Hrithik Roshan: ಹೃತಿಕ್ ರೋಷನ್ ಯಶಸ್ಸು ಪಡೆಯಲು ಏನೆಲ್ಲಾ ಸರ್ಕಸ್​ ಮಾಡಿದ್ರು ಗೊತ್ತಾ? ಕಥೆ ಬಿಚ್ಚಿಟ್ಟ ನಟನ ತಂದೆ

ಸಾಮಾನ್ಯವಾಗಿ ನಮಗೆಲ್ಲಾ ಈ ಚಿತ್ರೋದ್ಯಮದಲ್ಲಿರುವ ನಟ, ನಟಿಯರ ಮಕ್ಕಳು ಎಷ್ಟೂಂದು ಐಷಾರಾಮಿ ಜೀವನ (Luxurious life) ನಡೆಸುತ್ತಾರೆ ಅಂತ ಅನ್ನಿಸುತ್ತದೆ. ಆದರೆ ಜೀವನ ಎಂಬುದು ನಾವು ನೋಡುವ ರೀತಿಯಲ್ಲಿ ಇರುವುದಿಲ್ಲ, ಇಲ್ಲಿ ಯಶಸ್ವಿಯ ಶಿಖರ ಮುಟ್ಟಲು ಕಷ್ಟವೆಂಬ ಏಣಿಗಳನ್ನು ಎಲ್ಲರೂ ಹತ್ತಿಕೊಂಡೇ ಹೋಗಬೇಕು. ಎಂದರೆ ಬಹುತೇಕರು ಕಷ್ಟಪಟ್ಟ ನಂತರವೇ ಯಶಸ್ಸು (Success) ಕಂಡಿರುತ್ತಾರೆ. ಇಲ್ಲೊಬ್ಬ ದೊಡ್ಡ ನಟ (Actor) ಸಹ ಕಷ್ಟಪಟ್ಟು ಮೇಲೆ ಬಂದಿರುವುದು ಅಂತ ಖುದ್ದು ಅವನ ತಂದೆ ಹೇಳಿದ್ದಾರೆ ನೋಡಿ.  ನಟ ಮತ್ತು ನಿರ್ದೇಶಕರು ‘ಕಹೋ ನಾ ಪ್ಯಾರ್ ಹೈ’ ಮತ್ತು ‘ಕ್ರಿಶ್’ ನಂತಹ ಹಿಟ್ ಗಳನ್ನು ತಮ್ಮ ಮಗ (Son), ನಟ ಹೃತಿಕ್ ರೋಷನ್ ಅವರೊಂದಿಗೆ ನೀಡಿದ್ದಾರೆ.

 ಹಳೆಯ ಸಂದರ್ಶನವೊಂದರಲ್ಲಿ, ಕೋಯಿ ಮಿಲ್ ಗಯಾ (2003) ನಂತಹ ಚಿತ್ರಗಳಲ್ಲಿ ಹೃತಿಕ್ ಅವರನ್ನು ನಿರ್ದೇಶಿಸಿದ್ದಕ್ಕಾಗಿ ಅನೇಕ ಪ್ರಶಸ್ತಿಗಳನ್ನು ಗೆದ್ದ ರಾಕೇಶ್, ನಟನಿಗೆ ಕಟ್ಟುನಿಟ್ಟಾದ ತಂದೆಯಾಗಿರುವುದರ ಬಗ್ಗೆ ಮಾತನಾಡಿದರು. ನಟನಾಗಿ ತಾನು ವಿಫಲನಾಗಿದ್ದರಿಂದ, ತನ್ನ ಮಗ ತನ್ನ ಕನಸುಗಳನ್ನು ನನಸು ಮಾಡಬೇಕೆಂದು ತಾನು ಬಯಸುತ್ತೇನೆ ಎಂದು ಅವರು ಒಪ್ಪಿಕೊಂಡರು.

ರಾಕೇಶ್ ಅವರ ಸೂಪರ್ ಹಿಟ್ ಸಿನೆಮಾಗಳು  
ರಾಕೇಶ್ ಅವರು ರೇಖಾ ಅವರೊಂದಿಗೆ ಖುಬ್ಸೂರತ್ (1980) ಮತ್ತು ಜಯಪ್ರದಾ ಅವರೊಂದಿಗೆ ಕಾಮ್ಚೋರ್ (1982) ಚಿತ್ರಗಳಲ್ಲಿ ನಟಿಸಿದ್ದಾರೆ. ಆದರೆ ಖೂನ್ ಭರಿ ಮಾಂಗ್ (1988) ಮತ್ತು ಕರಣ್ ಅರ್ಜುನ್ (1995) ನಂತಹ ಅವರು ನಿರ್ದೇಶಿಸಿದ ಚಲನಚಿತ್ರಗಳು ಸೂಪರ್ ಹಿಟ್ ಆಗಿದ್ದವು.

ಮಗನ ಬಗ್ಗೆ ತಂದೆ ರಾಕೇಶ್ ರೋಷನ್ ಏನ್ ಹೇಳಿದ್ರು
ಹೃತಿಕ್ ತನ್ನ ಜೀವನದಲ್ಲಿ ಎಂದಿಗೂ ಮಾಡಲಾಗದ ಕೆಲಸಗಳನ್ನು ಹೇಗೆ ಮಾಡಿದ್ದಾನೆ ಎಂಬುದರ ಬಗ್ಗೆ ರಾಕೇಶ್ ಒಮ್ಮೆ ಮಾತನಾಡಿದ್ದರು. ಹೃತಿಕ್ ತಮ್ಮ ವೃತ್ತಿಜೀವನದಲ್ಲಿ ಕೆಲವು ಏರಿಳಿತಗಳನ್ನು ಕಂಡಿದ್ದಾರೆ ಎಂದು ಅವರು ಬಹಿರಂಗಪಡಿಸಿದ್ದರು. "ನನ್ನ ಮಗ ಹೃತಿಕ್ ನಿಜವಾಗಿಯೂ ತುಂಬಾ ಕಷ್ಟ ಪಟ್ಟಿದ್ದಾನೆ. ನಾನು ಒಬ್ಬ ನಟನಾಗಿ ವಿಫಲನಾದೆ. ಆದರೆ ಬಹುತೇಕರ ಪೋಷಕರಂತೆ, ನನ್ನ ಮಗ ಸಹ ನನ್ನ ಕನಸುಗಳನ್ನು ನನಸು ಮಾಡಬೇಕೆಂದು ನಾನು ಬಯಸುತ್ತೇನೆ.

ಇದನ್ನೂ ಓದಿ:  Miheeka Daggubati: ರಾಣಾ ದಗ್ಗುಬಾಟಿ ಪತ್ನಿಗೆ ಪತಿ ಅಂದ್ರೆ ಇಷ್ಟ, ಅದಕ್ಕಿಂತಲೂ ಇಷ್ಟದ ವಸ್ತುವೊಂದಿದೆ!

ಹೃತಿಕ್ ನನ್ನ ಜೀವನದಲ್ಲಿ ನಾನು ಮಾಡಲು ಸಾಧ್ಯವಾಗದ ಕೆಲಸಗಳನ್ನು ಸಹ ಮಾಡಿದ್ದಾರೆ. ಅವರು ಸೂಪರ್ ಸ್ಟಾರ್, ಅವರನ್ನು ಪ್ರಪಂಚದಾದ್ಯಂತ ಅನೇಕರು ಇಷ್ಟಪಡುತ್ತಾರೆ. ಆದರೆ ಅವನು ನನ್ನ ಮಗ ಮತ್ತು ಅವನು ನನ್ನನ್ನು ಹೆಮ್ಮೆಯ ತಂದೆಯನ್ನಾಗಿ ಮಾಡಿದ್ದಾನೆ.

ಟ್ಯಾಕ್ಸಿ, ಆಟೋ ಬಸ್ಸುಗಳಲ್ಲಿ ಪ್ರಯಾಣಿಸಿದ್ರಂತೆ ಹೃತಿಕ್
ಅವರು ತಮ್ಮ ವೃತ್ತಿಜೀವನದಲ್ಲಿ ಏರಿಳಿತಗಳನ್ನು ಕಂಡಿದ್ದಾರೆ ಮತ್ತು ಅದು ಯಾವಾಗಲೂ ಅಂತಹ ಅನುಭವಗಳು ಆಗಬೇಕು ಎಂದು ನಾನು ಭಾವಿಸುತ್ತೇನೆ. ಏಕೆಂದರೆ, ಅವರು ತಮ್ಮ ತಪ್ಪುಗಳಿಂದ ಹೇಗೆ ಕಲಿಯುತ್ತಾರೆ ಎಂದು ರಾಕೇಶ್ 2017 ರಲ್ಲಿ ನೀಡಿದ ಸಂದರ್ಶನದಲ್ಲಿ ಹೇಳಿದ್ದರು. ಹೃತಿಕ್ ತನ್ನ ಕಾಲೇಜು ಮುಗಿಸಿದ ನಂತರ, ರಾಕೇಶ್ ತನ್ನ ಮಗನನ್ನು ಟ್ಯಾಕ್ಸಿಗಳು, ಆಟೋಗಳು ಅಥವಾ ಬಸ್ಸುಗಳಲ್ಲಿ ಪ್ರಯಾಣಿಸುವಂತೆ ಮಾಡಿದರಂತೆ ಎಂದು ಅದೇ ಸಂದರ್ಶನದಲ್ಲಿ ಅವರು ಹೇಳಿದ್ದರು.

ಹೃತಿಕ್ ಅವರೊಂದಿಗೆ ಕರಣ್ ಅರ್ಜುನ್ ಸಿನೆಮಾದಲ್ಲಿ ಕೆಲಸ ಮಾಡಿದಾಗ, ಅವರಿಗೆ ಕುಟುಂಬದ ಕಾರಿನಲ್ಲಿ ಪ್ರಯಾಣಿಸಲು ಅವಕಾಶವಿರಲಿಲ್ಲ ಎಂದು ರಾಕೇಶ್ ಹೇಳಿದರು. ಹೃತಿಕ್ ಸೆಟ್ ನಲ್ಲಿ 'ಇನ್ನೊಬ್ಬ ಸಹಾಯಕ ನಿರ್ದೇಶಕ' ಅಷ್ಟೇ ಅಂತ ಅವರು ಹೇಳಿದರು. "ಕಾಲೇಜಿನಿಂದ ಪದವಿ ಪಡೆದ ನಂತರ, ಹೃತಿಕ್ ವಿದೇಶದಲ್ಲಿ ಈ ಸ್ಪೆಷಲ್ ಎಫೆಕ್ಟ್ಸ್ ಗಳನ್ನು ಕಲಿಯಲು ಆಯ್ಕೆಯಾದರು. ಆದರೆ ಅವರು ಇಲ್ಲಿರಲು ನಿರ್ಧರಿಸಿದರು ಮತ್ತು ‘ಕರಣ್ ಅರ್ಜುನ್’ ನಲ್ಲಿ ನನ್ನೊಂದಿಗೆ ಕೆಲಸ ಮಾಡಲು ಪ್ರಾರಂಭಿಸಿದರು.

ರಾಕೇಶ್ ರೋಷನ್ ಒಬ್ಬ ಕಟ್ಟುನಿಟ್ಟಿನ ತಂದೆಯಂತೆ! 
ನಾನು ಅವನೊಂದಿಗೆ ತುಂಬಾ ಕಟ್ಟುನಿಟ್ಟಾಗಿದ್ದೆ. ಅವರು ಮಧ್ಯಾಹ್ನದ ಊಟ, ರಾತ್ರಿ ಊಟಕ್ಕೆ ನಮ್ಮೊಂದಿಗೆ ಕುಳಿತುಕೊಳ್ಳುವಂತಿಲ್ಲ ಎಂದು ಹೇಳಿದ್ದೆ. ಅವರು ನನ್ನ ಕಾರಿನಲ್ಲಿ ಪ್ರಯಾಣಿಸುತ್ತಿರಲಿಲ್ಲ. ಬದಲಾಗಿ, ಅವನು ಟ್ಯಾಕ್ಸಿ, ಆಟೋ ಅಥವಾ ಬಸ್ಸುಗಳಲ್ಲಿ ಪ್ರಯಾಣಿಸುತ್ತಿದ್ದರು” ಎಂದು ರಾಕೇಶ್ ಹೇಳಿದರು.

“ನಾವು ಮನೆಯಲ್ಲಿದ್ದಾಗ ಒಂದೇ ಟೇಬಲ್ ಮೇಲೆ ಕುಳಿತು ಉಪಾಹಾರ ಸೇವಿಸುತ್ತಿದ್ದೆವು, ಆದರೆ ಸೆಟ್ ಗೆ ಹೋದಾಗ ಅಲ್ಲಿ ಅವನು ನನ್ನ ಮಗನಲ್ಲ, ಇನ್ನೊಬ್ಬ ಸಹಾಯಕ ಅಷ್ಟೇ. ಅವನು ಇತರ ಮೂರು ಜನರೊಂದಿಗೆ ಒಂದು ಕೋಣೆಯನ್ನು ಹಂಚಿಕೊಳ್ಳಬೇಕಾಗಿತ್ತು ಮತ್ತು ಅವರೊಂದಿಗೆ ಕುಳಿತುಕೊಂಡು ಆಹಾರವನ್ನು ಸೇವಿಸಬೇಕಾಗಿತ್ತು” ಎಂದು ರಾಕೇಶ್ ಹೇಳಿದರು.

ಇದನ್ನೂ ಓದಿ:  Salman Khan: ಪಾರ್ಟಿಗೆ ಹೋಗುವಾಗ ಪ್ಯಾಂಟ್ ಜೇಬಿನಲ್ಲಿ ಗಾಜಿನ ಲೋಟ ಇಟ್ಕೊಂಡು ಹೋದ ಸಲ್ಮಾನ್ ಖಾನ್! ವಿಡಿಯೋ ಫುಲ್ ವೈರಲ್!

‘ಕರಣ್ ಅರ್ಜುನ್’ ಚಿತ್ರವಲ್ಲದೆ ಹೃತಿಕ್ ‘ಖೇಲ್’ (1992) ಮತ್ತು ‘ಕೊಯ್ಲಾ’ (1997) ನಂತಹ ಚಿತ್ರಗಳಲ್ಲಿ ರಾಕೇಶ್ ಗೆ ಸಹಾಯ ಮಾಡಿದ್ದಾರೆ. ನಂತರ ‘ಕಹೋ ನಾ ಪ್ಯಾರ್ ಹೈ’ ಚಿತ್ರದಲ್ಲಿ ರಾಕೇಶ್ ಅವರು ಹೃತಿಕ್ ನನ್ನು ಲಾಂಚ್ ಮಾಡಿದರು.