Akshay Kumar: ತೃತೀಯ ಲಿಂಗಿಗಳಿಗಾಗಿ ಮನೆ ಕಟ್ಟಲು ಕೋಟಿ ಕೋಟಿ ದಾನ ಮಾಡಿದ ಅಕ್ಷಯ್​ ಕುಮಾರ್​..!

ನಟ ಅಕ್ಷಯ್​ ಕುಮಾರ್​ ಹಾಗೂ ನಿರ್ದೇಶಕ ರಾಘವ ಲಾರೆನ್ಸ್​ ಸಿನಿಮಾಗಳ ವಿಷಯಕ್ಕೆ ಎಷ್ಟು ಖ್ಯಾತರಾಗಿದ್ದಾರೋ... ಸಾಮಾಜಿಕ ಕಳಕಳಿ ವಿಷಯದಲ್ಲೂ ಅಷ್ಟೇ ಫೇಮಸ್​ ಆಗಿದ್ದಾರೆ.

ಅಕ್ಷಯ್​ ಕುಮಾರ್​ ಈ ಹಿಂದೆ ಹಲವಾರು ಸಲ ಕಷ್ಟದಲ್ಲಿರುವವರಿಗಾಗಿ ಹಣ ಸಹಾಯ ಮಾಡಿದ್ದು ಗೊತ್ತೇ ಇದೆ. ಇನ್ನು ರಾಘವ ಲಾರೆನ್ಸ್​ ಸಿನಿಮಾಗಿಂತ ಹೆಚ್ಚಾಗಿ ತಮ್ಮ ಸಮಾಜಮುಖಿ ಕೆಲಸಗಳಿಂದೇ ಪರಿಚಿತರಾದವರು. ಈ ಜೋಡಿ ಒಂದಾದರೆ ಇಂತಹ ಕೆಲಸಗಳಿಗೆ ಮತ್ತಷ್ಟು ಪ್ರೋತ್ಸಾಹ ಸಿಗೋದು ಖಂಡಿತ.



ಈ ಜೋಡಿ ಲಕ್ಷ್ಮಿ ಬಾಂಬ್​ ಸಿನಿಮಾದಲ್ಲಿ ಒಟ್ಟಿಗೆ ಕೆಲಸ ಮಾಡಿರೋ ಸಂಗತಿ ಗೊತ್ತೇ ಇದೆ. ಅಕ್ಕಿ ಹಾಗೂ ಲಾರೆನ್ಸ್​ ಈಗ ತೃತಿಯ ಲಿಂಗಿಗಳಿಗಾಗಿ ಮನೆ ಕಟ್ಟಿಕೊಡಲು ಮುಂದಾಗಿದ್ದಾರೆ. ಅದಕ್ಕಾಗಿ ಅಕ್ಷಯ್ ಕುಮಾರ್ 1.5 ಕೋಟಿ ಹಣ ಸಹಾಯ ಮಾಡಿದರೆ, ಲಾರೆನ್ಸ್​ ಮನೆ ಕಟ್ಟಲು ಜಾಗ ಕೊಟ್ಟಿದ್ದಾರೆ. ಚೆನ್ನೈನಲ್ಲಿ ಈ ಮನೆಗಳನ್ನು ಕಟ್ಟಲಾಗುವುದು.



'ಚೆನ್ನೈನಲ್ಲಿ ತೃತೀಯ ಲಿಂಗಿಗಳಿಗಾಗಿ ಮನೆ ಕಟ್ಟುವ ಯೋಜನೆ ಮಾಡುತ್ತಿರುವ ಬಗ್ಗೆ ಅಕ್ಷಯ್​ ಅವರ ಬಳಿ ಮಾತನಾಡಿದ್ದೆ. ಎಲ್ಲಿ, ಏನು ಎಂದ ಕೇಳದ ಅವರು ಕೂಡಲೇ 1.5 ಕೋಟಿ ಹಣ ಸಹಾಯ ಮಾಡಿದರು' ಎಂದು ಲಾರೆನ್ಸ್​ ತಮ್ಮ ಫೇಸ್​ಬುಕ್​ನಲ್ಲಿ ಬರೆದುಕೊಂಡಿದ್ದಾರೆ.

Rashmika Mandanna: ರಶ್ಮಿಕಾಗೆ ಲವ್​ ಆಗಿದ್ಯಂತೆ: ಯಾರ್​ ಮೇಲೆ ಗೊತ್ತಾ..?