HOME » NEWS » Entertainment » ANUSHKA SHARMA AND SAKSHI DHONI WERE SCHOOL FRIENDS SEE PICTURES STG LG

Anushka Sharma: ಅನುಷ್ಕಾ ಶರ್ಮಾ ಮತ್ತು ಸಾಕ್ಷಿ ಧೋನಿಯ ಗೆಳೆತನ ಈಗಿನದ್ದು ಮಾತ್ರವಲ್ಲ..!

ಸಾಕ್ಷಿ ಮತ್ತು ತಾನು ಒಂದೇ ಶಾಲೆಯಲ್ಲಿ ಕಲಿತಿರುವುದಾಗಿ, ಅನುಷ್ಕಾ ಈ ಹಿಂದೆ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದರು. “ನಾನು ಮತ್ತು ಸಾಕ್ಷಿ ಅಸ್ಸಾಂನ ಚಿಕ್ಕ ಪಟ್ಟಣವೊಂದಲ್ಲಿ ಜೊತೆಗೆ ವಾಸಿಸಿದ್ದೇವೆ. ಅವಳು ತಾನು ವಾಸಿಸುತ್ತಿದ್ದ ಜಾಗದ ಬಗ್ಗೆ ಹೇಳಿದಾಗ, ಅರೇ, ನಾನು ಕೂಡ ಅಲ್ಲಿ ವಾಸಿಸಿದ್ದೆ ! ಎಂದೆ. ಅವಳು ತನ್ನ ಶಾಲೆಯ ಕುರಿತು ಹೇಳಿದಾಗ, ನಾನು ಕೂಡ ಅದೇ ಶಾಲೆಗೆ ಹೋಗಿದ್ದನ್ನು ಹೇಳಿದೆ” ಎಂದಿದ್ದಾರೆ ಅನುಷ್ಕಾ.

news18-kannada
Updated:May 15, 2021, 12:33 PM IST
Anushka Sharma: ಅನುಷ್ಕಾ ಶರ್ಮಾ ಮತ್ತು ಸಾಕ್ಷಿ ಧೋನಿಯ ಗೆಳೆತನ ಈಗಿನದ್ದು ಮಾತ್ರವಲ್ಲ..!
ಸಾಕ್ಷಿ ಧೋನಿ ಅನುಷ್ಕಾ ಶರ್ಮಾ
  • Share this:
ಅನುಷ್ಕಾ ಶರ್ಮಾ ಮತ್ತು ಸಾಕ್ಷಿ ಧೋನಿ ಸಿಕ್ಕಾಪಟ್ಟೆ ಕುಚ್ಚಿಕ್ಕು ಸ್ನೇಹಿತೆಯರು ಎಂಬುದು ಎಲ್ಲರಿಗೂ ತಿಳಿದಿರುವ ಸಂಗತಿ. ಆದರೆ ಈ ಇಬ್ಬರು ಚೆಲುವೆಯರ ಗೆಳೆತನ ನಿನ್ನೆ ಮೊನ್ನೆಯದಲ್ಲ, ಬಾಲ್ಯದಿಂದಲೂ ಅವರಿಬ್ಬರು ಪರಿಚಿತರು ಎಂಬ ಸಂಗತಿ ಬಹಳಷ್ಟು ಮಂದಿಗೆ ಗೊತ್ತಿರಲಿಕ್ಕಿಲ್ಲ. ಹೌದು, ಇಬ್ಬರ ಪತಿಯಂದಿರು ಕ್ರಿಕೆಟಿಗರು ಎಂಬುವುದಷ್ಟೇ ಅವರಿಬ್ಬರ ನಡುವೆ ಇರುವ ಸಮಾನ ಅಂಶ ಅಲ್ಲ, ಇಬ್ಬರು ಓದಿದ ಶಾಲೆ ಕೂಡ ಒಂದೇ. ಬಾಲಿವುಡ್‍ನಲ್ಲಿ ನಟಿ ಅನುಷ್ಕಾ ಶರ್ಮಾ ಭಾರತೀಯ ಕ್ರಿಕೆಟ್‌ ತಂಡದ ವಿರಾಟ್ ಕೊಹ್ಲಿಯನ್ನು ಮದುವೆಯಾಗಿದ್ದರೆ, ಸಾಕ್ಷಿಯ ಪತಿ ಭಾರತೀಯ ಕ್ರಿಕೆಟ್ ತಂಡದ ಮಾಜಿ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ. ಅನುಷ್ಕಾ ಮತ್ತು ಸಾಕ್ಷಿ ತಮ್ಮ ಶಾಲಾ ದಿನಗಳಲ್ಲಿ ಜೊತೆಯಾಗಿ ತೆಗೆಸಿಕೊಂಡಿರುವ ಫೋಟೊಗಳು ಇಂಟರ್‌ನೆಟ್‍ನಲ್ಲಿ ಮೆಚ್ಚುಗೆ ಪಡೆಯುತ್ತಿರುವುದು ಮಾತ್ರವಲ್ಲ, ಬಹುಪಾಲು ಜನರಲ್ಲಿ ಅಚ್ಚರಿಯನ್ನು ಕೂಡ ಉಂಟು ಮಾಡಿದೆ.

ಫೋಟೋಗಳಲ್ಲಿ ಒಂದು, ಇಬ್ಬರೂ ತಮ್ಮ ಸ್ನೇಹಿತೆಯರ ಜೊತೆ ಖುಷಿಯಾಗಿ ಫೋಸ್ ನೀಡುತ್ತಿರುವ ಫೋಟೋ, ಇನ್ನೊಂದು ಕಿಂಡರ್‌ಗಾರ್ಟನ್ ದಿನಗಳ ಫೋಟೋ. ಆ ಫೋಟೋದಲ್ಲಿ ಸಾಕ್ಷಿ ಫೇರಿಯಂತೆ ವೇಷ ತೊಟ್ಟು ನಿಂತಿದ್ದರೆ, ಅನುಷ್ಕಾ ಗುಲಾಬಿ ಬಣ್ಣದ ಲೆಹಂಗಾದಲ್ಲಿ ಮಿಂಚುತ್ತಿದ್ದಾರೆ.





ಅನುಷ್ಕಾ ಅವರ ತಂದೆ ಅಜಯ್ ಕುಮಾರ್ ಶರ್ಮಾ ನಿವೃತ್ತ ಸೇನಾಧಿಕಾರಿ. ಅವರು ಸೇನಾವೃತ್ತಿಯಲ್ಲಿ ಇದ್ದಿದ್ದರಿಂದ ಆಗಾಗ್ಗೆ ದೇಶದ ಬೇರೆ ಬೇರೆ ಕಡೆ ಪೋಸ್ಟಿಂಗ್ ಆಗುತ್ತಿತ್ತು. ಅವರಿಗೆ ಅಸ್ಸಾಮ್‍ನಲ್ಲಿ ಪೋಸ್ಟಿಂಗ್ ಆಗಿದ್ದಾಗ, ಅನುಷ್ಕಾ ಮಾರ್ಗರೀಟಾದಲ್ಲಿದ್ದ ಸೈಂಟ್ ಮೇರೀಸ್ ಶಾಲೆಗೆ ಸೇರಿದ್ದರು. ಸಾಕ್ಷಿ ಕೂಡ ಅದೇ ಶಾಲೆಯಲ್ಲಿ ಕಲಿತಿದ್ದಾರೆ.

ಸಂಪೂರ್ಣವಾಗಿ ಲಸಿಕೆ ಹಾಕಿಸಿಕೊಂಡ ಜನರಿಗೆ ಅಮೆರಿಕದಲ್ಲಿ ಮಾಸ್ಕ್‌ ಅಗತ್ಯವಿಲ್ಲ; ಸರ್ಕಾರದ ಸಲಹೆಗೆ ನೆಟ್ಟಿಗರಿಂದ ಪ್ರಶ್ನೆಗಳ ಸುರಿಮಳೆ..!

ಸಾಕ್ಷಿ ಮತ್ತು ತಾನು ಒಂದೇ ಶಾಲೆಯಲ್ಲಿ ಕಲಿತಿರುವುದಾಗಿ, ಅನುಷ್ಕಾ ಈ ಹಿಂದೆ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದರು. “ನಾನು ಮತ್ತು ಸಾಕ್ಷಿ ಅಸ್ಸಾಂನ ಚಿಕ್ಕ ಪಟ್ಟಣವೊಂದಲ್ಲಿ ಜೊತೆಗೆ ವಾಸಿಸಿದ್ದೇವೆ. ಅವಳು ತಾನು ವಾಸಿಸುತ್ತಿದ್ದ ಜಾಗದ ಬಗ್ಗೆ ಹೇಳಿದಾಗ, ಅರೇ, ನಾನು ಕೂಡ ಅಲ್ಲಿ ವಾಸಿಸಿದ್ದೆ ! ಎಂದೆ. ಅವಳು ತನ್ನ ಶಾಲೆಯ ಕುರಿತು ಹೇಳಿದಾಗ, ನಾನು ಕೂಡ ಅದೇ ಶಾಲೆಗೆ ಹೋಗಿದ್ದನ್ನು ಹೇಳಿದೆ” ಎಂದಿದ್ದಾರೆ ಅನುಷ್ಕಾ.
ವೈಯಕ್ತಿಕ ಜೀವನದಲ್ಲಿ, ಈಗ ಇಬ್ಬರೂ ಮುದ್ದಾದ ಹೆಣ್ಣು ಮಕ್ಕಳ ತಾಯಂದಿರು. ಸಾಕ್ಷಿ ಮತ್ತು ಧೋನಿಯ ಮಗಳು ಝೀವಾ ಹುಟ್ಟಿದ್ದು 2015ರಲ್ಲಿ, ಅನುಷ್ಕಾ ಮತ್ತು ವಿರಾಟ್‍ಗೆ ಈ ವರ್ಷವಷ್ಟೇ ಹೆಣ್ಣು ಮಗು ಜನಿಸಿದ್ದು, ಮಗುವಿಗೆ ವಾಮಿಕಾ ಎಂದು ಹೆಸರಿಟ್ಟಿದ್ದಾರೆ.
Youtube Video

ಇನ್ನು ವೃತ್ತಿ ಜೀವನದ ಬಗ್ಗೆ ಹೇಳುವುದಾದರೆ, ಗರ್ಭಿಣಿಯಾಗಿದ್ದ ಕಾರಣಕ್ಕೆ ಚಿತ್ರರಂಗದಿಂದ ಸುಮಾರು ಒಂದು ವರ್ಷದ ಬ್ರೇಕ್ ಪಡೆದಿದ್ದ ಅನುಷ್ಕಾ, ಕನೆಡಾ ಮತ್ತು ಜೂಲನ್ ಗೋಸ್ವಾಮಿ ಚಿತ್ರಗಳ ಮೂಲಕ ಹೊಸ ಇನ್ನಿಂಗ್ಸ್‌ ಆರಂಭಿಸುತ್ತಿದ್ದಾರೆ. ಜೂಲನ್ ಗೋಸ್ವಾಮಿ, ಭಾರತೀಯ ಮಹಿಳಾ ಕ್ರಿಕೆಟ್ ತಂಡದ ಮಾಜಿ ನಾಯಕಿ ಜೂಲನ್ ಗೋಸ್ವಾಮಿಯ ಜೀವನಕಥೆಯನ್ನು ಆಧರಿಸಿ ನಿರ್ಮಿಸಲಾಗುತ್ತಿರುವ ಸಿನಿಮಾ. ಕನೆಡಾ, ರಾಜ್‍ಕುಮಾರ್ ಹಿರಾನಿ ನಿರ್ದೇಶನದ ಸಿನಿಮಾವಾಗಿದ್ದು, ಪಂಜಾಬಿ ಗ್ಯಾಂಗ್‌ಸ್ಟರ್‌ ಒಬ್ಬನ ಜೀವನದ ಏಳುಬೀಳುಗಳ ಕಥೆಯಾಗಿದೆ. ಚಿತ್ರದಲ್ಲಿ ಅನಿಷ್ಕಾ ಜೊತೆಗೆ ಅರ್ಜುನ್ ಕಪೂರ್, ದಿಲ್ಜೀತ್ ದೋಸಾಂಜ್ ಮತ್ತು ಪೂಜಾ ಹೆಗ್ಡೆ ನಟಿಸುತ್ತಿದ್ದಾರೆ.
Published by: Latha CG
First published: May 15, 2021, 12:30 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories