• Home
  • »
  • News
  • »
  • entertainment
  • »
  • Mehreen Pirzada: ಮಾಜಿ ಸಿಎಂ ಮೊಮ್ಮಗನ ಕೈ ಹಿಡಿಯಲಿದ್ದಾರೆ ಮೆಹ್ರೀನ್: ಸೌತ್ ಸುಂದರಿಯ ಅದ್ಧೂರಿ ನಿಶ್ಚಿತಾರ್ಥ

Mehreen Pirzada: ಮಾಜಿ ಸಿಎಂ ಮೊಮ್ಮಗನ ಕೈ ಹಿಡಿಯಲಿದ್ದಾರೆ ಮೆಹ್ರೀನ್: ಸೌತ್ ಸುಂದರಿಯ ಅದ್ಧೂರಿ ನಿಶ್ಚಿತಾರ್ಥ

ಮೆಹ್ರೀನ್​-ಭವ್ಯ ಬಿಷ್ನೋಯಿ ನಿಶ್ಚಿತಾರ್ಥದ ಚಿತ್ರ

ಮೆಹ್ರೀನ್​-ಭವ್ಯ ಬಿಷ್ನೋಯಿ ನಿಶ್ಚಿತಾರ್ಥದ ಚಿತ್ರ

ಭವ್ಯ ಬಿಷ್ನೋಯ್, ಮೂರು ಬಾರಿ ಹರ್ಯಾಣಾ ರಾಜ್ಯದ ಸಿಎಂ ಆಗಿದ್ದ ಭಜನ್ ಲಾಲ್‍ರ ಮೊಮ್ಮಗ. ಹರ್ಯಾಣಾದ ಹಿಸ್ಸಾರ್ನ​ನ ಅದಮ್‍ಪುರ ವಿಧಾನಸಭಾ ಕ್ಷೇತ್ರದ ಶಾಸಕ ಕುಲ್‍ದೀಪ್ ಬಿಷ್ನೋಯ್ ಅವರ ಮಗ. ಭವ್ಯ ಬಿಷ್ನೋಯ್ ಸಹ ರಾಜಕೀಯದಲ್ಲಿ ಸಕ್ರಿಯರಾಗಿದ್ದಾರೆ.

  • Share this:

ಮೆಹ್ರೀನ್ ಪೀರ್ಜಾದಾ, ಸದ್ಯ ದಕ್ಷಿಣ ಭಾರತದ ಸಿನಿಮಾಗಳಲ್ಲಿ ಮಿಂಚುತ್ತಿರುವ ಪಂಜಾಬಿ ಮೂಲದ ಸುಂದರಿ. 2016ರಲ್ಲಿ ತೆಲುಗು ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ ಮೆಹ್ರೀನ್ ಪೀರ್ಜಾದಾ ಇದುವರೆಗೆ 15ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಬಾಲಿವುಡ್‍ನಲ್ಲಿ ಫಿಲ್ಲೌರಿ ಸೇರಿದಂತೆ ಮಹಾನುಬಾವುಡು, ರಾಜಾ ದಿ ಗ್ರೇಟ್, ನೋಟಾ, ಚಾಣಕ್ಯ, ಪಟ್ಟಾಸ್, ಫನ್ ಆ್ಯಂಡ್ ಫ್ರಸ್ಟ್ರೇಷನ್ ಸೇರಿದಂತೆ ಹತ್ತಕ್ಕೂ ಹೆಚ್ಚು ತಮಿಳು, ತೆಲುಗು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಕಳೆದ ವರ್ಷ ಅಶ್ವತ್ಥಾಮ್ ರಿಲೀಸ್ ಬಳಿಕ ಅವರು ಮತ್ತೆ ತೆರೆಯ ಮೇಲೆ ಕಾಣಿಸಿಕೊಂಡಿರಲಿಲ್ಲ. ಅದರ ನಡುವೆಯೇ ಎಫ್ 3 ಅರ್ಥಾತ್ ಫನ್ ಆ್ಯಂಡ್ ಫ್ರಸ್ಟ್ರೇಷನ್ ಚಿತ್ರದ ಸೀಕ್ವಲ್‍ನಲ್ಲಿ ಬ್ಯುಸಿಯಾಗಿದ್ದಾರೆ. ಅದರ ನಡುವೆಯೇ ಮೆಹ್ರೀನ್ ಬಹುಕಾಲದ ಗೆಳೆಯ ಭವ್ಯ ಬಿಷ್ನೋಯ್ ಜೊತೆ ನಿನ್ನೆ ರಿಂಗ್ ಬದಲಿಸಿಕೊಂಡಿದ್ದಾರೆ.


ಭವ್ಯ ಬಿಷ್ನೋಯ್, ಮೂರು ಬಾರಿ ಹರ್ಯಾಣಾ ರಾಜ್ಯದ ಸಿಎಂ ಆಗಿದ್ದ ಭಜನ್ ಲಾಲ್‍ರ ಮೊಮ್ಮಗ. ಹರ್ಯಾಣಾದ ಹಿಸ್ಸಾರ್ನ​ನ ಅದಮ್‍ಪುರ ವಿಧಾನಸಭಾ ಕ್ಷೇತ್ರದ ಶಾಸಕ ಕುಲ್‍ದೀಪ್ ಬಿಷ್ನೋಯ್ ಅವರ ಮಗ. ಭವ್ಯ ಬಿಷ್ನೋಯ್ ಸಹ ರಾಜಕೀಯದಲ್ಲಿ ಸಕ್ರಿಯರಾಗಿದ್ದಾರೆ.




ಕಳೆದ ವರ್ಷದ ಏಪ್ರಿಲ್‍ನಲ್ಲೇ ಮೆಹ್ರೀನ್ ಹಾಗೂ ಭವ್ಯ ಅವರ ಮದುವೆ ನಡೆಯಬೇಕಿತ್ತು. ಆದರೆ ಕೊರೋನಾ ಕಾರಣದಿಂದಾಗಿ ಈ ವರ್ಷಕ್ಕೆ ಮುಂದೂಡಲ್ಪಟ್ಟಿತ್ತು. ಈಗ ಇದೇ ಶುಕ್ರವಾರ ಈ ಜೋಡಿ ಉಂಗುರ ಬದಲಿಸಿಕೊಂಡಿದ್ದು, ಇನ್ನಷ್ಟೇ ಮದುವೆಯ ಡೇಟ್ ಘೋಷಣೆ ಆಗಬೇಕಿದೆ.


ಇದನ್ನೂ ಓದಿ: Darshan Autograph: ಅಭಿಮಾನಿಯ ಆಸೆ ನೆರವೇರಿಸಿದ ನಟ ದರ್ಶನ್​: ಹೇಗಿದೆ ಗೊತ್ತಾ ಡಿಬಾಸ್​ ಆಟೋಗ್ರಾಫ್..!


ರಾಜಸ್ತಾನದ ಜೈಪುರದ ಹಳೆಯ ಕಾಲದ ರಾಜಮನೆತನಕ್ಕೆ ಸೇರಿದ ಮಹಲಿನಲ್ಲಿ ಅದ್ಧೂರಿಯಾಗಿ ಮೆಹ್ರೀನ್ ಪೀರ್ಜಾದಾ ಹಾಗೂ ಭವ್ಯ ಬಿಷ್ನೋಯ್ ನಿಶ್ಚಿತಾರ್ಥ ನೆರವೇರಿದೆ. ಮದುವೆಯನ್ನೂ ಸಹ ಇದೇ ರೀತಿ ಡೆಸ್ಟಿನೇಷನ್ ವೆಡ್ಡಿಂಗ್ ಮಾಡಿಕೊಳ್ಳುವ ಪ್ಲ್ಯಾನ್ ಈ ಜೋಡಿಯದ್ದು ಎನ್ನಲಾಗಿದೆ.




ಮೆಹ್ರೀನ್ ಪೀರ್ಜಾದಾ ಹಾಗೂ ಭವ್ಯ ಬಿಷ್ನೋಯ್ ಎಂಗೇಜ್ಮೆಂಟ್‍ಗೆ ದಕ್ಷಿಣ ಭಾರತದ ತಮಿಳು ಹಾಗೂ ತೆಲುಗು ಚಿತ್ರರಂಗದ ಹಲವು ಸೆಲೆಬ್ರಿಟಿಗಳು ಹಾಗೂ ಹರ್ಯಾಣಾದ ರಾಜಕಾರಣಿಗಳು ಭಾಗವಹಿಸಿ, ನವಜೋಡಿಗೆ ಶುಭ ಹಾರೈಸಿದ್ದಾರೆ.
ಭವ್ಯ ಬಿಷ್ನೋಯ್ ಹಿಂದೂ ಆಗಿದ್ದು ಮೆಹ್ರೀನ್ ಪೀರ್ಜಾದಾ ಪಂಜಾಬಿ ಸಿಖ್ ಆಗಿರುವ ಕಾರಣ, ಹಿಂದೂ ಹಾಗೂ ಸಿಖ್ ಸಂಪ್ರದಾಯದಂತೆ ಭವ್ಯ ಹಾಗೂ ಮೆಹ್ರೀನ್ ಮದುವೆ ನೆರವೇರಲಿದೆ ಎನ್ನಲಾಗಿದೆ.






ಇನ್ನು, ನಟಿ ಮೆಹ್ರೀನ್ ಪೀರ್ಜಾದಾ ಅವರ ಸಹೋದರ ಗುರ್‍ಫತೇಹ್ ಸಿಂಗ್ ಕೂಡ ಮಾಡೆಲ್ ಕಮ್ ನಟನಾಗಿದ್ದು, ಕೆಲ ದಿನಗಳ ಹಿಂದಷ್ಟೇ ಅವರು ನಟಿಸಿರುವ ಗಿಲ್ಟಿ ಎಂಬ ವೆಬ್‍ಸಿರೀಸ್ ರಿಲೀಸ್ ಆಗಿದೆ.

Published by:Anitha E
First published: