Murli Sharma: ತಾಯಿಯ ಅಗಲಿಕೆಯ ದುಖಃದಲ್ಲಿ 'ಅಲಾ ವೈಕುಂಠಪುರಂಲೋ' ಖ್ಯಾತಿಯ ನಟ..!

2020ಕ್ಕೆ ಕಾಲಿಟ್ಟಾಗ ಹೊಸ ವರ್ಷ ಎಂದು ಜನರು ಸಂಭ್ರಮಿಸಿದ್ದರು. ಆದರೆ ಈಗ ಈ ವರ್ಷ ಯಾಕಾದರೂ ಬಂತೋ ಅಂತ ಹೇಳುವಂತಾಗಿದೆ. ಹೌದು, ನಿನ್ನೆಯಷ್ಟೆ ಸ್ಯಾಂಡಲ್​ವುಡ್​ ನಟ ಚಿರಂಜೀವಿ ಸರ್ಜಾ ಇಹಲೋಕ ತ್ಯಜಿಸಿದರು. ಈಗ ಮತ್ತೊಂದು ಸಾವಿನ ಸುದ್ದಿ ಬರ ಸಿಡಿಲಿನಂತೆ ಬಡಿದಿದೆ.

ಬಹು ಭಾಷಾ ನಟ ಮುರಳಿ ಶರ್ಮಾ ಅವರ ತಾಯಿ ಪದ್ಮಾ ಶರ್ಮಾ ಹೃದಯಾಘಾತದಿಂದ ಸಾವನ್ನಪ್ಪಿದ್ದಾರೆ. ಭಾನುವಾರ ಮುಂಬೈನ ಅವರ ಮನೆಯಲ್ಲೇ ಈ ಘಟನೆ ನಡೆದಿದ್ದು, ಅಗಲಿದ ಪದ್ಮಾ ಅವರಿಗೆ 67 ವರ್ಷವಾಗಿತ್ತು.



ಟಾಲಿವುಡ್​ ಹಾಗೂ ಬಾಲಿವುಡ್​​ನಲ್ಲಿ ತಮ್ಮ ಅಭಿನಯದ ಮೂಲಕ ತಮ್ಮದೇ ಆದ ಸ್ಥಾನ ಸಂಪಾದಿಸಿಕೊಂಡಿರುವ ನಟ ಮರಳಿ ಶರ್ಮಾ. ಖಳ ನಟನಾಗಿ, ಪೋಷಕ ನಟನಾಗಿ ಮನೆ ಮಾತಾಗಿರುವ ಶರ್ಮಾ ಅಲಾ ವೈಕುಂಠಪುರಲೋ ಸಿನಿಮಾದ ಯಶಸ್ಸಿನ ಖುಷಿಯಲ್ಲಿದ್ದರು.

ಇದನ್ನೂ ಓದಿ: Saif-Kareena: ಮಾಸ್ಕ್​ ಇಲ್ಲದೆ ತೈಮೂರ್​ ಜೊತೆ ಹೊರಗಡೆ ಬಂದು ಟ್ರೋಲ್​ ಆದ ಸೈಫ್​-ಕರೀನಾ: ಬುದ್ಧಿ ಹೇಳಿದ ಪೊಲೀಸ್​..!

'ಅಲಾ ವೈಕುಂಠಪುರಂಲೋ' ಸಿನಿಮಾದಲ್ಲಿ ಅಲ್ಲು ಅರ್ಜುನ್​ ತಂದೆ ವಾಲ್ಮೀಕಿ ಪಾತ್ರದಲ್ಲಿ ಪ್ರೇಕ್ಷಕರನ್ನು ರಂಜಿಸಿದ್ದ ನಟನಿಗೆ ತಾಯಿಯ ಅಗಲಿಕೆ ನಿಜಕ್ಕೂ ಭರಿಸಲಾರದ ನೋವನ್ನುಂಟು ಮಾಡಿದೆ.

ಇದನ್ನೂ ಓದಿ: Ramya: ಚಿರಂಜೀವಿ ಸರ್ಜಾ ಜೊತೆಗಿನ ನೆನಪು ಮೆಲುಕು ಹಾಕಿದ ನಟಿ ರಮ್ಯಾ

'ದಿಲ್​ ವಿಲ್​ ಪ್ಯಾರ್​ ವ್ಯಾರ್'​ ಸಿನಿಮಾದ ಮೂಲಕ ಮುರಳಿ ಶರ್ಮಾ ಬಾಲಿವುಡ್​ಗೆ ಎಂಟ್ರಿ ಕೊಟ್ಟು, 'ಮೈ ಹೂ ನಾ', 'ಧಮಾಲ್'​, 'ಜಾನೆ ತೂ ಯಾ ಜಾನೆ ನಾ', 'ಬೇಬಿ', 'ಗೋಲ್​ಮಾಲ್​ ರಿರ್ಟನ್ಸ್​', 'ಬದ್ಲಾಪುರ್'​, 'ಸ್ಟ್ರೀಟ್ ಡ್ಯಾನ್ಸರ್​ 3ಡಿ', ಸಾಕಷ್ಟು ತೆಲುಗು, ಮರಾಠಿ ಹಾಗೂ ತಮಿಳು ಸಿನಿಮಾಗಳಲ್ಲಿ ಪೋಷಕ ನಟರಾಗಿ ಕಾಣಿಸಿಕೊಂಡಿದ್ದಾರೆ.

HDB Rakshit Shetty: ಸರಳವಾಗಿ ಹುಟ್ಟುಹಬ್ಬ ಆಚರಿಸಿಕೊಂಡ ಸಿಂಪಲ್​ ಸ್ಟಾರ್ ರಕ್ಷಿತ್ ಶೆಟ್ಟಿ..!