ಪರೀಕ್ಷಾ ಕೊಠಡಿ ಹುಡುಕುವ ಅವಶ್ಯಕತೆ ಇಲ್ಲ ; ಪಾಲಕರಿಗೆ ಮೆಸೇಜ್ ಮೂಲಕವೇ ಕೊಠಡಿ ಮಾಹಿತಿ

ಧಾರವಾಡ(ಜೂ.24): ನಾಳೆಯಿಂದ ರಾಜ್ಯಾದ್ಯಂತ ಎಸ್‌ಎಸ್‌ಎಲ್‌ಸಿ ಪರೀಕ್ಷೆಗಳು ಆರಂಭವಾಗಲಿವೆ. ಆದರೆ ಮೊನ್ನೆ‌ ನಡೆದ ಪಿಯುಸಿ ಪರೀಕ್ಷೆ ನಡೆಯುವ ಸಂದರ್ಭದಲ್ಲಿ ಹಲವು ಲೋಪ ದೋಷಗಳು ಕಂಡು ಬಂದಿದ್ದು, ಕೆಲವು ಕಡೆಗಳಲ್ಲಿ ಸಾಮಾಜಿಕ ಅಂತರ‌ ಇಲ್ಲದೇ ತಮ್ಮ ಕೊಠಡಿ ಹುಡುಕಲು ವಿದ್ಯಾರ್ಥಿಗಳು ಮುಗಿಬಿದ್ದ ಉದಾಹರಣೆ ಇದೆ. ಈ ತಪ್ಪು ನಡೆಯಬಾರದೆಂದು ಮುಂಜಾಗ್ರತಾ ಕ್ರಮವಾಗಿ ಧಾರವಾಡದ ಸಾರ್ವಜನಿಕ ಶಿಕ್ಷಣ ಇಲಾಖೆ  ಹೊಸದೊಂದು ಪ್ಲ್ಯಾನ್​​ ಮಾಡಿದೆ.

ಹೌದು ಧಾರವಾಡದ ಸಾರ್ವಜನಿಕ ಶಿಕ್ಷಣ ಇಲಾಖೆ ಮಕ್ಕಳು ಸಾಮಾಜಿಕ ‌ಅಂತರ ಕಾಯ್ದುಕೊಳ್ಳಲು ಹೊಸ ಪ್ಲ್ಯಾನ್​ ಮಾಡಿದೆ. ಇದಕ್ಕೆ‌ ಕಾರಣ ಅಂದ್ರೆ ಕಳೆದ ವಾರ ಪಿಯುಸಿ ಇಂಗ್ಲೀಷ್ ಪರೀಕ್ಷೆ ವೇಳೆ ವಿದ್ಯಾರ್ಥಿಗಳು ಹಾಗೂ ಪಾಲಕರು ಸಾಮಾಜಿಕ‌ ಅಂತರ ಕಾಯ್ದುಕೊಂಡಿರಲಿಲ್ಲ. ಒಂದೇ ಪರೀಕ್ಷೆ ಹೀಗಾದ್ರೆ  ಇದನ್ನು ಎಸ್ಎಸ್ಎಲ್​ಸಿ ಪರೀಕ್ಷೆಯ ಕಥೆ ಏನು ಎಂಬು ಪ್ರಶ್ನೆ ಎಲ್ಲರಲ್ಲಿ ಮೂಡುತ್ತದೆ.

ಈ ಆತಂಕವನ್ನು ದೂರು ಮಾಡಲು ಧಾರವಾಡ ಜಿಲ್ಲೆಯಲ್ಲಿ  ಎಸ್.ಎಂ.ಎಸ್. ಮೂಲಕ ಪರೀಕ್ಷಾ ಕೊಠಡಿ ತಿಳಿಸಲು ಮುಂದಾಗಿದ್ದಾರೆ. ಪರೀಕ್ಷೆಯ ಹಿಂದಿನ  ದಿನವೇ ಪರೀಕ್ಷಾ ಕೇಂದ್ರ ಹಾಗೂ ಕೊಠಡಿಯ ಮಾಹಿತಿಯ ಮೆಸೇಜ್ ಮೂಲಕ ಮಾಹಿತಿ ನೀಡಲಾಗುತ್ತದೆ.

ಇದನ್ನೂ ಓದಿ : ಭಾರತೀಯ ಯೋಧರ ಹತ್ಯೆಗೆ ಖಂಡನೆ ; ಚೀನಾ ವಿರುದ್ಧ ಯುವ ಕಾಗ್ರೆಸ್ ನಿಂದ ಪ್ರತಿಭಟನೆ

ಈಗಾಗಲೇ  ಜಿಲ್ಲೆಯಲ್ಲಿ ಪರೀಕ್ಷೆ ಬರೆಯಲಿರುವ 27,841 ವಿದ್ಯಾರ್ಥಿಗಳ ಪರೀಕ್ಷೆಗೆ ಹಾಜರಾಗಲಿದ್ದಾರೆ. ಇವರೆಲ್ಲ ಪಾಲಕರ ಮೊಬೈಲ್ ಗಳಿಗೆ ಎಸ್.ಎಂ.ಎಸ್ ಕಳಿಸಲಾಗುತ್ತದೆ. ಇದರಿಂದ ಪರೀಕ್ಷಾ ಕೇಂದ್ರದ ಹೊರಗೆ ಗುಂಪು ಗುಂಪಾಗಿ‌ ನಿಲ್ಲುವುದನ್ನು ತಪ್ಪಿಸಿ ಸಾಮಾಜಿಕ ಅಂತರ ಕಾಯ್ದುಕೊಳ್ಳಬಹುದಾಗಿದೆ ಎಂದು ಡಿಡಿಪಿಐ ಎಂ.ಎಲ್. ಹಂಚಾಟೆ ಹೇಳುತ್ತಾರೆ.

ಒಟ್ಟಾರೆಯಾಗಿ  ಎಸ್​ಎಸ್​ಎಲ್​​ಸಿ ಪರೀಕ್ಷೆಯನ್ನು ನಿರಾಂತಕವಾಗಿ ನಡೆಸಲು ಎಲ್ಲ ರೀತಿಯಿಂದಲೂ ಧಾರವಾಡ ಶಿಕ್ಷಣ ಇಲಾಖೆ ಸಜ್ಜುಗೊಂಡಿದೆ.