Shwetha Srivatsav: ಮಗಳಿಗೆ ಬಿಸಿ ಬಿಸಿ ರಾಗಿ ಮುದ್ದೆಯ ರುಚಿ ತೋರಿಸಿದ ನಟಿ ಶ್ವೇತಾ ಶ್ರೀವಾತ್ಸವ್​..!​

ಸಾಮಾನ್ಯವಾಗಿ ಸಿನಿ ತಾರೆಯರು ತಮ್ಮ ಮಕ್ಕಳಿಗೆ ಏನು ಊಟ ಮಾಡಿಸ್ತಾರೆ ಅನ್ನೋ ಕುತೂಹಲ ಎಲ್ಲರಲ್ಲೂ ಇರುತ್ತದೆ. ಸೆಲೆಬ್ರಿಟಿಗಳು ಮಕ್ಕಳಿಗೆಬೆಳಗಿನ ತಿಂಡಿ, ಉಪಹಾರ ಹಾಗೂ ರಾತ್ರಿ ಊಟಕ್ಕೆ ಯಾವ ರೀತಿಯ ಆಹಾರ ಕೊಡುತ್ತಾರೆ. ಅವರು ಮಕ್ಕಳ ಆರೋಗ್ಯಕ್ಕಾಗಿ ಏನಾದರೂ ಡಯಟ್​ ಪ್ಲಾನ್​ ಮಾಡಿರ್ತಾರ ಅನ್ನೋದನ್ನಿ ತಿಳಿಯೋಕೆ ಅಭಿಮಾನಿಗಳು ತುದಿಗಾಲಲ್ಲಿ ನಿಂತಿರುತ್ತಾರೆ. ಜೊತೆಗೆ ಸೆಲೆಬ್ರಿಟಿಗಳ ಮಕ್ಕಳು ಹೆಚ್ಚಾಗಿ ಪಿಜ್ಜಾ, ಬರ್ಗರ್​ ಅಂತ ಫೋಟೋ ಹಾಕುವುದನ್ನೂ ನೋಡಿರುತ್ತೇವೆ. ಆದರೆ ನಟಿ ಶ್ವೇತಾ ಶ್ರೀವಾತ್ಸವ್​ ತಮ್ಮ ಮಗಳಿಗೆ ಮನೆಯಲ್ಲಿ ನಮ್ಮ ಸ್ಥಳೀಯ ಖಾದ್ಯಗಳ ರುಚಿ ತೋರಿಸುತ್ತಿದ್ದಾರೆ. ಹೌದು, ಲಾಕ್​ಡೌನ್​ನಲ್ಲಿ ಮಗಳನ್ನು ತಮ್ಮ ತೋಟಕ್ಕೆ ಕರೆದುಕೊಂಡು ಹೋಗಿ ಅಲ್ಲಿ ಮಗಳಿಗೆ ಮಣ್ಣಿನ ಜೊತೆ ಸ್ನೇಹ ಮಾಡಿಸಿದ್ದರು. ಆ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು. ಈಗ ಮಗಳಿಗೆ ಬಿಸಿ ಬಿಸಿ ರಾಗಿ ಮುದ್ದೆಯ ರುಚಿ ತೋರಿಸಿದ್ದಾರೆ. 

ಶ್ವೇತಾ ಶ್ರೀವಾತ್ಸವ್​ ತಮ್ಮ ಮಗಳಿಗಾಗಿಯೇ ಪ್ರತ್ಯೇಕ ಇನ್​ಸ್ಟಾಗ್ರಾಂ ಖಾತೆ ತೆರೆದಿದ್ದು, ಅಲ್ಲಿ ಅವಳ ಕುರಿತಾದ ಅಪ್ಡೇಟ್​ ನೀಡುತ್ತಿರುತ್ತಾರೆ. ಇನ್ನು ಈ ಸ್ಟಾರ್​ ಕಿಡ್​ನ ಸಾಕಷ್ಟು ವಿಡಿಯೋ ಹಾಗೂ ಫೋಟೋಶೂಟ್​ಗಳು ಆಗಾಗ ವೈರಲ್​ ಆಗುತ್ತಿರುತ್ತವೆ. ಈಗ ಶ್ವೇತಾ ಶ್ರೀವಾತ್ಸವ್​ ಮಗಳೊಂದಿಗೆ ಸೇರಿ ಮುದ್ದೆ ಮಾಡಿರುವ ವಿಡಿಯೋ ಸಹ ಹಂಚಿಕೊಂಡಿದ್ದಾರೆ.

