38 ವರ್ಷಗಳ ನಂತರ ಹವಾಯ್​ ಚಪ್ಪಲಿ-ಲುಂಗಿ ಧರಿಸಿ 'ಕೆ.ಜಿ.ಎಫ್​' ಸಿನಿಮಾ ನೋಡಿದ ಜಗ್ಗೇಶ್​ ಚಿಂದಿ ಅಂದಿದ್ದೇಕೆ..?

-ಅನಿತಾ ಈ, 

ನವರಸನಾಯಕ ಜಗ್ಗೇಶ್​ 38 ವರ್ಷಗಳ ನಂತರ ಮಾರುವೇಷದಲ್ಲಿ ಮತ್ತೆ ಸಿನಿಮಾ ನೋಡಿದ್ದಾರೆ. ಹೌದು ಹೀಗೆಂದು ಹೇಳುತ್ತಿರುವುದು ನಾವಲ್ಲ. ಖುದ್ದು ಜಗ್ಗೇಶ್​ ಸಿನಿಮಾ ನೋಡಿ ಬಂದ ನಂತರ ತಮ್ಮ ಟ್ವಿಟರ್​ನಲ್ಲಿ ಬರೆದುಕೊಂಡಿದ್ದಾರೆ.

ಈಗ ಎಲ್ಲಿ ನೋಡಿದರೂ ಕೇವಲ 'ಕೆ.ಜಿ.ಎಫ್​'ನದ್ದೇ ಸದ್ದು...ಸುದ್ದಿ.... ಇದಕ್ಕೆ ಕನ್ನಡ ಸಿನಿ ತಾರೆಗಳೂ ಹೊರತಾಗಿಲ್ಲ. ಸಿನಿಮಾ ಚೆನ್ನಾಗಿದ್ದರೆ ಯಾವ ತಾರಾ ವರ್ಚಸ್ಸು ಅಡ್ಡ ಬರುವುದಿಲ್ಲ. ಇದಕ್ಕೆ ಉದಾಹರಣೆ 'ಕೆಜಿ.ಎಫ್​' ಎನ್ನಬಹುದು.

ಇದನ್ನೂ ಓದಿ: ಟಾಲಿವುಡ್​ನ ಪ್ರಿನ್ಸ್​ ಮಹೇಶ್​ ಬಾಬು ಈಗ ವಿಶ್ವದ ಐದನೇ ಅತಿದೊಡ್ಡ ಶ್ರೀಮಂತ ..!

ಹೌದು ಸ್ಯಾಂಡಲ್​ವುಡ್​ನ ಕಂಪನ್ನು ರಾಷ್ಟ್ರಮಟ್ಟದಲ್ಲಿ ಪಸರಿಸುತ್ತಿರುವ ಕನ್ನಡ 'ಕೆ.ಜಿ.ಎಫ್​' ಸಿನಿಮಾವನ್ನು ನವರಸ ನಾಯಕ ಜಗ್ಗೇಶ್​ ನಿನ್ನೆ ನೋಡಿಕೊಂಡು ಬಂದಿದ್ದಾರೆ. ಅದರಲ್ಲೂ ವಿಶೇಷ ಇದೆ. ಅವರು 38 ವರ್ಷಗಳ ನಂತರ ಮಾರುವೇಷದಲ್ಲಿ ಚಿತ್ರಮಂದಿರಕ್ಕೆ ಹೋಗಿ ಪ್ರೇಕ್ಷಕರೊಂದಿಗೆ 'ಕೆ.ಜಿ.ಎಫ್​' ಸಿನಿಮಾ ನೋಡಿದ್ದು, ಚಿತ್ರದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

2ಅಕ್ಷರದ ನಟ 3ಅಕ್ಷರದ ಮನಗಳ 2ಅಕ್ಷರದಿಂದ ಕಲಾಸೇವೆಯಲ್ಲಿ ಸಾರ್ಥಕ ಸಾಧನೆ ಮಾಡಿಬಿಟ್ಟ #hatsoff dear..
"ಯಶ್ ಕನ್ನಡ ಮನಗಳ ಖುಷಿ ಪಡಿಸಿದ"
ನಿರ್ದೇಶಕ #neel ನೀನು ಅಸಮಾನ್ಯ ಪ್ರತಿಭೆ..ಕನ್ನಡವೆಂದರೆ ಇದ್ದ ತಾತ್ಸಾರ ಮನಸ್ಥಿತಿ ಬದಲಾಗುವಂತೆ ಮಾಡಿಬಿಟ್ಟಿರಿ..#hombalefilms ನಿಮ್ಮ ಎದೆಗಾರಿಕೆಗೆ ನನ್ನ ಸಲಾಂ..#Kgf ನೋಡಿ ಖುಷ್ ಆದೆ.. pic.twitter.com/RvwBXkgoim

— ನವರಸನಾಯಕ ಜಗ್ಗೇಶ್ (@Jaggesh2) December 25, 2018

ಇನ್ನು ಜಗ್ಗೇಶ್​ ಅವರ ಮಾರುವೇಷ ಹೇಗಿತ್ತು ಗೊತ್ತಾ..? ಮಂಕಿ ಕ್ಯಾಪ್​... ಹವಾಯ್​ ಚಪ್ಪಲಿ ಹಾಗೂ ಲುಂಗಿ ತೊಟ್ಟ ಜಗ್ಗೇಶ್​ ಚಿತ್ರಮಂದಿರಕ್ಕೆ ಹೋಗಿದ್ದು, ಅಲ್ಲಿ ಮುಂದಿನ ಸಾಲಿನಲ್ಲಿ ಖಾರದಪುರಿ ಜತೆಗೆ ಟೀ ಸವಿಯುತ್ತಾ ಸಿನಿಮಾ ನೋಡಿದ್ದಾರೆ. ಅವರು 38 ವರ್ಷಗಳ ಹಿಂದೆ ಹೀಗೆ ಮಾಡುತ್ತಿದ್ದರಂತೆ.

