ಸುಶಾಂತ್​ ಸಿಂಗ್​ ಸಾವು ಆತ್ಮಹತ್ಯೆಯೋ?  ಕೊಲೆಯೋ? ಎಂದು ಸ್ಪಷ್ಟಪಡಿಸಲು ಸಾಧ್ಯವಿಲ್ಲ: ಏಮ್ಸ್​

ನವದೆಹಲಿ (ಸೆ.29): ನಟ ಸುಶಾಂತ್​ ಸಿಂಗ್​ ಅವರ ಸಾವಿಗೆ ಯಾವುದೇ ವಿಷ ಕಾರಣವಲ್ಲ ಎಂದು ದೆಹಲಿಯ ಏಮ್ಸ್​ ವೈದ್ಯರು ಸಿಬಿಐಗೆ ವರದಿ ನೀಡಿದ್ದಾರೆ. ಅಲ್ಲದೇ ಅವರ ಸಾವು ಆತ್ಮಹತ್ಯೆ ಎಂಬ ಕುರಿತು ಕೂಡ ನಿಖರವಾಗಿ ಹೇಳಲು ಸಾಧ್ಯವಿಲ್ಲ ಎಂದು ಕೂಡ ತಿಳಿಸಿದ್ದಾರೆ. ಸುಶಾಂತ್​ ಆತ್ಮಹತ್ಯೆ ಮಾಡಿಕೊಳ್ಳುವ ವ್ಯಕ್ತಿಯಲ್ಲ. ಆತನ ಸಾವಿಗೆ ವಿಷ ಪ್ರಾಸನ ಕಾರಣವಾಗಿರಬಹುದು ಎಂದು ನಟನ ಕುಟುಂಬ ಆರೋಪಿಸಿತು. ಈ ಸಂಬಂಧ ಮುಂಬೈ ಠಾಣೆಯಲ್ಲಿ ದೂರು ಕೂಡ ದಾಖಲಾಗಿತ್ತು. ಈ ಕುರಿತು ವರದಿ ನೀಡಿರುವ ಏಮ್ಸ್ ವೈದ್ಯರು ಇದು ಕೊಲೆ ಅಥವಾ ಆತ್ಮಹತ್ಯೆ ಎಂಬ ಬಗ್ಗೆ ಅಂತಿಮ ತೀರ್ಮಾನಕ್ಕೆ  ಬರಲು ಅಸಾಧ್ಯ. ಈ ಕುರಿತು ಮತ್ತೊಂದು ಸಭೆ ಸೇರಲಿದೆ ಎಂದು ತಿಳಿಸಿದೆ ಎನ್ನಲಾಗಿದೆ.

ಜೂನ್​ 14ರಂದು 34 ವರ್ಷದ ನಟ ಸುಶಾಂತ್​ ಸಿಂಗ್​ ಮುಂಬೈ ಅಪಾರ್ಟ್​ಮೆಂಟ್​ನಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಕಂಡು ಬಂದಿದ್ದರು. ಈ ವೇಳೆ ಮುಂಬೈ ಪೊಲೀಸರು ಮರಣೋತ್ತರ ಪರೀಕ್ಷೆ ನಡೆಸಿದ್ದು, ಇದು ಆತ್ಮಹತ್ಯೆ ಎಂದು ವರದಿ ಬಂದಿತ್ತು. ಇದಾದ ಬಳಿಕ ಇದು ಕೊಲೆ. ಈ ಕುರಿತು ತನಿಖೆ ನಡೆಯಬೇಕು ಎಂಬ ಕೂಗು ಸಾಮಾಜಿಕ ಜಾಲತಾಣದಲ್ಲಿ ಕೇಳಿಬಂದಿತ್ತು. ಇದಾದ ಬಳಿಕ ಈ ಪ್ರಕರಣದ ತನಿಖೆಯನ್ನು ಸಿಬಿಐಗೆ ವಹಿಸಲಾಗಿತ್ತು.

ಇದನ್ನು ಓದಿ: ಗ್ರೀನ್​ ಇಂಡಿಯಾ ಚಾಲೆಂಜ್​ ಸ್ವೀಕರಿಸಿ ಸಸಿ ನೆಟ್ಟ ರಿಯಲ್​ ಹೀರೋ ಸೋನು ಸೂದ್​..!

ಸುಶಾಂತ್​ ಸಿಂಗ್​ ಮರಣೋತ್ತರ ಪರೀಕ್ಷೆಯನ್ನು ಸಿಬಿಐ ತನಿಖೆಯೊಂದಿಗೆ ದೃಢೀಕರಿಸಲಾಗಿದೆ. ಈ ಪ್ರಕರಣವನ್ನು ಆತ್ಮಹತ್ಯೆ ಪ್ರಚೋದನೆ ನೀಡಿದ ಆಯಾಮದ ಮೇಲೆ ಸಿಬಿಐ ತನಿಖೆ ಮುಂದುವರೆಸುವ ಸಾಧ್ಯತೆ ಇದೆ. ಮೂಲಗಳ ಪ್ರಕಾರ, ಮುಂಬೈನಲ್ಲಿ ನಡೆದ ಶವಪರೀಕ್ಷೆ ವೇಳೆ ಏಮ್ಸ್​ ತಂಡ ಕೂಡ ಭಾಗಿಯಾಗಿತ್ತು ಎನ್ನಲಾಗಿದೆ.

​ ಗೆಳತಿ ರಿಯಾ ಚಕ್ರವರ್ತಿ ಸುಶಾಂತ್​ಗೆ ಮಾನಸಿಕವಾಗಿ ಹಿಂಸೆ, ಶೋಷಣೆ ಮಾಡಿದ್ದಳು. ಆತನ ಸಾವಿಗೆ ಆಕೆಯೇ ಕಾರಣ ಎಂದು ನಟನ ಕುಟುಂಬ ಆರೋಪಿಸಿದ ಬಳಿಕ ಸಿಬಿಐ ಈ ಪ್ರಕರಣವನ್ನು ಕೈಗೆತ್ತಿಕೊಂಡಿತು.