ಬಾಲಿವುಡ್ ಬಿಗ್ಬಿ ಅಮಿತಾಬ್ ಬಚ್ಚನ್ ತಮ್ಮದೇ ಆದ NFT (ಗುತ್ತಿಗೆ ಪಡೆಯದ ಸರಕುಗಳ ಟೋಕನ್ಗಳು) ಗಳನ್ನು ಸ್ಥಾಪಿಸಿದ್ದು ಇದು ಅಮಿತಾಬ್ ಅವರ ಬದುಕಿನ ಕುರಿತ ಅನನ್ಯವಾದ ಸೀಮಿತ ಕಲಾಕೃತಿಗಳನ್ನು ಒಳಗೊಂಡಿದೆ. ತಮ್ಮ ತಂದೆ ಹರಿವಂಶ್ ರಾಯ್ ಬಚ್ಚನ್ರ ಪ್ರಸಿದ್ಧ ಕವನ ಸಂಕಲನಗಳ ಮಧುಶಾಲಾ ಕವಿತೆಗಳ ವಾಚನಗೋಷ್ಠಿಯನ್ನು ಒಳಗೊಂಡಿದ್ದು ತಮ್ಮ ಜೀವನದ ವೃತ್ತಿಜೀವನದ ಉಪಖ್ಯಾನಗಳನ್ನು NFT ಯಲ್ಲಿ ಹಂಚಿಕೊಳ್ಳಲಿದ್ದಾರೆ.
ಮಾರಾಟಕ್ಕೆ ಇರುವ NFT ಗಳ ಸಂಗ್ರಹಗಳಲ್ಲಿ ಒಂದು ಮಧುಶಾಲಾ ಪುಸ್ತಕದ ಅಮಿತಾಬ್ ಬಚ್ಚನ್ ಕವಿತೆ ವಾಚನ ಕೂಡ ಒಳಗೊಂಡಿದೆ. ಅಮಿತಾಬ್ ಅವರ ಜೀವನದ ಪ್ರಮುಖ ಅಂಶಗಳನ್ನು ಈ NFTಯಲ್ಲಿ ಸೇರಿಸಿದ್ದು ಇನ್ನೂ ಕೆಲವು ಬಹಿರಂಗಪಡಿಸದೇ ಇರುವ ಉಡುಗೊರೆಗಳು ಹಾಗೂ ಮಹತ್ವದ ಅಂಶಗಳನ್ನು ಈ ಸಂಗ್ರಹಣೆಗಳು ಒಳಗೊಂಡಿದೆ.
ಅಮಿತಾಬ್ ಬಚ್ಚನ್ ತಮ್ಮ NFT ಸಂಗ್ರಹವನ್ನು BeyondLife.club ಪ್ಲಾಟ್ಫಾರ್ಮ್ನಲ್ಲಿ ಬಿಡುಗಡೆ ಮಾಡಲಿದ್ದಾರೆ. BeyondLife.club ಹೇಳಿಕೆಯೊಂದನ್ನು ಬಿಡುಗಡೆ ಮಾಡಿದ್ದು ಬಾಲಿವುಡ್ ಮೆಗಾಸ್ಟಾರ್ ಅಮಿತಾಬ್ ಬಚ್ಚನ್ ತಮ್ಮ NFT ಸಂಗ್ರಹವನ್ನು BeyondLife.club ಮೂಲಕ ಬಿಡುಗಡೆ ಮಾಡುತ್ತಿರುವ ಮೊದಲ ವ್ಯಕ್ತಿಯಾಗಿದ್ದಾರೆ. ಈ ಸಂಗ್ರಹಣೆಗಳು ಅವನ ಪೌರಾಣಿಕ ಸ್ಥಿತಿಯನ್ನು ಪ್ರತಿನಿಧಿಸುತ್ತವೆ ಮತ್ತು ಈ ಮೊದಲ NFT ಪ್ಲಾಟ್ಫಾರ್ಮ್ ಅನ್ನು ತೆರೆಯುತ್ತವೆ ಎಂದು ತಿಳಿಸಿದೆ.
BeyondLife.club ವೆಬ್ಸೈಟ್ ತನ್ನ ಪ್ಲಾಟ್ಫಾರ್ಮ್ನಲ್ಲಿ NFT ವಿಚಾರಗಳನ್ನು ಹಂಚಿಕೊಳ್ಳಲು ಅವಕಾಶ ನೀಡುತ್ತದೆ. ತದನಂತರ ಇದನ್ನು ಅಮಿತಾಬ್ ಅವರಿಗೆ ತಿಳಿಸಲಾಗುತ್ತದೆ. ಈ ವಿಚಾರಗಳು ಆಡಿಯೋ ಕ್ಲಿಪ್ ರೂಪದಲ್ಲಿ ಸಹಿ ಮಾಡಿದ ಪೋಸ್ಟರ್ ಅಥವಾ ಸಂಧಿಸಿ ಶುಭಾಶಯ ತಿಳಿಸುವ ಕಾರ್ಯಕ್ರಮವೇ ಆಗಿರಬಹುದು ಎಂದು ವೆಬ್ಸೈಟ್ ತಿಳಿಸಿದೆ.
ರಿತಿ ಎಂಟರ್ಟೈನ್ಮೆಂಟ್ ಮತ್ತು ನೋ-ಕೋಡ್ NFT ವಿನಿಮಯ ಪ್ಲಾಟ್ಫಾರ್ಮ್, GuardianLink.io. ನಡುವೆ BeyondLife.club ಪಾಲುದಾರಿಕೆಯನ್ನು ಹೊಂದಿದೆ. ರಿತಿ ಗ್ರೂಪ್ನ ವ್ಯವಸ್ಥಾಪಕ ನಿರ್ದೇಶಕರಾಗಿದ್ದು ರಿತಿ ಎಂಟರ್ಟೈನ್ಮೆಂಟ್ನ ಸಹ ಸ್ಥಾಪಕರು ಸೌರವ್ ಬ್ಯಾನರ್ಜಿಯಾಗಿದ್ದಾರೆ.
NFT ಗಳನ್ನು ಬ್ಲಾಕ್ಚೈನ್ನಲ್ಲಿ ಸಂಗ್ರಹಿಸಲಾಗಿದೆ. ಡಿಜಿಟಲ್ ಸ್ವತ್ತುಗಳಿಗೆ ಅನನ್ಯ ಗುರುತು ನೀಡಿರುವ ಬ್ಲಾಕ್ಚೈನ್ ಕಾರಣ ಅವುಗಳನ್ನು ಪರಸ್ಪರ ಬದಲಾಯಿಸಲಾಗುವುದಿಲ್ಲ. ನೈಜ-ಜಗತ್ತಿನ ಸ್ವತ್ತುಗಳಾದ ವರ್ಣಚಿತ್ರಗಳು, ಗೇಮ್ಸ್, ಸಂಗೀತ ಆಲ್ಬಮ್ಗಳು, ಸಂಗ್ರಹವಾದ ಸ್ಪೋರ್ಟ್ಸ್ ಕಾರ್ಡ್ಗಳನ್ನು ಮತ್ತು ಮೇಮ್ಗಳನ್ನು NFT ಗಳಂತೆ ಪರಿವರ್ತಿಸಬಹುದಾಗಿದೆ. ಫೋಟೋಗಳು, ವೀಡಿಯೊಗಳು, ಆಡಿಯೋ ಮತ್ತು ಇತರ ರೀತಿಯ ಡಿಜಿಟಲ್ ಫೈಲ್ಗಳಂತಹ ವಸ್ತುಗಳನ್ನು ಪ್ರತಿನಿಧಿಸಲು NFT ಗಳನ್ನು ಬಳಸಬಹುದು.
ನೀವು ಕೂಡ NFT ಗಳಲ್ಲಿ ನಿಮ್ಮ ಅಮೂಲ್ಯ ಕಲಾಸ್ವತ್ತುಗಳನ್ನು ಸಂಗ್ರಹಿಸುವುದು ಹೇಗೆ ಎಂಬುದನ್ನು ಅರಿತುಕೊಳ್ಳಲು ಆನ್ಲೈನ್ ಕೋರ್ಸ್ಗಳಿವೆ. ಆನ್ಲೈನ್ ತರಬೇತಿಗಳನ್ನು ನಡೆಸುವ ಬ್ಲಾಕ್ಚೈನ್ ಕೌನ್ಸಿಲ್ ಸಂಸ್ಥೆಗಳು NFT ಗಳ ಕುರಿತು ಸಂಪೂರ್ಣ ಮಾಹಿತಿಯನ್ನು ನೀಡುತ್ತದೆ. ಅಮಿತಾಭ್ ಬಚ್ಚನ್ ತಮ್ಮದೇ NFT ಸಂಗ್ರಹವನ್ನು ಮಾಡಿರುವ ಮೊದಲ ನಟರಾಗಿದ್ದಾರೆ ಎಂದು ವೆಬ್ಸೈಟ್ ಹೇಳಿಕೊಂಡಿದೆ. ಅಮಿತಾಬ್ ಅವರು NFT ಗಳ ಸಂಗ್ರಹಣೆಯನ್ನು ಬಿಡುಗಡೆ ಮಾಡಿರುವ ಉದ್ದೇಶ ಕಲಾವಿದರು, ಕ್ರೀಡಾಪಟುಗಳು ಹಾಗೂ ಸೆಲೆಬ್ರಿಟಿಗಳನ್ನು ಅಂತರಾಷ್ಟ್ರೀಯ ಮಟ್ಟದಲ್ಲಿ ಸಬಲೀಕರಣಗೊಳಿಸುವುದು ಪ್ರಮುಖ ಉದ್ದೇಶವಾಗಿದೆ.
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