HOME » NEWS » Entertainment » AFTER SHARING A BIKE RIDE VIDEO WITH WIFE VIVEK OBEROI IS IN TROUBLE HERE IS THE DETAILS SGT AE

ಮಡದಿ ಜೊತೆ ಪ್ರೇಮಿಗಳ ದಿನ ಆಚರಿಸಿದ ವಿವೇಕ್​ ಒಬೆರಾಯ್​: ಸಂಭ್ರಮದ ವಿಡಿಯೋ ಅಪ್ಲೋಡ್‌ ಮಾಡಿ ಸಂಕಷ್ಟಕ್ಕೆ ಸಿಲುಕಿದ ನಟ..!

ಮಡದಿ ಪ್ರಿಯಾಂಕಾ ಆಳ್ವ ಅವರೊಂದಿಗಿನ ವಿಡಿಯೋವವೊಂದನ್ನು ವಿವೇಕ್​ ಒಬೆರಾಯ್​ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಸೆಲೆಬ್ರಿಟಿ ದಂಪತಿ ಹೊಸ ಐಷಾರಾಮಿ ಬೈಕಿನಲ್ಲಿ ಮುಂಬೈನ ರಸ್ತೆಯಲ್ಲಿ‌ ಸವಾರಿ ಮಾಡಿದ್ದಾರೆ.

Anitha E | news18-kannada
Updated:February 20, 2021, 3:21 PM IST
ಮಡದಿ ಜೊತೆ ಪ್ರೇಮಿಗಳ ದಿನ ಆಚರಿಸಿದ ವಿವೇಕ್​ ಒಬೆರಾಯ್​: ಸಂಭ್ರಮದ ವಿಡಿಯೋ ಅಪ್ಲೋಡ್‌ ಮಾಡಿ ಸಂಕಷ್ಟಕ್ಕೆ ಸಿಲುಕಿದ ನಟ..!
ಕುಟುಂಬದೊಂದಿಗೆ ಬಾಲಿವುಡ್​ ನಟ ವಿವೇಕ್​ ಒಬೆರಾಯ್​
  • Share this:
ಪ್ರೇಮಿಗಳ ದಿನಗಳನ್ನು ಆಚರಿಸುವವರಿಗೆ ಬಹಳ ವಿಶೇಷವಾದ ದಿನ. ಅದರಲ್ಲೂ ಸೆಲೆಬ್ರಿಟಿಗಳು ಹೇಗೆ ಪ್ರೇಮಿಗಳ ದಿನವನ್ನು ಆಚರಿಸಿದ್ದಾರೆ ಎಂದು ತಿಳಿದುಕೊಳ್ಳಲು ಅಭಿಮಾನಿಗಳು ಕಾಯುತ್ತಿರುತ್ತಾರೆ. ಇನ್ನು ಸಿನಿ ಸ್ಟಾರ್​ಗಳು ಸಹ ತಮ್ಮ ವೈಯಕ್ತಿಕ ವಿಷಯಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಿರುತ್ತಾರೆ. ಈ ಸಲ ನಟ ವಿವೇಕ್​ ಒಬೆರಾಯ್​ ಈ ವರ್ಷದ ಪ್ರೇಮಿಗಳ ದಿನದಂದು ಏನು ಮಾಡಿದರು ಹಾಗೆಯೇ ವ್ಯಾಲೆಂಟೈನ್ಸ್​ ಡೇ ಅನ್ನು ಹೇಗೆ ಆಚರಿಸಿದರು ಎಂದು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ. ವಿವೇಕ್ ಒಬೆರಾಯ್ ಸಾಮಾಜಿಕ ಜಾಲತಾಣದಲ್ಲಿರುವ ತಮ್ಮ ಖಾತೆಯಲ್ಲಿ ಒಂದು ವಿಡಿಯೋ ಹಂಚಿಕೊಂಡಿದ್ದಾರೆ. ಆದರೆ ಅದೇ ವಿಡಿಯೋ ಈಗ ಅವರಿಗೆ ಸಂಕಷ್ಟ ತಂದೊಡ್ಡಿದೆ. 

ಮಡದಿ ಪ್ರಿಯಾಂಕಾ ಆಳ್ವ ಅವರೊಂದಿಗಿನ ವಿಡಿಯೋವವೊಂದನ್ನು ವಿವೇಕ್​ ಒಬೆರಾಯ್​ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಸೆಲೆಬ್ರಿಟಿ ದಂಪತಿ ಹೊಸ ಐಷಾರಾಮಿ ಬೈಕಿನಲ್ಲಿ ಮುಂಬೈನ ರಸ್ತೆಯಲ್ಲಿ‌ ಸವಾರಿ ಮಾಡಿದ್ದಾರೆ. ಇನ್ನು, ಈ ವಿಡಿಯೋದ ಬ್ಯಾಗ್ರೌಂಡ್​ನಲ್ಲಿ 'ಸಾಥಿಯಾ' ಸಿನಿಮಾದ ಟೈಟಲ್​ ಟ್ರ್ಯಾಕ್​ ಪ್ಲೇ ಆಗುತ್ತಿದೆ. ದಂಪತಿ ಬೈಕ್‌ ಸವಾರಿಯನ್ನು ಎಂಜಾಯ್​ ಮಾಡುತ್ತಿರುವುದು ವಿಡಿಯೋದಿಂದ ತಿಳಿಯುತ್ತದೆ.



ಹ್ಯಾಪಿ ವ್ಯಾಲೆಂಟೈನ್ಸ್ ಡೇ! ಸುಂದರವಾದ ಪ್ರೇಮಿಗಳ ದಿನಕ್ಕೆ ಒಳ್ಳೆಯ ಪ್ರಾರಂಭ. ನಾನು, ನನ್ನ ಪತ್ನಿ ಹಾಗೂ ಅವನು (ಬೈಕ್)! ನಿಜಕ್ಕೂ ಉಲ್ಲಾಸಕರವಾದ ಜಾಯ್ ‌ರೈಡ್ ಮಾಡಿದ್ದೇವೆ ಎಂದು ವಿವೇಕ್​ ಒಬೆರಾಯ್​ ಬರೆದುಕೊಂಡಿದ್ದಾರೆ.










View this post on Instagram






A post shared by Vivek Oberoi (@vivekoberoi)






ಆದರೆ, ವಿವೇಕ್ ಮತ್ತು ಪ್ರಿಯಾಂಕಾ ಇಬ್ಬರೂ ಬೈಕ್​ ಸವಾರಿ ಮಾಡುವಾಗ ಮಾಸ್ಕ್‌ ಹಾಗೂ ಹೆಲ್ಮೆಟ್ ಧರಿಸಿಲ್ಲ. ಇದನ್ನು ಕಂಡ ನೆಟ್ಟಿಗರು ಈ ಸ್ಟಾರ್​ ದಂಪತಿಯನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

ಇದನ್ನೂ ಓದಿ: Aadhya Anand: ಬಾಂಬೆ ಬೇಗಮ್ಸ್​ ವೆಬ್​ ಸರಣಿಯಲ್ಲಿ ನಟಿಸಿದ್ದಾರೆ ಕನ್ನಡತಿ ಆಧ್ಯಾ ಆನಂದ್..!

ಅಲ್ಲದೆ, ವಿವೇಕ್ ಬೈಕ್‌ ರೈಡ್‌ ಮಾಡುವ ವೇಳೆ ಸ್ಟಂಟ್‌ ಮಾಡಿರುವುದು ಕಾನೂನುಬಾಹಿರವಾಗಿದ್ದು, ಈ ಹಿನ್ನೆಲೆ ಟ್ರಾಫಿಕ್ ಪೊಲೀಸರು 500 ರುಪಾಯಿ ದಂಡ ವಿಧಿಸಿದ್ದಾರೆ. ಶುಕ್ರವಾರ ಈ ದಂಪತಿಗೆ ಸಂಚಾರಿ ಪೊಲೀಸರಿಂದ ಫೈನ್​ ಚಲನ್​ ನೀಡಲಾಗಿದೆ ಎಂದು ಇಂಗ್ಲಿಷ್​ ಪತ್ರಿಕೆಯೊಂದು ವರದಿ ಮಾಡಿದೆ.

ಐಪಿಸಿ ಸೆಕ್ಷನ್ 188 ಮತ್ತು 269ರ ಅಡಿಯಲ್ಲಿ ನಟನ ವಿರುದ್ಧ ಎಫ್‌ಐಆರ್‌ ದಾಖಲಾಗಿದ್ದು, ಈ ಪ್ರಕರಣದಲ್ಲಿ ಕಾನೂನು ಉಲ್ಲಂಘಿಸಿದವರಿಗೆ ಆರು ತಿಂಗಳ ಜೈಲು ಶಿಕ್ಷೆ ಅಥವಾ ದಂಡ ಕೆಲವು ಪ್ರಕರಣಗಳಲ್ಲಿ ಎರಡನ್ನೂ ವಿಧಿಸಬಹುದು. ಇನ್ನು, ಮುಂಬೈ ಪೊಲೀಸರು ದಾಖಲಿಸಿರುವ ಎಫ್ಐಆರ್ ಬಗ್ಗೆ ವಿವೇಕ್ ಒಬೆರಾಯ್ ಇನ್ನೂ ಪ್ರತಿಕ್ರಿಯೆ ನೀಡಿಲ್ಲ.

ಇದನ್ನೂ ಓದಿ: ಮದುವೆಯಾದ ನಂತರ ಹಾಟ್​ ಫೋಟೋಶೂಟ್​ಗೆ ಪೋಸ್​ ಕೊಟ್ಟ ಕಾಜಲ್​ ಅಗರ್ವಾಲ್​..!

ನಟ ವಿವೇಕ್ ಒಬೆರಾಯ್‌ ಅವರು ''ರೋಸಿ: ಕೇಸರಿ ಅಧ್ಯಾಯ'' ಚಿತ್ರದಲ್ಲಿ ನಟಿಸುತ್ತಿದ್ದು, ಶ್ವೇತಾ ತಿವಾರಿ ಅವರ ಮಗಳು ಪಲಕ್ ತಿವಾರಿ ಈ ಸಿನಿಮಾದ ಮೂಲಕ ಬಾಲಿವುಡ್‌ಗೆ ಕಾಲಿಡಲಿದ್ದಾರೆ.
Published by: Anitha E
First published: February 20, 2021, 3:16 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories