KGF Chapter 2: ‘ರನ್ ವೇ’ನಲ್ಲಿ ಟೇಕ್ ಆಫ್ ಆಗದ ‘ಹೀರೋಪಂತಿ’! 'ರಾಕಿ ಭಾಯ್' ಅಬ್ಬರಕ್ಕೆ ಬಾಲಿವುಡ್ ಥಂಡಾ!

'ಕೆಜಿಎಫ್‌ ಚಾಪ್ಟರ್ 2' ವಿಶ್ವದ ಎಲ್ಲಾ ಭಾಷೆಗಳಲ್ಲಿ 1000 ಕೋಟಿಗೂ ಹೆಚ್ಚು ಗಳಿಸುವ ನಿರೀಕ್ಷೆಗಳಿದ್ದು, ಇದು 'ದಂಗಲ್', 'ಬಾಹುಬಲಿ: ದಿ ಕನ್‌ಕ್ಲೂಷನ್' ಮತ್ತು 'ಆರ್‌ಆರ್‌ಆರ್' ನಂತರದ ಮೈಲಿಗಲ್ಲನ್ನು ದಾಟಿದ ನಾಲ್ಕನೇ ಭಾರತೀಯ ಚಿತ್ರವಾಗಿದೆ. ಇದೀಗ ರಾಕಿ ಭಾಯ್ ಅಬ್ಬರಕ್ಕೆ ಬಾಲಿವುಡ್ ಸುಸ್ತಾಗಿದೆ.

KGF 2

KGF 2

  • Share this:
    ಕನ್ನಡದ (Kannada) ‘ಕೆಜಿಎಫ್ ಚಾಪ್ಟರ್ 2’ (KGF Chapter 2) ಸಿನಿಮಾ (Cinema) ಅಬ್ಬರಕ್ಕೆ ಇಡೀ ಭಾರತೀಯ ಚಿತ್ರರಂಗ (Indian Film Industry) ಥಂಡಾ ಹೊಡೆದಿದೆ. ಅದರಲ್ಲೂ ಬಾಲಿವುಡ್‌ ದಾಖಲೆಗಳನ್ನು (Bollywood Records) ‘ರಾಕಿ ಭಾಯ್’ ಉಡೀಸ್ ಮಾಡುತ್ತಿದ್ದಾನೆ. ಬಾಲಿವುಡ್ ನಟ ಅಜಯ್ ದೇವಗನ್ ಅಭಿನಯದ ‘ರನ್ ವೇ 34’ (Runway 34) ಮತ್ತು ಇನ್ನೊಬ್ಬ ನಟ ಟೈಗರ್ ಶ್ರಾಫ್ ಅವರ ‘ಹೀರೋಪಂತಿ 2’ (Heropanti 2) ಚಿತ್ರಗಳು ಕಳೆದ ಶುಕ್ರವಾರದಂದು ಬಿಡುಗಡೆಯಾದ ಎರಡು ಹಿಂದಿ ಚಿತ್ರಗಳಾಗಿದ್ದು, ತಮ್ಮ ಮೊದಲ ವಾರಾಂತ್ಯದಲ್ಲಿ ಗಲ್ಲಾ ಪೆಟ್ಟಿಗೆಯಲ್ಲಿ ಭಾರಿ ಕಲೆಕ್ಷನ್ ಮಾಡುವಲ್ಲಿ ವಿಫಲವಾಗಿವೆ. ಭಾನುವಾರದ ಹೊತ್ತಿಗೆ, ಅಜಯ್ ನಿರ್ದೇಶನದ ರನ್ ವೇ 34 ಗಲ್ಲಾ ಪೆಟ್ಟಿಗೆಯಲ್ಲಿ ಕೇವಲ 13 ಕೋಟಿ ರೂಪಾಯಿ ಗಳಿಸಿದೆ. ವಾರಾಂತ್ಯದಲ್ಲಿ 15 ಕೋಟಿ ನಿವ್ವಳ ಸಂಗ್ರಹದೊಂದಿಗೆ ಹೀರೋಪಂತಿ 2 ಚಿತ್ರವು ಅದಕ್ಕಿಂತ ಸ್ವಲ್ಪ ಉತ್ತಮ ಸಾಧನೆ ಮಾಡಿತ್ತು ಎಂದು ಹೇಳಬಹುದು.

    ಬಾಲಿವುಡ್‌ನಲ್ಲೂ ‘ಕೆಜಿಎಫ್ 2’ ಅಬ್ಬರ

    ಕನ್ನಡ ಬ್ಲಾಕ್ ಬಸ್ಟರ್ ಚಿತ್ರ ಕೆಜಿಎಫ್: ಚಾಪ್ಟರ್ 2 ರ ಹಿಂದಿ ಆವೃತ್ತಿಯು ಮೂರನೇ ವಾರದಲ್ಲಿ ಈ ಎರಡೂ ಚಿತ್ರಗಳನ್ನು ಮೀರಿಸಿದೆ ಎಂದು ಹೇಳಲಾಗುತ್ತಿದೆ. ಇದೇ ಮೂರು ದಿನಗಳ ಅವಧಿಯಲ್ಲಿ, ಕೆಜಿಎಫ್ 2 ರ ಹಿಂದಿ ಆವೃತ್ತಿಯು ಸುಮಾರು 20 ಕೋಟಿ ರೂಪಾಯಿ ಗಳಿಸಿತು.

    ಘಟಾನುಘಟಿಗಳಿದ್ದ ‘ಹೀರೋಪಂತಿ-2’

    ಏಪ್ರಿಲ್ 29 ರಂದು ಚಿತ್ರಮಂದಿರಗಳಲ್ಲಿ ಹೀರೋಪಂತಿ 2 ಮತ್ತು ರನ್ ವೇ 34 ಎರಡೂ ಚಿತ್ರಗಳು ಬಿಡುಗಡೆಯಾದವು. ಟೈಗರ್ ಹೊರತು ಪಡಿಸಿ ತಾರಾ ಸುತಾರಿಯಾ ಮತ್ತು ನವಾಜುದ್ದೀನ್ ಸಿದ್ದಿಕಿಯವರು ಈ ಚಿತ್ರದಲ್ಲಿ ನಟಿಸಿದ್ದಾರೆ. ಅಹ್ಮದ್ ಖಾನ್ ನಿರ್ದೇಶನದ ಈ ಚಿತ್ರವು ಟೈಗರ್ ಅವರ ಚೊಚ್ಚಲ ಚಿತ್ರ ಹೀರೋಪಂತಿಯ ಮುಂದುವರಿದ ಭಾಗವಾಗಿದೆ.

    ನೈಜ ಕಥೆ ಹೊಂದಿರುವ ‘ರನ್‌ ವೇ 34'

    ಮತ್ತೊಂದೆಡೆ, ರನ್ವೇ 34 ನಿಜವಾದ ಘಟನೆಯನ್ನು ಆಧರಿಸಿದ ವೈಮಾನಿಕ ಘಟನೆಯ ಚಿತ್ರವಾಗಿದೆ. ಇದರಲ್ಲಿ ಬಿಗ್ ಬಿ ಅಮಿತಾಭ್ ಬಚ್ಚನ್ ಮತ್ತು ನಟಿ ರಕುಲ್ ಪ್ರೀತ್ ಸಿಂಗ್ ಕೂಡ ನಟಿಸಿದ್ದಾರೆ. ಈ ಎರಡೂ ಚಿತ್ರಗಳಿಂದ ಬಹಳಷ್ಟು ನಿರೀಕ್ಷಿಸಲಾಗಿತ್ತು, ಆದರೆ ಎರಡೂ ಚಿತ್ರಗಳು ನಿರೀಕ್ಷೆಗಳನ್ನು ಪೂರೈಸಲು ಸಾಧ್ಯವಾಗಲಿಲ್ಲ. ವರದಿಯ ಪ್ರಕಾರ, "ಹೀರೋಪಂತಿ 2 ವಾರಾಂತ್ಯದಲ್ಲಿ 15 ಕೋಟಿ ನಿವ್ವಳ ಶ್ರೇಣಿಯಲ್ಲಿ ಸಂಗ್ರಹದೊಂದಿಗೆ ಕಳಪೆಯಾಗಿ ಸಂಗ್ರಹವಾಯಿತು.

    ಇದನ್ನೂ ಓದಿ: Yash: ಪಾನ್ ಮಸಾಲ ಜಾಹೀರಾತು ತಿರಸ್ಕರಿಸಿದ ಯಶ್​! 'ಗುಟ್ಕಾ ಗ್ಯಾಂಗ್'​ ಸೇರ್ಲಿಲ್ಲ ರಾಕಿ, ನೀವೇ ನಿಜವಾದ ಸುಲ್ತಾನ

    ಈದ್ ರಜಾ ದಿನಗಳು ಬಂದಿರುವಾಗಲೂ ಸಹ ಕೆಲವು ದೊಡ್ಡ ಪವಾಡಗಳು ಈ ಚಿತ್ರಗಳ ಗಲ್ಲಾ ಪೆಟ್ಟಿಗೆಗಳ ಮೇಲೆ ಕೆಲಸ ಮಾಡದೆ ಹೋದರೆ ಇದರ ಕಲೆಕ್ಷನ್ ಗಳು ಇನ್ನೂ ಕಡಿಮೆ ಆಗಲಿದೆ ಎಂದು ಹೇಳಲಾಗುತ್ತಿದೆ. ರನ್ ವೇ 34 ಕೂಡ ಮೊದಲ ವಾರಾಂತ್ಯದಲ್ಲಿ ಕಳಪೆ ಪ್ರದರ್ಶನ ನೀಡಿದೆ, ಆದರೆ ಇದು ಹೀರೋಪಂತಿ 2 ಗಿಂತ ಉತ್ತಮ ಪಥವನ್ನು ಹೊಂದಿತ್ತು ಮತ್ತು ಅಂತಿಮವಾಗಿ ಭಾನುವಾರ ಆ ಚಿತ್ರಕ್ಕಿಂತ ಮುಂದಾಯಿತು.

    ರಾಕಿ ಭಾಯ್ ಓಟಕ್ಕೆ ಬ್ರೇಕ್ ಹಾಕುವವರೇ ಇಲ್ಲ

    ಇದಕ್ಕೆ ವ್ಯತಿರಿಕ್ತವಾಗಿ, ಯಶ್ ಮುಖ್ಯ ಪಾತ್ರದಲ್ಲಿ ನಟಿಸಿರುವ ಕೆಜಿಎಫ್ 2 ಚಿತ್ರಕ್ಕೆ ಇನ್ನಷ್ಟು ಬಲ ಬಂದಿದೆ. ಏಕೆಂದರೆ ಚಿತ್ರಮಂದಿರಗಳಲ್ಲಿ ಇದು ಚಿತ್ರದ ಮೂರನೇ ವಾರವಾಗಿದೆ ಮತ್ತು ಅದರ ಹಿಂದಿ ಡಬ್ಬಿಂಗ್ ಆವೃತ್ತಿ ಮಾತ್ರ ಈ ಎರಡೂ ಹೊಸ ಚಿತ್ರಗಳ ಬಿಡುಗಡೆಗಳಿಗಿಂತಲೂ ಹೆಚ್ಚಿನದನ್ನು ಗಳಿಸುವಲ್ಲಿ ಯಶಸ್ವಿಯಾಗಿದೆ.

    ದಗಂಲ್ ದಾಖಲೆ ಬ್ರೇಕ್ ಮಾಡಲು ಸಜ್ಜು

    ಈ 20 ಕೋಟಿ ರೂಪಾಯಿಯ ಗಳಿಕೆಯ ವಾರಾಂತ್ಯದೊಂದಿಗೆ, ಪ್ರಶಾಂತ್ ನೀಲ್ ಚಿತ್ರವು ತನ್ನ ಹಿಂದಿ ಆವೃತ್ತಿಯ ಗಳಿಕೆಯನ್ನು 361 ಕೋಟಿ ರೂಪಾಯಿಗೆ ಕೊಂಡೊಯ್ದಿದೆ. ಇದು ಈಗ 387 ಕೋಟಿ ರೂಪಾಯಿ ಗಳಿಸಿದ್ದ ದಂಗಲ್ ನ ದೇಶೀಯ ಸಂಗ್ರಹವನ್ನು ದಾಟಲು ಸಜ್ಜಾಗಿದೆ ಎಂದು ಹೇಳಲಾಗುತ್ತಿದೆ.

    ಇದನ್ನೂ ಓದಿ: Explained: ಕಿಚ್ಚ ಸುದೀಪ್-ಅಜಯ್ ದೇವಗನ್ ಮಧ್ಯೆ 'ಹಿಂದಿ' ವಾರ್! ಶುರುವಾಗಿದ್ದು ಹೇಗೆ, ಬಂದು ನಿಂತಿದ್ದೆಲ್ಲಿಗೆ?

    1000 ಕೋಟಿ ಕ್ಲಬ್ ಸೇರಲಿರುವ ಕೆಜಿಎಫ್-2

    ವಿಶ್ವದ ಎಲ್ಲಾ ಭಾಷೆಗಳಲ್ಲಿ, ಈ ಚಿತ್ರವು 1000 ಕೋಟಿಗೂ ಹೆಚ್ಚು ಗಳಿಸುವ ನಿರೀಕ್ಷೆಗಳಿದ್ದು, ಇದು ದಂಗಲ್, ಬಾಹುಬಲಿ: ದಿ ಕನ್‌ಕ್ಲೂಷನ್ ಮತ್ತು ಆರ್‌ಆರ್‌ಆರ್ ನಂತರದ ಮೈಲಿಗಲ್ಲನ್ನು ದಾಟಿದ ನಾಲ್ಕನೇ ಭಾರತೀಯ ಚಿತ್ರವಾಗಿದೆ. ಕೆಜಿಎಫ್ ಚಾಪ್ಟರ್ 2 ಚಿತ್ರವು 2018 ರ ಹಿಟ್ ಕೆಜಿಎಫ್: ಚಾಪ್ಟರ್ 1 ರ ಮುಂದುವರಿದ ಭಾಗವಾಗಿದೆ. ಎರಡು ಭಾಗಗಳ ಈ ಕಥೆಯು ರಾಕಿ ಭಾಯ್ ಕೋಲಾರ ಗೋಲ್ಡ್ ಫೀಲ್ಡ್ಸ್ ನಲ್ಲಿ ಚಿನ್ನದ ಗಣಿಗಾರಿಕೆ ಸಾಮ್ರಾಜ್ಯವನ್ನು ನಿಯಂತ್ರಿಸಲು ಅವನು ಹೇಗೆ ಹೊರಡುತ್ತಾನೆ ಎಂಬ ಕಥೆಯನ್ನು ಹೇಳುತ್ತದೆ.
    Published by:Annappa Achari
    First published: