Pushpa Release Date: ಅಲ್ಲು ಅರ್ಜುನ್​-ರಶ್ಮಿಕಾ ಮಂದಣ್ಣ ಅಭಿನಯದ ಪುಷ್ಪ ಸಿನಿಮಾದ ರಿಲೀಸ್​ ದಿನಾಂಕ ಪ್ರಕಟ..!

ಅಲಾ ವೈಕುಂಠಪುರಂಲೋ' ಸಿನಿಮಾದ ನಂತರ ಅಲ್ಲು ಅರ್ಜುನ್​ ಅಭಿನಯಿಸುತ್ತಿರುವ ಬಹುನಿರೀಕ್ಷಿತ ಸಿನಿಮಾ 'ಪುಷ್ಪ'. ನಿರ್ದೇಶಕ ಸುಕುಮಾರ್​ ಜೊತೆ ನಟಿಸುತ್ತಿರುವ ಮೂರನೇ ಚಿತ್ರ ಇದಾಗಿದ್ದು, ಸಾಕಷ್ಟು ಕಾರಣಗಳಿಂದ ಈ ಚಿತ್ರ ವಿಶೇಷವೆನಿಸಿಕೊಂಡಿದೆ. ಇದೇ ಮೊದಲ ಸಲ ಅಲ್ಲು ಅರ್ಜುನ್ ಹಾಗೂ ರಶ್ಮಿಕಾ ಮಂದಣ್ಣ ತೆರೆ ಹಂಚಿಕೊಳ್ಳುತ್ತಿದ್ದಾರೆ. ಈಗ ನೆಚ್ಚಿನ ನಟನ ಸಿನಿಮಾದ ರಿಲೀಸ್​ ದಿನಾಂಕ ಪ್ರಕಟವಾಗಿದೆ. ಇನ್ನು ಈ ಸಿನಿಮಾದಲ್ಲಿ ಅಲ್ಲು ಅರ್ಜುನ್​ ಲಾರಿ ಡ್ರೈವರ್​ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದು, ಅಲ್ಲು ಅರ್ಜುನ್​ ಹುಟ್ಟುಹಬ್ಬದಂದು ಈ ಚಿತ್ರದ ಫಸ್ಟ್​ ಲುಕ್​ ಬಿಡುಗಡೆ ಮಾಡಲಾಗಿದ್ದು, ಅದಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಇದು ಪ್ಯಾನ್​ ಇಂಡಿಯಾ ಸಿನಿಮಾ ಆಗಿದ್ದು, ಕೊರೋನಾ ಲಾಕ್​ಡೌನ್​ನಿಂದಾಗಿ ಇದರ ಚಿತ್ರೀಕರಣ ತಡವಾಗಿ ಆರಂಭವಾಗಿತ್ತು. ಮೈತ್ರಿ ಮೂವಿ ಮೇಕರ್ಸ್​ ನಿರ್ಮಿಸುತ್ತಿರುವ ಈ ಸಿನಿಮಾಗೆ ಸುಕುಮಾರ್​ ಆ್ಯಕ್ಷನ್​ ಕಟ್​ ಹೇಳಿದ್ದಾರೆ. 

ಸಿನಿಮಾದ ಮುಹೂರ್ತವಾದಾಗ ಚಿತ್ರೀಕರಣವನ್ನು ಕೇರಳದ ಕಾಡುಗಳಲ್ಲಿ ನಡೆಸಲು ಚಿತ್ರತಂಡ ನಿರ್ಧರಿಸಿತ್ತು. ಆದರೆ ನಂತರ ಶೂಟಿಂಗ್​ ಅನ್ನು ವಿಶಾಕಪಟ್ಟಣ ಹಾಗೂ ಪೂರ್ವ ಗೋದಾವರಿ ಕಾಡುಗಳಲ್ಲಿ ನಡೆಸಲಾರಂಭಿಸಿತು. ಸದ್ಯ ಚಿತ್ರತಂಡ ಪುಷ್ಪ ಸಿನಿಮಾದ ರಿಲೀಸ್​ ದಿನಾಂಕವನ್ನು ಪ್ರಕಟಿಸಿದೆ.

