AMAR Movie: ಡಿಬಾಸ್ ದರ್ಶನ್​​-ರಚಿತಾ ರಾಮ್​ ಅಭಿನಯದ 'ಜೋರು ಪಟ್ಟು' ಹಾಡು ನಾಳೆ ಬಿಡುಗಡೆ

ರೆಬೆಲ್​ ಸ್ಟಾರ್​ ಅಂಬಿ- ಸುಮಲತಾರ ಏಕೈಕ ಸಂತಾನ ಅಭಿಷೇಕ್​ ಅಂಬರೀಷ್​. ಅಭಿ ಅಭಿನಯದ ಚೊಚ್ಚಲ ಸಿನಿಮಾ 'ಅಮರ್​' ಇನ್ನೇನು ಇದೇ ತಿಂಗಳ ಅಂತ್ಯಕ್ಕೆ ಅಂದರೆ ಮೇ 31ಕ್ಕೆ ತೆರೆಗಪ್ಪಳಿಸಲು ಸಿದ್ದವಾಗಿದೆ.

ಈ ಸಿನಿಮಾದಲ್ಲಿ ದರ್ಶನ್​ ಸಹ ಅತಿಥಿ ಪಾತ್ರದಲ್ಲಿ ಅಭಿನಯಿಸುತ್ತಿರುವ ವಿಷಯ ಗೊತ್ತೇ ಇದೆ. ಅಂಬಿ ವಿಧಿವಶರಾದ ನಂತರ ಸುಮಲತಾರಿಗೆ ದೊಡ್ಡ ಮಗನಾಗಿ ಅಭಿಗೆ ಅಣ್ಣನಾಗಿ ದಾಸ ತನ್ನ ಜವಾಬ್ದಾರಿಯನ್ನು ನಿರ್ವಹಿಸುತ್ತಿದ್ದಾರೆ.

ಇದನ್ನೂ ಓದಿ: ಡಿಬಾಸ್​ರ 'ರಾಬರ್ಟ್'​ ಅಡ್ಡಾಗೆ ಕಾಲಿಡಲಿರುವ ನಾಯಕಿ ಯಾರು ಗೊತ್ತಾ..?

'ಅಮರ್​' ಸಿನಿಮಾದಲ್ಲಿ ವಿಶೇಷ ಪಾತ್ರದ ಜತೆಗೆ ಗುಳಿಕೆನ್ನೆ ಸುದಂರಿ ರಚಿತಾರಾಮ್​ ಅವರೊಂದಿಗೆ ವಿಶೇಷ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಅದು ಕೂಡ ಕೊಡವ ಶೈಲಿಯ 'ಜೋರು ಪಟ್ಟು' ಹಾಡಿಗೆ. ಈ ಹಾಡು ನಾಳೆಯಿಂದ (ಮೇ. 18) ನಿಮ್ಮ ಬೆರಳ ತುದಿಯಲ್ಲೇ ನಲಿದಾಡಲಿದೆ.

ಹೌದು, ಈ ವಿಶೇಷ ಹಾಡನ್ನು ಆನಂದ್​ ಆಡಿಯೋದವರು ನಾಳೆ ಬಿಡುಗಡೆ ಮಾಡುವುದಾಗಿ ಟ್ವೀಟ್​ ಮಾಡಿದ್ದಾರೆ.

The song with the guest appearance of #ChallengingStar @dasadarshan from #Amar will be out tmrw exclusively on #AnandAudio @ArjunjanyaAJ

Stay tuned.. https://t.co/IKwWnRKH9C pic.twitter.com/l2P8orjzRg

— Anand Audio (@aanandaaudio) May 17, 2019

ಅರ್ಜುನ್​ ಜನ್ಯ ಸಂಗೀತ ನೀಡಿರುವ ಈ ಚಿತ್ರದಲ್ಲಿ 'ಜೋರು ಪಟ್ಟು' ಹಾಡು ಗಾಯಕ ಜೆಸ್ಸಿ ಗಿಫ್ಟ್​ ದನಿಯಲ್ಲಿ ಮೂಡಿಬಂದಿದೆ. ಕಿರಣ್​ ಕಾವೇರಪ್ಪ ಸಾಹಿತ್ಯ ರಚಿಸಿರುವ ಈ ಹಾಡಿನಲ್ಲಿ ದರ್ಶನ್​, ರಚಿತಾ ರಾಮ್​ ಜತೆಗೆ ಅನೂಪ್​ ಭಂಡಾರಿ ಕಾಣಿಸಿಕೊಂಡಿದ್ದಾರಂತೆ. ನಾಳೆ ಬೆಳಿಗ್ಗೆ 11 ಗಂಟೆ 07 ನಿಮಿಷಕ್ಕೆ ಸರಿಯಾಗಿ ಈ ಹಾಡು ಲೋಕಾರ್ಪಣೆಗೊಳ್ಳಲಿದೆ.