‘ಪೊಗರು‘ ಸಿನಿಮಾ ಪೋಸ್ಟರ್​ ಬಳಸಿಕೊಂಡು ಕೊರೋನಾ ಜಾಗೃತಿ ಮೂಡಿಸುತ್ತಿರುವ ಬೆಂಗಳೂರು ಸಿಟಿ ಪೊಲೀಸರು

ಕೊರೋನಾ ವಿರುದ್ಧ ಜಾಗೃತಿ ಮೂಡಿಸಲು ಬೆಂಗಳೂರು ಪೊಲೀಸರು ಎಲ್ಲಿಲ್ಲದ ಪ್ರಯತ್ನ ಮಾಡುತ್ತಿದ್ದಾರೆ. ಹಗಲು ರಾತ್ರಿ ದುಡಿಯುತ್ತಿದ್ದಾರೆ. ಜೊತೆಗೆ ಜನರಿಗೆ ಎಚ್ಚರಿಕೆಯಿಂದ ಇರುವಂತೆ ಕೇಳಿಕೊಳ್ಳುತ್ತಿದ್ದಾರೆ. ಅಷ್ಟೇ ಅಲ್ಲದೆ ಸಾಮಾಜಿಕ ಜಾಲತಾಣದಲ್ಲಿ ಸಿನಿಮಾ ಪೋಸ್ಟರ್​​ಗಳ್ನು ಬಳಸಿ ವಿಶೇಷವಾಗಿ ಜಾಗೃತಿ ಮೂಡಿಸುವ ಮೊರೆಹೋಗಿದ್ದಾರೆ.

ಸ್ಯಾಂಡಲ್​ವುಡ್​ ಸಿನಿಮಾಗಳ ಹೆಸರನ್ನು ಬಳಸಿಕೊಂಡು ಕೊರೋನಾ ಬಗ್ಗೆ ವಿಶೇಷವಾದ ಪೋಸ್ಟರ್​ ಚಿತ್ರಿಸಿ ಅವುಗಳ ಮೂಲಕ ಜನರಿಗೆ ಜಾಗೃತಿ ಸಂದೇಶ ರವಾನಿಸುತ್ತಿದ್ದಾರೆ. ಕೊರೋನಾ ಲಾಕ್​ಡೌನ್​ ಶುರುವಾಗಿನಿಂದ ಜಾಗೃತಿ ಕುರಿತಾದ ಕಾರ್ಯವನ್ನು ಬೆಂಗಳೂರು ಪೊಲೀಸರು ಮಾಡುತ್ತಾ ಬಂದಿದ್ದಾರೆ.

ಇದೀಗ ಸ್ಯಾಂಡಲ್​ವುಡ್​ನ ಬಹುನಿರೀಕ್ಷಿತ ‘ಪೊಗರು‘ ಸಿನಿಮಾದ ಪೋಸ್ಟರ್​ ಬಳಸಿಕೊಂಡು ‘ ಲಾಕ್​ಡೌನ್​ ರಿಲ್ಯಾಕ್ಸಾಗಿದೆ ಅಂತ ಸುಮ್ಮೆ ಹೊರಗಡೆ ಹೋಗ್ಬೇಡ, ಹೋದ್ರೂ ಮಾಸ್ಕ್​​ ಇಲ್ಲೇ ಹೋಗ್ಬೇಡ..ಶೇಕ್​ ಆಗಿ ಹೋಗ್ತಿಯಾ' ಎಂದು ಬರೆದಿರುವ ಪೋಸ್ಟರ್​​ ಅನ್ನು ತಮ್ಮ ಟ್ವಿಟ್ಟರ್​ನಲ್ಲಿ ಹಂಚಿಕೊಂಡಿದ್ದಾರೆ.

ನಮ್ಮ ಆರೋಗ್ಯ ಮತ್ತು ಸುರಕ್ಷತೆ ನಮ್ಮದೇ ಜವಾಬ್ದಾರಿ. #ಮಾಸ್ಕಪ್ ಬೆಂಗಳೂರು #ಕೊರೋನಾವನ್ನು ಬಂಧಿಸಿ! pic.twitter.com/gkrFPIYWpw

— BengaluruCityPolice (@BlrCityPolice) May 19, 2020

ಈ ಕವಚ ಲೋಹದಿಂದ ಮಾಡಲ್ಪಟ್ಟಿಲ್ಲ, ಆದರೆ ಇದರಿಂದ ನಿಮ್ಮ ಜೀವವನ್ನು ಉಳಿಸಬಹುದು. #ಮಾಸ್ಕಪ್ ಬೆಂಗಳೂರು #ಕೊರೋನಾವನ್ನು ಬಂಧಿಸಿ! pic.twitter.com/PfHo9JRHoa

— BengaluruCityPolice (@BlrCityPolice) May 18, 2020

 

ಈ ಕವಚ ಲೋಹದಿಂದ ಮಾಡಲ್ಪಟ್ಟಿಲ್ಲ, ಆದರೆ ಇದರಿಂದ ನಿಮ್ಮ ಜೀವವನ್ನು ಉಳಿಸಬಹುದು. #ಮಾಸ್ಕಪ್ ಬೆಂಗಳೂರು #ಕೊರೋನಾವನ್ನು ಬಂಧಿಸಿ! pic.twitter.com/PfHo9JRHoa

— BengaluruCityPolice (@BlrCityPolice) May 18, 2020

ಸಾಂಕ್ರಾಮಿಕ ರೋಗ ಹರಡಿದ ಸಂದರ್ಭದಲ್ಲಿ, ನಕಲಿ ಸುದ್ದಿಗಳೂ ಸಹ ಇದರಷ್ಟೇ ಮಾರಕವಾಗಬಹುದು. ಜಾಣ್ಮೆ ತೋರಿಸಿ. #ಕೊರೋನಾವನ್ನು ಬಂಧಿಸಿ! pic.twitter.com/gJVtIX8vJK

— BengaluruCityPolice (@BlrCityPolice) May 15, 2020

#ಕೊರೋನಾವೈರಸನ್ನು ವಿಫಲಗೊಳಿಸಲು, ನಮಗೆ ಜಾಣ್ಮೆ ಹಾಗೂ ಶಕ್ತಿಯ ಅವಶ್ಯಕತೆಯಿದೆ. #ಮಾಸ್ಕಪ್ ಬೆಂಗಳೂರು#ಕೊರೋನಾವನ್ನು ಬಂಧಿಸಿ!#ArrestCorona pic.twitter.com/9WkuoAh9YN

— BengaluruCityPolice (@BlrCityPolice) May 14, 2020

ನಾಳೆ ಎಂಬುವ ಚಿಂತೆ ಮನದಲಿ ಇರಲಿ. ಎಲ್ಲಾ ಮುನ್ನೆಚ್ಚರಿಕಾ ಕ್ರಮಗಳನ್ನು ತೆಗೆದುಕೊಳ್ಳಿ, ಸುರಕ್ಷಿತವಾಗಿರಿ. #ಮಾಸ್ಕಪ್ ಬೆಂಗಳೂರು #ಕೊರೋನಾವನ್ನುಬಂಧಿಸಿ! pic.twitter.com/yjGnukxKkw

— BengaluruCityPolice (@BlrCityPolice) May 13, 2020

ಮೇ 18 ರಂದು ಶಿವರಾಜ್​ ಕುಮಾರ್​ ನಟನೆಯ ಕವಚ ಸಿನಿಮಾದ ಪೋಸ್ಟರ್​ ಅನ್ನು ಹಂಚಿಕೊಳ್ಳುವ ಮೂಲಕ ಬೆಂಗಳೂರು ಸಿಟಿ ಪೋಲಿಸರು ಜಾಗೃತಿ ಮೂಡಿಸಿದ್ದರು. ಪೋಸ್ಟರ್​ನಲ್ಲಿ ಹೊರಗೆ ಹೋಗುತ್ತಿದ್ದೀರಾ ಮರೆಯ ಬೇಡಿ ನಿಮ್ಮ ಸುರಕ್ಷತಾ ಕವಚ ಎಂಬ ಪೋಸ್ಟರ್​ ಅನ್ನು ಟ್ವಿಟ್ಟರ್​ನಲ್ಲಿ ಶೇರ್​​​ ಮಾಡಿದ್ದರು.

ಅದರಂತೆ ಕಿಚ್ಚ ಸುದೀಪ್​ ಪೈಲ್ವಾನ್​ ಸಿನಿಮಾ, ರಿಯಲ್​ ಸ್ಟಾರ್​ ಉಪೇಂದ್ರ ಅವರ ಬುದ್ಧಿವಂತ ಸಿನಿಮಾ, ರಕ್ಷಿತ್​ ಶೆಟ್ಟಿ ಅವನೇ ಶ್ರೀಮನ್ನಾರಾಯಣ ಸಿನಿಮಾದ ಪೋಸ್ಟರ್​ಗಳನ್ನು ಬಳಸಿಕೊಂಡು ಈ ಮೂಲಕ ಕೊರೋನಾ ಜಾಗೃತಿ ಮೂಡಿಸಿದ್ದರು.