Window Seat: ಅತಿ ಚೆಂದವಾಗಿ ಹಾಡಿನ ಜೊತೆ ಚಿತ್ರತಂಡದ ಪರಿಚಯ ಮಾಡಿಕೊಟ್ಟ ವಿಂಡೋಸೀಟ್​ ನಿರ್ದೇಶಕಿ..!

ನಟಿ ಹಾಗೂ ನಿರೂಪಕಿ ಶೀತ್​ಲ್​ ಶೆಟ್ಟಿ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ವಿಂಡೋಸೀಟ್​ ಸಿನಿಮಾದ ಲಿರಿಕಲ್​ ವಿಡಿಯೋ ರಿಲೀಸ್​ ಆಗಿದೆ. ಪೋಸ್ಟರ್​ ಹಾಗೂ ಟೀಸರ್​ನಿಂದಲೇ ಈ ಚಿತ್ರದ ಬಗ್ಗೆ ಸಿನಿಪ್ರಿಯರಲ್ಲಿ ಕುತೂಹಲ ಹೆಚ್ಚಿದೆ. ರಂಗಿತರಂಗ ಖ್ಯಾತಿಯ ನಿರೂಪ್​ ಭಂಡಾರಿ ವಿಂಡೋಸೀಟ್​ನಲ್ಲಿ ಕುಳಿತು ಪ್ರೀತಿ-ಪ್ರೇಮ ಅಂತಿದ್ದಾರೆ. ಈ ಸಿನಿಮಾದ ಟೀಸರ್​ ಯ್ಯೂಟೂಬ್​ನಲ್ಲಿ ಇತ್ತೀಚೆಗಷ್ಟೆ ಬಿಡುಗಡೆಯಾಗಿದ್ದು, ವೀಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿದೆ. ಕಿಚ್ಚ ಜೊತೆಗೆ ಫ್ಯಾಂಟಮ್​ ಸಿನಿಮಾದಲ್ಲಿ ನಟಿಸುತ್ತಿರುವ ನಿರೂಪ್​ ಭಂಡಾರಿ ಇತ್ತ ವಿಂಡೋಸೀಟ್​ನಲ್ಲೂ ಅಭಿನಯಿಸುತ್ತಿದ್ದಾರೆ. ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವ ನಿರೂಪ್​ಗೆ ನಾಯಕಿಯಾಗಿ ಸಂಜನಾ ಆನಂದ್​ ಮತ್ತು ಅಮೃತಾ ಅಯ್ಯಂಗರ್​ ಅಭಿನಯಿಸುತ್ತಿದ್ದಾರೆ.ವಿಂಡೋಸೀಟ್​ ಮೂಲಕ ಕಥೆ ಹೇಳಲು ಹೊರಟಿರುವ ನಿರೂಪ್​ ಭಂಡಾರಿ ರಘು ಎಂಬ ಮ್ಯೂಜಿಷಿಯನ್​ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇನ್ನು ರವಿಶಂಕರ್​ ಕೂಡ ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅದಕ್ಕಾಗಿ ಜೀವನದಲ್ಲಿ ಗಿಟಾರ್​ ಮುಟ್ಟದ ನಿರೂಪ್​, ಅದನ್ನೂ ಕಲಿತಿದ್ದಾರಂತೆ.

ಶೀತಲ್​ ಶೆಟ್ಟಿ ಕಥೆ ಬರೆದು ನಿರ್ದೇಶಿಸುತ್ತಿರುವ ವಿಂಡೋಸೀಟ್​ ಚಿತ್ರಕ್ಕೆ ಮ್ಯೂಸಿಕ್​ ಮಾಂತ್ರಿಕ ಅರ್ಜುನ್​ ಜನ್ಯ ಅವರ ಸಂಗೀತವಿದೆ. ಇನ್ನು ನಿನ್ನೆಯಷ್ಟೆ ಈ ಸಿನಿಮಾ ಅತಿ ಚೆಂದದ ಲಿರಿಕಲ್​ ವಿಡಿಯೋ ಹಾಡು ರಿಲೀಸ್​ ಆಗಿದೆ.



ಇನ್ನು, ಯೋಗರಾಜ್​ ಭಟ್ಟರು ಬರೆದಿರುವ ಹಾಡನ್ನು ಅತಿ ಚೆಂದವಾಗಿ ಹಾಡಿದ್ದಾರೆ ಖ್ಯಾತ ಗಾಯಕ ವಿಜಯ ಪ್ರಕಾಶ್​. ನಿರ್ದೇಶಕಿಯಾಗಿ ಶೀತಲ್​ ಶೆಟ್ಟಿ ಅವರ ಮೊದಲ ಪ್ರಯತ್ನವೇ ಈ ವಿಂಡೋಸೀಟ್​. ಇದಕ್ಕೆ ನಿರ್ಮಾಪಕ ಜಾಕ್​ ಮಂಜು ಬಂಡವಾಳ ಹೂಡಿದ್ದಾರೆ.

View this post on Instagram

A post shared by Sheetal Shetty (@isheetalshetty)

ವಿಂಡೋ ಸೀಟ್ ಫಸ್ಟ್ ಲುಕ್​ ಬಿಡುಗಡೆಯ ವೇಳೆ ಅಭಿಮಾನಿಗಳಿಂದ ಭಾರೀ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಇನ್ನು ಶೀತಲ್​ ಶೆಟ್ಟಿ ಅವರ ಈ ಪ್ರಯತ್ನಕ್ಕೆ ಕಿಚ್ಚ ಸುದೀಪ್​, ರಕ್ಷಿತ್​ ಶೆಟ್ಟಿ, ರಿಷಭ್​ ಶೆಟ್ಟಿ ಮೆಚ್ಚುಗೆ ವ್ಯಕ್ತಪಡಿಸುತ್ತಾ ಈ ಹಿಂದೆಯೇ ಟ್ವೀಟ್​ ಮಾಡಿದ್ದರು.