• Home
  • »
  • News
  • »
  • district
  • »
  • ಬಂಡೀಪುರಕ್ಕೆ ಅಕ್ರಮ ಪ್ರವೇಶ; ಮೂವರು ಪೋರ್ಚುಗೀಸರು ವಶಕ್ಕೆ

ಬಂಡೀಪುರಕ್ಕೆ ಅಕ್ರಮ ಪ್ರವೇಶ; ಮೂವರು ಪೋರ್ಚುಗೀಸರು ವಶಕ್ಕೆ

ಬಂಡೀಪುರದ ಹುಲಿರಕ್ಷಿತಾರಣ್ಯಕ್ಕೆ ಅಕ್ರಮ ಪ್ರವೇಶ ಮಾಡಿದ ಮೂವರು ಪೋರ್ಚುಗೀಸರು

ಬಂಡೀಪುರದ ಹುಲಿರಕ್ಷಿತಾರಣ್ಯಕ್ಕೆ ಅಕ್ರಮ ಪ್ರವೇಶ ಮಾಡಿದ ಮೂವರು ಪೋರ್ಚುಗೀಸರು

ಡಿಆರ್​ಡಿಓದಲ್ಲಿ ಪ್ರಾಜೆಕ್ಟ್ ವರ್ಕ್​ಗೆ ಬಂದಿದ್ದ ಪೋರ್ಚುಗೀಸ್ ದೇಶದ ಮಿರಾಂಡಾ, ಗ್ಯಾರಿಡೋ ಮತ್ತು ಮಾರ್ಕಿಜ್ ಅವರು ಬಂಡೀಪುರಕ್ಕೆ ಅಕ್ರಮವಾಗಿ ಪ್ರವೇಶ ಮಾಡಿ ಅರೆಸ್ಟ್ ಆಗಿದ್ದಾರೆ.

  • Share this:

ಚಾಮರಾಜನಗರ(ಜೂ. 08): ಮೂವರು ವಿದೇಶಿಯರು ಬಂಡೀಪುರ ಹುಲಿರಕ್ಷಿತಾರಣ್ಯಕ್ಕೆ ಅಕ್ರಮ ಪ್ರವೇಶ ಮಾಡಿದ್ದಲ್ಲದೆ  ಅರಣ್ಯದ ರಸ್ತೆಗಳಲ್ಲಿ ಸುತ್ತಾಡಿರುವ ಘಟನೆ ನಡೆದಿದೆ. ಬೆಂಗಳೂರಿನಿಂದ ಬಾಡಿಗೆ ಬೈಕ್​ಗಳಲ್ಲಿ ಬಂದಿದ್ದ ಅವರು ಅನುಮತಿಯಿಲ್ಲದೆ ಬಂಡೀಪುರ ಅರಣ್ಯ ಪ್ರವೇಶಿಸಿ ಸುತ್ತಾಡಿದ್ದಾರೆ. ಇವರನ್ನು ಅರಣ್ಯ ಸಿಬ್ಬಂದಿ ತಡೆದು ವಿಚಾರಿಸಿದಾಗ ಸರಿಯಾದ ಉತ್ತರ ನೀಡದೆ ಒರಟಾಗಿ ವರ್ತಿಸಿ ರೇಗಾಡಿದ್ದಾರೆ. ಹೀಗಾಗಿ ಈ ಮೂವರನ್ನು ಅತಿಕ್ರಮಪ್ರವೇಶದ ಆರೋಪದ ಮೇರೆಗೆ ಗುಂಡ್ಲುಪೇಟೆ ಪೊಲೀಸರ ವಶಕ್ಕೆ ನೀಡಲಾಗಿದೆ.


ಡಿ.ಆರ್.ಡಿ.ಓದಲ್ಲಿ ಪ್ರಾಜೆಕ್ಟ್ ವರ್ಕ್ ಮಾಡಲು ಪೋರ್ಚುಗೀಸ್ ದೇಶದ ನೂನೋ ರಿಕಾರ್ಡೋ ಬೆರ್ನಾಡೆಸ್ ಮಿರಾಂಡಾ, ಏಂಜೆಲೋ ಮೈಗ್ವೆಲ್ ಗ್ಯಾರಿಡೋ ಮತ್ತು ಥಾಮಸ್ ಪಿನ್ಹೋ ಮಾರ್ಕಿಜ್ ಎಂಬುವರು ಬೆಂಗಳೂರಿಗೆ ಬಂದಿದ್ದು ಅಲ್ಲಿಂದ ಅನುಮತಿ ಇಲ್ಲದೆ ಬಂಡೀಪುರಕ್ಕೆ ಬಂದಿದ್ದರು.


ಇದನ್ನೂ ಓದಿ: ದೀರ್ಘಾವಧಿ ಬಳಿಕ ಶಿರಸಿ ಮಾರಿಕಾಂಬಾ ದೇವಾಲಯ ಓಪನ್; ಮಹಾಬಲೇಶ್ವರನಿಗೂ ಪೂಜೆ, ಮುರ್ಡೇಶ್ವರನನ್ನು ಕಂಡ ಭಕ್ತರು


ಬಂಡೀಪುರಕ್ಕೆ ಅಕ್ರಮ ಪ್ರವೇಶ ಮಾಡಿ ಬೈಕ್​ಗಳಲ್ಲಿ ಸಂಚರಿಸುತ್ತಿದ್ದಾಗ ಅರಣ್ಯ ಇಲಾಖೆ ಸಿಬ್ಬಂದಿ ಕಣ್ಣಿಗೆ ಬಿದ್ದಿದ್ದಾರೆ. ಈ ವೇಳೆ ಸರಿಯಾದ ಉತ್ತರ ನೀಡದೆ ಒರಟಾಗಿ ವರ್ತಿಸಿದ್ದಾರೆ. ಇವರ ಬಳಿ ಯಾವುದೇ ದಾಖಲೆಗಳು ಇರಲಿಲ್ಲ. ಹಾಗಾಗಿ ಇವರನ್ನು ಗುಂಡ್ಲುಪೇಟೆ ಪೊಲೀಸರಿಗೆ ಒಪ್ಪಿಸಲಾಗಿದೆ.


ಅತಿಕ್ರಮ ಪ್ರವೇಶ ಆರೋಪದ ಮೇರೆಗೆ ಅರಣ್ಯ ಇಲಾಖೆ ಈ ಮೂವರನ್ನು ನಮ್ಮ ವಶಕ್ಕೆ ನೀಡಿದೆ. ಹಾಗಾಗಿ ಈ ಮೂವರಿಂದ ಹೇಳಿಕೆ ಪಡೆದು ನಂತರ ಮುಂದಿನ ಕ್ರಮ ಜರುಗಿಸಲಾಗುವುದು ಎಂದು ಗುಂಡ್ಲುಪೇಟೆ ಪೊಲಿಸರು ತಿಳಿಸಿದ್ದಾರೆ.


ವರದಿ: ಎಸ್.ಎಂ. ನಂದೀಶ್


Published by:Vijayasarthy SN
First published: