• Home
  • »
  • News
  • »
  • entertainment
  • »
  • Abishek Ambareesh: ಅಭಿಷೇಕ್ ಅಂಬರೀಶ್​ ಬಿಗ್​ ಬಜೆಟ್​ ಸಿನಿಮಾಗೆ ನಿರ್ಮಾಪಕ ಯಾರು?

Abishek Ambareesh: ಅಭಿಷೇಕ್ ಅಂಬರೀಶ್​ ಬಿಗ್​ ಬಜೆಟ್​ ಸಿನಿಮಾಗೆ ನಿರ್ಮಾಪಕ ಯಾರು?

ಮಹೇಶ್​ ಕುಮಾರ್ ಮತ್ತು ಅಭಿಷೇಕ್ ಅಂಬರೀಶ್​

ಮಹೇಶ್​ ಕುಮಾರ್ ಮತ್ತು ಅಭಿಷೇಕ್ ಅಂಬರೀಶ್​

Rockline Venkatesh: ಈ ಬಿಗ್​ ಬಜೆಟ್​ ಸಿನಿಮಾವನ್ನು ರಾಕ್​ಲೈನ್​ ವೆಂಕಟೇಶ್​ ನಿರ್ಮಾಣ ಮಾಡಲಿದ್ದಾರೆ ಎಂಬ ಸುದ್ದಿ ಕೇಳಿ ಬಂದಿತ್ತು. ಆದರೆ ಈ ಸಿನಿಮಾವನ್ನು ನಿರ್ದೇಶನ ಮಾಡುತ್ತಿರುವ ಮಹೇಶ್​ ಕುಮಾರ್ ಅವರೇ ನ್ಯೂಸ್​ 18ಗೆ ಮಾಹಿತಿ ನೀಡಿದ್ದು, ರಾಕ್​ ಲೈನ್​ ವೆಂಕಟೇಶ್​ ನಿರ್ಮಾಣ ಮಾಡುತ್ತಿಲ್ಲ ಎಂದು ತಿಳಿಸಿದ್ದಾರೆ.

ಮುಂದೆ ಓದಿ ...
  • Share this:

ಕನ್ನಡದಲ್ಲಿ ಯಂಗ್ ರೆಬೆಲ್​ ಸ್ಟಾರ್ (Rebel Star) ಎಂದು ಪ್ರಸಿದ್ದರಾಗಿರುವ ಅಭಿಷೇಕ್​ ಅಂಬರೀಶ್​ (Abishek Ambareesh) ಸದ್ಯ ಸಾಲು ಸಾಲು ಸಿನಿಮಾಗಳಲ್ಲಿ (Films) ಬ್ಯುಸಿ ಇದ್ದಾರೆ. ಈಗಾಗಲೇ ಅವರು 3 ಸಿನಿಮಾಗಳನ್ನು ಒಪ್ಪಿಕೊಂಡಿದ್ದು, ಒಂದರ ಶೂಟಿಂಗ್ ಆರಂಭವಾಗಿದೆ. ಅಲ್ಲದೇ ಅವರು ಬಿಗ್​ ಬಜೆಟ್ ಸಿನಿಮಾವೊಂದನ್ನು ಮಾಡುತ್ತಿದ್ದು, ಅದರ ನಿರ್ಮಾಪಕರ ಬಗ್ಗೆ ಸದ್ಯ ಚರ್ಚೆ ನಡೆಯುತ್ತಿದೆ. ಈ ಸಿನಿಮಾವನ್ನು ಯಾರು ನಿರ್ಮಾಣ ಮಾಡ್ತಾರೆ ಎನ್ನುವ ಬಗ್ಗೆ ಚರ್ಚೆ ಶುರುವಾಗಿತ್ತು. ಆದರೆ ಈ ಬಗ್ಗೆ ನಿರ್ದೇಶಕ ಮಹೇಶ್​ ಕುಮಾರ್​ ನ್ಯೂಸ್​18 ಕನ್ನಡಕ್ಕೆ ಮಾಹಿತಿ ನೀಡಿದ್ದಾರೆ.


ರಾಕ್​ಲೈನ್​ ವೆಂಕಟೇಶ್​ ಹೊಸ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿದ್ದು, ಈ ಸಿನಿಮಾವನ್ನು ಮಹೇಶ್ ಕುಮಾರ್ ನಿರ್ದೇಶನ ಮಾಡುತ್ತಿದ್ದಾರೆ ಎನ್ನುವ ಸುದ್ದಿ ಹರಿದಾಡಿತ್ತು. ಅಂಬರೀಶ್ ಅವರ ಹುಟ್ಟು ಹಬ್ಬದ ದಿನ​ ಅಭಿಷೇಕ್​ ಅವರಿಗಾಗಿ ಒಂದು ಸಿನಿಮಾ ಮಾಡುವ ಬಗ್ಗೆ ಹೇಳಿಕೊಂಡಿದ್ದರು. ನಾನು ಸದ್ಯದಲ್ಲಿಯೇ ಅಭಿಷೇಕ್ ಅಂಬರೀಶ್​ಗಾಗಿ ಸಿನಿಮಾ ಮಾಡುವುದಾಗಿ ನಿರ್ದೇಶಕ ಮಹೇಶ್​ ಕುಮಾರ್ ತಿಳಿಸಿದ್ದರು. ಅಲ್ಲದೇ, ಸಿನಿಮಾದ ಫಸ್ಟ್​ಲುಕ್​ ಕೂಡ ಬಿಡುಗಡೆ ಮಾಡಿ ಅಭಿಮಾನಿಗಳಲ್ಲಿ ಕುತೂಹಲ ಹೆಚ್ಚು ಮಾಡಿದ್ದರು. ಆದರೆ ಈ ಸಿನಿಮಾವನ್ನು ಯಾರು ನಿರ್ಮಾಣ ಮಾಡಲಿದ್ದಾರೆ ಎನ್ನುವ ಬಗ್ಗೆ ಎಲ್ಲೂ ಸಹ ಮಾಹಿತಿ ಬಿಟ್ಟುಕೊಟ್ಟಿರಲಿಲ್ಲ. ಆದರೆ ಈಗ ಈ ಸಿನಿಮಾದ ನಿರ್ಮಾಪಕ ರಾಕ್​ ಲೈನ್​ ವೆಂಕಟೇಶ್ ಎನ್ನಲಾಗುತ್ತಿತ್ತು. ಆದರೆ ಈಗ ಈ ಸುದ್ದಿ ಸುಳ್ಳು ಎಂಬುದು ತಿಳಿದುಬಂದಿದೆ.




ಇದೊಂದು ಬಿಗ್​ ಬಜೆಟ್​ ಸಿನಿಮಾವಾಗಿದ್ದು,  ಇನ್ನು ಈ ಸಿನಿಮಾ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಮುಂದಿನ ತಿಂಗಳು ಬಿಡುಗಡೆ ಮಾಡಲಾಗುತ್ತದೆ ಎಂದು ಹೇಳಲಾಗುತ್ತಿದೆ. ​ ಅಲ್ಲದೇ, ಇದೇ ಆಗಸ್ಟ್  27ರಂದು ಸುಮಲತಾ ಅಂಬರೀಶ್ ಅವರ ಜನ್ಮದಿನ, ಆ ದಿನವೇ ಈ ಹೊಸ ಸಿನಿಮಾದ ಟೈಟಲ್​ ಅನ್ನು ಹಾಗೂ ಈ ಸಿನಿಮಾ ನಿರ್ಮಾಪಕರ ಬಗ್ಗೆ ಸಹ ಬಹಿರಂಗಪಡಿಸಲಾಗುತ್ತದೆ.


ಇದನ್ನೂ ಓದಿ: ಲೈಗರ್ ಸಿನಿಮಾದ ಟ್ರೈಲರ್ ರಿಲೀಸ್​, ಮಾಸ್​ ಲುಕ್​ನಲ್ಲಿ ವಿಜಯ್​ ದೇವರಕೊಂಡ


ಅಮರ್ ಚಿತ್ರದ ಮೂಲಕ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿ, ಅಭಿಮಾನಿಗಳ ಮನಸ್ಸಲ್ಲಿ ಯಂಗ್ ರೆಬೆಲ್ ಸ್ಟಾರ್ ಎನಿಸಿಕೊಂಡವರು ಅಭಿಷೇಕ್​ ಅಂಬರೀಷ್​. ಮೊದಲ ಚಿತ್ರದ ನಂತರ  ಸುಕ್ಕಾ ಸೂರಿ ನಿರ್ದೇಶನದ ‘ಬ್ಯಾಡ್ ಮ್ಯಾನರ್ಸ್‘ ಚಿತ್ರದಲ್ಲಿ ಅಭಿನಯಿಸುತ್ತಿದ್ದು,  ಸಾಲಾಗಿ 2 ಚಿತ್ರವನ್ನು ಒಪ್ಪಿಕೊಂಡಿರುವ ಬಗ್ಗೆ ಈಗಾಗಲೇ ಮಾಹಿತಿ ನೀಡಿದ್ದರು. ಅದರಲ್ಲಿ ಒಂದು ಸಿನಿಮಾವನ್ನು ಮಹೇಶ್​ ಅವರು ನಿರ್ದೇಶಿಸುತ್ತಿದ್ದಾರೆ.


Abishek Ambareesh new film producer name revealed
ಅಭಿಷೇಕ್ ಅಂಬರೀಶ್​


ಅಕ್ಟೋಬರ್​ 3ರಿಂದ ಶೂಟಿಂಗ್


ಅಯೋಗ್ಯ' ಹಾಗೂ 'ಮದಗಜ' ಖ್ಯಾತಿಯ ಮಹೇಶ್ ಕುಮಾರ್ ಈ ಸಿನಿಮಾವನ್ನು ಅಕ್ಟೋಬರ್​ನಿಂದ ಆರಂಭಿಸಲು ನಿರ್ಧರಿಸಿದ್ದು, ಅದರ ಫಸ್ಟ್​ ಲುಕ್ ಸಹ ನಿರೀಕ್ಷೆ ಮೂಡಿಸಿದೆ. ಅಕ್ಟೋಬರ್ 3 ಕ್ಕೆ ಮುಹೂರ್ತವನ್ನು ಇಟ್ಟುಕೊಳ್ಳಲಾಗಿದೆ. ಈ ಬಗ್ಗೆ ಚಿತ್ರತಂಡ ಮಾಹಿತಿ ನೀಡಿದ್ದು, ಆ ದಿನ ಅಭಿಷೇಕ್ ಅಂಬರೀಷ್​ ಅವರ ಜನ್ಮದಿನವಾಗಿದ್ದು, ಹಾಗಾಗಿ ಈ ದಿನವನ್ನು ಆಯ್ಕೆ ಮಾಡಿಕೊಳ್ಳಲಾಗಿದೆ.


ಇನ್ನು ಈ ಚಿತ್ರದ ಫಸ್ಟ್​ ಲುಕ್​ನಲ್ಲಿ  ರಕ್ತ ಮತ್ತು ಕೆಸರಿನಿಂದ ಕೂಡಿರುವ ಅರ್ಧ ಮುಖದಲ್ಲಿ ಯಂಗ್ ರೆಬಲ್ ಸ್ಟಾರ್ ಮಿಂಚಿದ್ದಾರೆ.  ಇದೊಂದು ಒಂದು ಕಾಲಘಟ್ಟದಲ್ಲಿ ನಡೆಯುವ  ಕಥೆ ಇದಾಗಿದೆ ಎಂದು ನಿರ್ದೇಶಕ ಮಹೇಶ್ ಕುಮಾರ್  ಈಗಾಗಲೇ ಹೇಳಿದ್ದಾರೆ.


ಇದನ್ನೂ ಓದಿ: ಜೇಮ್ಸ್ ನಿರ್ದೇಶಕನ ಮುಂದಿನ ಸಿನಿಮಾ ಯಾವ್ದು? ಈ ಹೀರೋಗೆ ಡೈರೆಕ್ಷನ್ ಮಾಡ್ತಾರಂತೆ ಚೇತನ್!


ತುಂಬಾ ದೊಡ್ಡ ಬಜೆಟ್ ಸಿನಿಮಾ ಇದಾಗಿದ್ದು, ಸುಮಾರು 30 ರಿಂದ 35 ಕೋಟಿ ಬಜೆಟ್​ ನಲ್ಲಿ ಚಿತ್ರ ನಿರ್ಮಾಣವಾಗಲಿದೆ. ಅಲ್ಲದೇ ಚಿತ್ರದ ಚಿತ್ರದಲ್ಲಿ ಭರ್ಜರಿ ಆ್ಯಕ್ಷನ್​ ಸೀನ್​ ಗಳು ಇರಲಿವೆ ಎಂದು ಹೇಳಿದ್ದಾರೆ. ಅಲ್ಲದೇ 135 ದಿನ ಶೂಟಿಂಗ್ ಪ್ಲ್ಯಾನ್ ಮಾಡಿದ್ದೇವೆ ಎಂದು ಹೇಳಿಕೊಂಡಿದ್ದಾರೆ.

Published by:Sandhya M
First published: