TikTok; ಟಿಕ್‌ಟಾಕ್‌ಗೆ ಮತ್ತೊಂದು ಬಲಿ; ವಿಡಿಯೋದಲ್ಲಿ ಸಾವಿನ ಅನುಭವ ಪಡೆಯಲು ಹೋಗಿ ಮೃತಪಟ್ಟ ಯುವಕ

ತುಮಕೂರು ಜಿಲ್ಲೆ, ಕೊರಟಗೆರೆ ತಾಲೂಕಿನ ಗೌರಗಾನಹಳ್ಳಿ ಗ್ರಾಮದ ಧನಂಜಯ್ (26) ಮೃತ ದುರ್ದೈವಿ. ಈತ ಭಾನುವಾರ ಸಾವಿನ ಅನುಭವ ಹೇಗಿರುತ್ತದೆ ಎಂದು ತಿಳಿದುಕೊಳ್ಳುವ ಸಲುವಾಗಿ ವಿಷ ಸೇವಿಸಿ ಅದನ್ನು ಟಿಕ್‌ಟಾಕ್‌ನಲ್ಲಿ ಲೈವ್ ವಿಡಿಯೋ ಮಾಡಿದ್ದಾನೆ.

news18-kannada
Updated:June 8, 2020, 4:48 PM IST
TikTok; ಟಿಕ್‌ಟಾಕ್‌ಗೆ ಮತ್ತೊಂದು ಬಲಿ; ವಿಡಿಯೋದಲ್ಲಿ ಸಾವಿನ ಅನುಭವ ಪಡೆಯಲು ಹೋಗಿ ಮೃತಪಟ್ಟ ಯುವಕ
ಟಿಕ್‌ಟಾಕ್‌ನಿಂದಾಗಿ ಮೃತಪಟ್ಟ ಯುವಕ ಧನಂಜಯ್‌.
  • Share this:
ಟಿಕ್‌ಟಾಕ್‌ ಗೀಳಿಗೆ ಒಳಗಾಗಿರುವ ಇಂದಿನ ಯುವ ಪೀಳಿಗೆ ಅದೇ ಗೀಳಿಗೆ ಬಲಿಯಾಗಿರುವ ಅನೇಕ ಸುದ್ದಿಗಳನ್ನು ನಾವು ಆಗಾಗ್ಗೆ ಕೇಳುತ್ತಿರುತ್ತೇವೆ. ಆದರೆ, ತುಮಕೂರು ಜಿಲ್ಲೆಯಲ್ಲಿ ಓರ್ವ ಯುವಕ ಸಾವಿನ ಅನುಭವ ಹೇಗಿರುತ್ತೆ? ಎಂದು ಪರೀಕ್ಷಿಸಲು ಹೋಗಿ ಕೊನೆಗೆ ಅದೇ ಸಾವಿನ ಮನೆ ಸೇರಿದ್ದಾನೆ.

ತುಮಕೂರು ಜಿಲ್ಲೆ, ಕೊರಟಗೆರೆ ತಾಲೂಕಿನ ಗೌರಗಾನಹಳ್ಳಿ ಗ್ರಾಮದ ಧನಂಜಯ್ (26) ಮೃತ ದುರ್ದೈವಿ. ಈತ ಭಾನುವಾರ ಸಾವಿನ ಅನುಭವ ಹೇಗಿರುತ್ತದೆ ಎಂದು ತಿಳಿದುಕೊಳ್ಳುವ ಸಲುವಾಗಿ ವಿಷ ಸೇವಿಸಿ ಅದನ್ನು ಟಿಕ್‌ಟಾಕ್‌ನಲ್ಲಿ ಲೈವ್ ವಿಡಿಯೋ ಮಾಡಿದ್ದಾನೆ.

ಅಲ್ಲದೆ, ವಿಡಿಯೋ ಮಾಡುವ ಮುನ್ನ, “ಜೀವನದಲ್ಲಿ ಒಂದು ಸಲ ಸಾಯಬೇಕು. ಅದು ಹೇಗಿರುತ್ತದೆ ಎಂಬ ಅನುಭವ ಪಡೆಯಬೇಕು. ನಾನು ಸಾಯುವುದಕ್ಕೆ ಪ್ರಯತ್ನ ಪಡುತ್ತಿದ್ದೇನೆ. ಅದನ್ನು ನೀವೆಲ್ಲರೂ ನೋಡಿ” ಎಂದು ಹೇಳಿದ್ದಾನೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗಿದೆ.

ಈತ ಸಾವಿನ ಅನುಭವ ಪಡೆಯುವ ಸಲುವಾಗಿ ಕ್ರಿಮಿನಾಶಕ ಸೇವಿಸಿದ್ದಾನೆ. ಪರಿಣಾಮ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಿದರೂ ಚಿಕಿತ್ಸೆಗೆ ಸ್ಪಂದಿಸದೆ ಕೊನೆಯುಸಿರೆಳೆದಿದ್ದಾನೆ. ಆದರೆ, ಈತ ಕೇವಲ ಸಾವಿನ ಅನುಭವ ಪಡೆಯುವುದಕ್ಕಾಗಿ ಮಾತ್ರ ವಿಷ ಸೇವಿಸಿದನೇ? ಅಥವಾ ನಿಜಕ್ಕೂ ಆತ್ಮಹತ್ಯೆ ಮಾಡಿಕೊಳ್ಳುವ ಸಲುವಾಗಿ ಈ ಕೆಲಸಕ್ಕೆ ಮುಂದಾದನೇ? ಎಂಬುದು ಈವರೆಗೆ ತಿಳಿದುಬಂದಿಲ್ಲ.

ಮೃತ ವ್ಯಕ್ತಿ ಕೇವಲ 4 ತಿಂಗಳ ಹಿಂದಷ್ಟೆ ಮದುವೆಯಾಗಿದ್ದ. ಕೊರಟಗೆರೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ : Reliance Jio-ADIA Deal: ಜಿಯೋ ಪ್ಲಾಟ್‌ಫಾರ್ಮ್‌‌ನಲ್ಲಿ ಎಡಿಐಎ ಹೂಡಿಕೆ: ಈ ಒಪ್ಪಂದದ ಪ್ರಮುಖ ಮುಖ್ಯಾಂಶಗಳು ಇಲ್ಲಿವೆ..
First published: June 8, 2020, 4:48 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading