Rishi Kapoor-Dawood: ದುಬೈನಲ್ಲಿ ದಾವೂದ್ ಇಬ್ರಾಹಿಂ​ ಜತೆ ಟೀ ಕುಡಿದಿದ್ದ ರಿಷಿ ಕಪೂರ್​..!

Rishi Kapoor Nick Name: ದಾವೂದ್​ ಇಬ್ರಾಹಿಂ ಜತೆ ಆಗಿದ್ದ ಎರಡು ಭೇಟಿಗಳ ಬಗ್ಗೆ ತಮ್ಮ ಆತ್ಮಕತೆ ಖುಲ್ಲಂಖುಲ್ಲಾದಲ್ಲಿ ಬರೆದುಕೊಂಡಿದ್ದಾರೆ. ಅದರಲ್ಲೂ ಆ ಭೇಟಿ ಕುರಿತಾಗಿ ತಮ್ಮದೇ ಆದ ರೀತಿಯಲ್ಲಿ ವಿವರಿಸಿದ್ದಾರೆ.

ರಿಷಿ ಕಪೂರ್

ರಿಷಿ ಕಪೂರ್

  • Share this:
ನಟ ರಿಷಿ ಕಪೂರ್​ ತಮ್ಮ ಆತ್ಮಚರಿತ್ರೆಯನ್ನು ತುಂಬಾ ತೆರೆದ ಮನಸ್ಸಿನಿಂದ ಹಾಗೂ ಧೈರ್ಯವಾಗಿ ಬರೆದಿದ್ದಾರೆ ಎಂದರೆ ತಪ್ಪಾಗದು. ಆತ್ಮಚರಿತ್ರೆಯಲ್ಲಿ ರಿಷಿ ಕಪೂರ್​ ಕೆಲವು ವಿಷಯಗಳನ್ನು ನಿರ್ಭೀತರಾಗಿ ಮುಚ್ಚುಮರೆ ಇಲ್ಲದೆ ಬರೆದುಕೊಂಡಿದ್ದಾರೆ. ಅವುಗಳಲ್ಲಿ ಭೂಗತ ಲೋಕದ ದೊರೆ ದಾವೂದ್​ ಇಬ್ರಾಹಿಂ ಕುರಿತ ವಿಷಯವೂ ಇದೆ.

ದಾವೂದ್​ ಇಬ್ರಾಹಿಂ ಜೊತೆ ಆಗಿದ್ದ ಎರಡು ಭೇಟಿಗಳ ಬಗ್ಗೆ ತಮ್ಮ ಆತ್ಮಕತೆ 'ಖುಲ್ಲಂಖುಲ್ಲಾ'ದಲ್ಲಿ ಬರೆದುಕೊಂಡಿದ್ದಾರೆ. ಅದರಲ್ಲೂ ಆ ಭೇಟಿ ಕುರಿತಾಗಿ ತಮ್ಮದೇ ಆದ ರೀತಿಯಲ್ಲಿ ವಿವರಿಸಿದ್ದಾರೆ.



ದಾವೂದ್​ ಹಾಗೂ ಬಿ-ಟೌನ್​ ನಡುವೆ ಇರುವ ಸಂಬಂಧದ ಬಗ್ಗೆ ಆಗಾಗ ಮಾಧ್ಯಮಗಳಲ್ಲಿ ಓದುತ್ತಲೇ ಇರುತ್ತೇವೆ. ಡಿ ಡೇ ಸಿನಿಮಾದಲ್ಲಿ ಖುದ್ದು ರಿಷಿ ಕಪೂರ್ ದಾವೂದ್​ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.

1988ರಲ್ಲಿ ದಾವೂದ್ ಜತೆ ಮೊದಲ ಭೇಟಿ

ಆರ್​ ಡಿ ಬರ್ಮನ್​ ಹಾಗೂ ಆಶಾ ಭೋಂಸ್ಲೆ ಅವರ ಸಂಗೀತ ಸಂಜೆ ಕಾರ್ಯಕ್ರಮದಲ್ಲಿ ಭಾಗಿಯಾಗಲು ರಿಷಿ ತಮ್ಮ ಸ್ನೇಹಿತನ ಜತೆ ದುಬೈಗೆ ಹೋಗಿದ್ದರು. ಆಗಲೇ ದಾವೂದ್​ ಕಡೆಯವರು ರಿಷಿ ಕಪೂರ್​ ಅವರನ್ನು ವಿಮಾನ ನಿಲ್ದಾಣದಲ್ಲಿ ನೋಡಿದ್ದರು. ಆಗ ಭಾರತದಿಂದ ದುಬೈಗೆ ಬರುವ ವಿಐಪಿಗಳ ಮೇಲೆ ನಿಗಾ ಇಡಲು ದಾವೂದ್​ ಕಡೆಯವರು ವಿಮಾನ ನಿಲ್ದಾಣದಲ್ಲಿರುತ್ತಿದ್ದರಂತೆ.

ಇದನ್ನೂ ಓದಿ: ರಿಷಿ ಕಪೂರ್​ಗೆ ನಿಕ್​ನೇಮ್ ಅಂದ್ರೆ ಇಷ್ಟ ಇರಲಿಲ್ಲ: ಅವರ ಅಡ್ಡಹೆಸರೇನು ಗೊತ್ತಾ?

ಆಗ  ರಿಷಿ ಕಪೂರ್ ಅವರ ಬಳಿ ಒಬ್ಬ ಬಂದು, ದಾವೂದ್​ ನಿಮ್ಮೊಂದಿಗೆ ಮಾತನಾಡಬೇಕಂತೆ. ನೀವು ಅವರ ಮನೆಗೆ ಬರಬೇಕು ಎಂದಿದ್ದರಂತೆ. ಜತೆಗೆ ದಾವೂದ್​ ಕಳುಹಿಸಿದ್ದ ರೋಲ್ಸ್​ ರಾಯ್​ ಕಾರಿನಲ್ಲಿ ರಿಷಿ ಹಾಗೂ ಅವರ ಸ್ನೇಹಿತ ಹೋಗಿದ್ದರು. ಅವರನ್ನು ಕಾರಿನಲ್ಲಿ ಎಷ್ಟು ಸುತ್ತು ಹಾಕಿಸಲಾಗಿತ್ತು ಎಂದರೆ ಅವರಿಗೆ ದಾವೂದ್​ ಮನೆಯ ರಸ್ತೆ ತಿಳಿಯದಂತಾಗಿತ್ತು.

ಮನೆಯಲ್ಲಿ ರಿಷಿ ಕಪೂರ್ ಅವರನ್ನು ಖುದ್ದು ದಾವೂದ್​ ಸ್ವಾಗತಿಸಿದ್ದರಂತೆ. ನಂತರ ಟೀ ಹಾಗೂ ಬಿಸ್ಕಟ್​ ಕೊಟ್ಟು ಉಪಚರಿಸಿ, ಮುಂಬೈನಲ್ಲಿ ತಾನು ಮಾಡಿದ್ದ ಅಪರಾಧ ಹಾಗೂ ಕೊಲೆಗಳ  ಬಗ್ಗೆ ಹೇಳಿಕೊಂಡಿದ್ದರಂತೆ. ನಂತರ 1985ರಲ್ಲಿ ಸನ್ನಿ ದೇವುಲ್ ನಟನೆಯ ಅರ್ಜುನ್​ ಸಿನಿಮಾದಲ್ಲಿ ದೃಶ್ಯವನ್ನು ಚಿತ್ರೀಕರಿಸಲಾಗಿತ್ತಂತೆ.

ಎರಡನೇ ಭೇಟಿಯೂ ದುಬೈನಲ್ಲೇ ಆಗಿತ್ತು

ಆತ್ಮಕತೆ ಖುಲ್ಲಂಖುಲ್ಲಾದಲ್ಲಿ ರಿಷಿ ದಾವೂದ್​ ಜೊತೆ ಎರಡನೇ ಭೇಟಿಯಾಗಿದ್ದನ್ನೂ ಬರೆದುಕೊಂಡಿದ್ದಾರೆ. 1989ರಲ್ಲಿ ರಿಷಿ ಕಪೂರ್​ ಹೆಂಡತಿ ನೀತು ಜತೆ ದುಬೈಗೆ ಹೋಗಿದ್ದರಂತೆ. ಆಗ ಅಲ್ಲಿ ಶಾಪಿಂಗ್​ ಮಾಡಲು ಶೂಗಳ ಶೋರೂಮ್​ಗೆ ಹೋದಾಗ ದಾವೂದ್​ ಸಹ ಅಲ್ಲೇ ಇದ್ದರಂತೆ. ಕೈ ಯಲ್ಲಿ ಮೊಬೈಲ್​ ಹಿಡಿದುಕೊಂಡಿದ್ದ ದಾವೂದ್​ ಅವರ ಸುತ್ತಲೂ 8 ಮಂದಿ ಬಾಡಿಗಾರ್ಡ್​ಗಳಿದ್ದರಂತೆ.

ಇದನ್ನೂ ಓದಿ: Rishi Kapoor Filmography: ನೋವಲ್ಲೂ ನಗುವುದನ್ನು ಕಲಿಸಿದ್ದ ರಿಷಿ ಕಪೂರ್​ ಇನ್ನಿಲ್ಲ..!

ಆಗಲೂ ರಿಷಿ ಕಪೂರ್ ಅವರನ್ನು ನೋಡಿದ ದಾವೂದ್​ ಏನು ಬೇಕಾದರೂ ಖರೀದಿಸುಂತೆ ಆಫರ್ ಕೊಟ್ಟಿದ್ದಂತೆ. ಆದರೆ ಆಗಲೂ ರಿಷಿ ಕಪೂರ್​ ನಮ್ರತೆಯಿಂದಲೇ ಬೇಡ ಎಂದಿದ್ದಾರೆ. ದಾವೂದ್​ ತಮ್ಮ ಮೊಬೈಲ್​ ನಂಬರ್​ ಸಹ ನೀಡಿದ್ದರಂತೆ. ಆದರೆ ರಿಷಿ ಕಪೂರ್​ ಅವರಿಗೆ ತಮ್ಮ ನಂಬರ್​ ನೀಡಲಾಗಲಿಲ್ಲ. ಕಾರಣ ಆಗ ಭಾರತದಲ್ಲಿ ಮೊಬೈಲ್​ ಬಳಕೆ ಇನ್ನೂ ಆರಂಭವಾಗಿರಲಿಲ್ಲ.

Rishi Kapoor Married his Best Friend Neetu Singh interesting Love Story
ರಿಷಿ ಕಪೂರ್- ನೀತು ಸಿಂಗ್


ದಾವೂದ್​ಗೆ​ ಭಾರತದ ಬಗ್ಗೆ ಇದ್ದ ದೃಷ್ಟಿಕೋನದ ವಿಷಯದಲ್ಲಿ ನನಗೆ ತುಂಬಾ ಗೊಂದಲ ಇತ್ತು. ಇದಾದ ನಂತರ ಎಲ್ಲವೂ ಬದಲಾಗತೊಡಗಿತ್ತು. ನನಗೆ ಗೊತ್ತಿರಲಿಲ್ಲ ದಾವೂದ್​ ರನ್ನು ಎಷ್ಟು ದೇಶಗಳು ಹೊರ ಹಾಕಿವೆ ಎಂದು. ಇದಾದ ನಂತರ ಮತ್ತೆ ಎಂದೂ ದಾವೂದ್​ ಅವರನ್ನು ಭೇಟಿಯಾಗಲಿಲ್ಲ. ಅವರೊಂದಿಗೆ ಮಾತನಾಡಲಿಲ್ಲ ಎಂದು ರಿಷಿ ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: ಪಂಚಭೂತಗಳಲ್ಲಿ ಲೀನವಾದ ರಿಷಿ ಕಪೂರ್: ಅಂತಿಮ ನಮನ ಸಲ್ಲಿಸಿದ ನೀತು-ರಣಬೀರ್​ ಕಪೂರ್

ರಿಷಿ ಕಪೂರ್ ಅವರ ಆತ್ಮಚರಿತ್ರೆ ಖುಲ್ಲಂಖುಲ್ಲಾ ಬಿಡುಗಡೆಯಾದಾಗ ದಾವೂದ್​ ಭೇಟಿ ವಿಷಯದಿಂದಾಗಿ ವಿವಾದಕ್ಕೀಡಾಗಿದ್ದರು. ಆಗ ದಾವೂದ್​ ಭೇಟಿ ಬಗ್ಗೆ ಇಷ್ಟು ದಿನಗಳವರೆಗೆ ರಿಷಿ ಮೌನವಹಿಸಿದ್ದೇಕೆ.... ಪೊಲೀಸರಿಗೆ ಏಕೆ ತಿಳಿಸಲಿಲ್ಲ ಎಂಬ ಪ್ರಶ್ನೆಗಳೂ ಎದ್ದಿದ್ದವು.

Irrfan Khan: ಮನೆಯಲ್ಲಿ ಸಿನಿಮಾ ನೋಡಲು ನಿರ್ಬಂಧವಿದ್ದರೂ ಜನ ಮೆಚ್ಚಿದ ನಟನಾದ ಇರ್ಫಾನ್​ ಖಾನ್​ ಇನ್ನು ನೆನಪು ಮಾತ್ರ..!

First published: