167 ಕಾರ್ಮಿಕರಿಗೆ ವಿಮಾನ ವ್ಯವಸ್ಥೆ ಮಾಡಿದ ಬಾಲಿವುಡ್​ ನಟ ಸೋನು ಸೂದ್​

ಲಾಕ್​ಡೌನ್​ನಿಂದಾಗಿ ಸಂಕಷ್ಟದಲ್ಲಿ ಸಿಲುಕಿಕೊಂಡು ತಮ್ಮ ಮನೆಗೆ ಹಿಂತಿರುಗಲು ಪರದಾಡುತ್ತಿರುವ ಕಾರ್ಮಿಕರಿಗೆ ಬಾಲಿವುಡ್​ ನಟ ಸೋನು ಸೂದ್​ ಸಹಾಯ ಮಾಡುತ್ತಾ ಬಂದಿದ್ದಾರೆ. ಅವರ ಮನೆಗೆ ತೆರಳಲು ಬಸ್​ ವ್ಯವಸ್ಥೆಯನ್ನು ಮಾಡುವ ಮೂಲಕ ಮಾನವೀಯತೆ ಕಾರ್ಯ ಮಾಡುತ್ತಿದ್ದಾರೆ. ಈಗಾಗಲೇ ಮಹಾರಾಷ್ಟ್ರದಲ್ಲಿ ಸಿಲುಕಿಕೊಂಡಿರುವ ಅನೇಕ ಕಾರ್ಮಿಕರಿಗೆ ಬಸ್​ ವ್ಯವಸ್ಥೆ ಮಾಡಿ ಅವರನ್ನು ಮನೆ ತಲುಪಿಸಿದ್ದಾರೆ. ಕರ್ನಾಟಕದ ವಲಸಿಗರಿಗೂ ಸಹಾಯ ಮಾಡಿದ್ದಾರೆ. ಇದೀಗ ಸೋನು ಸೂದ್​​ ಒರಿಸ್ಸಾ ವಲಸಿಗರಿಗೆ ನೆರವಾಗಿದ್ದಾರೆ. ಅವರನ್ನು ಸುರಕ್ಷಿತವಾಗಿ ಮನೆಗೆ ತಲುಪಿಸಲು ವಿಮಾನ ವ್ಯವಸ್ಥೆ ಮಾಡುವ ಮತ್ತೊಂದು ಮಾಹತ್ಕಾರ್ಯ ಮಾಡಿದ್ದಾರೆ.

ಲಾಕ್​ಡೌನ್​ನಿಂದಾಗಿ ಒರಿಸ್ಸಾದ ಕೆಲ ಕಾರ್ಮಿಕರು ಕೇರಳದ ಕೊಚ್ಚಿಯಲ್ಲಿ ಸಿಲುಕಿಕೊಂಡಿದ್ದರು . ಅವರಲ್ಲಿ 147 ಮಹಿಳೆಯರು ಸೇರಿದಂತೆ ಒಟ್ಟು 167 ಕಾರ್ಮಿಕರು ಇದ್ದರು. ಲಾಕ್​​​​​​ಡೌನ್​ನಿಂದ ಕೆಲಸವಿಲ್ಲದೆ, ಅತ್ತ ಕೈಯಲ್ಲಿ ಹಣವಿಲ್ಲದೆ ಕಾರ್ಮಿಕರು ಪರದಾಡುತ್ತಿದ್ದರು. ಹಾಗಾಗಿ ಶ್ರಮಿಕ್​ ರೈಲಿನಲ್ಲಿ ಅವರಿಗೆ ಮನೆಗೆ ಹೋಗಲು ಸಾಧ್ಯವಾಗಿರಲಿಲ್ಲ. ಈ ವಿಚಾರವನ್ನು ತಿಳಿದ ಸೋನು ಸೂದ್​ ಅವರಿಗೆ ನೆರವಾಗಿದ್ದಾರೆ.

ಕೊಚ್ಚಿಯಿಂದ ಅವರೆಲ್ಲರಿಗೂ ವಿಮಾನ ವ್ಯವಸ್ಥೆ ಮಾಡುವ ಮೂಲಕ ಮನೆಗೆ ತಲುಪಿಸುವ ಕೆಲಸ ಮಾಡಿದ್ದಾರೆ. ಕಾರ್ಮಿಕರ ವೆಚ್ಚವನ್ನು ನಟ ಸೋನು ಸೂದ್​​ ಭರಿಸಿದ್ದಾರೆ.  ಇನ್ನು ಸೋನ್​ ಸೂದ್​ ಮಾಡಿರುವ ಕೆಲಸಕ್ಕೆ ಕಾರ್ಮಿಕರು ಧನ್ಯವಾದ ತಿಳಿಸಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲೂ ಮೆಚ್ಚುಗೆಯ ಕಾಮೆಂಟ್​ ಬರೆದಿದ್ದಾರೆ.

ಸೋನು ಸೂದ್​​ ಈಗಾಗಲೇ ಅನೇಕ ಕಾರ್ಮಿಕರ ಸಂಕಷ್ಟಕ್ಕೆ ನೆರವಾಗಿದ್ದಾರೆ. ಇತ್ತೀಚೆಗೆ ಅವರು ಇದಕ್ಕೆಂದೇ ಸಹಾಯವಾಣಿಯನ್ನು ಶುರು ಮಾಡಿದ್ದಾರೆ. ಕಾರ್ಮಿಕರ ಕರೆಗಳನ್ನು ಪರಿಶೀಲಿಸಿ ಅವರಿಗೆ ನೆರವಾಗುತ್ತಿದ್ದಾರೆ. ಈ ಬಗ್ಗೆ ಸೋನ್​ ಸೂದ್​ ‘ ನನ್ನ ಪತ್ನಿ ಕಾರ್ಮಿಕರ ವಿವರಗಳನ್ನು ಬರೆದುಕೊಳ್ಳುತ್ತಾಳೆ. ಕಾರ್ಮಿಕರು ಯಾವ ಬಸ್ಸಿನಲ್ಲಿ ತೆರಳಬೇಕು ಎಂದು ನನ್ನ ಮಕ್ಕಳು ಪಟ್ಟಿ ಮಾಡುತ್ತಾರೆ ಎಂದು ಹೇಳಿದ್ದರು.

ಭಾರತದಲ್ಲಿ ಒನ್​​ಪ್ಲಸ್​ 8 ಸಿರೀಸ್​ ಸ್ಮಾರ್ಟ್​ಫೋನ್​ ಮಾರಾಟ ಪ್ರಾರಂಭ: ಬೆಲೆ ಇಲ್ಲಿದೆ