‘ಹಾಸನದಲ್ಲಿ ಭಾರೀ ಮಳೆಗೆ ಬೆಳೆ ಹಾನಿ; ಹೆಚ್ಚುವರಿ ಪರಿಹಾರಕ್ಕಾಗಿ ಸರ್ಕಾರಕ್ಕೆ ವಿಶೇಷ ಪ್ರಸ್ತಾಪ‘ - ಜಿಲ್ಲಾಧಿಕಾರಿ

ಹಾಸನ(ಆ.14): ಜಿಲ್ಲೆಯಲ್ಲಿ ಆಗಸ್ಟ್ 2ನೇ ತಾರೀಕಿನಿಂದ 8ರವರೆಗೂ ಹೆಚ್ಚಿನ ಮಳೆಯಾಗಿದೆ. ಹೀಗಾಗಿ ಹೆಚ್ಚಿನ ಪರಿಹಾರ ನೀಡಲು ಹಣ ಬೇಕಾದಲ್ಲಿ ವಿಶೇಷ ಪ್ರಸ್ತಾವನೆ ಸಲ್ಲಿಸುವುದಾಗಿ ಜಿಲ್ಲಾಧಿಕಾರಿ ಆರ್. ಗಿರೀಶ್ ತಿಳಿಸಿದ್ದಾರೆ. ಈ ಸಂಬಂಧ ಮಾಧ್ಯಮದವರೊಂದಿಗೆ ಮಾತಾಡಿದ ಅವರು, ಈ ಬಾರಿ ವಾಡಿಕೆ ಮಳೆ 54 ಮಿಲಿ ಮೀಟರ್​ ಆಗಬೇಕಿತ್ತು. ಆದರೆ, 187 ಮಿಲಿ ಮೀಟರ್ ಆಗಿದೆ ಎಂದರು.

ಸಕಲೇಶ್ವರದಲ್ಲಿ ತಾಲೂಕಿನಲ್ಲಿ ಸಾಧಾರಣ ಮಳೆ ಆಗಬೇಕಿತ್ತು. ಈ ಬಾರಿ 185 ಮಿಲಿ ಮೀಟರ್​​ ಎಂದರೇ ಯಥೇಚ್ಚ ಮಳೆಯಾಗಿದೆ. ಕಳೆದ ಬಾರಿಗಿಂತ ಈ ಸಲ ಸುರಿದ ಮಳೆಗೆ ಸಕಲೇಶಪುರ, ಆಲೂರು, ಬೇಲೂರು ತತ್ತರಿಸಿದೆ. ಬೆಳೆ ಹಾನಿಯಾಗಿ ಸಮಸ್ಯೆಯಾಗಿದೆ ಎಂದರು ಡಿಸಿ ಗಿರೀಶ್​​.

ಕಳೆದ ವರ್ಷದ ಮಳೆಗೂ ಮತ್ತು ಈ ವರ್ಷದ ಮಳೆಗೂ ವ್ಯತ್ಯಾಸ ಎಂದರೆ ಗಾಳಿ ಹೆಚ್ಚಾಗಿ ಬಹಳಷ್ಟು ನಷ್ಟ ಉಂಟಾಗಿದೆ. 332 ಗ್ರಾಮಗಳಲ್ಲಿ ವಿದ್ಯುತ್ ಸಂಪರ್ಕ ಕಡಿತವಾಗಿದೆ. 700-800 ಎಲೆಕ್ಟ್ರಿಕಲ್ ಪೋಲ್ಸ್ ನಷ್ಟವಾಗಿದೆ. ಇವೆಲ್ಲವನ್ನೂ ರೀಪ್ಲೇಸ್​ ಮಾಡಲು ಕ್ರಮಕೈಗೊಳ್ಳಲಾಗಿದೆ. ಈಗಾಗಲೇ 330 ಗ್ರಾಮಗಳ ವಿದ್ಯುತ್ ರೀಸ್ಟೋರ್ ಮಾಡಲಾಗಿದೆ. ಇನ್ನು 30 ಗ್ರಾಮಗಳ ವಿದ್ಯುತ್ ಕೆಲಸ ಬಾಕಿ ಇದೆ. ಇಂದು ಪೂರ್ಣಗೊಳಿಸುವುದಾಗಿ ಭರವಸೆ ನೀಡಿದರು.

ಈ ಸಲ ಜೋರು ಸುರಿದ ಮಳೆಗೆ ಓರ್ವ ವ್ಯಕ್ತಿ ಸಾವನ್ನಪ್ಪಿದ್ದಾರೆ. ಮೃತ ಕುಟುಂಬಕ್ಕೆ 4 ಲಕ್ಷ ಪರಿಹಾರ ನೀಡಲಾಗಿದೆ. ಜತೆಗೆ ಎರಡು ಜಾನುವಾರುಗಳು ಬಕಿಯಾಗಿವೆ. ಎಷ್ಟು ಬೆಳೆ ನಷ್ಟವಾಗಿದ ಎಂದು ಮೊದಲನೇ ಸುತ್ತಿನ ಮಾಹಿತಿ ಸಂಗ್ರಹ ಮಾಡಲಾಗಿದೆ. ಅಗ್ರಿಕಲ್ಚರ್​​ ಭೂಮಿಯಲ್ಲಿ ಸುಮಾರು 4460 ಹೆಕ್ಟೇರ್​ ಬೆಳೆ, ಆರ್ಟಿಕಲ್ಚರ್​​​ ವಿಭಾಗದಲ್ಲಿ 940 ಹೆಕ್ಟೇರ್​​​​​ ಬೆಳೆ ಹಾನಿಯಾಗಿದೆ ಎಂದರು.

ಇನ್ನು, ಮಳೆಯಿಂದ ಕಾಫಿ ಮರಗಳು ನೆಲಕ್ಕುರುಳಿವೆ. ಕಾಫಿ ಬೋರ್ಡ್​ನವರ ಪ್ರಕಾರ ಇನ್ನು 6-8 ದಿನಗಳ ಕಳೆದ ಮೇಲೆ ಎಷ್ಟು ಕಾಫಿ ಕಾಯಿಗಳು ಉದುರುತ್ತವೋ ಗೊತ್ತಿಲ್ಲ. ಇದಕ್ಕೆಲ್ಲ ಪರಿಹಾರ ನೀಡಲು ನಿರ್ಧಾರ ಮಾಡಿದ್ದೇವೆ ಎಂದರು.

ಇದನ್ನೂ ಓದಿ: ನ್ಯಾಯಾಂಗ ನಿಂದನೆ ಪ್ರಕರಣದಲ್ಲಿ ವಕೀಲ ಪ್ರಶಾಂತ್ ಭೂಷಣ್ ತಪ್ಪಿತಸ್ಥ ಎಂದು ತೀರ್ಪು ನೀಡಿದ ಸುಪ್ರೀಂಕೋರ್ಟ್

ಶಾಲೆಗಳು, ರಸ್ತೆಗಳು, ಸರ್ಕಾರಿ ಕಟ್ಟಡಗಳು, ಸಾರ್ವಜನಿಕರ ಆಸ್ತಿ ಎಲ್ಲ ನಾಶವಾಗಿದೆ. ನಾವು ಸರ್ಕಾರ ಮುಂದೆ ಈ ಬಗ್ಗೆ ಪ್ರಸ್ತಾಪ ಇಟ್ಟು, ಎಲ್ಲರಿಗೂ ಪರಿಹಾರ ನೀಡುವ ವ್ಯವಸ್ಥೆ ಮಾಡುತ್ತೇವೆ ಎಂದು ಹೇಳಿದರು ಜಿಲ್ಲಾಧಿಕಾರಿ ಗಿರೀಶ್​​.