Virata Parvam: ಸಂಕ್ರಾಂತಿ ಹಬ್ಬಕ್ಕೆ ಸಿಹಿ ಸುದ್ದಿ ಕೊಟ್ಟ ರಾಣಾ-ಸಾಯಿ ಪಲ್ಲವಿ: ಇಲ್ಲಿದೆ ವಿರಾಟ ಪರ್ವಂ ಸಿನಿಮಾದ ಅಪ್ಡೇಟ್​.

ಸಹಜ ಸುಂದರಿ ಸಾಯಿ ಪಲ್ಲವಿ ಹಾಗೂ ಟಾಲಿವುಡ್​ ಹಂಕ್​ ರಾಣಾ ದಗ್ಗುಬಾಟಿ ನಟಿಸಿರುವ ಬಹು ನಿರೀಕ್ಷಿತ ಸಿನಿಮಾ ವಿರಾಟ ಪರ್ವಂ. ವಿರಾಟ ಪರ್ವಂ ಸಿನಿಮಾ ಪ್ರಕವಾದಾಗಿನಿಂದ ಸಿನಿಮಾ ನಾಯಕಿಯ ಆಯ್ಕೆ ಕುರಿತಾಗಿ ಸಾಕಷ್ಟು ಚರ್ಚೆಯಲ್ಲಿತ್ತು. ಈ ಸಿನಿಮಾದಲ್ಲಿ ರಾಣಾ ಜೊತೆ ರಶ್ಮಿಕಾ ಮಂದಣ್ಣ ನಟಿಸಲಿದ್ದಾರೆ ಎಂದು ಹೇಳಲಾಗುತ್ತಿತ್ತು. ಆದರೆ. ನಂತರದಲ್ಲಿ ಈ ಸಿನಿಮಾದಲ್ಲಿ ಸಾಯಿ ಪಲ್ಲವಿ ಅವರ ಹೆಸರು ಕೇಳಿಬಂತರು. ನಕ್ಸಲ್​ ಹಿನ್ನಲೆಯಲ್ಲಿ ನಿರ್ಮಾಣವಾಗಿರುವ ಈ ಸಿನಿಮಾವನ್ನು ವೇಣು ಉಡುಗುಡಲ ನಿರ್ದೇಶನ ಮಾಡಿದ್ದಾರೆ. ಈ ಚಿತ್ರದ ಮೊದಲ ಪೋಸ್ಟರ್​ ರಿಲೀಸ್​ ಆದಾಗಲೇ ಪ್ರೇಕ್ಷಕರಲ್ಲಿ ಸಾಕಷ್ಟು ಕುತೂಹಲ ಮೂಡಿತ್ತು. ಅದರಲ್ಲೂ ನ್ಯಾಚುರಲ್​ ಬ್ಯೂಟಿ ಸಾಯಿ ಪಲ್ಲವಿ ಅವರನ್ನು ಪಕ್ಕಾ ಹಳ್ಳಿ ಹುಡುಗಿಯಂತೆ ಚಿತ್ರೀಕರಿಸಲಾಗಿದ್ದು, ಅವರ ದೇಸಿ ಲುಕ್​ ಪ್ರೇಕ್ಷಕರಿಗೆ ತುಂಬಾ ಇಷ್ಟವಾಗಿತ್ತು. ಈಗ ಇದೇ ಚಿತ್ರತಂಡ ಅಭಿಮಾನಿಗಳಿಗೆ ಹೊಸ ಅಪ್ಡೇಟ್​ ಕೊಟ್ಟಿದೆ. 

ಈಗಾಗಲೇ ಟಾಲಿವುಡ್​ ಹಾಗೂ ಬಾಲಿವುಡ್​ನಲ್ಲಿ ನಕ್ಸಲ್​ ಹಿನ್ನಲೆಯಲ್ಲಿ ನಿರ್ಮಾಣಗೊಂಡಿರುವ ಸಾಕಷ್ಟು ಸಿನಿಮಾಗಳು ಬಂದಿವೆ. ಟಾಲಿವುಡ್​ನಲ್ಲಿ ನಕ್ಸಲ್​ ಹೋರಾಟದ ಜೊತೆ ಲವ್​ ಸ್ಟೋರಿ ಇರುವ ಚಿತ್ರಗಳಿಗೇನೂ ಕಡಿಮೆ ಇಲ್ಲ. ಇಂತಹದ್ದೇ ಸಿನಿಮಾಗಳ ಲಿಸ್ಟ್​ಗೆ ಸೇರಲಿದೆ ಈ ವಿರಾಟ ಪರ್ವಂ. ಸಂಕ್ರಾಂತಿ ಹಬ್ಬದ ಪ್ರಯುಕ್ತ ಚಿತ್ರತಂಡ ಹೊಸ ಪೋಸ್ಟರ್ ರಿಲೀಸ್​ ಮಾಡಿದೆ.

View this post on Instagram

A post shared by Sai Pallavi (@saipallavi.senthamarai)

ಹೊಸ ಪೋಸ್ಟರ್​ ಜೊತೆಗೆ ಸಿನಿಮಾದ ನಾಯಕ ರಾಣಾ ದಗ್ಗುಬಾಟಿ ಚಿತ್ರದ ಕುರಿತಾದ ಮತ್ತಷ್ಟು ಮಾಹಿತಿ ಹಂಚಿಕೊಂಡಿದ್ದಾರೆ. ಈಗಾಗಲೇ ಸಿನಿಮಾದ ಶೂಟಿಂಗ್​ ಪೂರ್ಣಗೊಂಡಿದ್ದು, ಪೋಸ್ಟ್​ ಪ್ರೊಡಕ್ಷನ್​ ಕೆಲಸಗಳು ನಡೆಯುತ್ತಿವೆ. ಬೇಸಿಗೆಯಲ್ಲಿ ಸಿನಿಮಾ ರಿಲೀಸ್​ ಆಗಲಿದೆ ಎಂದು ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಶೇರ್​ ಮಾಡಿದ್ದಾರೆ.

View this post on Instagram

A post shared by Rana Daggubati (@ranadaggubati)

1980-1990ರ ನಡುವೆ ತೆಲಂಗಾಣದಲ್ಲಿ ಇದ್ದ ಸಾಮಾಜಿಕ ಪರಿಸ್ಥಿತಿಯ ಚಿತ್ರಣವನ್ನು ನೀಡಲಿದೆ. ಆಗಿನ ಪರಿಸ್ಥಿತಿ ಹಾಗೂ ನಡೆದ ಘಟನೆಗಳ ಆಧಾರದ ಮೇಲೆಯ ಈ ಸಿನಿಮಾದ ಕಥೆ ಬರೆಯಲಾಗಿದಯಂತೆ. ಇನ್ನು ಈ ಸಿನಿಮಾ ತೆಲುಗಿನ ಜೊತೆಗೆ ಹಿಂದಿ ಹಾಗೂ ತಮಿಳಿನಲ್ಲೂ ತೆರೆ ಕಾಣಲಿದೆ.

View this post on Instagram

A post shared by Rana Daggubati (@ranadaggubati)

ಸಾಯಿ ಪಲ್ಲವಿ ಸಹ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ನಾಗ ಚೈತನ್ಯ ಜೊತೆ ನಟಿಸಿರುವ ಲವ್ ಸ್ಟೋರಿ ಸಿನಿಮಾದ ಟೀಸರ್​ ಇತ್ತೀಚೆಗಷ್ಟೆ ರಿಲೀಸ್​ ಆಗಿದ್ದು ಉತ್ತಮ ಪ್ರತಿಕ್ರಿಯೆ ಪಡೆದುಕೊಳ್ಳುತ್ತಿದೆ. ಇನ್ನು ರಾಣಾ ಅಭಿನಯದ ಅರಣ್ಯ ಸಿನಿಮಾದ ರಿಲೀಸ್​ ದಿನಾಂಕ ಪ್ರಕಟವಾಗಿದೆ.