#PushpaRaj will begin his hunt on Aug 13th 2021 🔥#PushpaOnAug13 #Pushpa @alluarjun @iamRashmika @aryasukku @ThisIsDSP @PushpaMovie

పుష్ప പുഷ്പ புஷ்பா ಪುಷ್ಪ पुष्पा pic.twitter.com/45lAfSpWyt

— Mythri Movie Makers (@MythriOfficial) January 28, 2021

ಇದೇ ವರ್ಷ ಆಗಸ್ಟ್​ 13ಕ್ಕೆ ಪುಷ್ಪ ಸಿನಿಮಾ ಚಿತ್ರತಮಂದಿರಕ್ಕೆ ಲಗ್ಗೆ ಇಡಲಿದೆ. ಈ ವಿಷಯವನ್ನು ಅಲ್ಲು ಅರ್ಜುನ್​ ಸಹ ಟ್ವೀಟ್​ ಮಾಡಿದ್ದಾರೆ.

#PUSHPA loading in theatres from 13th August 2021. Excited to meet you all in cinemas this year.Hoping to create the same magic one more time with dearest @aryasukku & @ThisIsDSP .@iamRashmika @MythriOfficial #PushpaOnAug13 pic.twitter.com/tH3E6OpVeo

— Allu Arjun (@alluarjun) January 28, 2021

ಇನ್ನು ಈ ಸಿನಿಮಾ ತೆಲುಗು, ತಮಿಳು, ಕನ್ನಡ, ಮಲಯಾಳಂ ಹಾಗೂ ಹಿಂದಿಯಲ್ಲಿ ತೆರೆ ಕಾಣಲಿದೆ. ಬಹುಭಾಷೆಗಳಲ್ಲಿ ರಿಲೀಸ್ ಆಗಲಿರುವ ಈ ಚಿತ್ರದಲ್ಲಿ 6 ನಿಮಿಷಗಳ ಫೈಟಿಂಗ್​ ಸೀಕ್ವೆನ್ಸ್​ಗೆ 6 ಕೋಟಿ ವೆಚ್ಚವಾಗಲಿದೆಯಂತೆ. ಅಲ್ಲು ಅರ್ಜುನ್​ ಆ್ಯಕ್ಷನ್​ ಹೇಗಿರುತ್ತದೆ ಎಂದು ವರ್ಣಿಸುವ ಅಗತ್ಯವಿಲ್ಲ. ಇದೇ ಕಾರಣದಿಂದಾಗಿ ನಿರ್ದೇಶಕ ಸುಕುಮಾರ್​ 6 ನಿಮಿಷದ ಆ್ಯಕ್ಷನ್​ ದೃಶ್ಯಕ್ಕಾಗಿ 6 ಕೋಟಿ ವೆಚ್ಚ ಮಾಡಿಸುತ್ತಿದ್ದಾರಂತೆ. ಹೀಗೊಂದು ಸುದ್ದಿ ಸದ್ಯ ಟಾಲಿವುಡ್​ ಅಂಗಳದಲ್ಲಿ ಹರಿದಾಡುತ್ತಿದೆ. ಈ ಸಿನಿಮಾದ ಹಾಡೊಂದರಲ್ಲಿ ದಿಶಾ ಪಟಾಣಿ ಹೆಜ್ಜೆ ಹಾಕಲಿದ್ದಾರಂತೆ.

ಇದನ್ನೂ ಓದಿ: ಸಲಾರ್​ ಚಿತ್ರದಲ್ಲಿ ಪ್ರಭಾಸ್​ಗೆ ಜೊತೆಯಾದ ಶ್ರುತಿ ಹಾಸನ್​: ರಿಲೀಸ್​ ಆಯ್ತು ಹೊಸ ಪೋಸ್ಟರ್​

ಇನ್ನು ಸಿನಿಮಾದ ನಾಯಕಿ ರಶ್ಮಿಕಾ ಮಂದಣ್ಣ ಪಕ್ಕಾ ಹಳ್ಳಿ ಹುಡುಗಿಯ ಪಾತ್ರದಲ್ಲಿ ನಟಿಸಿದ್ದಾರೆ. ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ರಶ್ಮಿಕಾ ಇತ್ತೀಚೆಗಷ್ಟೆ ಬಾಲಿವುಡ್​ ಸಿನಿಮಾ ಮಿಷನ್​ ಮಜ್ನು ಚಿತ್ರದಿಂದ ಬ್ರೇಕ್​ ಪಡೆದು ಹೈದರಾಬಾದಿಗೆ ಮರಳಿದ್ದಾರೆ. ಅಲ್ಲದೆ ಬಾದ್​ ಷಾ ಅವರ ಟಾಪ್​ ಟಕ್ಕರ್​ ಮ್ಯೂಸಿಕ್​ ವಿಡಿಯೋದಲ್ಲೂ ಹೆಜ್ಜೆ ಹಾಕಿದ್ದಾರೆ ಲಿಲ್ಲಿ.