Thala Ajith: ಇನ್ಮುಂದೆ `ತಲ’ ಅಜಿತ್​ ಅಂತ ಕರೆಯುವಂತಿಲ್ಲ.. ಅಜಿತ್​ ಕುಮಾರ್​ ಎಂದರೆ ಸಾಕಂತೆ!

Thala Ajith: `ಮಾಧ್ಯಮ, ಸಾರ್ವಜನಿಕರು ಹಾಗೂ ನನ್ನ ಅಭಿಮಾನಿಗಳಲ್ಲಿ ಒಂದು ವಿನಂತಿ. ನನ್ನನ್ನು ಅಜಿತ್​, ಅಜಿತ್​ ಕುಮಾರ್​ ಅಥವಾ ಎಕೆ ಎಂದು ಮಾತ್ರ ಕರೆಯಬೇಕು. ನನ್ನನ್ನು ತಾಲಾ ಎಂದು ಯಾರೂ ಕರೆಯಬಾರದು. ನನ್ನ ಹೆಸರ ಹಿಂದೆ ಈ ಶಬ್ದವನ್ನು ಬಳಸುವಂತಿಲ್ಲ’.

ನಟ ಅಜಿತ್​ ಕುಮಾರ್​

ನಟ ಅಜಿತ್​ ಕುಮಾರ್​

  • Share this:
ಯಾವುದೇ ಚಿತ್ರರಂಗವಾಗಲಿ ಅಲ್ಲಿ ಹೀರೋ(Hero)ಗಳಿಗೆ ಒಂದೊಂದು ಬಿರುದು ನೀಡಲಾಗುತ್ತೆ. ಉದಾಹರಣೆಗೆ ಸ್ಯಾಂಡಲ್​ವುಡ್(Sandalwood)​ನಲ್ಲಿ ಸಾಹಸ ಸಿಂಹ,  ಸೆಂಚುರಿ ಸ್ಟಾರ್​, ಪವರ್​ ಸ್ಟಾರ್​, ಚಾಲೆಂಜಿಗ್​ ಸ್ಟಾರ್​, ಸೂಪರ್​ ಸ್ಟಾರ್​​, ಅಭಿನಯ ಚಕ್ರವರ್ತಿ ಈ ರೀತಿ ತಮ್ಮ ನೆಚ್ಚಿನ ನಟರಿಗೆ ಅಭಿಮಾನಿ(Fans)ಗಳು ಬಿರುದು ನೀಡಿರುತ್ತಾರೆ. ಆದರೆ ಅದೆಷ್ಟೋ ಹೀರೋಗಳಿಗೆ ಈ ರೀತಿ ಕರೆಸಿಕೊಳ್ಳವುದು ಇಷ್ವವಿರುವುದಿಲ್ಲ. ಬಹಿರಂಗವಾಗಿಯೂ ಹೀಗೆ ಕರೆಯಬೇಡಿ, ಹೆಸರಿನಲ್ಲೇ ಕರೆಯಿರಿ ಎಂದು ಹೇಳಿರುವುದನ್ನು ಕೇಳಿದ್ಧೇವೆ. ಇದೀಗ ತಮಿಳು(Tamil) ಚಿತ್ರರಂಗದ ಸ್ಟಾರ್​ ನಟರೊಬ್ಬರು ಕೂಡ ಅಭಿಮಾನಿಗಳಿಗೆ ತಮ್ಮ ಹೆಸರಿನಲ್ಲೇ ಕರೆಯುವುಂತೆ ಮನವಿ ಮಾಡಿಕೊಂಡಿದ್ದಾರೆ. ಕಾಲಿವುಡ್​ನ ತಲ ಅಜಿತ್(Thala Ajith)​ ಈ ರೀತಿ ಹೇಳಿಕೆ ನೀಡಿದ್ದಾರೆ. ಇದು ಅವರ ಅಭಿಮಾನಿಗಳಲ್ಲಿ ಸಾಕಷ್ಟು ಕುತೂಹಲ ಮೂಡಿಸಿದೆ. ತಮಿಳು ಚಿತ್ರರಂಗದಲ್ಲಿ ತಲೈವಾ ರಜನಿಕಾಂತ್​, ಇಳಯದಳಪತಿ ವಿಜಯ್​, ತಲ ಅಜಿತ್​ ಹೀಗೆ ಅಭಿಮಾನಿಗಳು ಬಿರುದುಗಳನ್ನು ನೀಡಿದ್ದಾರೆ. ಅದರಲ್ಲೂ ಅಜಿತ್​ ಅಂದರೆ ಅಲ್ಲಿನ ಜನರಿಗೆ ಅಚ್ಚುಮೆಚ್ಚು. ನಟ ಅಜಿತ್​ ತಾವಾಯ್ತು, ತಮ್ಮ ಕೆಲಸವಾಯ್ತು ಅಂತ ಇರುವವರು. ಯಾವುದೇ ಕಾಂಟ್ರವರ್ಸಿ(Controversy) ಮಾಡಿಕೊಳ್ಳದವರು. ಶಿಸ್ತಿನ ಮನುಷ್ಯ. ಅವರನ್ನು ಅಭಿಮಾನಿಗಳು ಪ್ರೀತಿಯಿಂದ ‘ತಲ’ ಅಜಿತ್​ ಎಂದು ಕರೆಯುತ್ತಾರೆ. ಆದರೆ, ಇನ್ನುಮುಂದೆ ಈ ರೀತಿ ಕರೆಯುವಂತಿಲ್ಲ. ಹೀಗೊಂದು ಪ್ರಕಟಣೆಯನ್ನು ಅವರೇ ಹೊರಡಿಸಿದ್ದಾರೆ. ಇದನ್ನು ಕೇಳಿ ಅಭಿಮಾನಿಗಳು ಬೇಸರ ಮಾಡಿಕೊಂಡಿದ್ದಾರೆ. 

ಅಭಿಮಾನಿಗಳಿಗೆ ಮನವಿ ಮಾಡಿಕೊಂಡ ನಟ ಅಜಿತ್​

‘ಮಾಧ್ಯಮ, ಸಾರ್ವಜನಿಕರು ಹಾಗೂ ನನ್ನ ಅಭಿಮಾನಿಗಳಲ್ಲಿ ಒಂದು ವಿನಂತಿ. ನನ್ನನ್ನು ಅಜಿತ್​, ಅಜಿತ್​ ಕುಮಾರ್​ ಅಥವಾ ಎಕೆ ಎಂದು ಮಾತ್ರ ಕರೆಯಬೇಕು. ನನ್ನನ್ನು ತಾಲಾ ಎಂದು ಯಾರೂ ಕರೆಯಬಾರದು. ನನ್ನ ಹೆಸರ ಹಿಂದೆ ಈ ಶಬ್ದವನ್ನು ಬಳಸುವಂತಿಲ್ಲ. ಎಲ್ಲರಿಗೂ ಆರೋಗ್ಯ, ಸಂತೋಷ, ಯಶಸ್ಸು, ಮನಃಶಾಂತಿ ಸಿಗಲಿ’ ಎಂದು ಅಜಿತ್ ಬರೆದುಕೊಂಡಿದ್ದಾರೆ.  ಸಾಮಾನ್ಯವಾಗಿ ಈ ರೀತಿಯ ಮನವಿಗಳನ್ನು ಮಾಡಿಕೊಳ್ಳುವಾಗ ನಟರು ಅದಕ್ಕೆ ಕಾರಣವನ್ನು ತಿಳಿಸುತ್ತಾರೆ. ಆದರೆ, ಅಜಿತ್​ ಈ ರೀತಿಯ ಯಾವುದೇ ಕಾರಣವನ್ನು ವಿವರಿಸಿಲ್ಲ. ಈ ಪೋಸ್ಟ್​ ನೋಡಿದ ತಲ ಅಜಿತ್​ ಫ್ಯಾನ್ಸ್​ ಬೇಸರ ವ್ಯಕ್ತಪಡಿಸಿದ್ದಾರೆ.





ಇದನ್ನು ಓದಿ : ‘ಪುಷ್ಪ’ದಲ್ಲಿನ ಸಮಂತಾ ಲುಕ್​ಗೆ ಅಭಿಮಾನಿಗಳು ಫಿದಾ!


2001ರ ಧೀನಾ ಸಿನಿಮಾದಿಂದ ತಲ ಆದ ಅಜಿತ್​!

ದಕ್ಷಿಣದ ನಟರನ್ನು ಈ ರೀತಿಯಾಗಿ ಉಲ್ಲೇಖಿಸುವುದು ಸಾಮಾನ್ಯವಾಗಿದೆ. ಅವರ ಹೆಸರಿನೊಂದಿಗೆ ನಟನ ಸ್ಟಾರ್‌ಡಮ್‌ನ ವಿವರಣೆ ಇರುವಂತಹ ಸ್ಪೆಷಲ್ ಹೆಸರು ಕೊಡುತ್ತಾರೆ ಅಭಿಮಾನಿಗಳು. 2001 ರ ಚಲನಚಿತ್ರ ಧೀನಾದಲ್ಲಿ ಅಜಿತ್‌ನ ಪಾತ್ರವನ್ನು ತಲ ಧೀನಧಯಾಲನ್ ಎಂದು ಕರೆಯಲಾಯಿತು . ಆ ನಂತರ ತಲ ಅಜಿತ್ ಎಂದು ಅಭಿಮಾನಿಗಳು ಕರೆಯಲಾರಂಭಿಸಿದ್ದಾರೆ. ಅಂದಿನಿಂದ, ಅಭಿಮಾನಿಗಳು ಅವರನ್ನು ತಲ ಅಜಿತ್ ಎಂದು ಕರೆಯುತ್ತಾರೆ. ಆದರೆ ಇದೀಗ ಬರೀ ಅಜಿತ್​, ಅಜಿತ್​ ಕುಮಾರ್​ ಅಥವಾ ಎಕೆ ಎಂದು ಕರೆಯಬೇಕೆಂದು ಅಜಿತ್​ ಮನವಿ ಮಾಡಿಕೊಂಡಿದ್ದಾರೆ.

ಇದನ್ನು ಓದಿ : ಈ ಸಲ ಮುತ್ತು ಕೊಟ್ಟಿರೋದು ನಟಿ ಜಾಕಲಿನ್ ! ಏನು ಇವರ ಕತೆ?

ಸದಾ  ಸಿಂಪಲ್​ ಆಗಿರಲು ಬಯಸುವ ಅಜಿತ್​ ಕುಮಾರ್

ಅದೆಷ್ಟೇ ಸ್ಟಾರ್​ಡಮ್​ ಇದ್ದರೂ ನಟ ಅಜಿತ್​ ಮಾತ್ರ ಸದಾ ಸಿಂಪಲ್​ ಲೈಫ್​ ಲೀಡ್​ ಮಾಡಲು ಇಷ್ಟಪಡುತ್ತಾರೆ. ತಮಿಳುನಾಡು ವಿಧಾನಸಭಾ ಚುನಾವಣೆಯ ಮತದಾನದ ವೇಳೆ ಅಜಿತ್​ ತಮ್ಮ ಪತ್ನಿಯೊಂದಿಗೆ ಮತದಾನ ಮಾಡಲು ಕ್ಯೂನಲ್ಲಿ ನಿಂತಿದ್ದರು. ಈ ವಿಚಾರ ಅವರ ಸಖತ್​ ವೈರಲ್ ಆಗಿತ್ತು.ಸಾರ್ವಜನಿಕವಾಗಿ ತಾವು ಕಾಣಿಸಿಕೊಂಡಾಗ ಜನ ತಮ್ಮನ್ನು ವಿಶೇಷವಾಗಿ ಆದರಿಸುವುದನ್ನು ಅಜಿತ್ ಅವರು ಇಷ್ಟಪಡುವುದಿಲ್ಲ. ಬದಲಾಗಿ ಸಾದಾ ಸೀದಾ ಸಿಂಪಲ್ ಆಗಿರಲು ಬಯಸುತ್ತಾರೆ. ಈವರೆಗೂ ಅಜಿತ್​ ಯಾವುದೇ ಕಾಂಟ್ರವರ್ಸಿ ಮಾಡಿಕೊಂಡವರಲ್ಲ. ಸಿನಿಮಾ ಆಯ್ತು, ತಾವಾಯ್ತು ಎಂದು ಅಜಿತ್​ ಇರುತ್ತಾರೆ. ಅಜಿತ್​ ಅವರ ಸಿಂಪ್ಲಿಸಿಟಿಗೆ ಅನೇಕರು ಫಿದಾ ಆಗಿದ್ದಾರೆ.
Published by:Vasudeva M
First published: