777 Charlie Teaser: ರಕ್ಷಿತ್ ಶೆಟ್ಟಿ ಹುಟ್ಟುಹಬ್ಬಕ್ಕೆ ಭರ್ಜರಿ ಗಿಫ್ಟ್​; 5 ಭಾಷೆಗಳಲ್ಲಿ 777 ಚಾರ್ಲಿ ಸಿನಿಮಾ ಟೀಸರ್ ರಿಲೀಸ್

'ಕಿರಿಕ್ ಪಾರ್ಟಿ' ಹೀರೋ ರಕ್ಷಿತ್ ಶೆಟ್ಟಿಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. ಕನ್ನಡ ಚಿತ್ರರಂಗದಲ್ಲಿ ಕೇವಲ ನಟನಾಗಿ ಮಾತ್ರವಲ್ಲದೆ ನಿರ್ದೇಶಕ, ನಿರ್ಮಾಪಕನಾಗಿಯೂ ಹೊಸ ಹೊಸ ಪ್ರಯೋಗಗಳನ್ನು ಮಾಡುತ್ತಿರುವ ರಕ್ಷಿತ್ ಶೆಟ್ಟಿ ಬರ್ತ್​ಡೇಗೆ ಈ ವರ್ಷದ ಬಹು ನಿರೀಕ್ಷಿತ ಸಿನಿಮಾಗಳಲ್ಲಿ ಒಂದಾದ '777 ಚಾರ್ಲಿ ' (777 Charlie) ಚಿತ್ರತಂಡ ಸರ್​ಪ್ರೈಸ್ ಒಂದನ್ನು ನೀಡಿದೆ. ರಕ್ಷಿತ್ ಶೆಟ್ಟಿ (Rakshit Shetty) ನಾಯಕನಾಗಿರುವ 777 ಚಾರ್ಲಿ ಎಂಬ ಮುದ್ದಾದ ನಾಯಿಯ ಕತೆಯಿರುವ '777 ಚಾರ್ಲಿ' ಸಿನಿಮಾದ ಟೀಸರ್ (777 Charlie Movie Teaser) ಇಂದು ರಿಲೀಸ್ ಆಗಿದೆ.

ಕನ್ನಡ, ತಮಿಳು, ತೆಲುಗು, ಮಲೆಯಾಳಂ, ಹಿಂದಿ ಭಾಷೆಗಳಲ್ಲಿ ಏಕಕಾಲಕ್ಕೆ ತೆರೆಕಾಣಲಿರುವ '777 ಚಾರ್ಲಿ ' ಸಿನಿಮಾದ ಟೀಸರ್ ಅನ್ನು ಐದೂ ಭಾಷೆಗಳಲ್ಲಿ ಇಂದು ರಿಲೀಸ್ ಮಾಡಲಾಗಿದೆ. ಮುದ್ದಾದ ನಾಯಿಯ ಕತೆಯನ್ನು ಒಳಗೊಂಡಿರುವ ಈ '777 ಚಾರ್ಲಿ' ಸಿನಿಮಾದ ಟೀಸರ್​ಗೆ ರಕ್ಷಿತ್ ಶೆಟ್ಟಿ ಅಭಿಮಾನಿಗಳು ಮಾತ್ರವಲ್ಲದೆ ಸೆಲೆಬ್ರಿಟಿಗಳು ಕೂಡ ಫಿದಾ ಆಗಿದ್ದಾರೆ.

ಕೆ. ಕಿರಣ್ ರಾಜ್ '777 ಚಾರ್ಲಿ' ಸಿನಿಮಾಗೆ ಚಿತ್ರಕಥೆ ಬರೆದು, ನಿರ್ದೇಶನ ಮಾಡಿದ್ದಾರೆ. ಸಂಗೀತಾ ಶೃಂಗೇರಿ ಚಾರ್ಲಿ ಸಿನಿಮಾದಲ್ಲಿ ನಾಯಕಿಯಾಗಿ ಅಭಿನಯಿಸಿದ್ದಾರೆ. ರಕ್ಷಿತ್ ಶೆಟ್ಟಿ ಹುಟ್ಟುಹಬ್ಬದ ( Rakshit Shetty Birthday) ಪ್ರಯುಕ್ತ ಇಂದು 777 ಚಾರ್ಲಿ ಟೀಸರ್ ಬಿಡುಗಡೆ ಮಾಡಲಾಗಿದೆ.

'ಸಿಂಪಲ್ ಆಗೊಂದ್ ಲವ್ ಸ್ಟೋರಿ', 'ಉಳಿದವರು ಕಂಡಂತೆ', 'ಕಿರಿಕ್ ಪಾರ್ಟಿ', 'ಗೋಧಿ ಬಣ್ಣ ಸಾಧಾರಣ ಮೈಕಟ್ಟು', 'ಅವನೇ ಶ್ರೀಮನ್ನಾರಾಯಣ' ಮುಂತಾದ ಸಿನಿಮಾ ಮೂಲಕ ಮನೆಮಾತಾಗಿರುವ ರಕ್ಷಿತ್ ಶೆಟ್ಟಿ ಇದೀಗ '777 ಚಾರ್ಲಿ' ಎಂಬ ನಾಯಿಯ ಗೆಳೆಯ ಧರ್ಮನಾಗಿ ಪ್ರೇಕ್ಷಕರನ್ನು ರಂಜಿಸಲು ಬರುತ್ತಿದ್ದಾರೆ.

ಈಗಾಗಲೇ ಚಾರ್ಲಿ (777 Charlie Movie) ಸಿನಿಮಾದ ಚಿತ್ರೀಕರಣ ಪೂರ್ಣಗೊಂಡಿದ್ದು, ಕೊರೋನಾ ರಣಕೇಕೆ ನಿಯಂತ್ರಣಕ್ಕೆ ಬಂದ ಬಳಿಕ ಈ ಸಿನಿಮಾ ಪ್ರೇಕ್ಷಕರ ಮುಂದೆ ಬರಲಿದೆ. 2019ರಲ್ಲಿ ‘ಅವನೇ ಶ್ರೀಮನ್ನಾರಾಯಣ‘ ಚಿತ್ರ ಬಿಡುಗಡೆ ಮಾಡಿದ ಬಳಿಕ ರಕ್ಷಿತ್ ಶೆಟ್ಟಿಯವರು '777 ಚಾರ್ಲಿ' ಚಿತ್ರದಲ್ಲಿ ನಟಿಸಿದ್ದಾರೆ.

We hope that you will receive our labour of love, with love. #LifeOfCharlie is now out 😊

Proudly presenting the official teaser of #777Charlie in Kannada, Malayalam, Tamil, Telugu & Hindi ✨

Kannada: https://t.co/2daqMJzCvV
Malayalam: https://t.co/vU4aiek6Hv pic.twitter.com/GCLvp68WX3

— Rakshit Shetty (@rakshitshetty) June 6, 2021

ಇನ್ನೊಂದು ವಿಶೇಷವೆಂದರೆ, ಪಂಚಭಾಷೆಗಳಲ್ಲಿ ರಿಲೀಸ್ ಆಗುತ್ತಿರುವ '777 ಚಾರ್ಲಿ ' ಸಿನಿಮಾದ ಟೀಸರ್ ಅನ್ನು ಆಯಾ ಭಾಷೆಯ ಖ್ಯಾತ ನಟರು, ನಿರ್ದೇಶಕರು ರಿಲೀಸ್ ಮಾಡಿದ್ದಾರೆ. ಮಲೆಯಾಳಂ ಭಾಷೆಯ ಟೀಸರ್ ಅನ್ನು ಖ್ಯಾತ ಮಾಲಿವುಡ್ ನಟ ಪೃಥ್ವಿರಾಜ್, ತೆಲುಗು ಟೀಸರ್ ಅನ್ನು ಟಾಲಿವುಡ್ ನಟ ನಾನಿ, ತಮಿಳು ಟೀಸರ್ ಅನ್ನು ಕಾಲಿವುಡ್ ನಿರ್ದೇಶಕ ಕಾರ್ತಿಕ್ ಸುಬ್ಬರಾಜ್ ಬಿಡುಗಡೆಗೊಳಿಸಿದ್ದಾರೆ.

Happy to release the official teaser of this super cute film #777Charlie, #LifeOfCharlie in Telugu 😊#777CharlieTeaser @rakshitshetty @Kiranraj61 @ParamvahStudios https://t.co/V6XXGp45a3

— Nani (@NameisNani) June 6, 2021

ಕನ್ನಡದಲ್ಲಿ ರಕ್ಷಿತ್ ಶೆಟ್ಟಿ ಅವರ ಪರಂವಾ ಪ್ರೊಡಕ್ಷನ್​ನಲ್ಲಿ ರಿಲೀಸ್ ಆಗಲಿರುವ '777 ಚಾರ್ಲಿ ' ಸಿನಿಮಾ ಮಲೆಯಾಳಂ ಭಾಷೆಯಲ್ಲಿ ಪೃಥ್ವಿರಾಜ್ ಪ್ರೊಡಕ್ಷನ್ಸ್​ ಅಡಿಯಲ್ಲಿ ರಿಲೀಸ್ ಆಗಲಿದೆ. ತಮಿಳಿನಲ್ಲಿ ಕಾರ್ತಿಕ್ ಸುಬ್ಬರಾಜ್ ಪ್ರೊಡಕ್ಷನ್ ಹೌಸ್​ನಡಿ ರಿಲೀಸ್ ಆಗಲಿದೆ.

Here is your first look into the heart warming world of Charlie! 😊https://t.co/3ILoapiCSc#777Charlie's official teaser, #LifeOfCharlie Out Now#777CharlieTeaser@rakshitshetty @Kiranraj61 @ParamvahStudios @PrithvirajProd @PrithviOfficial #SupriyaMenon pic.twitter.com/Vkzw8R9Hxu

— Prithviraj Sukumaran (@PrithviOfficial) June 6, 2021

ಲೈಫ್ ಆಫ್ ಚಾರ್ಲಿ (Life of Charlie) ಎಂಬ ಅಡಿ ಶೀರ್ಷಿಕೆಯಿರುವ '777 ಚಾರ್ಲಿ ' ಸಿನಿಮಾದ ಟೀಸರ್ ತುಂಬ ಮುದ್ದಾದ ನಾಯಿಯೇ ಕಾಣಿಸಿಕೊಂಡಿದೆ. ಈ ಮುದ್ದಾದ ನಾಯಿ ರಕ್ಷಿತ್ ಶೆಟ್ಟಿಯನ್ನು (ಧರ್ಮ) ಭೇಟಿಯಾದ ಬಳಿಕ ಏನೆಲ್ಲ ನಡೆಯುತ್ತದೆ ಎಂಬುದು ಈ ಸಿನಿಮಾದ ಕತೆ. ರಾಜ್ ಬಿ. ಶೆಟ್ಟಿ ಸೇರಿದಂತೆ ಅನೇಕ ಖ್ಯಾತ ನಟರು ಈ ಸಿನಿಮಾದ ತಾರಾಗಣದಲ್ಲಿದ್ದಾರೆ.

ನೋಬಿನ್ ಪೌಲ್ ಸಂಗೀತ ನಿರ್ದೇಶನ ಮಾಡಿರುವ 777 ಚಾರ್ಲಿ ಸಿನಿಮಾದ ಟೀಸರ್​​ನಲ್ಲಿಯೇ ಹಿನ್ನೆಲೆ ಸಂಗೀತಕ್ಕೆ ಈಗಾಗಲೇ ಪ್ರೇಕ್ಷಕರು ಹಾಗೂ ರಕ್ಷಿತ್ ಶೆಟ್ಟಿ ಅಭಿಮಾನಿಗಳು ಮರುಳಾಗಿದ್ದಾರೆ.