ಲುಂಗಿ ಹವಾಯ್ ಚಪ್ಪಲಿ ಮಂಕಿಕ್ಯಾಪ್ 

ಹಾಕಿ ಬಹಳ ದಿನದ ನಂತರ ಒಬ್ಬನೆ ಮುಂದಿನ ಕ್ಲಾಸ್ಗೆ ಹೋಗಿ #kgf ನೋಡಿದೆ..38ವರ್ಷದ ಹಿಂದೆ ನಾನು ಹೀಗೆ ಸಿನಿಮಾಗೆ ಹೋಗುತ್ತಿದ್ದದ್ದು!
ಹಾಗೆ ಹೋದದ್ದು ಸಾಮಾನ್ಯ ಜೀವನ enjoy ಮಾಡಲು..ಕಾರಾಪುರಿ ಟೀ #interval ನಲ್ಲಿ ಮಜನೀಡಿತು..ಯಾರು ಗುರುತು ಹಿಡಿಯದಂತೆ ಜಾಗ್ರತೆ ವಹಿಸಿದೆ
ಕಾರಣ ಏಕಾಂತ enjoyment..

— ನವರಸನಾಯಕ ಜಗ್ಗೇಶ್ (@Jaggesh2) December 25, 2018

ಸಿನಿಮಾ ನೋಡುವಾಗ ತಮ್ಮ ಪಕ್ಕ ಕುಳಿತ್ತಿದ್ದ ಹುಡುಗನ ಜತೆ ಧ್ವನಿ ಬದಲಾಯಿಸಿ ಮಾತನಾಡುತ್ತಿದ್ದರಂತೆ. ಅವರಿಬ್ಬರ ನಡುವೆ ನಡೆದ ಸಂಭಾಷೆಯನ್ನು ಜಗ್ಗೇಶ್​ ಅವರ ಟ್ವೀಟ್​ನಲ್ಲೇ ಓದಿ.

#kgf ನನ್ನಪಕ್ಕ ಸುಮಾರು 17ಪ್ರಾ ಹುಡುಗ ಹೋಟೆಲ್ ಸರ್ವರ್ ಕೂತಿದ್ದ!ಅವನಜೊತೆ ದ್ವನಿಬದಲಾಯಿಸಿ ನಡುನಡುವೆ ಚರ್ಚಿಸುತ್ತಿದೆ ಪ್ರತಿಪ್ರಶ್ನೆಗೆ ಅವನ ಉತ್ತರ ಚಿಂದಿಅನ್ನುತ್ತಿದ್ದ!ಅವನು ಪಕ್ಕ ದರ್ಶನ #fan ಅಂತೆ!ಅವನು ಹೇಳಿದ ಮಾತು ಕಣ್ಣುಒದ್ದೆಯಾಯಿತು!ಕನ್ನಡ ಗೆಲ್ಲಬೇಕು ಸಾರ್ ಮಗಂದು ಬರಿ ಬೇರೆ ಭಾಷೆಗೆ ಜೈಅಂತಾರೆ ಈಗ ಅವರ ಪುಂಗಿಬಂದ್ ಅಂದ 👍🙏

— ನವರಸನಾಯಕ ಜಗ್ಗೇಶ್ (@Jaggesh2) December 25, 2018

'ಕೆ.ಜಿ.ಎಫ್​' ಸಿನಿಮಾವನ್ನು ನಟ ಜಗ್ಗೇಶ್​ ಮಾತ್ರವಲ್ಲದೆ ಇಡೀ ಚಿತ್ರರಂಗವೇ ಕೊಂಡಾಡುತ್ತಿದೆ. ಕನ್ನಡ ಮಾತ್ರವಲ್ಲದೆ ಹಿಂದಿ, ತೆಲುಗು, ತಮಿಳು ಹಾಗೂ ಮಲಯಾಳಂನಲ್ಲೂ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ ಈ ಕನ್ನಡದ ಸಿನಿಮಾಗೆ. ತೆರೆ ಮೇಲೆ ಯಶ್​ ನಾಯಕನಾದರೆ, ತೆರೆ ಹಿಂದೆ ನಿಂತು ಈ ಮಟ್ಟಕ್ಕೆ ಸಿನಿಮಾವನ್ನು ತೆಗೆದುಕೊಂಡು ಹೋದ ನಿರ್ದೇಶಕ ಇಲ್ಲಿ ನಿಜವಾದ ನಾಯಕರಾಗಿದ್ದಾರೆ.