HBD Dhananjaya: ಡಾಲಿ ಉತ್ಸವಕ್ಕೆ ಬ್ರೇಕ್​: ಈ ಸಲ ಹುಟ್ಟುಹಬ್ಬದ ಆಚರಣೆ ಬೇಡ ಎಂದ ನಟ ಧನಂಜಯ..!

HBD Dhananjaya: ನಟ ಧನಂಜಯ್​ ಸಹ ಈ ಸಲ ತಮ್ಮ ಹುಟ್ಟುಹಬ್ಬವನ್ನು ಆಚರಿಸದಂತೆ ಅಭಿಮಾನಿಗಳಲ್ಲಿ ಮನವಿ ಮಾಡಿಕೊಂಡಿದ್ದಾರೆ. ಇದೇ 23 ಕ್ಕೆ ಧನಂಜಯ ಅವರ ಹುಟ್ಟುಹಬ್ಬವಿದ್ದು, ಅದನ್ನು ಡಾಲಿ ಉತ್ಸವ ಎಂದು ಆಚರಿಸಲು ಅಭಿಮಾನಿಗಳು ಸಿದ್ಧತೆ ಮಾಡಿಕೊಂಡಿದ್ದರು. ಆದರೆ ಈಗ ಅದಕ್ಕೆ ಬ್ರೇಕ್​ ಬಿದ್ದಿದೆ. 

ನಟ ಧನಂಜಯ್​

ನಟ ಧನಂಜಯ್​

  • Share this:
ಸಿನಿಮಾ ಸ್ಟಾರ್​ಗಳು ಪ್ರತಿ ಸಲ ತಮ್ಮ ಹುಟ್ಟುಹಬ್ಬವನ್ನು ಅಭಿಮಾನಿಗಳೊಂದಿಗೆ ಸೇರಿ ಆಚರಿಸಿಕೊಳ್ಳುತ್ತಿದ್ದರು. ಆದರೆ ಈ ಸಲ ಕೊರೋನಾದಿಂದಾಗಿ ಎಲ್ಲಕ್ಕೂ ಬ್ರೇಕ್​ ಬಿದ್ದಿದೆ. ಲಾಕ್​ಡೌನ್​ ಸಡಿಲಗೊಂಡರೂ ಜನರಲ್ಲಿ ಸೋಂಕು ಹರಡುತ್ತಿದೆ. ಇದೇ ಕಾರಣದಿಂದಾಗಿ ಸ್ಟಾರ್​ಗಳು ತಮ್ಮ ಹುಟ್ಟುಹಬ್ಬದ ಆಚರಣೆಯನ್ನು ನಿಲ್ಲಿಸಿದ್ದಾರೆ. ನಟ ಧನಂಜಯ್​ ಸಹ ಈ ಸಲ ತಮ್ಮ ಹುಟ್ಟುಹಬ್ಬವನ್ನು ಆಚರಿಸದಂತೆ ಅಭಿಮಾನಿಗಳಲ್ಲಿ ಮನವಿ ಮಾಡಿಕೊಂಡಿದ್ದಾರೆ. ಇದೇ 23 ಕ್ಕೆ ಧನಂಜಯ ಅವರ ಹುಟ್ಟುಹಬ್ಬವಿದ್ದು, ಅದನ್ನು ಡಾಲಿ ಉತ್ಸವ ಎಂದು ಆಚರಿಸಲು ಅಭಿಮಾನಿಗಳು ಸಿದ್ಧತೆ ಮಾಡಿಕೊಂಡಿದ್ದರು. ಆದರೆ ಈಗ ಅದಕ್ಕೆ ಬ್ರೇಕ್​ ಬಿದ್ದಿದೆ.

Dhananjayas new movie Rathnan Prapancha post is out now
ಧನಂಜಯ ಅವರ ರತ್ನನ್​ಪ್ರಪಂಚ ಚಿತ್ರದ ಪೋಸ್ಟರ್​


ತಮ್ಮ ಹುಟ್ಟುಹಬ್ಬದ ಆಚರಣೆ ಕುರಿತಾಗಿ ಧನಂಜಯ್​ ಕೆಲವೇ ಗಂಟೆಗಳ ಹಿಂದೆಯಷ್ಟೆ ತಮ್ಮ ಫೇಸ್​ಬುಕ್​ನಲ್ಲಿ ಒಂದು ವಿಡಿಯೋ ಹಂಚಿಕೊಂಡಿದ್ದಾರೆ.  'ನನಗೆ ಗೊತ್ತು... ನೀವು ಈಗಾಗಲೇ ಸೆಲಬ್ರೇಷನ್​ ಶುರು ಮಾಡಿದ್ದೀರಿ. ನಿಮ್ಮ ಪ್ರೀತಿ ನಿಮ್ಮ ಅಭಿಮಾನಕ್ಕೆ ನಾ ಎಂದಿಗೂ ಚಿರಋಣಿ. ಪ್ರತಿ ವರ್ಷದ ನನ್ನ ಹುಟ್ಟುಹಬ್ಬ ನಿಮ್ಮೊಡನೆ ನನಗರಿವಿಲ್ಲದಂತೆಯೇ ಕಳೆದು ಹೋಗುತ್ತಿತ್ತು. ಆದರೆ ಈ ವರ್ಷ ಸಾಮಾಜಿಕ ಕಳಕಳಿಯ ದೃಷ್ಟಿಯಿಂದ ಯಾವುದೇ ಆಚರಣೆಯಿರಿವುದಿಲ್ಲ' ಎಂದಿದ್ದಾರೆ.



ಅಷ್ಟೇಅಲ್ಲ, ಧನಂಜಯ್​ ಈ ಸಲ ಮನೆಯಲ್ಲೂ ಇರುವುದಿಲ್ಲವಂತೆ. ಮನೆಯ ಸುತ್ತ ತುಂಬ ವಯಸ್ಸಾದ ಜೀವಗಳಿರುವುದರಿಂದ, ಯಾರಿಗೂ ನಮ್ಮಿಂದ ತೊಂದರೆ ಆಗುವುದು ಬೇಡ. ಎಲ್ಲಿದ್ದೀರೊ ಅಲ್ಲಿಂದಲೇ ವಿಶ್​ ಮಾಡಿ, ಆಶೀರ್ವದಿಸಿ ಎಂದು ಅಭಿಮಾನಿಗಳಲ್ಲಿ ಮನವಿ ಮಾಡಿದ್ದಾರೆ.



ಧನಂಜಯ್​ ಕೈಯಲ್ಲಿ ಈಗ ಸಾಕಷ್ಟು ಸಿನಿಮಾಗಳಿವೆ. ಪುನೀತ್​ ಅಭಿನಯದ ಯುವರತ್ನ ಹಾಗೂ ದುನಿಯಾ ವಿಜಿ ಅವರ ಸಲಗ ಚಿತ್ರಗಳಲ್ಲಿ ನಟಿಸಿದ್ದಾರೆ. ಇತ್ತೀಚೆಗಷ್ಟೆ ಅವರ ಹೊಸ ಸಿನಿಮಾ ರತ್ನನ್​ಪ್ರಪಂಚ ಚಿತ್ರದ ಪೋಸ್ಟರ್​ ರಿಲೀಸ್ ಆಗಿದೆ. ರೋಹಿತ್ ಪಡಕಿ ನಿರ್ದೇಶನ ಈ ಸಿನಿಮಾದಲ್ಲಿ ಧನಂಜಯ್​ ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ.
Published by:Anitha E
First published: