• Home
  • »
  • News
  • »
  • entertainment
  • »
  • Rashmika-Yash: ಯಶ್​ ಮಿಸ್ಟರ್ ಶೋ ಆಫ್ ಎಂದಿದ್ದ ರಶ್ಮಿಕಾಗೀಗ ರಾಕಿ ಭಾಯ್​ ಜೊತೆ ನಟಿಸುವ ಆಸೆಯಂತೆ!

Rashmika-Yash: ಯಶ್​ ಮಿಸ್ಟರ್ ಶೋ ಆಫ್ ಎಂದಿದ್ದ ರಶ್ಮಿಕಾಗೀಗ ರಾಕಿ ಭಾಯ್​ ಜೊತೆ ನಟಿಸುವ ಆಸೆಯಂತೆ!

ರಶ್ಮಿಕಾ ಮಂದಣ್ಣ, ಯಶ್​

ರಶ್ಮಿಕಾ ಮಂದಣ್ಣ, ಯಶ್​

ಸಂದರ್ಶನದಲ್ಲಿ ಮಾತಾಡಿದ ರಶ್ಮಿಕಾ ಮಂದಣ್ಣ ನನಗೆ ದಕ್ಷಿಣ ಭಾರತದ ಪ್ರಮುಖ ಸ್ಟಾರ್ ನಟರೊಂದಿಗೆ ಕೆಲಸ ಮಾಡಬೇಕು ಎನ್ನುವ ಆಸೆ ಇದ್ದು, ನಟ ಯಶ್ ಜೊತೆ​ ಕೂಡ ನಟಿಸುವ ಆಸೆಯಿದೆ ಎಂದು ರಶ್ಮಿಕಾ ಹೇಳಿದ್ದಾರೆ.

  • Share this:

ಕೊಡಗಿನ ಕುವರಿ, ನ್ಯಾಷನಲ್​ ಕ್ರಶ್​  ರಶ್ಮಿಕಾ ಮಂದಣ್ಣ (Rashmika Mandanna) ಕನ್ನಡ ಕಿರಿಕ್ ಪಾರ್ಟಿ ಸಿನಿಮಾದಿಂದ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟು ಇದೀಗ ಬಾಲಿವುಡ್​ ನಲ್ಲೂ (Bollywood) ಬಹು ಬೇಡಿಕೆಯ ನಟಿಯಾಗಿದ್ದಾರೆ. ಸ್ಟಾರ್​ ಹೀರೋಗಳ ಜೊತೆ ಬಿಗ್​ ಸ್ಕ್ರೀನ್​ಗಳಲ್ಲಿ ಮಿಂಚುತ್ತಿದ್ದಾರೆ. ಚಲೋ ಸಿನಿಮಾ ಮೂಲಕ ಟಾಲಿವುಡ್ (Tollywood)​ ಪ್ರವೇಶಿಸಿದ ರಶ್ಮಿಕಾ ಮಂದಣ್ಣ ಅನೇಕ ಹಿಟ್​ ಸಿನಿಮಾಗಳನ್ನು ನೀಡಿದ್ದಾರೆ. ಗೀತಾ ಗೋವಿಂದಂ ಸಿನಿಮಾದಲ್ಲಿ ನಟ ವಿಜಯ್​ ದೇವರಕೊಂಡ (Vijay Deverakonda), ರಶ್ಮಿಕಾ ಜೋಡಿ ಟಾಲಿವುಡ್​ ಜನರನ್ನು ಮೋಡಿ ಮಾಡಿತು ಬಳಿಕ ಅಲ್ಲು ಅರ್ಜುನ್​ ಜೊತೆ ಶ್ರೀವಲ್ಲಿಯಾಗಿ ಪುಪ್ಪ ಸಿನಿಮಾದಲ್ಲಿ ಮಿಂಚಿದ ರಶ್ಮಿಕಾ ಮಂದಣ್ಣ ಲೆವೆಲ್ ಬದಲಾಗಿ ಹೋಯ್ತು. ಪುಪ್ಪ ಸಿನಿಮಾ ಸೂಪರ್​ ಹಿಟ್​ ಆದ ಬಳಿಕ ರಶ್ಮಿಕಾ ಪ್ಯಾನ್​ ಇಂಡಿಯಾ ಸ್ಟಾರ್​ ಆದ್ರು ಬಾಲಿವುಡ್​ಗೆ ಹಾರಿದ ನಟಿ ರಶ್ಮಿಕಾಗೆ ಈಗ ಕನ್ನಡದ ನಟ ಯಶ್ (Yash)​ ಜೊತೆ ನಟಿಸುವ ಆಸೆಯಾಗಿದೆಯಂತೆ. 


ರಾಕಿ ಭಾಯ್ ಜೊತೆ ರಶ್ಮಿಕಾಗೆ ನಟಿಸುವ ಆಸೆ!


ಬಾಲಿವುಡ್​ಗೆ ಎಂಟ್ರಿ ಕೊಟ್ಟಿರುವ ರಶ್ಮಿಕಾಗೆ ಮೊದಲ ಚಿತ್ರದಲ್ಲೇ ಬಿಗ್ ಬಿ ಅಮಿತಾಭ್​ ಜೊತೆ ಗುಡ್​ ಬೈ ಸಿನಿಮಾದಲ್ಲಿ ನಟಿಸಿದ್ರು. ಮತ್ತೊಂದು ಸಿನಿಮಾ ಮಿಷನ್​ ಮಜ್ನು ಸಹ ರಿಲೀಸ್​ಗೆ ರೆಡಿಯಾಗಿದೆ. ಈ ನಡುವೆ ಸಾಲು ಸಾಲು ಸಿನಿಮಾಗಳ ಶೂಟಿಂಗ್​ನಲ್ಲಿ ಬ್ಯುಸಿಯಾಗಿರುವ ರಶ್ಮಿಕಾ ಮಂದಣ್ಣ, ಇದೀಗ ತಮಿಳಿನ ವಾರಿಸು ಚಿತ್ರದ ಪ್ರಚಾರ ನಡೆಸುತ್ತಾರೆ. ಅನೇಕ ಚಾನೆಲ್​ಗಳಿಗೆ ಸಂದರ್ಶನ ನೀಡಿದ್ದಾರೆ. ಗುಲ್ಟೆ ವೆಬ್‌ ಸೈಟ್‌ಗೆ ನೀಡಿದ ಸಂದರ್ಶನದಲ್ಲಿ ಮಾತಾಡಿದ ರಶ್ಮಿಕಾ ಮಂದಣ್ಣ, ರಾಕಿ ಭಾಯ್​ ಜೊತೆಯೂ ನಟಿಸಬೇಕು ಎಂದು ಹೇಳಿದ ವಿಡಿಯೋ ಇದೀಗ ವೈರಲ್​ ಆಗಿದೆ.




ಸ್ಟಾರ್​ ನಟರೊಂದಿಗೆ ನಟಿಸಬೇಕು


ಸಂದರ್ಶನದಲ್ಲಿ ಮಾತಾಡಿದ ರಶ್ಮಿಕಾ ಮಂದಣ್ಣ ನನಗೆ ದಕ್ಷಿಣ ಭಾರತದ ಪ್ರಮುಖ ಸ್ಟಾರ್ ನಟರೊಂದಿಗೆ ಕೆಲಸ ಮಾಡಬೇಕು ಎನ್ನುವ ಆಸೆ ಇದೆ ಎಂದಿದ್ದಾರೆ. ಇನ್ನು ಪ್ಯಾನ್ ಇಂಡಿಯಾ ಸ್ಟಾರ್ ಆಗಿರುವ ನಟ ಯಶ್ ಜೊತೆ​ ಕೂಡ ನಟಿಸುವ ಆಸೆಯಿದೆ ಎಂದು ರಶ್ಮಿಕಾ ಹೇಳಿದ್ದಾರೆ.


