Divya Uruduga: ದಿವ್ಯಾ-ಕೆಪಿ ಅರವಿಂದ್ ಪ್ರೀತಿಗೆ 2 ವರ್ಷ! ಸ್ಪೆಷಲ್ ವಿಡಿಯೋ ಶೇರ್ ಮಾಡಿದ ನಟಿ

ಕನ್ನಡ ಕಿರುತೆರೆ ನಟಿ ದಿವ್ಯಾ ಉರುಡುಗ (Divya Uruduga) ಹಾಗೂ ಕೆಪಿ ಅರವಿಂದ್ (KP Aravind) ಪ್ರೀತಿಗೆ 2 ವರ್ಷ ತುಂಬಿದೆ. ಬಿಗ್​ಬಾಸ್  (Bigg Boss) ಮೂಲಕ ಒಂದಾದ ಈ ಜೋಡಿ ಕನ್ನಡ ಕಿರುತೆರೆ ಪ್ರೇಕ್ಷಕರ ಫೇವರಿಟ್ ಆದರು. ಈಗ ಅವರಿಗೆ ಅಪಾರ ಅಭಿಮಾನಿಗಳು ಇದ್ದಾರೆ. ದಿವ್ಯಾ ಹಾಗೂ ಅರವಿಂದ್ ಪ್ರೀತಿಗೆ (Love) ಮನಸೋತು ಬಹಳಷ್ಟು ಜನರು ಅವರ ಅಭಿಮಾನಿಗಳಾಗಿದ್ದಾರೆ. ಅವರನ್ನು ಸೋಷಿಯಲ್ ಮೀಡಿಯಾದಲ್ಲಿ (Social Media) ಫಾಲೋ ಮಾಡುವವರ ಸಂಖ್ಯೆಯೂ ಹೆಚ್ಚಾಗಿದೆ. ಇದೀಗ ಈ ಜೋಡಿ ತಮ್ಮ ಪ್ರೀತಿಗೆ ಎರಡು ವರ್ಷ ತುಂಬಿದ ಖುಷಿಯಲ್ಲಿದ್ದಾರೆ. ಈ ಸಂದರ್ಭ ಒಂದು ಸ್ಪೆಷಲ್ ವಿಡಿಯೋವನ್ನು ಕೂಡಾ ಶೇರ್ ಮಾಡಿದ್ದಾರೆ.

ವಿಡಿಯೋದಲ್ಲಿ ಬಿಗ್​ಬಾಸ್ ಸೀಸನ್​ನ ಕೆಲವು ಆಕರ್ಷಕ ಮೊಮೆಂಟ್ಸ್​ಗಳನ್ನು ಎಡಿಟ್ ಮಾಡಿ ಸೇರಿಸಲಾಗಿದೆ. ಅವನು ನಂಗೆ ತುಂಬಾ ಸ್ಪೆಷಲ್. ಅವನು ಲೈಫ್​ಟೈಮ್ ನನ್ನ ಜೊತೆ ಇರಬೇಕು ಎಂದು ದಿವ್ಯಾ ಉರುಡುಗ ಹೇಳಿದ ಮಾತುಗಳನ್ನು ಇಲ್ಲಿ ವಿಡಿಯೋದಲ್ಲಿ ತೋರಿಸಲಾಗಿದೆ. ಇದಕ್ಕೆ ಕೆಪಿ ಅರವಿಂದ್ ಅವರು ಮಾತು ಇಲ್ಲದೇನೆ ಅರ್ಥ ಆಗುತ್ತೆ ಅವಳಿಗೆ ಎಂದಿರುವ ವಿಡಿಯೋ ಕ್ಲಿಪ್ ಸೇರಿಸಲಾಗಿದೆ.

View this post on Instagram

A post shared by DU✨ (@divya_uruduga)

ವಿಡಿಯೋಗೆ ನಟಿ ಶಾರ್ಟ್ & ಸ್ವೀಟ್ ಆಗಿ ಕ್ಯಾಪ್ಶನ್ ಬರೆದಿದ್ದಾರೆ. ನಿಮಗೆ ಇದಕ್ಕಿಂತ ಕ್ಯೂಟ್ ಆಗಿರುವುದು ಸಿಗದು. ಈ ಕುಟುಂಬ ಪ್ರತಿ ದಿನ ದೊಡ್ಡದಾಗುತ್ತಲೇ ಇದೆ. ನಾವು ಇದನ್ನು ಪಡೆಯಲು ನಿಜಕ್ಕೂ ಆಶೀರ್ವದಿಸಲ್ಪಟ್ಟಿದ್ದೇವೆ. ನಾನು ಈ ಅಭಿಮಾನಿಗಳ ಸೈನ್ಯದ ಬಗ್ಗೆ ಹೆಮ್ಮೆ ಪಡುತ್ತೇವೆ ಎಂದು ಬರೆದಿದ್ದಾರೆ.

ವೈರಲ್ ಆಗ್ತಿದೆ ವಿಡಿಯೋ

ದಿವ್ಯಾ ಹಾಗೂ ಅರವಿಂದ್ ಅವರ ವಿಡಿಯೋವನ್ನು ಅಭಿಮಾನಿಗಳು ಇಷ್ಟಪಟ್ಟಿದ್ದಾರೆ. ವಿಡಿಯೋ ಪೋಸ್ಟ್ ಮಾಡಿ 2 ಗಂಟೆಗಳಲ್ಲಿ ಇದಕ್ಕೆ 30 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಬಂದಿದೆ.

ಏನಂತಿದ್ದಾರೆ ಫ್ಯಾನ್ಸ್?

ನೀವಿಬ್ರು ಐ ಲವ್ ಯು ಅಂತ ಹೇಳಿಕೊಂಡಿದ್ದೀರಾ ಗೊತ್ತಿಲ್ಲ. ಆದರೆ ಪ್ರತಿ ದಿನ ನಾವು ವಿ ಲವ್ ಯು ಅಂತ ಹೇಳೋದು ಮರೆಯಲ್ಲ. ಎರಡು ವರ್ಷ ಆಗಲಿ 200 ವರ್ಷ ಆಗಲಿ ನಮ್ ಪ್ರೀತಿ ನಿಮ್ದೇ ಎಂದು ಅಭಿಮಾನಿಯೊಬ್ಬರು ಕಮೆಂಟ್ ಮಾಡಿದ್ದಾರೆ.

ಇದನ್ನೂ ಓದಿ: Divya Uruduga: ದಿವ್ಯಾ ಉರುಡುಗ ಅವರ ಎಲ್ಲಾ ಸೀರೆಗಳಲ್ಲಿ ಇದು ತುಂಬಾ ಸ್ಪೆಷಲ್! ಸೀರೆಯ ಹಿಂದಿನ ಕಥೆ ಗೊತ್ತಾ?

ಧನ್ಯವಾದಗಳು ಅರ್ವಿಯಾ ನಿಷ್ಕಲ್ಮಷ‌ ಅನುಬಂಧದ ಅಭಿಮಾನದ ಮೇಲಿನ ನಿಮ್ಮ ಅಂತರಾಳದ ಪ್ರೀತಿಗೆ. ಪ್ರೀತಿ + ಅಭಿಮಾನ ಅಕ್ಷಯವಾಗಲಿ. ನಮ್ಮ ಕಣ್ಮಣಿಗಳು ನೀವು ಅಂದು + ಇಂದು + ಎಂದೆಂದೂ ಎಂದಿದ್ದಾರೆ ಇನ್ನೊಬ್ಬರು.

ದಿವ್ಯಾ ಅವರ ಬರ್ತ್​ಡೇಯನ್ನು ಇತ್ತೀಚೆಗೆ ಗ್ರ್ಯಾಂಡ್ ಆಗಿ ಆಚರಿಸಿದ್ದರು ಅರವಿಂದ್. ಅವರ ಬರ್ತ್​ಡೇ ಫೋಟೋಗಳು ಹಾಗೂ ವಿಡಿಯೋವನ್ನು ನಟಿ ಇನ್​ಸ್ಟಾಗ್ರಾಮ್​ನಲ್ಲಿ ಶೇರ್ ಮಾಡಿದ್ದರು. ಇವರಿಬ್ಬರೂ ಜೊತೆಯಾಗಿ ಸಿನಿಮಾ ಕೂಡಾ ಮಾಡುತ್ತಿದ್ದಾರೆ. ಅರ್ಧಂಬರ್ಧ ಪ್ರೇಮಕಥೆ ಎನ್ನುವ ಸಿನಿಮಾ ಮೂಲಕ ಸ್ಯಾಂಡಲ್​ವುಡ್​ನಲ್ಲಿ ಮಿಂಚಲು ರೆಡಿಯಾಗಿದ್ದಾರೆ.

ದಿವ್ಯಾ ಅವರ ಸ್ಪೆಷಲ್ ಸೀರೆ

ಪ್ರತಿ ಸೀರೆಯೂ ಒಂದು ಕಥೆ ಹೇಳುತ್ತದೆ ಎನ್ನುತ್ತಾರೆ. ಅದರಲ್ಲಿ ಮುಂದಿರುವ ಸೀರೆ ಇದು. ನನ್ನ ವಾರ್ಡ್​ರೋಬ್​ನ ರಾಜಕುಮಾರಿ ಈ ಸೀರೆ. ಅಂದ ಹಾಗೆ ಈ ಸ್ಪೆಷಲ್ ಸೀರೆಯ ಹಿಂದಿನ ಕಥೆ ನಿಮಗೆಲ್ಲರಿಗೂ ಗೊತ್ತು. ನೆನಪಿಸಿಕೊಳ್ಳಿ. ಈ ಸಲ ಈ ಸೀರೆ ಉಟ್ಟಾಗ ನಾಚಿಗೆ ಆಗುತ್ತಿದೆ ಎಂದು ನಾನು ಹೇಳಿಲ್ಲ.

ಹಾಗೆಯೇ ಯಾರು ನನ್ನ ಬಳಿ ಜಸ್ಟ್ ಚೋಕರ್ ಮಾತ್ರ ಹಾಕು ಎಂದು ಹೇಳಿಲ್ಲ ಎಂದಿದ್ದಾರೆ ದಿವ್ಯಾ ಉರುಡುಗ. ನಟಿ ಈ ರೀತಿ ಪೋಸ್ಟ್ ಹಾಕಿ ತಮ್ಮ ಹಳೆ ಘಟನೆಯನ್ನು ಇತ್ತೀಚೆಗೆ ನೆನಪಿಸಿಕೊಂಡಿದ್ದರು.