51ರ ಹರೆಯದಲ್ಲೂ ಸಾಟಿ ಇಲ್ಲದ ಸಾಹಸ: ಅಕ್ಷಯ್ ಕುಮಾರ್ ಮೈನವಿರೇಳಿಸುವ ದೃಶ್ಯಕ್ಕೆ ಅಭಿಮಾನಿಗಳು ಫಿದಾ

ಬಾಲಿವುಡ್ ಆ್ಯಕ್ಷನ್ ಚಿತ್ರಗಳಲ್ಲಿ ನಟ ಅಕ್ಷಯ್ ಕುಮಾರ್ ಮೂಡಿಸಿದ ಛಾಪು ಅಂತಿಂಥದ್ದಲ್ಲ. ಆದರೆ ವಯಸ್ಸು ಮಾಗಿದಂತೆ ಕಾಮೆಡಿ ಸಿನಿಮಾಗಳತ್ತ 'ಆ್ಯಕ್ಷನ್ ಖಿಲಾಡಿ' ಮುಖ ಮಾಡಿದ್ದರು. ಇನ್ನೇನು ಅಕ್ಕಿ ಅಭಿನಯದ ಆ್ಯಕ್ಷನ್ ಚಿತ್ರಗಳು ಅಪರೂಪ ಎನ್ನುವಷ್ಟರಲ್ಲಿ ಇದೀಗ ಮತ್ತೊಮ್ಮೆ ಖತರ್ನಾಕ್ ಸ್ಟಂಟ್​ ಮೂಲಕ ಅಕ್ಷಯ್ ಗಮನ ಸೆಳೆದಿದ್ದಾರೆ.

ತಮ್ಮ ಹೊಸ ಚಿತ್ರ 'ಸೂರ್ಯವಂಶಿ' ಶೂಟಿಂಗ್​ನಲ್ಲಿ ಭಾಗವಹಿಸಿರುವ ಅಕ್ಷಯ್ ಕುಮಾರ್, ಸಿನಿಮಾದ ಮೈನವಿರೇಳಿಸುವ ಸಾಹಸ ದೃಶ್ಯವೊಂದರಲ್ಲಿ ಕಾಣಿಸಿಕೊಂಡಿದ್ದಾರೆ. ಹೆಲಿಕಾಪ್ಟರ್​ನಲ್ಲಿ ಯಾವುದೇ ಡ್ಯೂಪ್​ಗಳಿಲ್ಲದೆ ನೇತಾಡುವ ಅಕ್ಕಿಯ ಈ ಸೀನ್​ ನೋಡಿದವರು ಭೇಷ್ ಎನ್ನುತ್ತಿದ್ದಾರೆ. 50 ರ ಪ್ರಾಯ ದಾಟಿದರೂ ಬಾಲಿವುಡ್​ ನಟನ ಡೆಡಿಕೇಷನ್​ ಅನ್ನು ಹಾಡಿ ಹೊಗಳಲಾಗುತ್ತಿದೆ.

ಇನ್​ಸ್ಟಾಗ್ರಾಂನಲ್ಲಿ ಆ್ಯಕ್ಷನ್ ಖಿಲಾಡಿ ಹಂಚಿಕೊಂಡಿರುವ ಈ ಫೋಟೋಗೆ ಹಾಗೆ ಸುಮ್ಮನೆ ಹೆಲಿಕಾಪ್ಟರ್​ನಲ್ಲಿ ನೇತಾಡುತ್ತಿರುವೆ ಎಂದು ಕ್ಯಾಪ್ಷನ್ ನೀಡಿದ್ದಾರೆ. ಅಷ್ಟೇ ಅಲ್ಲದೆ ದಯವಿಟ್ಟು ಇದನ್ನೂ ಯಾರೂ ಪ್ರಯತ್ನಿಸಬೇಡಿ ಎಂದು ಕೂಡ ಎಚ್ಚರಿಸಿದ್ದಾರೆ.

 

View this post on Instagram

 

Casually hanging, off a helicopter...just another day on the sets of #Sooryavanshi 😎 P.S. Do NOT try this on your own, all stunts are performed under expert supervision 🙏🏻

A post shared by Akshay Kumar (@akshaykumar) on Jun 5, 2019 at 3:21am PDT

'ಸಿಂಬಾ' ಚಿತ್ರದ ಬಳಿಕ ರೋಹಿತ್ ಶೆಟ್ಟಿ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಈ ಆ್ಯಕ್ಷನ್ ಸಿನಿಮಾದಲ್ಲಿ ಅಕ್ಷಯ್ ಪೊಲೀಸ್ ಅಧಿಕಾರಿಯ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಎನ್ನಲಾಗಿದೆ. ಇಲ್ಲಿ ಅಕ್ಷಯ್​ಗೆ ಜೋಡಿಯಾಗಿ ಬಣ್ಣ ಹಚ್ಚುತ್ತಿರುವುದು ಕತ್ರೀನಾ ಕೈಫ್. ಒಂದಷ್ಟು ಕಾಮಿಡಿ, ಮತ್ತೊಂದಷ್ಟು ವಿಭಿನ್ನ ಸಿನಿಮಾಗಳ ಮೂಲಕ ಗಮನ ಸೆಳೆದಿದ್ದ ಅಕ್ಷಯ್ ಕುಮಾರ್ ಮತ್ತೊಮ್ಮೆ ಮೈ ನವಿರೇಳಿಸುವ ಸಾಹಸದೊಂದಿಗೆ ಮರಳಿರುವುದು 'ಸೂರ್ಯವಂಶಿ' ಚಿತ್ರದ ಮೇಲೆ ಆರಂಭದಲ್ಲೇ ನಿರೀಕ್ಷೆ ಮೂಡುವಂತೆ ಮಾಡಿದೆ.

ಇದನ್ನೂ ಓದಿ: ವಿದೇಶಿ ಹುಡುಗನ ಜೊತೆ 'ಕಿರಿಕ್' ಹುಡುಗಿ ಸಂಯುಕ್ತ ಹೆಗ್ಡೆ ಕುಚು ಕುಚು?