HOME » NEWS » District » TOMATO PRICE FALL DOWN SHARPLY GADAGA FARMERS FACE PROBLEM RHHSN SKG

ಸಾವಿರಾರು ರೂಪಾಯಿ ಖರ್ಚು ಮಾಡಿ ಬೆಳೆದ ಟೊಮ್ಯಾಟೊ ಬೆಲೆ ದಿಢೀರ್ ಕುಸಿತ; ಕಂಗಾಲಾದ ರೈತರು!

ಬೆಲೆ ಕುಸಿತ ಕಂಡಿರುವುದರಿಂದ ರೈತ ಜಮೀನಿನಲ್ಲಿ ಒಂದೆಡೆ ಗುಡ್ಡೆ ಹಾಕುತ್ತಿದ್ದಾನೆ. ಮಾರುಕಟ್ಟೆಗೆ ತಗೆದುಕೊಂಡು ಹೋದರೆ ಬಿಡಿಗಾಸು ಸಹ ಬರೋದಿಲ್ಲ. ಹೀಗಾಗಿ ಟೊಮ್ಯಾಟೊ ಬೆಳೆದ ರೈತರು ಗೋಳಾಟ ಮಾತ್ರ ಹೇಳತೀರದಾಗಿದೆ. ಸರ್ಕಾರ ಟೊಮ್ಯಾಟೊ ಬೆಳೆದ ರೈತರಿಗೆ ಸೂಕ್ತವಾದ ಪರಿಹಾರ ನೀಡಬೇಕು ಎಂದು ಆಗ್ರಹಿಸಿದ್ದಾರೆ.

news18-kannada
Updated:April 8, 2021, 9:00 AM IST
ಸಾವಿರಾರು ರೂಪಾಯಿ ಖರ್ಚು ಮಾಡಿ ಬೆಳೆದ ಟೊಮ್ಯಾಟೊ ಬೆಲೆ ದಿಢೀರ್ ಕುಸಿತ; ಕಂಗಾಲಾದ ರೈತರು!
ಹೊಲದಲ್ಲಿಯೇ ಟೊಮ್ಯಾಟೋ ಗುಡ್ಡೆ ಹಾಕಿರುವ ರೈತರು.
  • Share this:
ಗದಗ: ಅದ್ಯಾಕೋ ಗೊತ್ತಿಲ್ಲ ಈ ಬಾರಿ ರೈತರ ಹಣೆ ಬರಹವೇ ಸರಿ ಇಲ್ಲ ಎನ್ನುವಂತಾಗಿದೆ. ಈ ಹಿಂದೇ ಅತೀವೃಷ್ಠಿ ಮಳೆಯಿಂದ ಮೊದಲೆ ಬೆಳೆ ಹಾನಿಯಾಗಿ‌ ಸಂಕಷ್ಟಕ್ಕೆ ಸಿಲುಕಿದ್ದರು.ಈಗ ಮತ್ತೆ ಧಿಡೀರನೇ ಟೊಮ್ಯಾಟೊ ಬೆಳೆಯ ಬೆಲೆ ಕುಸಿತದಿಂದ ರೈತ ಕುಲವೇ ನಲುಗವಂತಾಗಿದೆ. ಸಾಲ ಮಾಡಿ ಕಷ್ಟಪಟ್ಟು ಬೆಳೆದ ಬೆಳೆಗೆ ಸೂಕ್ತವಾದ ಬೆಲೆ ಸಿಗದೆ ಇರೋದು ರೈತರನ್ನು ಗೋಳಾಡುವಂತೆ ಮಾಡಿದೆ. ಏಕಾಏಕಿ ಕುಸಿದ ಟೊಮ್ಯಾಟೊ ದರದಿಂದ ಅನ್ನದಾತರು ಕಂಗಾಲಾಗಿದ್ದಾರೆ. 

ಹೌದು, ಕಳೆದ ಒಂದೂವರೆ ತಿಂಗಳಿನಿಂದ ಏರುಗತಿಯಲ್ಲಿ ಸಾಗಿದ್ದ ಟೊಮ್ಯಾಟೊ ಬೆಲೆ ದಿಢೀರ್‌ ಕುಸಿತ ಕಂಡಿದ್ದು, ಗದಗ ಜಿಲ್ಲೆ ಲಕ್ಷ್ಮೇಶ್ವರ ತಾಲೂಕಿನ ಯಲ್ಲಾಪೂರ ಲಕ್ಷ್ಮಣನ ಲಮಾಣಿ ಎಂಬ ರೈತ ಒಂದು ಎಕರೆ ಜಮೀನಿನಲ್ಲಿ ಟೊಮ್ಯಾಟೊ ಬೆಳೆ ಬೆಳೆದಿದ್ದರು. ಸುಮಾರು 15 ರಿಂದ 20 ಸಾವಿರ ರೂಪಾಯಿ ಟೊಮ್ಯಾಟೊ ಬೆಳೆಯಲು ಖರ್ಚು ಮಾಡಿದ್ದರು. ಹನಿ ನೀರಾವರಿ ಪದ್ದತಿ ಅಳವಡಿಸಿಕೊಂಡು ಸಮೃದ್ಧಿಯಾಗಿ ಬೆಳೆ ಬೆಳೆದಿದ್ದರು. ಉತ್ತಮ ಇಳಿವರಿ ಸಹ ಬಂದಿತ್ತು. ಈಗಲಾದ್ರೂ ಬೆಳೆ ಕೈ ಹಿಡಿತಲಾಂತ  ರೈತ ಲಕ್ಷ್ಮಣ ಖುಷಿಯಾಗಿದ್ದರು. ಆದರೆ ಮಾರುಕಟ್ಟೆಗೆ ಟೊಮ್ಯಾಟೊ ತಗೆದುಕೊಂಡು ಹೋಗಿ ಬೆಲೆ ಕುಸಿತ ಕಂಡು ಕಂಗಾಲಾಗಿದ್ದಾರೆ. ಮಾರುಕಟ್ಟೆಯಲ್ಲಿ ಟೊಮ್ಯಾಟೊ ಕೇಳುವವರೇ ಇಲ್ಲ. ಹೀಗಾಗಿ ರಾತ್ರಿ -ಹಗಲು ಎನ್ನದೆ ಕಷ್ಟಪಟ್ಟು ದುಡಿದು ಬೆಳೆ ಬೆಳೆದಿದ್ದಾರೆ. ಆದರೆ ಈ ಬಾರಿ ಬೆಲೆ ಕುಸಿತದಿಂದ ರೈತ ಲಕ್ಷ್ಮಣ ಗೋಳಾಡುತ್ತಿದ್ದಾರೆ.

