ಕೇಂದ್ರದ ನೂತನ ಸ್ಕ್ರಾಪ್ ಪಾಲಿಸಿ: ಬೆಂಗಳೂರಿನಲ್ಲಿ ಗುಜರಿ ಸೇರಲಿವೆ 20 ಲಕ್ಷಕ್ಕೂ ಹೆಚ್ಚು ವಾಹನಗಳು

ನೀವು ಹಳೆಯ ವಾಹನದ ಮಾಲೀಕರಾಗಿದ್ದರೆ ಈ ಸುದ್ದಿ ತಪ್ಪದೇ ನೋಡಿ. ಮೊದಲ ಸಂಬಳದಲ್ಲಿ ಖರೀದಿಸಿದ್ದು, ಅಪ್ಪ ಕೊಡಿಸಿದ್ದು ಇತ್ಯಾದಿ ನಿಮ್ಮ ಓಲ್ಡ್ ವೆಹಿಕಲ್ ಬಗ್ಗೆ ಸೆಂಟಿಮೆಂಟ್ ಇದ್ದರೆ ಅದನ್ನ ಬಿಡುವ ಕಾಲ ಬರುತ್ತಿದೆ.

ಬೆಂಗಳೂರಿನ ಟ್ರಾಫಿಕ್

ಬೆಂಗಳೂರಿನ ಟ್ರಾಫಿಕ್

  • Share this:
    ಬೆಂಗಳೂರು: ಇತ್ತೀಚೆಗಷ್ಟೇ ಕೇಂದ್ರ ಸರ್ಕಾರ ಮಂಡಿಸಿದ ಬಜೆಟ್​ನಲ್ಲಿ ಪ್ರಸ್ತಾಪ ಮಾಡಲಾದ ಸ್ಕ್ರಾಪಿಂಗ್ ಪಾಲಿಸಿ ಈಗ ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಈ ನಿಯಮದ ಪ್ರಕಾರ ಹಳೆಯ ವಾಹನಗಳನ್ನು ಗುಜರಿಗೆ ಹಾಕಬೇಕು. ಈ ಸ್ಕ್ರಾಪಿಂಗ್ ನಿಯಮ ಜಾರಿಗೆ ಬಂದರೆ ಮಹಾನಗರ ಬೆಂಗಳೂರಿನ ಸುಮಾರು 20 ಲಕ್ಷಕ್ಕೂ ಅಧಿಕ ವಾಹನಗಳು ಗುಜರಿ ಅಂಗಡಿ ಕದ ತಟ್ಟಲಿದೆ. ವಾಯು ಮಾಲಿನ್ಯ ಮತ್ತು ಶಬ್ದ ಮಾಲಿನ್ಯ ತಡೆಗಟ್ಟುವ ನಿಟ್ಟಿನಲ್ಲಿ ಈ ಪಾಲಿಸಿಯನ್ನು ಕೇಂದ್ರ ಸರ್ಕಾರ ಜಾರಿ ಮಾಡ್ತಿದೆ.

    ಇತ್ತೀಚೆಗೆ ಬೆಂಗಳೂರು ನಗರದಲ್ಲಿ ಮಾಲಿನ್ಯಕಾರಕಗಳು ಹೆಚ್ಚುತ್ತಿರುವ ಬಗ್ಗೆ ರಾಜ್ಯ ಮಾಲಿನ್ಯ ನಿಯಂತ್ರ ಮಂಡಳಿ ಎಚ್ಚರಿಕೆ ನೀಡಿತ್ತು. ಹಸಿರು ನ್ಯಾಯಾಧೀಕರಣ ಕೂಡ ಇದರ ಸಲಹೆ ನೀಡಿತ್ತು. ಸ್ಕ್ರಾಪ್ ಪಾಲಿಸಿ ಅನ್ವಯ 15 - 20 ವರ್ಷ ಮೇಲ್ಪಟ್ಟ ಗಾಡಿಗಳನ್ನು ಸ್ಕ್ರಾಪ್​ಗೆ ಹಾಕಬೇಕು. ಹೀಗಾದಲ್ಲಿ ಹೊಸ ವಾಹನಗಳಿಗೆ ಬೇಡಿಕೆ ಜಾಸ್ತಿಯಾಗಲಿದೆ, ಇದು ಆರ್ಥಿಕತೆ ಏರಿಸಲು ಸಹಕಾರಿಯಾಗಲಿದೆ. 20 ವರ್ಷ ಮೇಲ್ಪಟ್ಟ ವೈಯಕ್ತಿಕ ವಾಹನಗಳು ಮತ್ತು 15 ವರ್ಷ ಮೇಲ್ಪಟ್ಟ ವಾಣಿಜ್ಯ ವಾಹನಗಳನ್ನು ಗುಜುರಿಗೆ ಹಾಕಬೇಕಾಗುತ್ತದೆ.

    ಹೀಗಿದ್ದರೂ ಏಕಾಏಕಿಯಾಗಿ ನಿಮ್ಮ ವಾಹನ ಸ್ಕ್ರಾಪ್​ಗೆ ಹಾಕುವುದಿಲ್ಲ. 15-20 ವರ್ಷ ಮೀರಿದ ವಾಹನಗಳನ್ನು ಆರ್‌ಟಿಓ ಅಧಿಕಾರಿಗಳು ಮೊದಲು ಪರಿಶೀಲನೆ ಮಾಡಲಿದ್ದಾರೆ. ಆ ಬಳಿಕ ವಾಹನದ ಫಿಟ್ನೆಸ್ ಚೆಕ್ ಮಾಡಲಿದ್ದಾರೆ, ಫಿಟ್ ಇದ್ರೆ ಗ್ರೀನ್ ಟ್ಯಾಕ್ಸ್ ಕಟ್ಟಿ ಮತ್ತೆ ವಾಹನ ರಸ್ತೆಗೆ ಇಳಿಸಬಹುದು. ಆದ್ರೆ ಫಿಟ್ನೆಸ್ ಟೆಸ್ಟ್​ನಲ್ಲಿ ವಾಹನ ಫೇಲ್ ಆದರೆ ವಾಹನ ಗುಜರಿಗೆ ಹಾಕಬೇಕು. ಇದರ ಜೊತೆಗೆ ಫಿಟ್ನೆಸ್ ಟೆಸ್ಟ್‌ನಲ್ಲಿ ಪಾಸ್ ಆಗಿ ವಾಹನದ ಡಾಕ್ಯುಮೆಂಟ್ಸ್ ಸರಿ‌ ಇಲ್ಲದಿದ್ದರೆ ಗಾಡಿ ಸೀಜ್ ಆಗುವ ಸಾಧ್ಯತೆ ಇದೆ.

    ಇದನ್ನೂ ಓದಿ: Biological E - ಮಹಿಳೆಯರ ಪಾರಮ್ಯದ ಭಾರತೀಯ ಕಂಪನಿಯಿಂದ ಲಸಿಕೆ ಉತ್ಪಾದನೆ; ಕ್ವಾಡ್ ದೇಶಗಳಿಂದ ಧನಸಹಾಯ

    ಆದರೆ ಇನ್ನೂ ಅಧಿಕೃತ ಗೈಡ್ ಲೈನ್ಸ್ ಬಂದಿಲ್ಲ, ಬರುವ ನಿರೀಕ್ಷೆ ಇದೆ ಎಂದು ಆರ್‌ಟಿಓ ಕಮಿಷನರ್ ಶಿವಕುಮಾರ್ ಹೇಳಿದ್ದಾರೆ. ಈ ಬಗ್ಗೆ ಕೇಂದ್ರ ಸರ್ಕಾರ ಬಜೆಟ್ ನಲ್ಲಿ ಪ್ರಸ್ತಾಪ ಮಾಡಿದೆ. ಆದರೆ ನಮಗೆ ಯಾವುದೇ ರೀತಿಯ ಅಧಿಕೃತ ಮಾಹಿತಿ ಬಂದಿಲ್ಲ, ಬಂದ ಕೂಡಲೇ ನೀತಿ ಜಾರಿಗೆ ಬರಲಿದೆ ಎಂದರು.