View this post on Instagram

Green juice , Celery , Avocados, Kale... Yes!! However, don't forget to indulge our local traditional delish & healthful servings too...must say that we are fortunate to have so many options from global cuisine but always remember that our traditional & classic home-cooked food is the best for our health 😍👍!! #ಕರ್ನಾಟಕದ #ಭೋಜನ #ಬಿಸಿಮುದ್ದೆ #localgrown #greens #ragi #health #care #foodiesofinstagram #traditionalfood #karnataka @ashmithasrivatsav @amithsrivatsav

A post shared by Shwetha Srivatsav (@shwethasrivatsav) on Sep 22, 2020 at 7:09am PDT

ಮಗಳಿಗೆ ನಮ್ಮ ಕರ್ನಾಟಕದ ಸ್ಥಳೀಯ ಆಹಾರವಾದ ರಾಗಿ ಮುದ್ದೆ, ಬಸ್ಸಾರು ಹಾಗೂ ಸೊಪ್ಪಿನ ಪಲ್ಯ ಮಾಡಿ ಉಣ ಬಡಿಸಿದ್ದಾರೆ. ಮಗಳಿಗೆ ಬಿಸಿ ಬಿಸಿ ರಾಗಿ ಮುದ್ದೆ ಹೇಗೆ ತಿನ್ನುವುದು ಎಂದೂ ಅಭ್ಯಾಸ ಮಾಡಿಸುತ್ತಿದ್ದಾರೆ. ಈಗಲೂ ಎಷ್ಟೋ ಮಂದಿಗೆ ರಾಗಿ ಮುದ್ದೆಯನ್ನು ನುಂಗುವ ಅಭ್ಯಾಸವಿಲ್ಲ. ಅದಕ್ಕೆ ಕಚ್ಚಿ ತಿನ್ನುತ್ತಾರೆ. ಆದರೆ ಶ್ವೇತಾ ಮಗಳಿಗೆ ಚಿಕ್ಕಂದಿನಿಂದಲೇ ರಾಗಿ ಮುದ್ದೆ ತಿನ್ನುವ ಅಭ್ಯಾಸ ಮಾಡಿಸುತ್ತಿದ್ದು, ಅಭಿಮಾನಿಗಳು ಇದನ್ನು ಮೆಚ್ಚಿಕೊಳ್ಳುತ್ತಿದ್ದಾರೆ.

View this post on Instagram

#happyinternationalyogaday #suryanamaskar #suryagrahan #2020 #momdaughter #motherdaughterduo #yoga #healthylifestyle #happymind #happybody #cutebaby @ashmithasrivatsav

A post shared by Shwetha Srivatsav (@shwethasrivatsav) on Jun 20, 2020 at 11:16pm PDT

ರಾಗಿ ಮುದ್ದೆ ಮಾಡುವಾಗಲೇ ಉಪ್ಪು, ಕರಿ ಮೆಣಸಿನ ಕಾಳಿನ ಪುಡಿ ಹಾಗೂ ತುಪ್ಪ ಸೇರಿಸಿ, ಅದಕ್ಕೆ ಕೊಂಚ ರುಚಿ ನೀಡಿದ್ದಾರೆ. ಈ ಮುದ್ದೆ ತಿಂದ ಶ್ವೇತಾ ಅವರ ಮಗಳು ವಾವ್​ ಯಮಿ ಅಮ್ಮ ಅಂದಿದ್ದಾಳೆ. ಶ್ವೇತಾ ಹಾಗೂ ಅವರ ಮಗಳ ಈ ವಿಡಿಯೋ ನೆಟ್ಟಿಗರಿಗೆ ತುಂಬಾ ಇಷ್ಟವಾಗುತ್ತಿದೆ. ಇನ್ನು ಶ್ವೇತಾ ಶ್ರೀವಾತ್ಸವ್​ ಸಿನಿಮಾವೊಂದರಲ್ಲಿ ಪೊಲೀಸ್​ ಅಧಿಕಾರಿಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.