Anushka Sharma-Virat Kohli: ಮಗಳಿಗೆ 6 ತಿಂಗಳು ತುಂಬಿದ ಖುಷಿಯಲ್ಲಿ ಅನುಷ್ಕಾ - ವಿರಾಟ್; ಸೆಲಬ್ರೇಶನ್ ಹೇಗಿತ್ತು ನೋಡಿ..!

ವಮಿಕಾಗೆ 6 ತಿಂಗಳು ತುಂಬಿದ ಖುಷಿಯನ್ನು ವಿರುಷ್ಕಾ ದಂಪತಿ ಸಂಭ್ರಮಿಸಿದ್ದಾರೆ. ಮಗಳ ಸುಂದರವಾದ ಫೋಟೋಗಳನ್ನು ಹಂಚಿಕೊಳ್ಳುವ ಮೂಲಕ ವಮಿಕಾಳ ಆರು ತಿಂಗಳ ಹುಟ್ಟುಹಬ್ಬವನ್ನು ಆಚರಿಸಿದ್ದಾರೆ.

ಮಗಳೊಂದಿಗೆ ಅನುಷ್ಕಾ-ವಿರಾಟ್

ಮಗಳೊಂದಿಗೆ ಅನುಷ್ಕಾ-ವಿರಾಟ್

  • Share this:
    ವಿರುಷ್ಕಾ ದಂಪತಿಗೆ ಮಗಳು ವಮಿಕಾ ಜನಿಸಿ 6 ತಿಂಗಳು ಕಳೆದಿವೆ. ಈವರೆಗೆ ಮಗಳ ಮುಖವನ್ನು ಅಭಿಮಾನಿಗಳಿಗೆ ತೋರಿಸಿಲ್ಲ. ನಿನ್ನೆ ಅಂದರೆ ಭಾನುವಾರ ಮಗಳು ವಮಿಕಾಗೆ 6 ತಿಂಗಳು ತುಂಬಿದೆ. ಈ ಹಿನ್ನೆಲೆ ನಟಿ ಅನುಷ್ಕಾ ಶರ್ಮಾ ಮತ್ತು ವಿರಾಟ್​ ಕೊಹ್ಲಿ ತಮ್ಮ ಮಗಳು ವಮಿಕಾ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಜುಲೈ 11ಕ್ಕೆ ವಮಿಕಾಗೆ 6 ತಿಂಗಳು ತುಂಬಿದೆ.

    ವಮಿಕಾಗೆ 6 ತಿಂಗಳು ತುಂಬಿದ ಖುಷಿಯನ್ನು ವಿರುಷ್ಕಾ ದಂಪತಿ ಸಂಭ್ರಮಿಸಿದ್ದಾರೆ. ಮಗಳ ಸುಂದರವಾದ ಫೋಟೋಗಳನ್ನು ಹಂಚಿಕೊಳ್ಳುವ ಮೂಲಕ ವಮಿಕಾಳ ಆರು ತಿಂಗಳ ಹುಟ್ಟುಹಬ್ಬವನ್ನು ಆಚರಿಸಿದ್ದಾರೆ. ಪಾರ್ಕ್​ವೊಂದಕ್ಕೆ ಪಿಕ್​ನಿಕ್​ ತೆರಳಿ ಮಗಳ ಅರ್ಧವರ್ಷದ ಬರ್ತ್​ಡೇ ಸೆಲೆಬ್ರೇಟ್ ಮಾಡಿದ್ದಾರೆ.

    ಇದನ್ನೂ ಓದಿ:Viral News: ಆಸ್ಪತ್ರೆಯಲ್ಲೇ ಮದುವೆಯಾಗಿ ಅಜ್ಜಿಗೆ ಸರ್‌ಪ್ರೈಸ್‌ ನೀಡಿದ ಮೊಮ್ಮಗಳು

    ನಟಿ ಅನುಷ್ಕಾ ಶರ್ಮಾ ತನ್ನ ಇನ್​​ಸ್ಟಾಗ್ರಾಂ ಖಾತೆಯಲ್ಲಿ ಮಗಳ ಜೊತೆಗಿನ ಬ್ಯೂಟಿಫುಲ್ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಮೊದಲ ಫೋಟೋದಲ್ಲಿ ಅನುಷ್ಕಾ ಶರ್ಮಾ ಮಗಳನ್ನು ತನ್ನ ಮೇಲೆ ಮಲಗಿಸಿಕೊಂಡಿದ್ದಾರೆ. ಗುಲಾಬಿ ಬಣ್ಣದ ಶರ್ಟ್​ ಹಾಗೂ ನೀಲಿ ಬಣ್ಣದ ಜೀನ್ಸ್​ ಧರಿಸಿರುವ ಅನುಷ್ಕಾ ತಮ್ಮ ಮಗಳಿಗೆ ಆಕಾಶ ತೋರಿಸುತ್ತಿದ್ದಾರೆ. ಆದರೆ ಇಲ್ಲೂ ಸಹ ಮಗಳು ವಮಿಕಾ ಮುಖವನ್ನು ಅಭಿಮಾನಿಗಳಿಗೆ ತೋರಿಸಿಲ್ಲ.






    ಮತ್ತೊಂದು ಫೋಟೋದಲ್ಲಿ ವಿರಾಟ್​ ಕೊಹ್ಲಿ ತಮ್ಮ ಮಗಳು ವಮಿಕಾಳನ್ನು ಎತ್ತಿಕೊಂಡಿದ್ದಾರೆ. ಸಖತ್​ ಕ್ಯೂಟ್​ ಆಗಿರುವ ವಮಿಕಾ ಕೈಯಲ್ಲಿ ತನ್ನ ಅಪ್ಪನ ಮುಖ ಹಿಡಿದುಕೊಂಡಿದ್ದಾಳೆ. ವಿರಾಟ್​ ಮಗಳ ಮುಖ ನೋಡಿ ಖುಷಿಪಟ್ಟಿದ್ದಾರೆ. ಈ ಫೋಟೋ ಸೋಷಿಯಲ್​ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.

    ತಾಯಿ-ಮಗು ಇಬ್ಬರೂ ಒಂದೇ ರೀತಿ ಕಾಲು ಹಾಕಿಕೊಂಡಿರುವ ಶೈಲಿಯ ಮತ್ತೊಂದು ಫೋಟೋ ಪೋಸ್ಟ್​ ಮಾಡಿದ್ದಾರೆ. ಹೂವುಗಳಿಂದ ಅಲಂಕೃತಗೊಂಡ ಕೇಕ್​​ ಫೋಟೋ ಕೂಡ ಹಂಚಿಕೊಂಡಿದ್ದಾರೆ.

    ಇದನ್ನೂ ಓದಿ:Bigg Boss 8 Kannada: ಈ ವಾರ ಬಿಗ್​​ಬಾಸ್​​ನಿಂದ ರಘು ಎಲಿಮಿನೇಟ್ ಆಗೋದಕ್ಕೆ ಇದೇ ಕಾರಣ...!

    ಈ ಫೋಟೋಗಳನ್ನು ಪೋಸ್ಟ್ ಮಾಡಿರುವ ಅನುಷ್ಕಾ ಶರ್ಮಾ, ‘ಅವಳ ಒಂದು ನಗು ನಮ್ಮ ಇಡೀ ಪ್ರಪಂಚವನ್ನು ಬದಲಿಸಬಲ್ಲದು. ನೀನು ನಮ್ಮನ್ನು ನೋಡುವ ಪ್ರೀತಿಯೊಂದಿಗೆ ನಾವಿಬ್ಬರೂ ಬದುಕಬಲ್ಲೆವು ಎಂದು ಭಾವಿಸಿದ್ದೇನೆ. ಮುದ್ದಾದ ಮಗಳಿಗೆ ಇವತ್ತಿಗೆ 6 ತಿಂಗಳಾಗಿದೆ‘ ಎಂದು ಬರೆದುಕೊಂಡಿದ್ದಾರೆ.

    ಅನುಷ್ಕಾ ಶರ್ಮಾ ಮತ್ತು ವಿರಾಟ್​ ಕೊಹ್ಲಿ ತಮ್ಮ ಜೀವನದ ಸುಂದರ ಕ್ಷಣಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹೆಚ್ಚಾಗಿ ಶೇರ್ ಮಾಡಿಕೊಳ್ಳುವುದಿಲ್ಲ. ಅದರಲ್ಲೂ ತಮ್ಮ ಮಗಳು ವಮಿಕಾ ಹುಟ್ಟಿದ ಮೇಲಂತೂ ಫೋಟೋ ತೆಗೆಯದಂತೆ ಮಾಧ್ಯಮಗಳಿಗೆ ಮನವಿಯನ್ನೂ ಮಾಡಿದ್ದಾರೆ. ವಿರುಷ್ಕಾ ದಂಪತಿಗಳ ಸೋಷಿಯಲ್​ ಮೀಡಿಯಾ ಖಾತೆಗಳಲ್ಲಿ ಈವರೆಗೆ ವಮಿಕಾ ಮುಖವನ್ನು ಅಭಿಮಾನಿಗಳಿಗೆ ತೋರಿಸಿಲ್ಲ.

    ಇದೇ ವರ್ಷ ಜನವರಿ 11ರಲ್ಲಿ ಅನುಷ್ಕಾ ಶರ್ಮಾ ತಮ್ಮ ಮಗಳಿಗೆ ಜನ್ಮ ನೀಡಿದರು. ಮಗಳ ಹೆಸರನ್ನು ಹೇಳುವ ಸಂದರ್ಭದಲ್ಲಿ ಅನುಷ್ಕಾ ಮೊದಲ ಬಾರಿಗೆ ತಮ್ಮ ಮಗಳ ಫೋಟೋವನ್ನು ಹಂಚಿಕೊಂಡಿದ್ದರು.
    Published by:Latha CG
    First published: