Akshay Kumar: ಹೊಸ ಸಿನಿಮಾಗೆ ಅಕ್ಷಯ್​ ಕುಮಾರ್​ ಪಡೆಯಲಿರುವ ಸಂಭಾವನೆ ನೂರು ಕೋಟಿಯಂತೆ..!

ಅಕ್ಷಯ್​ ಕುಮಾರ್​ ವರ್ಷಕ್ಕೆ ಎರಡರಿಂದ ಮೂರು ಸಿನಿಮಾಗಳನ್ನು ಮಾಡುವ ಸ್ಟಾರ್ ನಟ. ಮಾಡಿದ ಎಲ್ಲ ಸಿನಿಮಾಗಳೂ ಕೋಟಿ ಕೋಟಿ  ಬಾಚಿಕೊಳ್ಳುವುದು ಖಂಡಿತ ಅನ್ನೋದು ಸಿನಿ ಪಂಡಿತರ ಲೆಕ್ಕಾಚಾರ. ಹೀಗಿರುವಾಗಲೇ  ಅಕ್ಷಯ್​ ಅಭಿನಯದ ಲಕ್ಷ್ಮಿ ಸಿನಿಮಾ ಇತ್ತೀಚೆಗಷ್ಟೆ ಒಟಿಟಿ ಮೂಲಕ ತೆರೆಕಂಡಿದೆ. ಆದರೆ ಈ ಸಿನಿಮಾ ಊಹಿಸಿದಷ್ಟು ಪ್ರೇಕ್ಷಕರಿಗೆ ಇಷ್ಟವಾಗಲಿಲ್ಲ. ರಿಲೀಸ್​ ಆಗುತ್ತಿದ್ದಂತೆಯೇ  ಪ್ರೇಕ್ಷಕರು ಸಿನಿಮಾ ಬಗ್ಗೆ ನಕಾರತ್ಮಕವಾಗಿ ಪ್ರತಿಕ್ರಿಯಿಸಲಾರಂಭಿಸಿದ್ದರು. ಈ ಸಿನಿಮಾ ಬಾಕ್ಸಾಫಿಸ್​​ನಲ್ಲಿ ಧೂಳೆಬ್ಬಿಸುತ್ತದೆ ಎಂದು ಅಂದಾಜಿಸಲಾಗಿತ್ತು. ಆದರೆ ತಮಿಳಿನ ಕಾಂಚನಾ ಸಿನಿಮಾದ ಹಿಂದಿ ರಿಮೇಕ್​ ಸಿನಿ ಪ್ರಿಯರ ಮನ ಗೆಲ್ಲುವಲ್ಲಿ ಸೋತಿದೆ. ಇದರಿಂದಾಗಿ ಸಾಮಾಜಿಕ ಜಾಲತಾಣದಲ್ಲಿ ಅಕ್ಷಯ್​ ಕುಮಾರ್​ ಅವರನ್ನು ಸಖತ್​ ಟ್ರೋಲ್ ಮಾಡುವುದರೊಂದಿಗೆ, ಓವರ್​ ಆ್ಯಕ್ಟಿಂಗ್​ ಮಾಡಿದ್ದಾರೆ ಎಂದೆಲ್ಲ ಟೀಕಿಸಲಾಗುತ್ತಿದೆ. ಹೀಗಿರುವಾಗಲೇ ಅಕ್ಷಯ್​ ಕುಮಾರ್ ಕುರಿತಂತೆ ಈಗ ಮತ್ತೊಂದು ಸುದ್ದಿ ಹರಿದಾಡುತ್ತಿದೆ. 

ಅಕ್ಷಯ್​ ಬಾಲಿವುಡ್​ನಲ್ಲಿ ಸದ್ಯ ಓಡುವ ಕುದುರೆ. ಅದಕ್ಕೆ ಅಕ್ಷಯ್​ ಕುಮಾರ್​ ತಮ್ಮ ಸಿನಿಮಾಗಳಿಗೆ ಪಡೆಯುವ ಸಂಭಾವನೆ ಸಹ ಕೋಟಿಗಳಲ್ಲೇ ಇರುತ್ತದೆ. ಇತ್ತೀಚೆಗಷ್ಟೆ ಅಕ್ಷಯ್​ ಕುಮಾರ್​ ಹೊಸ ಸಿನಿಮಾವೊಂದಕ್ಕೆ ಸಹಿ ಮಾಡಿದ್ದು, ಅದಕ್ಕೆ ನೂರು ಕೋಟಿ ಸಂಭಾವನೆ ಪಡೆಯಲಿದ್ದಾರೆ ಅನ್ನೋ ಸುದ್ದಿ ಹರಿದಾಡುತ್ತಿದೆ.

View this post on Instagram

A post shared by Akshay Kumar (@akshaykumar)

ಬೆಲ್​ ಬಾಟಲ್​ ಸಿನಿಮಾದ ಚಿತ್ರೀಕರಣ ಮುಗಿಸಿ, ಮುಂಬೈಗೆ ಹಿಂತಿರುಗಿರುವ ಅಕ್ಷಯ್​ಗೆ ಒಂದೊಳ್ಳೆ ಜಾಕ್​ಪಾಟ್​ ಹೊಡೆದಿದೆಯಂತೆ. ಅದೇ ಈ ಹೊಸ ಸಿನಿಮಾ. ಆದರೆ ಯಾವ ಸಿನಿಮಾಗಾಗಿ ಅಕ್ಷಯ್​ ಕುಮಾರ್​ ಅವರಿಗೆ ನೂರು ಕೋಟಿ ಸಂಭಾವನೆ ಕೊಡುವ ಮಾತುಕತೆಯಾಗಿದೆ ಎಂದು ಇನ್ನೂ ಬಹಿರಂಗವಾಗಿಲ್ಲ.

View this post on Instagram

A post shared by Akshay Kumar (@akshaykumar)

ಅಕ್ಷಯ್​ ಕುಮಾರ್​ಗೆ ನೂರು ಕೋಟಿ ಸಂಭಾವನೆ ನೀಡಲಿರುವ ಚಿತ್ರದ ಬಜೆಟ್​ ಎಷ್ಟು ಗೊತ್ತಾ? ಸಿನಿಮಾದ ನಿರ್ಮಾಣಕ್ಕೆ 45 ಕೋಟಿ ಹೂಡಿಕೆ ಮಾಡಲಾಗುತ್ತಿದೆಯಂತೆ. ಅಕ್ಷಯ್​ ಅವರ ಸಂಭಾವನೆ ಸೇರಿದರೆ ಚಿತ್ರದ ಒಟ್ಟಾರೆ ಬಜೆಟ್​ 145 ಕೋಟಿಯಾಗಲಿದೆಯಂತೆ. ಅದರಲ್ಲೂ ಅಕ್ಷಯ್​ ಅವರಿಗೆ ನೂರು ಕೋಟಿ ಕೊಟ್ಟರೂ, ಅದನ್ನು ಸಿನಿಮಾ ರಿಲೀಸ್​ ಆದ ನಂತರ ಸುಲಭವಾಗಿ ಸಂಪಾದಿಸಿಕೊಳ್ಳಬಹುದು ಎನ್ನುವುದು ಸಿನಿಮಾ ನಿರ್ಮಾಪಕರ ಲೆಕ್ಕಾಚಾರವಂತೆ.

ಇದನ್ನೂ ಓದಿ: Mayuri: ಮೊದಲ ಮಗುವಿನ ನಿರೀಕ್ಷೆಯಲ್ಲಿ ನಟಿ ಮಯೂರಿ: ಬೇಬಿ ಬಂಪ್​ ಫೋಟೋ ಹಂಚಿಕೊಂಡ ನಟಿ..!

ಅಕ್ಷಯ್​ ಅವರಿಗೆ ನೂರು ಕೋಟಿ ಕೊಡಲಿರುವ ನಿರ್ಮಾಪಕರು ಮತ್ತಾರು ಅಲ್ಲ ಜಾಕಿ ಭಗ್ನಾನಿ ಹಾಗೂ ವಶು ಭಗ್ನಾನಿ ಎನ್ನಲಾಗುತ್ತಿದೆ. ಇದೊಂದು ಕಾಮಿಡಿ ಸಿನಿಮಾ ಆಗಿದ್ದು, ಮುದಾಸ್ಸರ್ ಅಜೀಜ್​ ಈ ಚಿತ್ರವನ್ನು ನಿರ್ದೇಶಿಸಲಿದ್ದಾರಂತೆ. ಎಲ್ಲ ಸರಿಹೋದರೆ ಮುಂದಿನ ವರ್ಷ ಸಿನಿಮಾ ಸೆಟ್ಟೇರಲಿದೆ ಎನ್ನಲಾಗುತ್ತಿದೆ.