ಇದನ್ನು ಓದಿ: ಕೊಡಗಿನ ಸಂಸ್ಕೃತಿ ಅನಾವರಣಗೊಳಿಸಿದ ಜಲವರ್ಣ ಚಿತ್ರಕಲಾ ಶಿಬಿರ!

ಹೌದು, ರೈತರು ಬೆಲೆ ಕುಸಿತ ಕಾರಣದಿಂದ ಟೊಮ್ಯಾಟೊ ಬೆಳೆಯನ್ನು ತಮ್ಮ ಹೊಲದಲ್ಲಿಯೇ ಗುಡ್ಡೆ ಹಾಕಿದ್ದಾರೆ. ಹೊಲದಲ್ಲಿಯೇ ಟೊಮ್ಯಾಟೋ ಕೊಳೆತು ಹೋಗುತ್ತಿದೆ‌. ಟೊಮ್ಯಾಟೊ ಕುಸಿತದಿಂದ ನೊಂದ ರೈತ ಕಂಗಾಲಾಗಿದ್ದಾರೆ. ಉತ್ತಮ ಬೆಲೆ ನಿರೀಕ್ಷೆಯಿಂದ ಮಾರುಕಟ್ಟೆಗೆ ಟೊಮೆಟೊ ತಗೆದುಕೊಂಡು ಬರುವ ರೈತರಿಗೆ ಬೆಲೆ ಕುಸಿತ ದಿಂದ ಅವರು ಬಿತ್ತನೆಗೆ ಖರ್ಚು ಮಾಡಿದ ಹಣವು ವಾಪಸು ಬರದೆ ಇರುವ ಪರಿಸ್ಥಿತಿ ಎದುರಾಗಿದೆ‌. ಹೀಗಾಗಿ ಹಾಕಿದ ಬಂಡವಾಳ ಕೈಗೆ ಬರುವಷ್ಟರಲ್ಲಿ ಏಕಾಏಕಿ ಬೆಲೆ ಕುಸಿತದ ಕಂಡಿರೋದು ರೈತರನ್ನು ಗೋಳಾಡುವಂತೆ ಮಾಡಿದೆ. ಸಾಲಾಸೂಲ ಮಾಡಿ ಬೆಳೆದ ಬೆಳೆಗೆ ಬೆಲೆ ಸಿಗದೆ ರೈತರ ಬಾಳು ಹೇಳತ್ತಿರದಾಗಿದೆ.

ತಿಂಗಳ ಹಿಂದೆ ಟೊಮ್ಯಾಟೊ ಬೆಳೆ ಕೆಜಿಗೆ 50ರಿಂದ 60 ರೂ.ವರೆಗೂ ಮಾರಾಟವಾಗುತ್ತಿತ್ತು. ರೈತರಿಗೂ ಒಳ್ಳೆಯ ಬೆಲೆ ಸಿಕ್ಕಿತ್ತು. ಆದರೆ ಕಳೆದ ಒಂದೂವರೆ ತಿಂಗಳಿಂದ ಒಂದು ಕೆ.ಜಿ. ಟೊಮ್ಯಾಟೊ ಬೆಲೆ 10 ರೂ.ಯಾಗಿದೆ. ಸದ್ಯ ಮತ್ತೆ ಬೆಲೆ ಈಗ ಕುಸಿತ ಕಂಡಿದೆ. 5-6  ರೂಪಾಯಿಗೆ ಕೆಜಿಯಂತೆ ಮಾರಾಟವಾಗುತ್ತಿದೆ. ಬೆಲೆ ಕುಸಿತ ಕಂಡಿರುವುದರಿಂದ ರೈತ ಜಮೀನಿನಲ್ಲಿ ಒಂದೆಡೆ ಗುಡ್ಡೆ ಹಾಕುತ್ತಿದ್ದಾನೆ. ಮಾರುಕಟ್ಟೆಗೆ ತಗೆದುಕೊಂಡು ಹೋದರೆ ಬಿಡಿಗಾಸು ಸಹ ಬರೋದಿಲ್ಲ. ಹೀಗಾಗಿ ಟೊಮ್ಯಾಟೊ ಬೆಳೆದ ರೈತರು ಗೋಳಾಟ ಮಾತ್ರ ಹೇಳತೀರದಾಗಿದೆ. ಸರ್ಕಾರ ಟೊಮ್ಯಾಟೊ ಬೆಳೆದ ರೈತರಿಗೆ ಸೂಕ್ತವಾದ ಪರಿಹಾರ ನೀಡಬೇಕು ಎಂದು ಆಗ್ರಹಿಸಿದ್ದಾರೆ.

ವರದಿ: ಸಂತೋಷ ಕೊಣ್ಣೂರ
Published by: HR Ramesh
First published: April 8, 2021, 9:00 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories