BellBottom Teaser: ರಿಲೀಸ್​ ಆಯ್ತು ಅಕ್ಷಯ್​ ಅಭಿನಯದ ಬೆಲ್​ಬಾಟಮ್​ ಸಿನಿಮಾದ ಟೀಸರ್​..!

ಬಾಲಿವುಡ್ ಆ್ಯಕ್ಷನ್​ ಕಿಂಗ್​​  ಅಕ್ಷಯ್​ ಕುಮಾರ್​ ಕೊರೋನಾ ಲಾಕ್​ಡೌನ್​ ಸಡಿಲಗೊಳ್ಳುತ್ತಿದ್ದಂತೆಯೇ ತಮ್ಮ ಬಹುನಿರೀಕ್ಷಿತ ಸಿನಿಮಾ ಬೆಲ್​ ಬಾಟಮ್​ ಚಿತ್ರೀಕರಣ ಆರಂಭಿಸಿದ್ದರು. ಇನ್ನು ಲಾಕ್​ಡೌನ್​ ಸಂಪೂರ್ಣವಾಗಿ ಅಂತ್ಯಗೊಳ್ಳುವ ಮುನ್ನವೇ ಈ ಸಿನಿಮಾದ ಚಿತ್ರೀರಕಣ ಸಹ ಪೂರ್ಣಗೊಳಿಸುವ ಮೂಲಕ ಸೈ ಎನಿಸಿಕೊಂಡಿದ್ದಾರೆ. ಅಕ್ಷಯ್​ ಅವರ 'ಬೆಲ್​ಬಾಟಂ' ಸಿನಿಮಾ ಲಾಕ್​ಡೌನ್​ನಲ್ಲೇ ಸೆಟ್ಟೇರಿತ್ತು. ಈಗ ಈ ಚಿತ್ರದ ಕೊನೆಯ ಹಂತದ ಚಿತ್ರೀಕರಣ ಮುಗಿದಿದ್ದು, ತೆರೆಗೆ ಬರಲು ಸಜ್ಜಾಗುತ್ತಿದೆ. ಈ ಹಿಂದೆ ಸಿನಿಮಾ ಚಿತ್ರೀಕರಣಕ್ಕೆ ಅನುಮತಿ ಸಿಕ್ಕ ಕೂಡಲೇ ಅಕ್ಷಯ್ ಕುಮಾರ್ ತಮ್ಮ ಕುಟುಂಬ ಚಿತ್ರೀಕರಣದ ತಂಡದೊಂದಿಗೆ ಬ್ರಿಟನ್​ಗೆ ಪ್ರಯಾಣ ಬೆಳೆಸಿದ್ದರು. ಅಲ್ಲಿ ತಮ್ಮ ಸಿನಿಮಾದ ಶೂಟಿಂಗ್​ನಲ್ಲಿ ಬ್ಯುಸಿಯಾಗಿದ್ದರು. ನಂತರ ಎರಡನೇ ಹಂತದ ಚಿತ್ರೀಕರಣಕ್ಕಾಗಿ ಲಂಡನ್​ಗೆ ಬಂದರು. ಲಂಡನ್​ನಲ್ಲಿ ಶೂಟಿಂಗ್​ ಮುಗಿಸಿ ಈ ತಂಡ ಮುಂಬೈಗೆ ಮರಳಿದೆ. ಅಲ್ಲದೆ ಲಾಕ್​ಡೌನ್​ನಲ್ಲೇ ಚಿತ್ರೀಕರಣ ಆರಂಭಿಸಿ, ಶೂಟಿಂಗ್​ ಪೂರ್ಣಗೊಳಿಸಿದ ಮೊದಲ ಸಿನಿಮಾ ಎಂಬ ಹೆಗ್ಗಳಿಕೆ ಸಹ ಬೆಲ್​ಬಾಟ್​ ಚಿತ್ರದ್ದಾಗಿದೆ.

ಅಕ್ಷಯ್​ ಕುಮಾರ್​ ಅವರ ಬೆಲ್​ ಬಾಟಮ್​ ಸಿನಿಮಾದ ರಿಲೀಸ್​ ದಿನಾಂಕ ನಿಗದಿಯಾಗಿದೆ. ಮುಂದಿನ ವರ್ಷ ಅಂದರೆ 2021ರ ಏ.2ಕ್ಕೆ ಈ ಸಿನಿಮಾ ತೆರೆ ಕಾಣಲಿದೆ. ಜೊತೆಗೆ ಚಿತ್ರತಂಡ ಈಗ ಸಿನಿಮಾದ ಟೀಸರ್​ ಸಹ ರಿಲೀಸ್​ ಮಾಡಿದೆ.



ರಂಜಿತ್​ ಎಂ ತಿವಾರಿ ನಿರ್ದೇಶನದ ಈ ಸಿನಿಮಾದಲ್ಲಿ ಅಕ್ಷಯ್​ ಕುಮಾರ್​ ರಾ ಏಜೆಂಟ್​ ಆಗಿ ನಟಿಸಿದ್ದಾರಂತೆ. ಅಲ್ಲದೆ 80ರ ದಶಕದ ಥ್ರಿಲ್ಲರ್​ ಕತೆ ಹೇಳುವ ಚಿತ್ರ ಇದಾಗಿದೆ. ಇತ್ತೀಚೆಗಷ್ಟೆ ಸ್ಕಾಟ್​ಲೆಂಡ್​ನಲ್ಲಿ ಕೊನೆಯ ಹಂತದ ಚಿತ್ರೀಕರಣ ಮುಗಿಸಿ ಚಿತ್ರತಂಡ ವಾಪಸ್ಸಾಗುತ್ತಿದ್ದಂತೆಯೇ, ಈ ಕುರಿತು ಚಿತ್ರತಂಡ ಸಂತಸ ಹಂಚಿಕೊಂಡಿದೆ. ಅಕ್ಷಯ್ ಕುಮಾರ್ ಮಾತ್ರವಲ್ಲ ನಾಯಕಿಯರಾದ ವಾಣಿ ಕಪೂರ್, ಹುಮಾ ಖುರೇಷಿ ಹಾಗೂ ಲಾರಾ ದತ್ತ ಸಹ ಈ ಬಗ್ಗೆ ಸಂಭ್ರಮಪಟ್ಟಿದ್ದಾರೆ.

Mission accomplished! After a long but fruitful schedule, grateful to have shot and completed #Bellbottom during the pandemic ! Now its time to head back #JetSetGo ✈️
.@Vaaniofficial @humasqureshi @LaraDutta @vashubhagnani @ranjit_tiwari @jackkybhagnani @honeybhagnani pic.twitter.com/snIPE8XdkZ

— Akshay Kumar (@akshaykumar) October 2, 2020

ಬಾಲಿವುಡ್​ನ ದೊಡ್ಡ ದೊಡ್ಡ ಸೂಪರ್​ಸ್ಟಾರ್​ಗಳು ವರ್ಷಕ್ಕೊಂದು ಸಿನಿಮಾ ಮಾಡಿದರೆ ಹೆಚ್ಚು. ಆದರೆ, ಅಕ್ಷಯ್ ಕುಮಾರ್ ಪ್ರತಿ ವರ್ಷ ಹ್ಯಾಟ್ರಿಕ್ ಬಾರಿಸುತ್ತಲೇ ಬಂದಿದ್ದಾರೆ. ಆ ದಾಖಲೆ ಈ ವರ್ಷ ಬ್ರೇಕ್ ಆಗಲಿದೆ ಎನ್ನಲಾಗಿತ್ತು. ಆದರೆ, ಖಿಲಾಡಿ ಲಾಕ್​ಡೌನ್​ ಸಡಿಲಿಕೆ ಬಳಿಕ ಮನೆಯಲ್ಲಿ ಸುಮ್ಮನೆ ಕುಳಿತುಕೊಳ್ಳುವ ಬದಲು ಬ್ಯಾಕ್ ಟು ಬ್ಯಾಕ್ ಸಿನಿಮಾ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ.

Throwback to the 80s!! 😎
Introducing the suave retro look of @akshaykumar from #Bellbottom!@humasqureshi @LaraDutta @ranjit_tiwari @jackkybhagnani @honeybhagnani @monishaadvani @madhubhojwani @nikkhiladvani @EmmayEntertain @poojafilms pic.twitter.com/avqbJD5joI

— vaani kapoor (@Vaaniofficial) September 9, 2020

ಅಕ್ಷಯ್ ಕುಮಾರ್ ನಟಿಸಿರುವ ರಾಘವ ಲಾರೆನ್ಸ್ ನಿರ್ದೇಶನದ 'ಕಾಂಚನಾ 2' ಹಿಂದಿ ರಿಮೇಕ್ ಲಕ್ಷ್ಮಿ ಬಾಂಬ್ ಇನ್ನು ಕೆಲವೇ ದಿನಗಳಲ್ಲಿ ನೇರವಾಗಿ ಓಟಿಟಿಯಲ್ಲಿ ರಿಲೀಸ್ ಆಗಲಿದೆ. ಅದರ ಬೆನ್ನಲ್ಲೇ ಅಕ್ಷಯ್ ಮತ್ತೊಮ್ಮೆ ಸೂಪರ್​ ಕಾಪ್ ಪಾತ್ರದಲ್ಲಿ ನಟಿಸಿರುವ ರೋಹಿತ್ ಶೆಟ್ಟಿ ನಿರ್ದೇಶನದ 'ಸೂರ್ಯವಂಶಿ' ಕೂಡ ತೆರೆಗೆ ಅಪ್ಪಳಿಸಲು ರೆಡಿಯಾಗಿದೆ.

ಇದನ್ನೂಓದಿ: ವೈರಲ್​ ಆಗುತ್ತಿದೆ ಸಂಜಯ್​ ದತ್​ರ ಲೆಟೆಸ್ಟ್​ ಫೋಟೋ: ಚಿಂತೆಗೀಡಾದ ಅಭಿಮಾನಿಗಳು..!

ಆ ಬಳಿಕ 2021ರ ಏಪ್ರಿಲ್ ತಿಂಗಳಲ್ಲಿ 'ಬೆಲ್ ಬಾಟಮ್' ತೆರೆಗೆ ಬರಲಿದೆ. ಇನ್ನು ಅಕ್ಷಯ್ ಕುಮಾರ್ ನಟಿಸುತ್ತಿರುವ ಬಹುನಿರೀಕ್ಷಿತ ಐತಿಹಾಸಿಕ ಸಿನಿಮಾ 'ಪೃಥ್ವಿರಾಜ್' ಹಾಗೂ 'ಅತರಂಗಿ ರೇ' ಸಿನಿಮಾಗಳ ಚಿತ್ರೀಕರಣ ಕೂಡ ಭರದಿಂದ ಸಾಗಿದೆ. ಮಾತ್ರವಲ್ಲ ಲಾಕ್​ಡೌನ್​ ಸಂಪೂರ್ಣವಾಗಿ ಅನ್​ಲಾಕ್​ ಆದ ಬಳಿಕ ಇನ್ನೂ ಕೆಲ ಸಿನಿಮಾಗಳು ಸೆಟ್ಟೇರಲಿವೆ.