Anitha EAnitha E
|
news18-kannada Updated:August 26, 2020, 12:49 PM IST
ಚಿತ್ರಮಂದಿರದಲ್ಲಿ ಸಿನಿಮಾ ನೋಡಿದ ಹಾಲಿವುಡ್ ನಟ ಟಾಮ್ ಕ್ರೂಸ್
ಕೊರೋನಾ ವೈರಸ್ ಭೀತಿಯಿಂದಾಗಿ ಕಳೆದ ಮಾರ್ಚ್ನಿಂದ ಎಲ್ಲೆಡೆ ಚಿತ್ರಮಂದಿರಗಳು ಹಾಗೂ ಮಲ್ಟಿಪ್ಲೆಕ್ಸ್ಗಳ ಬಾಗಿಲು ಮುಚ್ಚಲಾಗಿದೆ. ಲಾಕ್ಡೌನ್ ಸಡಿಲಗೊಳ್ಳುತ್ತಿದ್ದಂತೆಯೇ ಒಂದೊಂದು ಕಡೆ ಮೆಲ್ಲನೆ ಚಿತ್ರಮಂದಿರಗಳು ಬಾಗಿಲು ತೆರೆಯುತ್ತಿವೆ. ಈಗಾಗಲೇ ಹಲವಾರು ದೇಶಗಳಲ್ಲಿ ಮಲ್ಪಿಪ್ಲೆಕ್ಸ್ಗಳು ಬಾಗಿಲು ತೆರೆದಿವೆ.
ಹಾಲಿವುಡ್ ನಟ ಟಾಮ್ ಕ್ರೂಸ್ ಚಿತ್ರಮಂದಿರಕ್ಕೆ ತೆರಳಿ, ಪ್ರೇಕ್ಷಕರಿಗೆ ಸರ್ಪ್ರೈಸ್ ಕೊಟ್ಟಿದ್ದಾರೆ. ಹೌದು, ಲಂಡನ್ನ ಚಿತ್ರಮಂದಿರದಲ್ಲಿ ತೆರೆ ಕಂಡಿರುವ ಹಾಲಿವುಡ್ನ ಟೆನೆಟ್ ಸಿನಿಮಾ ವೀಕ್ಷಿಸಿದ್ದಾರೆ ಟಾಮ್ ಕ್ರೂಸ್. ಸಿನಿಮಾ ನೋಡಲು ಚಿತ್ರಮಂದಿರಕ್ಕೆ ಹೋಗಿದ್ದ ವಿಡಿಯೋವನ್ನೂ ತಮ್ಮ ಟ್ವಿಟರ್ ಹಾಗೂ ಇನ್ಸ್ಟಾಗ್ರಾಂನಲ್ಲೂ ಹಂಚಿಕೊಂಡಿದ್ದಾರೆ.
ಟಾಮ್ ಕ್ರೂಸ್ ಸಹ ಮಾಸ್ಕ್ ತೊಟ್ಟು ಲಂಡನ್ನ ಒಂದು ಚಿತ್ರಮಂದಿರಕ್ಕೆ ಹೋಗುತ್ತಾರೆ. ಅಲ್ಲಿ ಪ್ರೇಕ್ಷಕರ ಮಧ್ಯೆ ಕುಳಿತು ಸಿನಿಮಾ ನೋಡುತ್ತಾರೆ. ಕೊರೋನಾ ಲಾಕ್ಡೌನ್ನಿಂದಾಗಿ ಮುಚ್ಚಿದ್ದ ಚಿತ್ರಮಂದಿರ ತೆರೆದಿರುವ ಖುಷಿಯನ್ನು ಹಂಚಿಕೊಂಡಿದ್ದಾರೆ ಹಾಲಿವುಡ್ನಟ. ಇನ್ನು ಟಾಮ್ ಕ್ರೂಸ್ ಅವರನ್ನು ನೋಡಿದ ಪ್ರೇಕ್ಷಕರು ಥ್ರಿಲ್ಲಾಗಿ ಸಾಮಾಜಿಕ ಜಾಲತಾಣದಲ್ಲಿ ಈ ಕುರಿತು ಬರೆದುಕೊಂಡಿದ್ದಾರೆ.
ನಟ ಟಾಮ್ ಕ್ರೂಸ್ ಮಾಡಿರುವ ಟ್ವೀಟ್ ಅನ್ನು ಬಾಲಿವುಡ್ ಹಾಗೂ ಸ್ಯಾಂಡಲ್ವುಡ್ ಸೆಲೆಬ್ರಿಟಿಗಳೂ ರೀಟ್ವೀಟ್ ಮಾಡಿದ್ದಾರೆ. ದಿಯಾ ಮಿರ್ಜಾ ಹಾಗೂ ನಿರ್ದೇಶಕ ಪವನ್ ಒಡೆಯರ್ ಆದಷ್ಟು ಬೇಗ ನಮ್ಮಲ್ಲೂ ಚಿತ್ರಮಂದಿರಗಳು ತೆರೆಯಲಿ ಎಂದು ಆಶಿಸಿದ್ದಾರೆ.
Hope ❤️ https://t.co/CxCRH1PUjC
ಕ್ಲಿಸ್ಟೋಫರ್ ನೋಲನ್ ಅವರ ಬಹುನಿರೀಕ್ಷಿತ ಸಿನಿಮಾ ಟೆನೆಟ್ ಅಂತರಾಷ್ಟ್ರೀಯ ಮಟ್ಟದಲ್ಲಿ ಆ.26ರಂದು ತೆರೆಕಂಡಿದೆ. ಈ ಸಿನಿಮಾಗೆ ಮಿಶ್ರಪ್ರತಿಕ್ರಿಯೆ ವ್ಯಕ್ತವಾಗುತ್ತಿದ್ದು, ಪ್ರೇಕ್ಷಕರು ಚಿತ್ರಮಂದಿರಗಳಲ್ಲಿ ಸಿನಿಮಾ ನೋಡುವ ಮೂಲಕ ಎಂಜಾಯ್ ಮಾಡುತ್ತಿದ್ದಾರೆ. ಜಾನ್ ಡೇವಿಡ್ ವಾಷಿಂಗ್ಟನ್, ರಾಬರ್ಟ್ ಪ್ಯಾಟಿನ್ಸನ್ ಅವರೊಂದಿಗೆ ಈ ಚಿತ್ರದಲ್ಲಿ ಬಾಲಿವುಡ್ ನಟಿ ಡಿಂಪಲ್ ಕಪಾಡಿಯಾ ಸಹ ನಟಿಸಿದ್ದಾರೆ. ಇನ್ನು ಟೆನೆಟ್ ಚಿತ್ರ ಅಮೆರಿಕದಲ್ಲಿ ಸೆ.3ಕ್ಕೆ ತೆರೆ ಕಾಣಲಿದೆ.
Published by:
Anitha E
First published:
August 26, 2020, 12:46 PM IST
