮರ್ಷಿಯಲ್ ಚಿತ್ರಗಳೂ ಬಾಕ್ಸ್ ಆಫೀಸ್​ನಲ್ಲಿ ಮ್ಯಾಜಿಕ್ ಮಾಡಲು ಸಾಧ್ಯವಾಗಿಲ್ಲ. ಇದರ ಮಧ್ಯೆ ಬಹಳ ವಿವಾದ ಹುಟ್ಟು ಹಾಕಿದ್ದ ದಿ ಕಾಶ್ಮೀರ್ ಫೈಲ್ಸ್​ ಮಾತ್ರ ಅದ್ಭುತ ಪ್ರತಿಕ್ರಿಯೆ ಪಡೆಯುವುದು ಮಾತ್ರವಲ್ಲದೇ, ಗಳಿಕೆಯಲ್ಲಿ ಸಹ ದಾಖಲೆ ಬರೆದಿತ್ತು.

ಇದನ್ನೂ ಓದಿ: ಕಿಚ್ಚನಿಗಾಗಿ ಹಿಂದೆ ಸರಿದ ಬಾಲಿವುಡ್ ಸಿಂಗಂ - ಜುಲೈ 28ಕ್ಕಿಲ್ಲ ಅಜಯ್ ದೇವಗನ್ ಸಿನಿಮಾ ರಿಲೀಸ್​

ಅಲ್ಲದೇ ಈ ಬಾರಿ ಸ್ಟಾರ್ ನಟರಾದ ಸಲ್ಮಾನ್ ಖಾನ್, ರಣವೀರ್ ಸಿಂಗ್,ಅಕ್ಷಯ್ ಕುಮಾರ್, ಶಾಹಿದ್ ಕಪೂರ್ ರಂತಹ ನಟರ ಚಿತ್ರಗಳು ಬಾಕ್ಸ್ ಆಫೀಸ್​ನಲ್ಲಿ ಮಕಡೆ ಮಲಗಿತ್ತು. ಈ ಮಧ್ಯೆ ದಕ್ಷಿಣ ಭಾರತದ ಚಿತ್ರಗಳಾದ ಆರ್​ಆರ್​ಆರ್​ ಹಾಗೂ ಕೆಜಿಎಫ್ ಬಿರುಗಾಳಿಗೆ ಬಾಲಿವುಡ್ ತತ್ತರಿಸಿ ಹೋಗಿದ್ದು ಸುಳ್ಳಲ್ಲ.
Published by:Sandhya M
First published: