HOME » NEWS » District » ILLEGAL ADD BOARDS ON ROAD DIVIDER IN ANEKALL KVD

ಹೇಳೋರಿಲ್ಲ.. ಕೇಳೋರಿಲ್ಲ.. ರಸ್ತೆ ಮಧ್ಯೆ ತಲೆ ಎತ್ತಿವೆ ಅನಧಿಕೃತ ಜಾಹೀರಾತು ಫಲಕಗಳು..!

news18-kannada
Updated:April 22, 2021, 9:38 PM IST
ಹೇಳೋರಿಲ್ಲ.. ಕೇಳೋರಿಲ್ಲ.. ರಸ್ತೆ ಮಧ್ಯೆ ತಲೆ ಎತ್ತಿವೆ ಅನಧಿಕೃತ ಜಾಹೀರಾತು ಫಲಕಗಳು..!
illegal add boards on road divider in anekal
  • Share this:
ಆನೇಕಲ್ (ಏ.22) : ಸರ್ಕಾರ ಸಾರ್ವಜನಿಕರ ಬಳಕೆಗಾಗಿ ಸುಸಜ್ಜಿತ ರಸ್ತೆಗಳನ್ನು ನಿರ್ಮಿಸಿದೆ. ಆದರೆ ಸಾರ್ವಜನಿಕರ ರಸ್ತೆಗಳನ್ನು ಹಣ ಲೂಟಿ ಮಾಡಲು ಬಳಕೆ ಮಾಡಲಾಗುತ್ತಿದೆ. ರಸ್ತೆ ಸುರಕ್ಷತೆಯನ್ನು ಬದಿಗೊತ್ತಿ ವಾಹನ ಸವಾರರ ಜೀವದ ಜೊತೆ ಚೆಲ್ಲಾಟವಾಡುತ್ತಿದ್ದಾರೆ. ಬೆಂಗಳೂರು ಹೊರವಲಯದ ಆನೇಕಲ್​ ತಾಲೂಕಿನ ಪ್ರಮುಖ ರಸ್ತೆಗಳಲ್ಲಿ ಅನಧಿಕೃತ ಜಾಹೀರಾತು ಬೋರ್ಡ್​​ಗಳೇ ರಾರಾಜಿಸುತ್ತಿವೆ.

ವಾಹನ ಸವಾರರ ಉಪಯೋಗಕ್ಕಾಗಿ ಸರ್ಕಾರ ಎಲ್ಲೆಡೆ ದ್ವಿಪಥ ರಸ್ತೆಗಳನ್ನು‌ ನಿರ್ಮಿಸಿದ್ದಾರೆ. ಜೊತೆಗೆ ರಸ್ತೆ ಸುರಕ್ಷತೆ ನಿಯಮಗಳ ಅನ್ವಯ ರಸ್ತೆಗಳ ನಡುವೆ ಡಿವೈಡರ್​ಗಳನ್ನು ನಿರ್ಮಿಸಿದ್ದಾರೆ. ಆದರೆ ರಸ್ತೆ ನಡುವಿನ ಡಿವೈಡರ್​ಗಳ ಮೇಲೆ ಕೆಲವರು ಅನಧಿಕೃತವಾಗಿ ಹಾಗೂ ಅವೈಜ್ಞಾನಿಕವಾಗಿ ಜಾಹೀರಾತು ಬೋರ್ಡ್​​​ಗಳನ್ನು ಅಳವಡಿಸಿ ಹಣ ಲೂಟಿ ಹೊಡೆಯುತ್ತಿದ್ದಾರೆ. ಈ ಜಾಹೀರಾತು ಬೋರ್ಡ್​​​ಗಳಿಂದ ಮಧ್ಯವರ್ತಿಗಳು ಹಣ ಗಳಿಸುತ್ತಿದ್ದು, ಸರ್ಕಾರಕ್ಕೆ ಯಾವುದೇ ಆದಾಯ ಬರುತ್ತಿಲ್ಲ.

ಇದನ್ನು ಓದಿ: ಶಾನೇ ಟಾಪ್​​ ಆಗ್ವಳೆ ನಮ್​ ಹುಡ್ಗಿ.. ಹೆಣ್ಣು ಮಗು ಹುಟ್ಟಿದ್ದಕ್ಕೆ ಹೆಲಿಕಾಪ್ಟರ್​ನಲ್ಲಿ ವೆಲ್​ಕಮ್​..!

ಈ ಬಗ್ಗೆ ಕ್ರಮ ಕೈಗೊಳ್ಳಬೇಕಾದ ಅಧಿಕಾರಿಗಳು ಕಂಡು ಕಾಣದಂತೆ ಜಾಣಕುರುಡು ಪ್ರದರ್ಶಿಸುತ್ತಿದ್ದಾರೆ. ಅವೈಜ್ಞಾನಿಕವಾಗಿ ಹಾಕಿರುವ ಜಾಹೀರಾತು ಬೋರ್ಡ್​​ಗಳಿಂದ ರಸ್ತೆ ಅಪಘಾತಗಳು ಸಂಭವಿಸಿ ವಾಹನ ಸವಾರರು ಸಾವನ್ನಪ್ಪುತ್ತಿದ್ದಾರೆ. ಅಧಿಕಾರಿಗಳು ಅನಧಿಕೃತ ಬೋರ್ಡ್​​ಗಳನ್ನು ತೆರವುಗೊಳಿಸಬೇಕು. ಆ ಮೂಲಕ ವಾಹನ ಸವಾರರ ಸುರಕ್ಷತೆಗೆ ಒತ್ತು ನೀಡಬೇಕು ಎಂದು ರಿಪಬ್ಲಿಕನ್ ಪಾರ್ಟಿ ಆಫ್ ಇಂಡಿಯಾ ಮುಖಂಡ ಜಿಗಣಿ ಶಂಕರ್ ಒತ್ತಾಯಿಸಿದ್ದಾರೆ.

ಇನ್ನು ರಸ್ತೆ ನಡುವಿನ ವಿಭಜಕಗಳ ಮೇಲೆ ಜಾಹೀರಾತು ಬೋರ್ಡ್​​ಗಳನ್ನು ಅಳವಡಿಸುವುದನ್ನು ನಿಷೇಧಿಸಲಾಗಿದೆ. ಇಲ್ಲಿನ ರಸ್ತೆಗಳಲ್ಲಿ ಮಾತ್ರ ಯಾವುದೇ ಇಲಾಖೆಯಿಂದ ಅನುಮತಿ ಪಡೆಯದೇ ಜಾಹೀರಾತು ಬೋರ್ಡ್​​ಗಳನ್ನು ಅಳವಡಿಸಲಾಗಿದೆ. ಸರ್ಕಾರದ ಬೊಕ್ಕಸಕ್ಕೆ ಸುಂಕವನ್ನು ಪಾವತಿಸಿಲ್ಲ. ಬಿಬಿಎಂಪಿ ವ್ಯಾಪ್ತಿಯಲ್ಲಿ ನಿಷೇಧವಿದ್ದರು ಇಲ್ಲಿ ರಾಜಾರೋಷವಾಗಿ ಹಗಲು ದರೋಡೆ ನಡೆಸಲಾಗುತ್ತಿದೆ. ಇನ್ನೂ ಸಂಪೂರ್ಣವಾಗಿ ನಿರ್ಮಾಣವಾಗದ ರಸ್ತೆಗಳ ಮಧ್ಯೆಯೂ ಜಾಹೀರಾತು ಬೋರ್ಡ್​​ಗಳು ತಲೆ ಎತ್ತಿರುವುದನ್ನು ಕಾಣಬಹುದಾಗಿದೆ. ಈ ಬಗ್ಗೆ ಸಾಕಷ್ಟು ಸಲ ಸ್ಥಳೀಯ ಪ್ರಾಧಿಕಾರಗಳಿಗೆ ದೂರು ನೀಡಿದರೂ ಯಾರು ಕ್ರಮಕೈಗೊಳ್ಳುತ್ತಿಲ್ಲ.

ಅವೈಜ್ಞಾನಿಕ ಜಾಹೀರಾತು ಬೋರ್ಡ್​​ಗಳಿಂದ ಸಾಕಷ್ಟು ಅಪಘಾತಗಳು ಸಂಭವಿಸುತ್ತಿವೆ. ಹಾಗಾಗಿ ಈ ಕೂಡಲೇ ಅನಧಿಕೃತ ಜಾಹಿರಾತು ಬೋರ್ಡ್​​ಗಳನ್ನು ತೆರವುಗೊಳಿಸಿ ಸಂಬಂಧಪಟ್ಟವರಿಗೆ ದಂಡ ವಿಧಿಸಬೇಕೆಂದು ಸಾಮಾಜಿಕ ಹೋರಾಟಗಾರ್ತಿ ದೀಪ ಒತ್ತಾಯಿಸಿದ್ದಾರೆ.ವರದಿ: ಆದೂರು ಚಂದ್ರು
Published by: Kavya V
First published: April 22, 2021, 9:01 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories