• Home
  • »
  • News
  • »
  • district
  • »
  • ಬತ್ತಿ ಹೋಗಿದ್ದ ಹತ್ತಿಕುಣಿ ಜಲಾಶಯ ಭರ್ತಿ; ಯಾವುದೇ ಕ್ಷಣದಲ್ಲಿ ಭೀಮಾ ನದಿಗೆ ನೀರು ಬಿಡುಗಡೆ ಸಾಧ್ಯತೆ

ಬತ್ತಿ ಹೋಗಿದ್ದ ಹತ್ತಿಕುಣಿ ಜಲಾಶಯ ಭರ್ತಿ; ಯಾವುದೇ ಕ್ಷಣದಲ್ಲಿ ಭೀಮಾ ನದಿಗೆ ನೀರು ಬಿಡುಗಡೆ ಸಾಧ್ಯತೆ

ಹತ್ತಿಕುಣಿ ಜಲಾಶಯ

ಹತ್ತಿಕುಣಿ ಜಲಾಶಯ

ಹತ್ತಿಕುಣಿ ಅಣೆಕಟ್ಟು ಪ್ರದೇಶವು 0.352 ಟಿಎಂಸಿ ನೀರು ಸಂಗ್ರಹದ ಗರಿಷ್ಠ ಸಾಮರ್ಥ್ಯ ಹೊಂದಿದೆ. 30 ಅಡಿ ಆಳದ ಜಲಾಶಯದಲ್ಲಿ 0.306 ಟಿಎಂಸಿ ನೀರು ಸಂಗ್ರಹವಾಗಿದ್ದು, 27 ಅಡಿ ನೀರು ಸಂಗ್ರಹವಾಗಿದೆ. ಜಲಾಶಯವು 2145 ಹೆಕ್ಟೇರ್ ಪ್ರದೇಶ ನೀರಾವರಿ ವ್ಯಾಪ್ತಿ ಹೊಂದಿದೆ.

  • Share this:

ಯಾದಗಿರಿ: ಮಹಾರಾಷ್ಟ್ರದ ಮಹಾಮಳೆಗೆ ಜಿಲ್ಲೆಯ ಜೀವನಾಡಿ ಬಸವಸಾಗರ ಜಲಾಶಯ ಭರ್ತಿಯಾಗಿದೆ. ಅದೇ ರೀತಿ  ‌ಜಿಲ್ಲೆಯಲ್ಲಿ ಕೂಡ ವರುಣನ ಅರ್ಭಟ ಜೋರಾದ ಹಿನ್ನೆಲೆ ಜಿಲ್ಲೆಯ ಅಣೆಕಟ್ಟುಗಳು, ಕೆರೆ ಹಾಗೂ ಹಳ್ಳ-ಕೊಳ್ಳಗಳು ಭರ್ತಿಯಾಗಿ  ಈಗ ಅಬ್ಬರಿಸುತ್ತಿವೆ. ಅದರಂತೆ ಯಾದಗಿರಿ ತಾಲೂಕಿನ ಹತ್ತಿಕುಣಿ ಆಣೆಕಟ್ಟು ಕೂಡ ಈಗ ಭರ್ತಿಯಾಗಿದೆ.


ಹತ್ತಿಕುಣಿ ಜಲಾನಯನ ಪ್ರದೇಶದ ವ್ಯಾಪ್ತಿಯಲ್ಲಿ ಕಳೆದ ಒಂದು ವಾರದಿಂದ ಮಳೆ ಸುರಿಯುತ್ತಿರುವ ಹಿನ್ನೆಲೆ ಜಲಾಶಯಕ್ಕೆ ನೀರು ಹರಿದು ಬರುತ್ತಿದೆ. ಕಳೆದ ವರ್ಷ ಆಗಸ್ಟ್ ತಿಂಗಳಲ್ಲಿ ಮಹಾರಾಷ್ಟ್ರದ ಮಹಾಮಳೆಗೆ ಕೃಷ್ಣಾ ಹಾಗೂ ‌ಭೀಮಾ ನದಿ ಪ್ರವಾಹ ಕಂಡರೂ‌ ಕೂಡ ಜಿಲ್ಲೆಯಲ್ಲಿ ಮಳೆ  ಕೊರತೆಯಿಂದಾಗಿ ಹತ್ತಿಕುಣಿ ಆಣೆಕಟ್ಟು ಭರ್ತಿಯಾಗಿರಲಿಲ್ಲ. ಕಳೆದ ವರ್ಷ ಆಗಸ್ಟ್ 18 ರಂದು ಹತ್ತಿಕುಣಿ ಆಣೆಕಟ್ಟಿನಲ್ಲಿ ಕೇವಲ 3 ಅಡಿ ಮಾತ್ರ ನೀರು ಸಂಗ್ರಹವಾಗಿತ್ತು. ಆದರೆ, ಈಗ ಜಿಲ್ಲೆಯಲ್ಲಿ ಭಾರೀ ಮಳೆ ಬರುತ್ತಿರುವ  ಹಿನ್ನೆಲೆ ಭತ್ತಿ ಹೋಗಿದ್ದ ಜಲಾಶಯಕ್ಕೆ ಜೀವಕಳೆ ಬಂದಿದೆ.


ಹತ್ತಿಕುಣಿ ಅಣೆಕಟ್ಟು ಪ್ರದೇಶವು 0.352 ಟಿಎಂಸಿ ನೀರು ಸಂಗ್ರಹದ ಗರಿಷ್ಠ ಸಾಮರ್ಥ್ಯ ಹೊಂದಿದೆ. 30 ಅಡಿ ಆಳದ ಜಲಾಶಯದಲ್ಲಿ 0.306 ಟಿಎಂಸಿ ನೀರು ಸಂಗ್ರಹವಾಗಿದ್ದು, 27 ಅಡಿ ನೀರು ಸಂಗ್ರಹವಾಗಿದೆ. ಜಲಾಶಯವು 2145 ಹೆಕ್ಟೇರ್ ಪ್ರದೇಶ ನೀರಾವರಿ ವ್ಯಾಪ್ತಿ ಹೊಂದಿದೆ. ಹತ್ತಿಕುಣಿ, ಬಂದಳ್ಳಿ, ಹೊನಗೇರಾ, ಯಡ್ಡಹಳ್ಳಿ, ಕಟಗಿ ಶಹಾಪುರ ಗ್ರಾಮಗಳ ನೀರಾವರಿ ಅಚ್ಚುಕಟ್ಟು ಪ್ರದೇಶ ಹೊಂದಿದೆ. ಕರ್ನಾಟಕ ನೀರಾವರಿ ನಿಗಮ ನಿಯಮಿತ ವ್ಯಾಪ್ತಿಗೆ ಅಣೆಕಟ್ಟು ಬರುತ್ತದೆ.


ಇದನ್ನು ಓದಿ: ಕಾಫಿ, ಅಡಿಕೆ, ಮೆಣಸು, ಏಲಕ್ಕಿ ಬೆಳೆಗಾರರಿಗೆ ವಿಶೇಷ ಪ್ಯಾಕೇಜ್ ಘೋಷಿಸುವಂತೆ ಸಚಿವ ಸಿ.ಟಿ. ರವಿ ಒತ್ತಾಯ


ಈ ಬಗ್ಗೆ ಕರ್ನಾಟಕ ನೀರಾವರಿ ನಿಗಮ ನಿಯಮಿತ ಹತ್ತಿಕುಣಿ ಆಣೆಕಟ್ಟು ಪ್ರದೇಶದ ಪ್ರಭಾರಿ ಸಹಾಯಕ ಕಾರ್ಯಪಾಲ ಅಭಿಯಂತರ ಕೈಲಾಸ ಮಾತನಾಡಿ, ಹತ್ತಿಕುಣಿ ಅಣೆಕಟ್ಟಿನಲ್ಲಿ 27 ಅಡಿ ನೀರು ಸಂಗ್ರಹವಾಗಿದ್ದು, ಜಲಾಶಯದಲ್ಲಿ ನೀರು ಹರಿವು ಹೆಚ್ಚಳವಾಗಿದೆ. ಯಾವುದೇ  ಕ್ಷಣದಲ್ಲಿ ಅಣೆಕಟ್ಟು ಗೇಟ್ ಓಪನ್ ಮಾಡಿ ಭೀಮಾ ನದಿಗೆ ನೀರು ಬಿಡಲಾಗುತ್ತದೆ. ಜನರು ಯಾವುದೇ ಕಾರಣಕ್ಕೂ ನದಿ ಹಾಗೂ ಹಳ್ಳದ ತೀರಕ್ಕೆ ತೆರಳಬಾರದೆಂದು ಸೂಚಿಸಿದ್ದಾರೆ. ಹತ್ತಿಕುಣಿ ಜಲಾಶಯದಿಂದ ಭೀಮಾ ನದಿಗೆ ನೀರು ಹರಿಸುವುದರಿಂದ ಜನರು ನದಿ ತೀರಕ್ಕೆ ಹೋಗದಂತೆ ಎಚ್ಚರ ವಹಿಸಬೇಕಾಗಿದೆ.

Published by:HR Ramesh
First published: