ಕಿಚ್ಚನ ಬಳಿಕ ರಾಜಮೌಳಿ ಸಿನಿಮಾದಲ್ಲಿ ಮತ್ತೊಬ್ಬ ಕನ್ನಡ ನಟ​: RRR​ ಚಿತ್ರದಲ್ಲಿ ಅರುಣ್​ ಸಾಗರ್​!

‘ಈಗ’(Eega) ಸಿನಿಮಾ ಭಾರತೀಯ ಸಿನಿಮಾದಲ್ಲಿ ಹೊಸ ಸಂಚಲನ ಮೂಡಿಸಿತ್ತು. ಅದಕ್ಕೆ ಎರಡು ಪ್ರಮುಖ ಕಾರಣಗಳಿತ್ತು. ಒಂದು ಕನ್ನಡದ ಕಿಚ್ಚ ಸುದೀಪ್(Kiccha Sudeepa)​ ಅವರ ಅದ್ಭುತ ನಟನೆ. ಮತ್ತೊಂದು ನಿರ್ದೇಶಕ ರಾಜಮೌಳಿ(Rajamouli). ಹೌದು ರಾಯಚೂರು ಮೂಲದ ರಾಜಮೌಳಿ ಭಾರತೀಯ ಚಿತ್ರರಂಗದಲ್ಲಿ ಟಾಪ್​ ನಿರ್ದೇಶಕ(Top Director) ಎನಿಸಿಕೊಂಡವರು. ಕಿಚ್ಚ ಸುದೀಪ್​ ಅವರನ್ನು ಈಗ ಸಿನಿಮಾದಲ್ಲಿ ಅವರು ತೋರಿಸಿರುವ ರೀತಿ ಯಾವ ನಿರ್ದೇಶಕರಿಗೂ ಬರುವುದಿಲ್ಲ. ಇದಾದ ಬಳಿಕ ಮತ್ತೆ ಸುದೀಪ್​ ಅವರು ಬಾಹುಬಲಿ(Bahubhali) ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಇದೀಗ ಮತ್ತೆ ಕಿಚ್ಚ ಸುದೀಪ್​ ಬಳಿಕ ಮತ್ತೊಬ್ಬ ಕನ್ನಡ ನಟ ರಾಜಮೌಳಿ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅದು ಮೋಸ್ಟ್​ ಎಕ್ಸ್​ಪೆಕ್ಟೆಡ್​ ಸಿನಿಮಾ ಆರ್​ಆರ್​ಆರ್​(RRR) ಚಿತ್ರದಲ್ಲಿ. ಹೌದು, ಕನ್ನಡ ಚಿತ್ರರಂಗದಲ್ಲಿ ತಮ್ಮ ಕಲೆ ಮೂಲಕವೇ ಹೆಸರುಗಳಿಸಿರುವ ಅರುಣ್​ ಸಾಗರ್(Arun Sagar),​ ರಾಜಮೌಳಿ ಸಿನಿಮಾದಲ್ಲಿಅಭಿನಯಿಸಿದ್ದಾರೆ. ಅರುಣ್‌ ಸಾಗರ್‌ ಅವರು ರಂಗಭೂಮಿ ಪ್ರತಿಭೆ. ಕನ್ನಡ ಚಿತ್ರರಂಗದಲ್ಲಿ ನಟರಾಗಿ ಮತ್ತು ಕಲಾ ನಿರ್ದೇಶಕರಾಗಿ ಹೆಸರು ಮಾಡಿದ್ದಾರೆ. ಅವರ ನಟನೆಯನ್ನು ಸಾಕಷ್ಟು ಮಂದಿ ಮೆಚ್ಚಿಕೊಂಡಿದ್ದಾರೆ. ಹೀಗಾಗಿ, ರಾಜಮೌಳಿ ಅವರು ಅವಕಾಶ ನೀಡಿದ್ದಾರೆ. ಈ ಸಿನಿಮಾದಲ್ಲಿ ಬರುವ ಇಬ್ಬರು ಹೀರೋಗಳಲ್ಲಿ ಒಬ್ಬರಿಗೆ ಹೆಸರಿಡುವ ಪಾತ್ರದಲ್ಲಿ ಅರುಣ್​ ಸಾಗರ್​ ಕಾಣಿಸಿಕೊಳ್ಳುತ್ತಿದ್ದಾರೆ. 

RRR ಸಿನಿಮಾ ಆರಂಭದಲ್ಲೇ ಅರುಣ್​ ಸಾಗರ್​ ಎಂಟ್ರಿ!

ರಾಜಮೌಳಿ ಸಿನಿಮಾ ಬಜೆಟ್​ಗೆ ತಕ್ಕಂತೆ ಅದ್ದೂರಿಯಾಗಿ ಮೂಡಿ ಬರುತ್ತದೆ. ‘ಆರ್​ಆರ್​ಆರ್​’ ಸಿನಿಮಾ ಮೇಕಿಂಗ್​ ಕೂಡ ಉತ್ಕೃಷ್ಟ ಮಟ್ಟದಿಂದ ಕೂಡಿರಲಿದೆ ಎಂಬುದರಲ್ಲಿ ಯಾವುದೇ ಅನುಮಾನವಿಲ್ಲ. ಇಂದು ಈ ಆರ್​ಆರ್​ಆರ್​ ಸಿನಿಮಾದ ಟ್ರೈಲರ್​ ರಿಲೀಸ್​ ಆಗಲಿದೆ. ಈ ಸಿನಿಮಾದಲ್ಲಿ ಅರುಣ್​ ಸಾಗರ್​ ಸಿನಿಮಾ ಆರಂಭದಲ್ಲೇ ನೋಡಬಹುದು. ಅರುಣ್ ಸಾಗರ್​ ಅತಿಥಿ ಪಾತ್ರದಲ್ಲಿ ನಟಿಸಿದ್ದಾರೆ. ಈ ಸಿನಿಮಾದಲ್ಲಿ ರಾಮ್​ಚರಣ್​ ಹಾಗೂ ಜೂ. ಎನ್​ಟಿಆರ್​ ನಟಿಸಿದ್ದಾರೆ. ಇವರ ಪಾತ್ರದಕ್ಕೆ ಒಬ್ಬರಿಗೆ ಅರುಣ್​ ಸಾಗರ್​ ಹೆಸರು ಇಡುವ ಪಾತ್ರದಲ್ಲಿ ನಟಿಸಿದ್ದಾರೆ ಎಂಬ ಮಾಹಿತಿ ಸಿಕ್ಕಿದೆ.

ಇದನ್ನು ಓದಿ : 15 ನಿಮಿಷದ ಪಾತ್ರಕ್ಕೆ ಆಲಿಯಾ ಭಟ್​ ಪಡೆದ ಸಂಭಾವನೆ ಎಷ್ಟು ಗೊತ್ತಾ? ತಲೆ ತಿರುಗೋದು ಗ್ಯಾರಂಟಿ!

ಕರ್ನಾಟಕದಲ್ಲೂ ನಡೆಯಲಿದೆ RRR ಪ್ರಿ ಇವೆಂಟ್​!

ಕರ್ನಾಟಕದಲ್ಲಿ ಗ್ರ್ಯಾಂಡ್​ ಆಗಿ ಪ್ರೀ-ರಿಲೀಸ್​ ಇವೆಂಟ್​ ನಡೆಸಲು ಚಿತ್ರತಂಡ ನಿರ್ಧರಿಸಿದೆ. ಈ ಬಗ್ಗೆ ರಾಜಮೌಳಿ ಇತ್ತೀಚೆಗೆ ಮಾಹಿತಿ ನೀಡಿದ್ದರು. ಈ ಕಾರ್ಯ ಯಾವಾಗ ನಡೆಯಲಿದೆ ಎನ್ನುವ ಕುತೂಹಲ ಕನ್ನಡಿಗರಲ್ಲಿ ಮೂಡಿದೆ. ತೆಲುಗು, ತಮಿಳು, ಹಿಂದಿ, ಕನ್ನಡ ಹಾಗೂ ಮಲಯಾಳಂನಲ್ಲಿ ಸಿನಿಮಾ ಮೂಡಿ ಬರುತ್ತಿದೆ. ಆರ್​ಆರ್​ಆರ್​’ ಚಿತ್ರದಲ್ಲಿ ಜ್ಯೂ.ಎನ್​ಟಿಆರ್​ ಹಾಗೂ ರಾಮ್​ ಚರಣ್​ ಮುಖ್ಯ ಭೂಮಿಕೆಯಲ್ಲಿ ಇದ್ದಾರೆ. ‘ಆರ್​ಆರ್​ಆರ್’ ಚಿತ್ರದಲ್ಲಿ ನಾಯಕಿಯಾಗಿ ಆಲಿಯಾ ಭಟ್​ ಅಭಿನಯಿಸಿದ್ದಾರೆ. ಇನ್ನೊಂದು ಮುಖ್ಯ ಪಾತ್ರದಲ್ಲಿ ಬಾಲಿವುಡ್​ ನಟ ಅಜಯ್​ ದೇವಗನ್​ ಅವರು ಕಾಣಿಸಿಕೊಂಡಿದ್ದಾರೆ. ಈಗಾಗಲೇ ಬಿಡುಗಡೆ ಆಗಿರುವ ಟೀಸರ್, ಪೋಸ್ಟರ್​ ಮತ್ತು ಹಾಡುಗಳು ಧೂಳೆಬ್ಬಿಸಿವೆ.

ಇದನ್ನು ಓದಿ : ತ್ರಿಬಲ್​ ಆರ್​ `ಹಳ್ಳಿ ನಾಟು’ ಸಾಂಗ್​ ಕನ್ನಡದಲ್ಲೂ ವಕೌರ್ಟ್​, ಫ್ಯಾನ್ಸ್​ ದಿಲ್​ಖುಷ್​!

15 ನಿಮಿಷದ ಪಾತ್ರಕ್ಕೆ 10 ಕೋಟಿ ಪಡೆದ ಆಲಿಯಾ ಭಟ್​

ಆರ್​ಆರ್​ಆರ್​ ಸಿನಿಮಾಗೆ ಆಲಿಯಾ ಭಟ್​ 10 ದಿನಗಳ ಕಾಲ ಡೇಟ್ಸ್​​ ನೀಡಿದ್ದರು. ಒಂದು ದಿನಕ್ಕೆ 50 ಲಕ್ಷದಂತೆ ಸಂಭಾವನೆ ಪಡೀತಾರೆ ಈ ನಟಿ ಆದರೆ, 10 ದಿನಕ್ಕೆ 10 ಕೋಟಿಗೂ ಅಧಿಕ ಸಂಭಾವಣೆ ಪಡೆದಿದ್ದಾರೆ ಎಂಬ ಸುದ್ಧಿ ಚರ್ಚೆಯಾಗುತ್ತಿದೆ. ಆರ್​ಆರ್​ಆರ್​​ ಸಿನಿಮಾದಲ್ಲಿ ಬಾಲಿವುಡ್​ನಿಂದ ಆಲಿಯಾ ಭಟ್​, ಅಜಯ್​ ದೇವಗನ್​ ನಟಿಸಿದ್ದಾರೆ. ಹೀಗಾಗಿ ಆರ್​​ಆರ್​ಆರ್​​ ಸಿನಿಮಾಗೆ ಹಿಂದಿ ಚಿತ್ರರಂಗದಲ್ಲಿ ಒಳ್ಳೆ ಬೇಡಿಕೆ ಕೂಡ ಸಿಕ್ಕಿದೆ. ಒಟ್ನಲ್ಲಿ ಆರ್​ಆರ್​ಆರ್​ ಸಿನಿಮಾ ಭಾರತೀಯ ಚಿತ್ರರಂಗದ ಬಾಕ್ಸ್ ಆಫೀಸ್​ ಲೂಟಿ ಮಾಡುವುದರಲ್ಲಿ ಯಾವುದೇ ಅನುಮಾನವಿಲ್ಲ