    ಇನ್ನು ಕೇಂದ್ರದ ಈ ನೀತಿ ಬಗ್ಗೆ ರಾಜ್ಯದ ಟ್ರಾವೆಲ್ ಓನರ್ಸ್ ಅಸೋಸಿಯೇಷನ್ ಅಸಮಾಧಾನ ವ್ಯಕ್ತಪಡಿಸಿದೆ. ನ್ಯೂಸ್ 18 ಕನ್ನಡ ವಾಹಿನಿ ಜೊತೆ ಈ ಬಗ್ಗೆ ಮಾತನಾಡಿದ ಸಂಘದ ಅಧ್ಯಕ್ಷ ರಾಧಾಕೃಷ್ಣ ಹೊಳ್ಳ, ಸ್ಕ್ರಾಪ್ ಪಾಲಿಸಿ ಮಾಡೋದಕ್ಕೂ ಮೊದಲು ದೇಶದಲ್ಲಿ ಸ್ಕ್ರಾಪಿಂಗ್ ಉದ್ಯಮವನ್ನು ಚೇತರಿಕೆ ಮಾಡುವ ಕೆಲಸ ಮಾಡಬೇಕು. ಹಳೆ ವಾಹನ ಗುಜರಿಗೆ ಹಾಕಿದ ಮೇಲೆ ಆ ವಾಹನದ ಮಾಲೀಕರಿಗೆ ಹೊಸ ವಾಹನ ಕೊಂಡುಕೊಳ್ಳಲು ಕೆಲ ರಿಯಾಯತಿ ನೀಡಬೇಕು ಎಂದು ಆಗ್ರಹಿಸಿದರು.

    ಆದರೆ ಈ ಸ್ಕ್ರಾಪ್ ಪಾಲಿಸಿ ಇನ್ನೂ ಅಧಿಕೃತವಾಗಿ ಜಾರಿಯಾಗಿಲ್ಲ. 2022ರ ಹೊತ್ತಿಗೆ ಜಾರಿಯಾಗುವ ನಿರೀಕ್ಷೆ ಇದೆ. ಒಂದುವೇಳೆ ಯಥಾವತ್ತಾಗಿ ಜಾರಿಯಾದರೆ ಬೆಂಗಳೂರು ನಗರದಲ್ಲಿನ ಸುಮಾರು 20 ಲಕ್ಷಕ್ಕೂ ಅಧಿ ವೈಯಕ್ತಿಕ ವಾಹನ ಹಾಗೂ ವಾಣಿಜ್ಯ ವಾಹನಗಳು ಸ್ಕ್ರಾಪ್‌ಗೆ ಬೀಳಲಿವೆ.

    ಇದನ್ನೂ ಓದಿ: 86ನೇ ಕನ್ನಡ ಸಾಹಿತ್ಯ ಸಮ್ಮೇಳನಕ್ಕೆ ಸರ್ಕಾರದ ನಿರಾಸಕ್ತಿ; ಈ ಬಾರಿಯೂ ಹಾವೇರಿಯ ಕೈತಪ್ಪುತ್ತಾ ಅಕ್ಷರ ಜಾತ್ರೆ?

    ನಗರದಲ್ಲಿನ 15 ವರ್ಷ ಮೀರಿದ ವಾಹನಗಳು (2020 ಮಾರ್ಚ್ 31ರ ವರೆಗೆ):
    ವೈಯಕ್ತಿಕ ವಾಹನಗಳು : 18,19,813
    ಸಾರಿಗೆ ವಾಹನಗಳು : 92,866
    ಲಘು ಸರಕು ವಾಹನಗಳು : 66,458
    ಬಸ್‌ಗಳು : 43,788
    ಟ್ಯಾಕ್ಸಿಗಳು : 41,069
    LMV ವಾಹನಗಳು : 1,32,969
    ಸಾರಿಗೆ & ವೈಯಕ್ತಿಕ ವಾಹನಗಳು : 21,96,963

    ವರದಿ: ಆಶಿಕ್ ಮುಲ್ಕಿ
    Published by:Vijayasarthy SN
    First published: