'ಫ್ಯಾಸಿಸಂ ಎಂಬುದು ತಮಾಷೆಯಲ್ಲ': ವಿದ್ಯಾರ್ಥಿಗಳ ಮೇಲಿನ ಹಲ್ಲೆಗೆ ಹಾಲಿವುಡ್ ಬಾಲಿವುಡ್ ನಟ-ನಟಿಯರ ಖಂಡನೆ

ಪೌರತ್ವ ತಿದ್ದುಪಡಿ ಕಾಯ್ದೆ ವಿರುದ್ಧ ಪ್ರತಿಭಟನೆ ವೇಳೆ ದಿಲ್ಲಿಯ ಜಾಮಿಯಾ ಮಿಲ್ಲಿಯಾ ಇಸ್ಲಾಮಿಯಾ ವಿವಿ ವಿದ್ಯಾರ್ಥಿಗಳ ಮೇಲಿನ ಪೊಲೀಸ ದೌರ್ಜನ್ಯವನ್ನು ಬಾಲಿವುಡ್ ನಟ-ನಟಿಯರು ಖಂಡಿಸಿದ್ದಾರೆ. ಈ ಬಗ್ಗೆ ಟ್ವೀಟ್ ಮಾಡಿರುವ ನಟಿ ಪರಿಣಿತಿ ಚೋಪ್ರಾ "ನಾಗರಿಕನೊಬ್ಬ ತನ್ನ ಅಭಿಪ್ರಾಯ ವ್ಯಕ್ತಪಡಿಸಿದಾಗ ಪ್ರತಿ ಬಾರಿಯೂ ಹೀಗಾಗುವುದಾದರೆ, #ಸಿಎಬಿ ಮರೆತುಬಿಡಿ. ನಮ್ಮ ದೇಶದಲ್ಲಿ ಪ್ರಜಾಪ್ರಭುತ್ವ ಇನ್ನು ಉಳಿದಿಲ್ಲ ಎಂಬ ಮಸೂದೆಯನ್ನು ಹೊರಡಿಸಿ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

If this is what’s gonna happen everytime a citizen expresses their view, forget #CAB, we should pass a bill and not call our country a democracy anymore! Beating up innocent human beings for speaking their mind? BARBARIC.

— Parineeti Chopra (@ParineetiChopra) December 17, 2019

ಅಲ್ಲದೆ ಅಭಿಪ್ರಾಯ ವ್ಯಕ್ತಪಡಿಸಿದ ಮುಗ್ಧ ನಾಗರೀಕರ ಮೇಲೆ ಹಲ್ಲೆ ಮಾಡಿರುವುದು ಅಮಾನುಷ ಕೃತ್ಯ ಎಂದು ನಟಿ ಪರಿಣಿತಿ ಚೋಪ್ರಾ ಟ್ವೀಟ್ ಮೂಲಕ ತಿಳಿಸಿದ್ದಾರೆ. ಇನ್ನು ರಾಷ್ಟ್ರೀಯ ಪ್ರಶಸ್ತಿ ವಿಜೇತ ನಟರಾದ ಆಯುಷ್ಮಾನ್ ಖುರಾನಾ ಮತ್ತು ವಿಕ್ಕಿ ಕೌಶಲ್ ಕೂಡ ಜಾಮಿಯಾ ಘಟನೆ ಬಗ್ಗೆ ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದಾರೆ.

"ಪ್ರತಿಭಟಿಸಲು ಮತ್ತು ಅಭಿವ್ಯಕ್ತಿ ಸ್ವಾತಂತ್ರ್ಯವನ್ನು ವ್ಯಕ್ತಪಡಿಸಲು ನಮಗೆಲ್ಲರಿಗೂ ಹಕ್ಕಿದೆ. ಅದಾಗ್ಯೂ, ಪ್ರತಿಭಟನೆಗಳು ಹಿಂಸಾತ್ಮಕವಾಗಿರಬಾರದು. ವಿದ್ಯಾರ್ಥಿಗಳ ಮೇಲೆ ನಡೆದಿರುವ ಹಲ್ಲೆಯನ್ನು ನಾನು ಖಂಡಿಸುತ್ತೇನೆ. ಆದರೆ ಇದು ಗಾಂಧಿಜೀ ಅವರ ಭೂಮಿ. ಅಹಿಂಸೆಯ ಮೂಲಕ ಅಭಿಪ್ರಾಯ ವ್ಯಕ್ತಪಡಿಸಿ. ಹಾಗೆಯೇ ಪ್ರಜಾಪ್ರಭುತ್ವದಲ್ಲಿ ನಂಬಿಕೆ ಇರಿಸಿ ಎಂದು ಆಯುಷ್ಮಾನ್ ಖುರಾನಾ ಟ್ವೀಟ್ ಮಾಡಿ ಮನವಿ ಮಾಡಿದ್ದಾರೆ.

This!🙏🏻 🇮🇳 pic.twitter.com/X8qj9sCdEO

— Ayushmann Khurrana (@ayushmannk) December 16, 2019

ವಿದ್ಯಾರ್ಥಿಗಳ ಹಲ್ಲೆಯನ್ನು ಟ್ವೀಟ್ ಮೂಲಕ ಖಂಡಿಸಿರುವ ನಟ ವಿಕ್ಕಿ ಕೌಶಲ್, "ದೇಶದಲ್ಲಿ ನಡೆಯುತ್ತಿರುವುದು ಸರಿಯಾಗಿಲ್ಲ. ಹಾಗೆಯೇ ನಡೆಸುತ್ತಿರುವ ರೀತಿ ಕೂಡ ಸರಿಯಿಲ್ಲ. ತಮ್ಮ ಅಭಿಪ್ರಾಯವನ್ನು ಶಾಂತಿಯುತವಾಗಿ ತಿಳಿಸುವ ಹಕ್ಕನ್ನು ಪ್ರತಿಯೊಬ್ಬರು ಹೊಂದಿದ್ದಾರೆ. ಈ ಹಿಂಸಾಚಾರ ಮತ್ತು ಅಡ್ಡಿಪಡಿಸುವಿಕೆಯು ದುಃಖಕರ. ಪ್ರಜಾಪ್ರಭುತ್ವದ ಮೇಲಿನ ನಮ್ಮ ನಂಬಿಕೆಯನ್ನು ಅಲುಗಾಡಿಸುವಂತಹ ಕೆಲಸವಾಗಬಾರದು'' ಎಂಬಾರ್ಥದಲ್ಲಿ ಟ್ವೀಟ್ ಮಾಡಿದ್ದಾರೆ.

What is happening is not okay. The way it’s happening is not okay. People have every right to peacefully voice their opinion. This violence and disruption is both saddening and concerning as a fellow citizen. In no circumstance, must our faith in democracy be shaken. 🇮🇳

— Vicky Kaushal (@vickykaushal09) December 16, 2019

ಇನ್ನು ನಟ ರಾಜ್‍ ಕುಮಾರ್ ರಾವ್ ಸಹ ಜಾಮಿಯಾ ವಿದ್ಯಾರ್ಥಿಗಳನ್ನು ಬೆಂಬಲಿಸಿ ಟ್ವೀಟ್ ಮಾಡಿದ್ದಾರೆ. ''ಪ್ರಜಾಪ್ರಭುತ್ವದಲ್ಲಿ ಪ್ರತಿಯೊಬ್ಬ ನಾಗರಿಕನಿಗೂ ಶಾಂತಿಯುತ ಪ್ರತಿಭಟನೆಗೆ ಅವಕಾಶವಿದೆ. ಸಾರ್ವಜನಿಕ ಆಸ್ತಿಪಾಸ್ತಿ ಹಾನಿ ಮತ್ತು ಹಿಂಸಾ ಕೃತ್ಯವನ್ನೂ ಖಂಡಿಸುತ್ತೇನೆ. ಹಿಂಸೆ ಯಾವುದಕ್ಕೂ ಪರಿಹಾರವಲ್ಲ'' ಎಂದಿದ್ದಾರೆ.

I strongly condemn the violence that the police have shown in dealing with the students. In a democracy the citizens have the right to peacefully protest.I also condemn any kind of act of destruction of the public properties. Violence is not the solution for anything!

— Rajkummar Rao (@RajkummarRao) December 16, 2019

ಹಾಲಿವುಡ್ ನಟ ಟ್ವೀಟ್..!
ಹಾಲಿವುಡ್ ನಟ ಜಾನ್ ಕ್ಯೂಸೆಕ್ ಕೂಡ ದೆಹಲಿ ಪ್ರತಿಭಟನೆ ಬಗ್ಗೆ ಟ್ವೀಟ್ ಮಾಡಿ ಗಮನ ಸೆಳೆದಿದ್ದಾರೆ. ಫ್ಯಾಸಿಸಂ ಎಂಬುದು ತಮಾಷೆಯ ವಿಷಯವಲ್ಲ. ಆ ಪದವನ್ನು ನಾವು ಮಾರಕ ಎಂಬಾರ್ಥದಲ್ಲಿ ಬಳಸುತ್ತೇವೆ ಎಂದಿದ್ದಾರೆ.

Reports from Delhi are it was a war zone last night -
Fascism is not a joke - we use the word with the understanding it’s deadly

— John Cusack (@johncusack) December 16, 2019

ಅಲ್ಲದೆ ಮತ್ತೊಂದು ಟ್ವೀಟ್​ನಲ್ಲಿ ಮೋದಿಯ ಕ್ರೂರತ್ವದ ವಿರುದ್ಧ ಮುಸ್ಲಿಂ ಸಹೋದರರ-ಸಹೋದರಿಯರು ಹಾಗೂ ವಿದ್ಯಾರ್ಥಿಗಳೊಂದಿಗೆ ಪ್ರತಿಯೊಬ್ಬರು ಒಗ್ಗಟ್ಟಿನಲ್ಲಿ ನಿಲ್ಲುವಂತೆ ಕ್ಯೂಸೆಕ್ ತಿಳಿಸಿದ್ದಾರೆ.

Stand with our Muslim brothers and sisters and students in solidarity being brutalized by modi pic.twitter.com/aPEFOcexsw

— John Cusack (@johncusack) December 16, 2019