Mobile Network ಹುಡುಕಿಕೊಂಡು ಹೋಗಿ ಕ್ಲಾಸ್ ಕೇಳಿದ್ದ ಯುವತಿಗೆ ಕಿರುಕುಳ, ನೆಟ್​ವರ್ಕ್​ಗಾಗಿ ಪ್ರೊಟೆಸ್ಟ್​

ಶಿವಮೊಗ್ಗ (ಫೆ.4): ಮಲೆನಾಡಿನಲ್ಲಿ ದಿನೇ ದಿನೇ ನೆಟ್​ವರ್ಕ್ (Network)​ ಸಮಸ್ಯೆ ಉಲ್ಬಣವಾಗುತ್ತಲೇ ಇದೆ. ಡಿಜಿಟಲ್ ಇಂಡಿಯಾ (Digital India) ದಲ್ಲಿ  ಎಲ್ಲವನ್ನೂ ಡಿಜಿಟಲೈಸೇಷನ್ ಮಾಡಲಾಗುತ್ತಿದೆ. ಆದರೆ ಮಲೆನಾಡಿನಲ್ಲಿ 2ಜಿ ನೆಟ್​ವರ್ಕ್​ ಸಹ ಸರಿಯಾಗಿ ಸಿಗುತ್ತಿಲ್ಲ. ದೂರದ ಊರುಗಳಲ್ಲಿ ನೆಟ್​ವರ್ಕ್​ ಸಮಸ್ಯೆ ಸಾಮಾನ್ಯವಾಗಿದೆ. ಹಳ್ಳಿಗಳಲ್ಲಿ ಮಾತಾಡೋಕು ಸರಿಯಾಗಿ ನೆಟ್​ವರ್ಕ್​ ಸಿಗಲ್ಲ. ಇನ್ನು ಆನ್​ಲೈನ್​ ಕ್ಲಾಸ್ (Online class)​, ವರ್ಕ್​ ಫ್ರಮ್​ ಹೋಮ್​ (Work from home) ಕಥೆ ಏನ್​ ಕೇಳ್ತೀರಾ. ನೆಟ್​ವರ್ಕ್​ಗಾಗಿ ದೂರದ ಬೆಟ್ಟ ಹುಡುಕಿ ಹೋಗ್ಬೇಕು ಅಷ್ಟೆ. ಹೀಗಾಗಿ ಹಲವರು ದೂರದ ಬೆಟ್ಟ-ಗುಡ್ಡದ ಮೇಲೆ ಕುಳಿತು ಆನ್​ಲೈನ್​ ಕ್ಲಾಸ್​ ಕೇಳ್ತಾರೆ. ನಿರ್ಜನ ಪ್ರದೇಶದಲ್ಲಿ ಹೆಣ್ಣು ಮಕ್ಕಳಿಗೆ ಏನ್​ ರಕ್ಷಣೆ ಇದೆ. ಅಪಾಯ ಕಟ್ಟಿಟ್ಟಬುತ್ತಿ. ಹೀಗೆ ಆನ್​ ಲೈನ್​ ಕ್ಲಾಸ್ ಕೇಳಿದ್ದ ಹುಡುಗಿಗೆ ಕಿಡಿಗೇಡಿ ಯುವಕ ಕಿರುಕುಳ ನೀಡಿರೋ ಪ್ರಕರಣ ಬೆಳಕಿಗೆ ಬಂದಿದೆ.

ವಿದ್ಯಾರ್ಥಿನಿಗೆ ಕಿಡಿಗೇಡಿ ಕಿರುಕುಳ

ಶಿವಮೊಗ್ಗ ಜಿಲ್ಲೆ ಸಾಗರ ತಾಲೂಕಿನ ಮಾರಲಗೋಡು ಸಮೀಪ ಆನ್​ಲೈನ್​ ಕ್ಲಾಸ್​ ಕೇಳಲು ಹೋಗಿದ್ದ ಹುಡುಗಿಗೆ ಕಿಡಿಗೇಡಿ ಯುವಕ ಕಿರುಕುಳ ನೀಡಿದ್ದಾನೆ. ಯುವತಿ ನೆಟ್​ವರ್ಕ್​ ಹುಡುಕಿಕೊಂಡು ದೂರದ ಪ್ರದೇಶಕ್ಕೆ ತೆರಳಿದ್ರು. ಆ ಸ್ಥಳಕ್ಕೆ ಬಂದ ಹುಡುಗ ಆಕೆಯನ್ನು ಅಡ್ಡಗಟ್ಟಿದ್ದಾನೆ. ಆಕೆಯ ಜೊತೆ ಅಸಭ್ಯವಾಗಿ ವರ್ತಿಸಿದ್ದಾನೆ. ಬಳಿಕ ಯುವತಿ ಕೂಗಾಡ್ತಿದ್ದಂತೆ ಪರಾರಿಯಾಗಿದ್ದಾರೆ.

ಕಿಡಿಗೇಡಿಗಾಗಿ ಹುಡುಕಾಟ

ಘಟನೆ ಬಳಿಕ ವಿದ್ಯಾರ್ಥಿನಿ ಮನೆಯವರಿಗೆ ವಿಷಯ ಮುಟ್ಟಿಸಿದ್ದಾಳೆ. ಯುವತಿಯನ್ನು ದಾರಿಯಲ್ಲಿ ಅಡ್ಡ ಹಾಕಿ ಕಿರುಕುಳ ನೀಡಿರುವ ಕಿಡಿಗೇಡಿ ಯುವಕ ಮೊಬೈಲ್​ ಹಾಗೂ ಬೈಕ್​ನನ್ನು ಅಲ್ಲೆ ಬಿಟ್ಟು ಪರಾರಿಯಾಗಿದ್ದಾನೆ. ಸ್ಥಳೀಯರು ಆತನಿಗಾಗಿ ಹುಡುಕಾಡಿದ್ದಾರೆ. ಅಕ್ಕ-ಪಕ್ಕದ ಗ್ರಾಮದಲ್ಲೂ ಹುಡುಕಿದ್ದಾರೆ. ಆತ ಸಾಗರ ತಾಲೂಕಿನ ಅರಳಗೋಡು ಗ್ರಾಮದ ಯುವಕ ಎನ್ನಲಾಗಿದೆ. ಕಾರ್ಗಲ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.

ಇದನ್ನೂ ಓದಿ: Family Fight: ಅನ್ನ ಮಾಡಿದ್ದಕ್ಕೆ ಅತ್ತೆ-ಸೊಸೆ ಜಗಳ, ಅತ್ತೆ ಮೇಲೆ ಬಿಸಿ ಅನ್ನದ ತಿಳಿ ಎರಚಿದ ಸೊಸೆ

ನೆಟ್​ವರ್ಕ್ ಸಮಸ್ಯೆ ಇದಕ್ಕೆಲ್ಲಾ ಕಾರಣ!

ಕೊರೊನಅ​ ಕಾರಣದಿಂದ ಸಾವಿರಾರು ಉದ್ಯೋಗಿಗಳು ಮಲೆನಾಡಿನ ತಮ್ಮ ಕುಗ್ರಾಮಗಳಿಗೆ ಆಗಮಿಸಿದ್ದರು. ಆದರೆ ನೆಟ್​ವರ್ಕ್​ ಸಮಸ್ಯೆಯಿಂದಾಗಿ ಮನೆಯ ಸಮೀಪದಲ್ಲಿ ಎಲ್ಲಿ ನೆಟ್​ವರ್ಕ್​ ಸಿಗುತ್ತದೆಯೋ ಅಲ್ಲಿ ಟೆಂಟ್ ನಿರ್ಮಿಸಿಕೊಂಡು ಕೆಲಸ ಮಾಡುತ್ತಿದ್ದರು. ಹೀಗೆ ನಿರ್ಮಿಸಿಕೊಂಡಿರುವ ಟೆಂಟ್​​ಗಳಲ್ಲಿ ವಿದ್ಯಾರ್ಥಿಗಳೂ ಆನ್​ಲೈನ್​ ಶಿಕ್ಷಣ ಪಡೆಯುತ್ತಿದ್ದರು.

ಮಳೆಗಾಲದಲ್ಲಿ ಬೆಟ್ಟ-ಗುಡ್ಡ ಹತ್ತಿದ್ರು ಕೂಡ ನೆಟ್​ವರ್ಕ್​ ಇಲ್ಲದ ಸ್ಥಿತಿ ನಿರ್ಮಾಣವಾಗಿದೆ. ಐಟಿ ಉದ್ಯೋಗಿಗಳು ಹಾಗೂ ವಿದ್ಯಾರ್ಥಿಗಳು ನೆಟ್​ವರ್ಕ್​ ಸಮಸ್ಯೆಗೆ ಬೇಸತ್ತು ಹೋಗಿದ್ದಾರೆ. ಸಾಗರ ಹಾಗೂ ಹೊಸನಗರ ತಾಲೂಕಿನ ಕುಗ್ರಾಮಗಳಲ್ಲಿ ನೆಟ್​ವರ್ಕ್​ ಸಮಸ್ಯೆ ಹೇಳತೀರದಾಗಿದೆ. ನೆಟ್​ವರ್ಕ್​ ಸಿಗಲಿ ಎಂಬ ಕಾರಣಕ್ಕೆ ಸಾವಿರಾರು ರೂಪಾಯಿ ಖರ್ಚು ಮಾಡಿ ಬೂಸ್ಟರ್​ಗಳನ್ನು ಅಳವಡಿಸಿಕೊಂಡರೂ ನೆಟ್​ವರ್ಕ್​​ ಮಾತ್ರ ಸಿಗುತ್ತಿಲ್ಲ. ಹೀಗಾಗಿ ಬೆಟ್ಟದ ಮೇಲೆ ಕೂತು ಲ್ಯಾಪ್​ಟ್ಯಾಪ್ ಹಿಡಿದು ಕೆಲಸ ಮಾಡುವ ಸ್ಥಿತಿ ನಿರ್ಮಾಣವಾಗಿದೆ.

ಮಲೆನಾಡಲ್ಲಿ ನೆಟ್​ವರ್ಕ್​ಗಾಗಿ ಪ್ರತಿಭಟನೆ

ಮಲೆನಾಡು ಭಾಗದಲ್ಲಿ ನೆಟ್​ವರ್ಕ್​ ಸಮಸ್ಯೆ ಬಗೆಹರಿಯುತ್ತಿಲ್ಲ, ಶಿವಮೊಗ್ಗ ಜಿಲ್ಲೆ ತೀರ್ಥಹಳ್ಳಿ ತಾಲೂಕಿನ ಹೊದಲ ಅರಳಾಪುರ ಗ್ರಾಮ ಪಂಚಾಯತಿ ಎದುರು ಗ್ರಾ.ಪಂ ಸದಸ್ಯರು ಹಾಗೂ ಗ್ರಾಮಸ್ಥರು ಪ್ರತಿಭಟನೆ ನಡೆಸಿದ್ದಾರೆ. ಗೃಹ ಸಚಿವರ ತವರಲ್ಲೇ ಸಮಸ್ಯೆಯಿದ್ರು ಯಾರು ಗಮನಹರಿಸಿಲ್ಲ, ದೂರುಕೊಟ್ರು ಪ್ರಯೋಜನವಾಗಿಲ್ಲ ಅಂತ ಗ್ರಾಮಸ್ಥರು ಆರೋಪಿಸಿದ್ದಾರೆ.

ಇದನ್ನೂ ಓದಿ: Talguppa Express: ತಾಳಗುಪ್ಪ ರೈಲ್ವೆ ನಿಲ್ದಾಣದಲ್ಲಿ ಚಲಿಸುತ್ತಿದ್ದ ರೈಲಿಗೆ ಸಿಲುಕಿ ಯುವಕನ ಕಾಲೇ ತುಂಡಾಯ್ತು!

ನೆಲಕ್ಕುರುಳಿದ ಟವರ್​

ಶಿವಮೊಗ್ಗದ ತೀರ್ಥಹಳ್ಳಿ ಬಳಿ ಮೊಬೈಲ್ ಟವರ್ ನೆಲಕ್ಕುರಳಿ 6 ತಿಂಗಳಾಗಿದೆ ಆದ್ರೆ ಯಾವ ಅಧಿಕಾರಿ ಗಮನಹರಿಸಿಲ್ಲ. ಸ್ಥಳಕ್ಕೆ ಯಾರು ಭೇಟಿಯೂ ನೀಡಿಲ್ಲ.ಕಳೆದ ಮಳೆಗಾಲದ ಸಂದರ್ಭದಲ್ಲಿ ಗಾಳಿ-ಮಳೆಗೆ ಉರುಳಿ ಬಿದ್ದಿದ್ದ ಬಿದ್ದಿದ್ದ ಬಿಎಸ್ಎನ್ಎಲ್ ಟವರ್​ನನ್ನು 6 ತಿಂಗಳಾದರೂ ಸರಿಪಡಿಸಿಲ್ಲ. ನೆಟ್​ವರ್ಕ್​ ನೀಡದ ಬಿಎಸ್ಎನ್ ಎಲ್ ಅಧಿಕಾರಿ ಮತ್ತು ಸಿಬ್ಬಂದಿ ಕೇಳಿದ್ರೆ ಅವ್ರು ಸರಿಯಾಗಿ ಉತ್ತರಿಸ್ತಿಲ್ಲ ಅಂತ ಗ್ರಾಮಸ್ಥರು ಹೇಳ್ತಿದ್ದಾರೆ.