• Home
  • »
  • News
  • »
  • entertainment
  • »
  • Guru Shishyaru: ಶಿಷ್ಯರ ಹುಡುಕಾಟದಲ್ಲಿದ್ದಾರೆ ರಾಬರ್ಟ್​ ನಿರ್ದೇಶಕ ತರುಣ್​ ಸುಧೀರ್​..!

Guru Shishyaru: ಶಿಷ್ಯರ ಹುಡುಕಾಟದಲ್ಲಿದ್ದಾರೆ ರಾಬರ್ಟ್​ ನಿರ್ದೇಶಕ ತರುಣ್​ ಸುಧೀರ್​..!

ತರುಣ್​ ಸುಧೀರ್​ ನಿರ್ಮಾಣದ ಸಿನಿಮಾ ಗುರು ಶಿಷ್ಯರು

ತರುಣ್​ ಸುಧೀರ್​ ನಿರ್ಮಾಣದ ಸಿನಿಮಾ ಗುರು ಶಿಷ್ಯರು

Tharun Sudhir: 1995ರಲ್ಲಿ ನಡೆಯುವ ಕಥೆ ಈ ಚಿತ್ರದ್ದು ಎಂದು ಹೇಳುವ ಚಿತ್ರತಂಡ, ಈ ಸಿನಿಮಾದ ಯಾವುದೇ ವಿವರಗಳನ್ನು ಬಹಿರಂಗಪಡಿಸಿಲ್ಲ. ಆದರೆ ತರುಣ್​ ಸುಧೀರ್​ ಅವರು ಮಾತ್ರ ತಮ್ಮ ಚೊಚ್ಚಲ ನಿರ್ಮಾಣದ ಚಿತ್ರಕ್ಕೆ ಈಗ ಆಡಿಷನ್​ ನಡೆಸುತ್ತಿದ್ದಾರೆ.

  • Share this:

ಗುರು ಶಿಷ್ಯರು ಎಂದ ಕೂಡಲೆ ನೆನಪಾಗೋದು ಹಿರಿಯ ನಟ ದ್ವಾರಕೀಶ್​. ದ್ವಾರಕೀಶ್​ ವರ ಈ ಎಪಿಕ್​ ಸಿನಿಮಾದ ಶೀರ್ಷಿಕೆಯನ್ನು ಈಗ ಮತ್ತೆ ಬಳಸಿಕೊಂಡು ಚಿತ್ರ ನಿರ್ಮಿಸಲಾಗುತ್ತಿದೆ. 1981ರಲ್ಲಿ ತೆರೆಕಂಡ ಸೂಪರ್ ಹಿಟ್​ ಸಿನಿಮಾ ಇದಾಗಿದ್ದು, ಈಗ ಇದೇ ಶೀರ್ಷಿಕೆಯಲ್ಲಿ ಹೊಸ ಚಿತ್ರ ಸೆಟ್ಟೇರಿದೆ. ಹೌದು, ನಿರ್ದೇಶಕ ತರುಣ್​ ಸುಧೀರ್​ ಇದೇ ಮೊದಲ ಬಾರಿಗೆ ಗುರು ಶಿಷ್ಯರು ಚಿತ್ರದ ಮೂಲಕ ನಿರ್ಮಾಪಕನಾಗಿ ಬಡ್ತಿ ಪಡೆದಿದ್ದಾರೆ. ಈ ಚಿತ್ರದಲ್ಲಿ ನಾಯಕನಾಗಿ ನಟ ಶರಣ್​ ಅಭಿನಯಿಸುತ್ತಿದ್ದಾರೆ. ಇತ್ತೀಚೆಗಷ್ಟೆ ಈ ಸಿನಿಮಾ ಟೈಟಲ್​ ಟೀಸರ್​ ಅನ್ನು ನಟ ದ್ವಾರಕೀಶ್​ ಅವರ ಕೈಯಲ್ಲಿ ರಿಲೀಸ್​ ಮಾಡಿಸಲಾಗಿತ್ತು. ಲಡ್ಡು ಫಿಲ್ಮ್ಸ್ ಮತ್ತು ತರುಣ್ ಸುಧೀರ್ ಕ್ರಿಯೇಟಿವ್ಸ್ ಈ ಹೊಸ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿವೆ. ಶರಣ್ ಈ ಸಿನಿಮಾದಲ್ಲಿ ನಾಯಕನಾಗಿ ನಟಿಸುವುದರ ಜತೆಗೆ ಸಹ ನಿರ್ಮಾಪಕರೂ ಕೂಡ. 


ಶರಣ್​ ನಾಯಕನಾಗಿ ನಟಿಸುತ್ತಿರುವ ಗುರು ಶಿಷ್ಯರು ಸಿನಿಮಾದ ಟೈಟಲ್​ ಟೀಸರ್​ ಅನ್ನು ನಟ ದ್ವಾರಕೀಶ್​ ಅವರ ಕೈಯಲ್ಲೇ ಬಿಡುಗಡೆ ಮಾಡಿಸಿದ್ದು ವಿಶೇಷ. ಇನ್ನು, ಈ ವರ್ಷ ಜೆಂಟಲ್ ಮನ್ ನಂತಹ ಸೂಪರ್ ಹಿಟ್ ಚಿತ್ರ ಕೊಟ್ಟಿರುವ ನಿರ್ದೇಶಕ ಜಡೇಶ್ ಹಂಪಿ ಅವರು ಈ ಗುರು ಶಿಷ್ಯರು ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ.





 

 

 


View this post on Instagram


 

 

 


A post shared by Tharun Kishore Sudhir (@tharunsudhir)





1995ರಲ್ಲಿ ನಡೆಯುವ ಕಥೆ ಈ ಚಿತ್ರದ್ದು ಎಂದು ಹೇಳುವ ಚಿತ್ರತಂಡ, ಈ ಸಿನಿಮಾದ ಯಾವುದೇ ವಿವರಗಳನ್ನು ಬಹಿರಂಗಪಡಿಸಿಲ್ಲ. ಆದರೆ ತರುಣ್​ ಸುಧೀರ್​ ಅವರು ಮಾತ್ರ ತಮ್ಮ ಚೊಚ್ಚಲ ನಿರ್ಮಾಣದ ಚಿತ್ರಕ್ಕೆ ಈಗ ಆಡಿಷನ್​ ನಡೆಸುತ್ತಿದ್ದಾರೆ.



ಗುರು ಶಿಷ್ಯರು ಸಿನಿಮಾದಲ್ಲಿ ನಟಿಸಲು 13-17 ವರ್ಷದ ಒಳಗಿರುವ ಹುಡುಗರು ಬೇಕಾಗಿದ್ದಾರೆ. ಕ್ರೀಡಾ ದೈಹಿಕ ಸಾಮರ್ಥ್ಯವುಳ್ಳ ಹುಡುಗರು ತಮ್ಮ ಫೋಟೋಗಳು ಹಾಗೂ 3 ನಿಮಿಷಯದ ವಿಡಿಯೋವನ್ನು ಈ ಮೇಲಿನ ಪೋಸ್ಟ್​ನಲ್ಲಿ ನೀಡಿರುವ ವಾಟ್ಸ್​ಆ್ಯಪ್​ ನಂಬರ್​ಗೆ ಕಳುಹಿಸಬಹುದಾಗಿದೆ.



ಕಲಾವಿದರು ತಮ್ಮ ಅಭಿನಯದ ವಿಡಿಯೋವನ್ನು ಮೂರು ನಿಮಿಷಕ್ಕಿಂತ ಹೆಚ್ಚು ರೆಕಾರ್ಡ್​ ಮಾಡುವಂತಿಲ್ಲ. ವಿಡಿಯೋದಲ್ಲಿ ಕಲಾವಿದ ಸ್ವಂತ ಧ್ವನಿ ಇರಬೇಕು. ಆಯ್ಕೆಯಾದವರನ್ನು ಚಿತ್ರತಂಡದವರೇ ಸಂಪರ್ಕಿಸುತ್ತಾರೆ ಎಂದು ನಿರ್ಮಾಪಕರು ಮಾಡಿರುವ ಪೋಸ್ಟ್​ನಲ್ಲಿ ಉಲ್ಲೇಖಿಸಿದ್ದಾರೆ.


ಇದನ್ನೂ ಓದಿ: ಅಜ್ಜಿ ಮನೆಯಲ್ಲಿ ಆಟವಾಡುತ್ತಾ ಕಾಲ ಕಳೆಯುತ್ತಿರುವ ರಾಬರ್ಟ್​ ಕ್ವೀನ್​ ಆಶಾ ಭಟ್​..!


ಬಿ. ಅಜನೀಶ್ ಲೋಕನಾಥ್ ಸಂಗೀತ ಚಿತ್ರಕ್ಕಿದ್ದು, ಆರೂರು ಸುಧಾಕರ್ ಶೆಟ್ಟಿ ಅವರ ಸಿನಿಮಾಟೋಗ್ರಫಿಯಲ್ಲಿ ಸಿನಿಮಾ ಮೂಡಿ ಬರಲಿದೆ. ಲಡ್ಡು ಸಿನಿಮಾ ಹೌಸ್, ತರುಣ್ ಸುಧೀರ್ ಕ್ರಿಯೇಟಿವ್ಸ್ ಬ್ಯಾನರ್​ನ ಸಿನಿಮಾ ಇದಾಗಿದೆ.

Published by:Anitha E
First published: