RRR Movie: ಲೀಕ್​ ಆಯ್ತು ಅಲ್ಲುರಿ ಸೀತಾರಾಮರಾಜು ಲುಕ್​​: ರಾಮ್‍ಚರಣ್ ಮೇಲೆ ರಾಜಮೌಳಿ ಬೇಸರ

ಟಾಲಿವುಡ್​ ಸ್ಟಾರ್​ ನಿರ್ದೇಶಕ ಎಸ್​.ಎಸ್​. ರಾಜಮೌಳಿ ತಮ್ಮ ಸಿನಿಮಾದ ಬಗ್ಗೆ ಸಿಕ್ಕಾಪಟ್ಟೆ ಶಿಸ್ತುಬದ್ಧವಾಗಿರುತ್ತಾರೆ. ಅವರಿಗೆ ಅವರ ಸಿನಿಮಾ ಮಗುವಿದ್ದಂತೆ. ಹೀಗಿದ್ದ ಕಾರಣದಿಂದಲೇ ಅವರು 'ಬಾಹುಬಲಿ'ಯಂತಹ ಚಿತ್ರವನ್ನು ಸಿನಿ ರಂಗಕ್ಕೆ ಕೊಡೆಯಾಗಿ ಕೊಡಲು ಸಾಧ್ಯವಾಗಿದ್ದು.

ಇಂತಹ ನಿರ್ದೇಶಕ ಈಗ ರಾಮ್ ಚರಣ್​ ಮೇಲೆ ಬೇಸರಗೊಂಡಿದ್ದಾರಂತೆ. ಅದಕ್ಕೆ ಕಾರಣ ರಾಮ್​ ಚರಣ್​ ಅವರ ಅಶಿಸ್ತು ಎನ್ನಲಾಗುತ್ತಿದೆ. ಹೌದು, ಈ ಸುದ್ದಿ ಸದ್ಯ ಟಾಲಿವುಡ್​ ಅಂಗಳದಲ್ಲಿ ಹರಿದಾಡುತ್ತಿದೆ.

ಎಸ್​.ಎಸ್​. ರಾಜಮೌಳಿ ನಿರ್ದೇಶನದ ಸಿನಿಮಾ 'ಆರ್​ಆರ್​ಆರ್​'. ಜೂನಿಯರ್​ ಎನ್​ಟಿಆರ್ ಹಾಗೂ ನಟ ರಾಮ್‍ಚರಣ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವ ಈ ಚಿತ್ರದಲ್ಲಿ ಬಾಲಿವಡ್​ ನಟರಾದ ಸಂಜಯ್​ ದತ್​, ವರುಣ್​ ಧವನ್​, ಅಜಯ್​ ದೇವಗನ್​, ಅಲಿಯಾಭಟ್​ ಸಹ ಅಭಿನಯಿಸುತ್ತಿದ್ದಾರೆ.



ಸುಮಾರು 200 ಕೋಟಿ ಬಜೆಟ್​ನ ಈ ಸಿನಿಮಾವನ್ನು 11 ಭಾಷೆಗಳಲ್ಲಿ ತೆರೆಗೆ ತರುವ ಪ್ರಯತ್ನ ನಡೆಯುತ್ತಿದೆ. ಎಲ್ಲ ಭಾಷೆಗಳಲ್ಲೂ ಈ ಸಿನಿಮಾದ ಟೈಟಲ್​ 'ಆರ್​ಆರ್​ಆರ್​' ಎಂದೇ ಇರುತ್ತದೆಯಂತೆ. ಅಲ್ಲದೆ ಅಕ್ಟೋಬರ್​ 2ರಂದು ತೆರೆಗೆ ಬರಲು ಸಿದ್ಧತೆ ನಡೆಯುತ್ತಿರುವ ಈ ಸಿನಿಮಾದಲ್ಲಿ ರಾಮ್​ಚರಣ್​ ಅಲ್ಲುರಿ ಸೀತಾರಾಮರಾಜು ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

#RamCharan & #KiaraAdvani after the Birthday treat 😋😋 pic.twitter.com/1yW2IwxF5J

— Rayalaseema Kurrodu 🌴☀️ (@itsDKhere) August 3, 2019

ಈ ಸಿನಿಮಾದಲ್ಲಿ ರಾಮ್‍ಚರಣ್ ಲುಕ್ ಹೇಗಿದೆ ಎಂದು ಎಲ್ಲೂ ಹೊರಗಡೆ ಬಾರದಂತೆ ನೋಡಿಕೊಳ್ಳಲಾಗಿತ್ತು.  ಆದರೆ ಈಗ ರಾಮ್​ಚರಣ್​ ಅವರ ನಿರ್ಲಕ್ಷ್ಯದಿಂದ ಈ ಲುಕ್​ ಲೀಕಾಗಿದ್ದು, ಎಲ್ಲ ಕಡೆ ವೈರಲ್ ಆಗಿದೆ. ಇದರಿಂದ ರಾಜಮೌಳಿ ಅವರು ಬೇಸರಗೊಂಡಿದ್ದಾರಂತೆ.



ಇದನ್ನೂ ಓದಿ: Roberrt: ಜೂಜಾಟದಿಂದ ಹಣ-ಆಸ್ತಿ ಕಳೆದುಕೊಂಡ್ರಾ 'ರಾಬರ್ಟ್' ಚಿತ್ರದ ಈ ಸ್ಟಾರ್ ನಟ..!

ಇತ್ತೀಚೆಗೆ `ಕಿಯಾರಾ ಅಡ್ವಾಣಿ' ಹುಟ್ಟುಹಬ್ಬದ ಪಾರ್ಟಿಯಲ್ಲಿ ರಾಮ್‍ಚರಣ್ ಪಾಲ್ಗೊಂಡಿದ್ದರು. ಪಾರ್ಟಿ ಮುಗಿಸಿ ಹೊರ ಬರುವಾಗ ಕಿಯಾರಾ ಜೊತೆಗಿರೋ ಫೋಟೋವನ್ನ ಯಾರೋ ಕ್ಲಿಕ್ಕಿಸಿಬಿಟ್ಟಿದ್ದಾರೆ. ಈಗ ಅದು ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಆ ಮೂಲಕ ಅಲ್ಲುರಿ ಸೀತಾರಾಮರಾಜು ಪಾತ್ರದ ಗೆಟಪ್ಪು, ಲುಕ್ ಬಗ್ಗೆ ಸಸ್ಪೆನ್ಸ್ ಕಾಯ್ದುಕೊಳ್ಳಲು ಯೋಜಿಸಿದ್ದ ರಾಜಮೌಳಿಗೆ ಅವರಿಗೆ ಇದು ಬೇಸರ ತರಿಸಿದೆಯಂತೆ.

Deepika Padukone: ಮೇಕಪ್​ ಇಲ್ಲದೆ ವೋಗ್​ ನಿಯತಕಾಲಿಕೆಗೆ ಪೋಸ್​ ಕೊಟ್ಟ ಗುಳಿಕೆನ್ನೆ ಸುಂದರಿ ದೀಪಿಕಾ ಪಡುಕೋಣೆ..!