ಪುಟ್ಟಪರ್ತಿಯ ಸಾಯಿಬಾಬಾ 95ನೇ ಜಯಂತ್ಯುತ್ಸವಕ್ಕೆ ಹಾವೇರಿಯ ಪ್ರಸಿದ್ಧ ಏಲಕ್ಕಿ ಹಾರಗಳು!

ಮಡಿಕೇರಿ, ಕೇರಳ, ಹಾಗೂ ತಮಿಳುನಾಡಿನ ಗುಂಡಿನಾಯಕನೂರನಿಂಧ ಏಲಕ್ಕಿ ತಂದು ಮಾಲೆ ತಯಾರಿಸಿ ಮಾರಾಟ ಮಾಡುವ ಮೂಲಕ ಹಾವೇರಿ ಏಲಕ್ಕೆ ಮಾಲೆಗೆ ಪ್ರಸಿದ್ಧಿ ಪಡೆದಿದೆ.

ಸಾಯಿಬಾಬಾನ ಜಯಂತ್ಯುತ್ಸವಕ್ಕೆ ಹಾವೇರಿಯಲ್ಲಿ ತಯಾರಾಗುತ್ತಿರುವ ಏಲಕ್ಕಿ ಹಾರಗಳು.

ಸಾಯಿಬಾಬಾನ ಜಯಂತ್ಯುತ್ಸವಕ್ಕೆ ಹಾವೇರಿಯಲ್ಲಿ ತಯಾರಾಗುತ್ತಿರುವ ಏಲಕ್ಕಿ ಹಾರಗಳು.

  • Share this:
ಹಾವೇರಿ; ದೇಶ–ವಿದೇಶಗಳಲ್ಲಿ ಪ್ರಸಿದ್ಧಿ ಪಡೆದಿರುವ ಹಾವೇರಿಯ ಏಲಕ್ಕಿ ಮಾಲೆ, ಈ ಬಾರಿ ಪುಟ್ಟಪರ್ತಿಯಲ್ಲೂ ಕಂಪು ಬೀರಲಿದೆ. ನ. 23ರಂದು ಆಂಧ್ರಪ್ರದೇಶದಲ್ಲಿ ನಡೆಯಲಿರುವ ಸತ್ಯಸಾಯಿ ಬಾಬಾ ಅವರ 95ನೇ ಜಯಂತಿ ಕಾರ್ಯಕ್ರಮಕ್ಕೆ ಹಾವೇರಿಯಿಂದ ಏಲಕ್ಕಿ ಮಾಲೆಗಳನ್ನು ನೀಡಲಿದ್ದೇವೆ ಎಂದು ಸತ್ಯಸಾಯಿ ಸಮಿತಿಯ ಸದಸ್ಯ ಬಾಬಣ್ಣ ಕೋರಿ ತಿಳಿಸಿದ್ದಾರೆ.

ಸಮಿತಿಯಿಂದ ಸುಮಾರು 30 ಸಾವಿರ ರೂಪಾಯಿ ಮೌಲ್ಯದ 12 ಅಡಿ ಅಗಲ ಮತ್ತು 6 ಅಡಿ ಎತ್ತರದ ಬೃಹತ್‌ ಏಲಕ್ಕಿ ಹಾರಗಳನ್ನು ತಯಾರಿಸಲಾಗುತ್ತಿದೆ. ಸಮಿತಿಯಿಂದ ಹಾರಗಳಿಗೆ ತಗುಲುವ ಖರ್ಚನ್ನು ಮಾತ್ರ ಭರಿಸಲಾಗಿದೆ. ನಗರದ ಸಿದ್ದೇದೇವಪುರದ ಏಲಕ್ಕಿ ಮಾಲೆ ತಯಾರಕ ಸಂಜೀವಯ್ಯ ಅಂದಾನಿಮಠ ಅವರು ಯಾವುದೇ ಕೂಲಿ ಪಡೆಯದೆ ಉಚಿತವಾಗಿ ಮಾಲೆಗಳನ್ನು ತಯಾರಿಸಿಕೊಡಲು ಸ್ವಪ್ರೇರಣೆಯಿಂದ ಮುಂದಾಗಿದ್ದಾರೆ ಎಂದು ಹೇಳಿದ್ದಾರೆ.

ಇದನ್ನು ಓದಿ: ತಮಿಳುನಾಡು ರಾಜಕೀಯಕ್ಕೆ ಸ್ಟಾರ್ ನಟ ವಿಜಯ್?; ಈ ಬಗ್ಗೆ ದಳಪತಿ ಹೇಳುವುದೇನು?

ಈ ಬಾರಿ ಸತ್ಯಸಾಯಿ ಬಾಬಾ ಅವರ ಸಮಾಧಿಗೆ ಏಲಕ್ಕಿ ಹಾರಗಳನ್ನು ಸಮರ್ಪಿಸಲು ಸಮಿತಿಗೆ ಅವಕಾಶ ಸಿಕ್ಕಿರುವುದು ಹಾಗೂ ಭಕ್ತರ ಸಹಕಾರ ದೊರೆತಿರುವುದು ಎಲ್ಲವೂ ಬಾಬಾನ ಕೃಪೆ ಎಂದು ಸಂತೋಷ ವ್ಯಕ್ತಪಡಿಸಿದ್ದಾರೆ.

ಏಲಕ್ಕಿ ಹಾರ ತಯಾರಿಕೆ ಒಂದು ವಿಶಿಷ್ಟ ಕಲೆ. ಅತ್ಯುತ್ತಮ ದರ್ಜೆಯ ಮತ್ತು ದುಂಡಗಿನ ಏಲಕ್ಕಿಗಳನ್ನು ಕೇರಳ, ಮಡಿಕೇರಿ ಮತ್ತು ಸಕಲೇಶಪುರದಿಂದ ತಂದು ಒಂದು ವಾರದವರೆಗೆ ಬ್ಲೀಚಿಂಗ್ ಪೌಡರ್ ಬೆರೆಸಿದ ಲವಣಯುಕ್ತ ನೀರಿನಲ್ಲಿ ತೊಳೆಯಲಾಗುತ್ತದೆ. ನಂತರ ಒಣಗಿಸಿದಾಗ ಅದು ಬಿಳಿಯಾಗಿ ಹೊಳೆಯುತ್ತದೆ. ಏಲಕ್ಕಿ ಜೊತೆಗೆ ಅಲಂಕಾರಿಕ ವಸ್ತುಗಳಾದ ರೇಷ್ಮೆ ಎಲೆಗಳು, ಮಣಿಗಳು ಮತ್ತು ಉಣ್ಣೆ ದಾರದಿಂದ ಹಾರಗಳನ್ನು ತಯಾರಿಸಲಾಗುತ್ತದೆ. ಮಡಿಕೇರಿ, ಕೇರಳ, ಹಾಗೂ ತಮಿಳುನಾಡಿನ ಗುಂಡಿನಾಯಕನೂರನಿಂಧ ಏಲಕ್ಕಿ ತಂದು ಮಾಲೆ ತಯಾರಿಸಿ ಮಾರಾಟ ಮಾಡುವ ಮೂಲಕ ಹಾವೇರಿ ಏಲಕ್ಕೆ ಮಾಲೆಗೆ ಪ್ರಸಿದ್ಧಿ ಪಡೆದಿದೆ.
Published by:HR Ramesh
First published: