Actress Kidnap: ಪ್ರಭಾಸ್​ ಜೊತೆ ನಟಿಸಲು ಅವಕಾಶ ಕೊಡಿಸುವುದಾಗಿ ನಂಬಿಸಿ ನಟಿ ಅಪಹರಣ..!

'ಬಾಹುಬಲಿ' ಸಿನಿಮಾ ತೆರೆಕಂಡ ನಂತರ ಪ್ರಭಾಸ್​ ರೇಂಜ್​ ಬೇರೆನೇ ಆಗಿದೆ. ಕೇವಲ ಟಾಲಿವುಡ್​ಗೆ ಸೀಮಿತವಾಗಿದ್ದ ಪ್ರಭಾಸ್​ ಈಗ ಬಾಲಿವುಡ್​ನಲ್ಲೂ ಚಿರಪರಿಚಿತರಾಗಿದ್ದಾರೆ. ಅವರ ಅಭಿನಯದ 'ಸಾಹೋ' ಟಾಲಿವುಡ್​ನಲ್ಲಿ ಸದ್ದು ಮಾಡದೇ ಹೋದರೂಬಿ-ಟೌನ್​ನಲ್ಲಿ ಕೊಂಚ ಮಟ್ಟಿಗೆ ಜಯ ಸಾಧಿಸಿತು.

ಪ್ರಭಾಸ್​ ಅಭಿನಯದ ಸಿನಿಮಾ 'ಸಾಹೋ' ನೆಲಕಚ್ಚಿದರೂ ಅವರ ತಾರಾ ವರ್ಚಸ್ಸಿಗೆ ಯಾವುದೇ ತೊಂದರೆಯಾಗಿಲ್ಲ. ಈಗಲೂ ಅವರೊಂದಿಗೆ ತೆರೆ ಹಂಚಿಕೊಳ್ಳುವ ಅವಕಾಶಕ್ಕಾಗಿ ಸ್ಟಾರ್​ ನಟಿಯರು ಸಾಲಿನಲ್ಲಿ ನಿಲ್ಲುತ್ತಾರೆ. ಇಂತಹ ನಟನೊಂದಿಗೆ ನಟಿಸಲು ಚಾನ್ಸ್​ ಕೊಡ್ತೀವಿ ಅಂದರೆ ಏನಾಗಬೇಡ ಹೇಳಿ.



ಹೌದು, ಪ್ರಭಾಸ್ ಹಾಗೂ ಅರ್ಜುನ್​ ರೆಡ್ಡಿ ಖ್ಯಾತಿಯ ನಿರ್ದೇಶಕ ಸಂದೀಪ್ ರೆಡ್ಡಿ ಅವರ ಕಾಂಬಿನೇಷನ್​ನಲ್ಲಿ ಸಿನಿಮಾ ಒಂದು ಬರುತ್ತಿದ್ದು, ಅದಕ್ಕಾಗಿ ನಾಯಕಿಯ ಹುಡುಕಾಟ ನಡೆದಿದೆ ಅಂತ 'ರಾಹು' ಖ್ಯಾತಿಯ ನಟಿ ಕೃತಿ ಗಾರ್ಗ್​ ಅವರಿಗೆ ಕರೆ ಬಂದಿದೆ. ಅದೂ ನಿರ್ದೇಶಕ ಸಂದೀಪ್​ ರೆಡ್ಡಿ ಅವರ ಹೆಸರಲ್ಲೇ ಈ ಕರೆ ಮಾಡಲಾಗಿದ್ದು, ಮುಂಬೈನಲ್ಲಿ ಈ ಹೊಸ ಸಿನಿಮಾದ ಆಡಿಷನ್​ ನಡೆಯುತ್ತಿದೆ. ಅದರಲ್ಲಿ ಭಾಗಿಯಾಗಿ ಎಂದು ಕೃತಿ ಅವರಿಗೆ ಕರೆ ಮಾಡಲಾಗಿದೆ.

ಇದನ್ನೂ ಓದಿ: ತೃತೀಯ ಲಿಂಗಿಗಳಿಗಾಗಿ ಮನೆ ಕಟ್ಟಲು ಕೋಟಿ ಕೋಟಿ ದಾನ ಮಾಡಿದ ಅಕ್ಷಯ್​ ಕುಮಾರ್​..!

ಪ್ರಭಾಸ್​ ಜತೆ ನಟಿಸುವ ಅವಕಾಶ ಮಿಸ್​ ಮಾಡಿಕೊಳ್ಳಬಾರದು ಎಂದು ಕೃತಿ ಸೀದಾ ಮುಂಬೈಗೆ ಪ್ರಯಾಣ ಬೆಳೆಸಿದ್ದಾರೆ. ಅದಕ್ಕೆ ಮಿಂಚಿತವಾಗಿ ತನಗೆ ಕರೆ ಮಾಡಿದವರು ಯಾರು..? ಏನು..? ಎಂದು ವಿಚಾರಿಸಿಲ್ಲ. ಆದರೆ ಕರೆ ಬಂದಿರುವ ವಿಷಯವನ್ನು ತಿಳಿದವರಿಗೆ ಹೇಳಿದ್ದಾರೆ.

ಇದನ್ನೂ ಓದಿ: Shruti Hassan: ಕುಡಿತಕ್ಕೆ ವಿದಾಯ ಹಾಡಿದ ನಟಿ ಶ್ರುತಿ ಹಾಸನ್​..!ಕೃತಿ ಮುಂಬೈಗೆ ಹೋದ ನಂತರ ಫೋನ್ ಸಂಪರ್ಕಕ್ಕೆ ಸಿಗುತ್ತಿಲ್ಲ. ಜೊತೆಗೆ ಅವರ ಮೊಬೈಲ್​ ಸ್ವಿಚ್ಡ್​​​ ಆಫ್​ ಆಗಿದೆ. ಇದರಿಂದ ಕೃತಿ ಅವರ ಕುಟುಂಬದವರಲ್ಲಿ ಆತಂಕ ಮನೆ ಮಾಡಿದೆ. ಕೃತಿ ವಿಷಯವಾಗಿ ಸದ್ಯ ಹೈದರಾಬಾದಿನ ಪಂಜಾಗುಟ್ಟ ಪೊಲೀಸ್​ ಠಾಣೆಯಲ್ಲಿ 'ರಾಹು' ಚಿತ್ರದ ನಿರ್ದೇಶಕ ಸುಬ್ಬು ದೂರು ದಾಖಲಿಸಿದ್ದಾರೆ.

Rashmika Mandanna: ರಶ್ಮಿಕಾಗೆ ಲವ್​ ಆಗಿದ್ಯಂತೆ: ಯಾರ್​ ಮೇಲೆ ಗೊತ್ತಾ..?