Actress Rashmika Mandanna said that she should do a movie with actor Yash pvn
ರಶ್ಮಿಕಾ ಮಂದಣ್ಣ, ಯಶ್​


ಯಶ್​ ಸರ್ ಜೊತೆ ಕೆಲಸ ಮಾಡ್ಬೇಕು


ನಾನು ದಕ್ಷಿಣ ಕನ್ನಡದ ಸ್ಟಾರ್ ನಟರೊಂದಿಗೆ ಕೆಲಸ ಮಾಡಬೇಕಿದೆ. ರಾಮ್‌ ಚರಣ್ ಸರ್ ಜೊತೆ , ಪ್ರಭಾಸ್ ಸರ್ , ಬನ್ನಿ (ಅಲ್ಲು ಅರ್ಜುನ್) ಸರ್ ಹಾಗೂ ನಮ್ಮ ಯಶ್​ ಸರ್ ಜೊತೆ ಕೂಡ ಕೆಲಸ ಮಾಡಬೇಕು. ಹಾಗೇ ಮಲಯಾಳಂ ನಟ ದುಲ್ಖರ್ ಸಲ್ಮಾನ್ ಜೊತೆಯೂ ಕೆಲಸ ಮಾಡುವ ಆಸೆ ಇದೆ ಎಂದು ರಶ್ಮಿಕಾ ಹೇಳಿದ್ದಾರೆ.


ಯಶ್​ ಶೋ ಆಫ್ ನಟ ಎಂದಿದ್ದ ರಶ್ಮಿಕಾ


ಕಿರಿಕ್​ ಪಾರ್ಟಿ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದ ರಶ್ಮಿಕಾ ಮಂದಣ್ಣ ಯಶ್​ ವಿಚಾರವಾಗಿ ಆರಂಭದಲ್ಲೇ ವಿವಾದಕ್ಕೆ ಸಿಲುಕಿದ್ರು. ಸಂದರ್ಶನವೊಂದರಲ್ಲಿ ಕನ್ನಡದಲ್ಲಿ ಶೋ ಆಫ್ ನಟ ಯಾರು? ಅಂತ ಕೇಳಿದ್ದ ಪ್ರಶ್ನೆಗೆ ಉತ್ತರಿಸಿದ್ದ ರಶ್ಮಿಕಾ ಮಂದಣ್ಣ, ಯಶ್​ ಎಂದು ಹೇಳಿದ್ರು.


Actress Rashmika Mandanna said that she should do a movie with actor Yash pvn
ಯಶ್​ ರಶ್ಮಿಕಾ ಮಂದಣ್ಣ


ಇದನ್ನೂ ಓದಿ: Rashmika-Vijay Deverakonda: ಲೈವ್ ಮಾಡಿ ಸಿಕ್ಕಿಬಿದ್ದ ರಶ್ಮಿಕಾ ಮಂದಣ್ಣ! ವಿಜಯ್ ದೇವರಕೊಂಡ ಜೊತೆ ಫುಲ್ ಡೇಟಿಂಗ್!?


ರಶ್ಮಿಕಾ ಹೇಳಿಕೆಗೆ ರಾಕಿಂಗ್ ಸ್ಟಾರ್ ಯಶ್ ಅಭಿಮಾನಿಗಳು ರೊಚ್ಚಿಗೆದ್ದಿದ್ರು. ಈ ಸಂಬಂಧ ರಶ್ಮಿಕಾ ಮಂದಣ್ಣ ವಿರುದ್ಧ ಸೋಶಿಯಲ್ ಮೀಡಿಯಾದಲ್ಲಿ ವಿರೋಧ ವ್ಯಕ್ತವಾಗಿತ್ತು. ರಶ್ಮಿಕಾ ಮಂದಣ್ಣ ಹೇಳಿಕೆ ಸಖತ್ ಟ್ರೋಲ್ ಆಗಿತ್ತು. ಯಶ್​ ಅಭಿಮಾನಿಗಳನ್ನು ಸಮಾಧಾನ ಮಾಡಲು ಸ್ವತಃ ಯಶ್ ಅವರೇ ಮಧ್ಯಪ್ರವೇಶಿಸಿದ್ರು. ರಶ್ಮಿಕಾ ಬಗ್ಗೆ ನಂಗೆ ಗೊತ್ತಿಲ್ಲ. ಅವರನ್ನು ನಾನು ಎಂದು ಭೇಟಿಯಾಗಿ ಅವರ ಅಭಿಪ್ರಾಯ ಅವರಿಗೆ ಅವರನ್ನು ಯಾರು ಹೀಯಾಳಿಸಬಾರದು ಎಂದು ಯಶ್ ಹೇಳಿದ್ರು.

Published by:ಪಾವನ ಎಚ್ ಎಸ್
First published: